Erlent

Sýndu myndband af aftökum

Yfirvöld í Serbíu og Svartfjallalandi greindu frá því að þau hefðu handtekið nokkra hermenn sem grunaðir eru um að hafa tekið þátt í þjóðarmorðunum í Srebrenica árið 1995. Sjónvarpsstöðvar í landinu birtu nýlega myndir af því þegar hermennnir tóku sex bosníska múslíma af lífi með því að skjóta þá í bakið.

Erlent

Evrópulestin farin út af sporinu

Úrslit þjóðaratkvæðagreiðslnanna í Frakklandi og Hollandi boða verulegt bakslag í samrunaferlið í Evrópu. Framundan er nákvæm naflaskoðun og á meðan verður sambandið sett í hlutlausan gír.

Erlent

Skriður valda tjóni í Kaliforníu

Skriða féll á nokkur glæsilegustu húsin á Laguna-strönd í Kaliforníu í gærdag. Enginn lést en fimm menn meiddust lítillega. Hátt í tuttugu hús eru talin algerlega ónýt og nokkur hús til viðbótar skemmdust mikið. Um eitt þúsund manns í um 500 öðrum húsum búa á svæðinu og var fólk látið yfirgefa svæðið í varúðarskyni. Gera má ráð fyrir að um hundruð milljóna króna tjón sé að ræða.

Erlent

Jörð skelfur á Taívan

Öflugur jarðskjálfti reið yfir Taívan á fimmta tímanum í morgun að íslenskum tíma. Skjálftinn mældist sex á Richter. Ekki hafa borist fregnir af slysum á fólki eða skemmdum. Jarðskjálfti sem mældist 7,6 á Richter reið yfir Taívan í september árið 1999 með þeim afleiðingum að 2.400 manns létust.

Erlent

Velta fyrir sér framtíð ESB

Leiðtogar Evrópusambandsríkja eru væntanlega þungt hugsi yfir framtíð bandalagsins eftir að hollenska þjóðin kolfelldi stjórnarská þess í þjóðaratkvæðagreiðslu í gær.

Erlent

Spyrja sig um framtíðarstefnu ESB

Jack Straw, utanríkisráðherra Bretlands, sagði í gærkvöld að niðurstaðan í þjóðaratkvæðagreiðslunni um stjórnarskrá ESB í Hollandi vekti upp spurningar um framtíðarstefnu ESB. Þá tók Jacques Chirac Frakklandsforseti í sama streng. Gerhard Schröder, kanslari Þýskalands, sagði eftir atkvæðagreiðsluna í Hollandi að staðfestingarferli stjórnarskrárinnar yrði að halda áfram þrátt fyrir að Frakkar og Hollendingar, sem eru meðal stofnþjóða Evrópusambandsins, hefðu hafnað henni.

Erlent

Smáhveli synda á land í Ástralíu

Um 160 smáhveli syntu á land á suðvesturströnd Ástralíu í morgun. Hundruð manna reyna að ýta þeim aftur á haf út, hvort tveggja með handafli og vinnuvélum. ´Tekist hefur að halda þeim öllum á lífi hingað til en mörg berjast mjög fyrir lífi sínu. Ástæða þess að hvalir synda í land er ekki þekkt. Því hefur meðal annars verið haldið fram að ef eitt dýr syndi fyrir slysni í land fylgi hin á eftir í nokkurs konar björgunarleiðangri.

Erlent

Stækkun ESB haldi áfram

Stækkun Evrópusambandsins heldur áfram þrátt fyrir að bæði Hollendingar og Frakkar hafi hafnað stjórnarskrá sambandsins. Þetta segir Olli Rehn sem fer fyrir stækkun Evrópusambandsins. Efasemdir hafa vaknað um hvort að aðildarviðræður við ný ríki muni halda áfram eftir að stjórnarskránni var hafnað í tveimur stórum ríkjum en nú er ljóst að svo verður og eru viðræður við Tyrki og Króata í gangi.

Erlent

3,5 milljónir þurfa mataraðstoð

Rúmlega helmingur íbúar Darfur-héraðs, eða 3,5 milljónir manna, þarf nú á mataraðstoð að halda vegna ástandsins í héraðinu. Frá þessu greinir Matvælahjálp Sameinuðu þjóðanna sem hyggst leita eftir 96 milljónum dollara, um 6,1 milljarði króna, í viðbótarframlög til þess að að aðstoða bágstadda.

Erlent

Hollendingar segja nei

Hollendingar kolfelldu stjórnarskrársáttmála Evrópusambandsins í þjóðaratkvæðagreiðslu í gær og virðast dagar þessa umdeilda plaggs þar með taldir.

Erlent

Sharon og Abbas hittast 21. júní

Ariel Sharon, forsætisráðherra Ísraels, greindi frá því í dag að hann myndi funda með Mahmoud Abbas, leiðtoga Palestínu, 21. júní næstkomandi. Í tilkynningu frá forsetanum segir að ísraelskir og palestínskir embættismenn myndu hittast áður og ræða vopnhléið sem leiðtogarnir sömdu um á fyrsta fundi sínum í febrúar í Egyptalandi.

Erlent

Hollendingar kjósa um stjórnarskrá

Hollendingar kjósa í dag um stjórnarskrá Evrópusambandsins. Kjörstaðir voru opnaðir fyrir hálfri annarri klukkustund og verður lokað klukkan sjö að íslenskum tíma og hálftíma síðar er búist við fyrstu tölum. Jan Peter Balkenende, forsætisráðherra Hollands, hvetur landa sína til að sýna stuðning sinn við stjórnarskrána sem hann segir skipta miklu máli við eflingu efnahagslífsins, baráttuna gegn hryðjuverkum sem og fyrir lýðræðið í álfunni.

Erlent

Sendiráði lokað vegna pakka

Sendiráði Indónesíu í Canberra, höfuðborg Ástralíu, var lokað í morgun eftir að því hafði borist grunsamlegur pakki. Grunur leikur á að pakkinn tengist máli ástralskrar konu sem send var í tuttugu ára fangelsi í Indónesíu í vikunni fyrir að flytja inn fjögur kíló af marijúana til Balí en málið vakti reiði meðal Ástrala sem vildu konuna framselda til heimalands síns.

Erlent

Heilsa rússneskra barna versnar

Framtíð Rússlands virðist ekki björt ef marka má orð innanríkisráðherra landsins í dag. Þá greindi hann frá því að heilsa rússneskra barna og unglinga hefði ekki verið verri síðan í síðari heimsstyrjöldinni og að ólæsi ykist hröðum skrefum.

Erlent

Börn misþyrmdu barni

Fimm börn á aldrinum 11-12 ára eru í haldi lögreglunnar í Vestur-Jórvíkurskíri á Englandi, grunuð um að hafa misþyrmt fimm ára dreng hrottalega. Lögregla rannsakar málið sem morðtilraun.

Erlent

Síðasti naglinn í kistuna

Að líkindum ráku Hollendingar stjórnarskrársáttmála Evrópusambandsins náðarhöggið í þjóðaratkvæðagreiðslu sinni í gær. 62 prósent þjóðarinnar höfnuðu sáttmálanum.

Erlent

Stefnir í að Hollendingar hafni

Skoðanakannanir benda til að hollenska þjóðin feti í fótspor þeirrar frönsku og hafni stjórnarskrá Evrópusambandsins í þjóðaratkvæðagreiðslu í dag.

Erlent

Var óánægður með afskipti Nixons

Hulunni hefur verið svipt af þriggja áratuga leyndardómi um hver hinn svonefndi Deep Throat var eða heimildarmaður í Watergate-hneykslinu. Mark Felt, sem var annar í röð æðstu yfirmanna hjá bandarísku alríkislögreglunni, hefur gengist við hlutverkinu.

Erlent

Réttarhöld yfir Hussein í sumar?

Réttarhöld yfir Saddam Hussein, fyrrverandi forseta Íraks, gætu hafist innan tveggja mánaða að sögn Jalals Talabanis, núverandi Íraksforseta. Undirbúningur þeirra er í fullum gangi sem felst í að færa sönnur á stríðsglæpi Husseins. Á blaðamannafundi sagðist Talabani þess fullviss að í stjórnartíð sinni hafi Saddam Hussein ráðið yfir gereyðingarvopnum og þau muni koma í leitirnar. Síðustu tvö ár hefur ítarleg leit að þessum vopnum farið fram í Írak án nokkurs árangurs.

Erlent

Sænsk þota ferst yfir Eystrasalti

Sænsk orrustuþota fórst yfir Eystrasalti í morgun. Flugmanninum tókst að skjóta sér út og er hann nú á sjúkrahúsi. Ekki er ljóst hvers vegna þotan fórst.

Erlent

Aðgerð á hafmeyjubarni vel heppnuð

Læknar skildu að fullu fótleggi stúlkubarns sem þjáðist af hafmeyjuheilkenninu svokallaða í aðgerð í Perú í fyrradag. Þeir sögðu að henni lokinni að hún hefði heppnast framar vonum. Lýtalæknar, barnalæknar og hjartalæknar tóku þátt í þessari flóknu aðgerð.

Erlent

Mikið mannfall í ættbálkadeilum

Að minnsta kosti 41 lést og 64 særðust í árás vopnaðra manna á tvö þorp nærri bænum Duekoue á vesturhluta Fílabeinsstrandarinnar í dag. Árásarmennirnir skutu, stungu og kveiktu í fólki, en talið er að um ættbálkadeilur hafi verið að ræða. Talsmaður hersins segir að viðbótarliðsafli á vegum lögreglunnar hafi verið sendur á vettvang, en deilur milli þjóðarbrota á svæðinu hafa staðið í áratugi.

Erlent

Mótmæltu menntastefnu með stripli

Hópur ungra námsmanna hljóp um nakinn nálægt forsetahöllinni í borginni Maníla á Filippseyjum til að mótmæla getuleysi stjórnvalda í menntamálum. Óreiðarlögreglan var þó ekki lengi að stoppa mennina sem voru einungis með sólgleraugu. Ekki er vitað hvaða áhrif þetta mun hafa á menntastefnu landsins en þetta hafði þó áhrif á umferðina sem stöðvaðist um stund.

Erlent

Flest bendir til höfnunar

Hollendingar kjósa í dag um stjórnarskrá Evrópusambandsins. Jan Peter Balkenende forsætisráðherra hvetur landa sína til að sýna stuðning sinn við stjórnarskrána sem hann segir skipta miklu máli við eflingu efnahagslífsins, baráttuna gegn hryðjuverkum sem og fyrir lýðræðið í álfunni. Þar virðist hann tala fyrir daufum eyrum því skoðanakannanir sýna að 60 prósent Hollendinga muni hafna stjórnarskránni.

Erlent

Dæmdir fyrir árásir á múslíma

Fimm hollenskir táningar hafa verið dæmdir í átta mánaða skilorðsbundið fangelsi og til þess að sinna samfélagsþjónustu og sækja sérstakt námskeið fyrir að hafa kveikt í skóla og mosku múslíma í bænum Uden í Suður-Hollandi. Íkveikjurnar vorum með alvarlegri árásum á múslíma í landinu í kjölfar morðsins á hollenska kvikmyndagerðarmanninum Theo van Gogh í nóvember í fyrra, en hann er talinn hafa verið myrtur af íslamistum vegna gagnrýni sinnar á íslam.

Erlent

Sýkti fólk óvart af HIV

Rauði krossinn í Kanada hefur játað að hafa sýkt yfir eitt þúsund manns af HIV-veirunni og yfir tuttugu þúsund manns af lifrarbólgu C í kringum 1980. Um mistök var að ræða og hefur stofnunin beðist afsökunar. Rauði krossinn verður ekki ákærður fyrir glæpsamlegt athæfi en hefur þó verið látinn borga yfir 55 milljónir dollara, eða sem nemur um 3,6 milljörðum íslenskra króna, fjölskyldum þeirra sem liðu fyrir þessi alvarlegu mistök.

Erlent

Handteknir vegna morðs á McCartney

Lögreglan á Norður-Írlandi hefur handtekið tvo menn sem grunaðir eru um aðild að morðinu á Robert McCartney, en talið er að Írski lýðveldisherinn hafi verið þar að verki. McCartney var stunginn til bana utan við krá í janúar og vakti morðið mikla athygli og reiði. Systur hans og unnusta hafa hvergi unnt sér hvíldar og hafa meðal annars aflað sér stuðnings Bush Bandaríkjaforseta, en þær heimsóttu hann í Hvíta húsið, og Evrópuþingsins.

Erlent

Sjálfsmorðsárás í Kandahar

Sjálfsmorðssprenging varð að minnsta kosti tuttugu manns að bana við mosku í borginni Kandahar í suðurhluta Afganistans í gær. Sprengingin varð þegar verið var að bera hófsaman múslimaklerk til grafar. Auk þeirra sem létust særðust rúmlega fjörutíu manns.

Erlent

Mest lesið