Erlent

Níutíu milljónir heita Wang

Algengasta ættarnafnið í Kína er Wang, en ekki Li eins og almennt var talið. Nærri 93 milljónir Kínverja bera nafnið Wang, en Li er næstalgengasta nafnið, borið af rúmlega 92 milljónum manna. Þriðja algengasta nafnið er svo Zhang, og síðan koma Liu, Chen, Yang, Huang, Zhao, Wu og Chou.

Kosið um fóstureyðingar í Mexíkó

Löggjafarþing Mexíkóborgar, höfuborgar Mexíkó, greiddi í gær atkvæði um hvort lögleiða beri fóstureyðingar á fyrstu tólf vikum meðgöngu. Skoðanakannanir sýna að meirihluti íbúa Mexíkóborgar styðja frumvarpið og fyrirfram var búist við því að frumvarpið yrði samþykkt. Kaþólska kirkjan hefur harðlega mótmælt frumvarpinu og forseti Mexíkó, Felipe Calderon, hefur lýst sig andvígan því.

Sjá enga lausn í náinni framtíð

Hvorki Kýpur-Tyrkir né Kýpur-Grikkir eiga von á því að af sameiningu hinna tveggja aðskildu hluta eyjunnar verði á næstunni. Samkvæmt skoðanakönnun, sem gerð var á vegum Sameinuðu þjóðanna, telja 57 prósent grískra eyjarskeggja og 70 prósent tyrkneskra eyjarskeggja litlar líkur á samkomulagi í náinni framtíð.

Slæmar fréttir fyrir Súperman

Vísindamenn klóra sér í kollinum yfir óþekktu steinefni sem fannst í námu í Serbíu og hefur sömu efnasamsetningu og efnið kryptonít sem er eina efnið sem bítur á teiknimyndahetjuna Súperman.

Segist virða veraldlega hefð

Abdullah Gul, utanríkisráðherra Tyrklands, verður að öllum líkindum næsti forseti landsins. Í gær skýrði Recep Tayyip Erdogan forsætisráðherra frá því að Gul yrði forsetaefni stjórnarflokksins, sem hefur lagt áherslu á að efla veg íslamstrúar í landinu.

Fóstureyðingar heimilaðar í Mexíkóborg

Löggjafaryfirvöld í Mexíkóborg samþykktu í dag að heimila fóstureyðingar í borginni og nær það til fyrstu tólf vikna meðgöngu hjá konum. 46 þingmenn studdu frumvarp þessa efnis en 19 voru andsnúnir því.

Kanadískt ungmenni ákært fyrir hryðjuverk

Bandaríkjaher hefur ákært tvítugan Kanadamann, Omar Khadr, fyrir meðal annars morð og hryðjuverkastarfsemi og verður hann dreginn fyrir sérstakan stríðsglæpadómstól sem Bandaríkjastjórn kom á í Guantánamo-búðunum við Kúbu í fyrra.

Cheney deilir hart á demókrata vegna Íraksfrumvarps

George Bush Bandaríkjaforseti og Dick Cheney varaforseti skiptust á hörðum skotum við demókrata í dag í tengslum við frumvarp um aukafjárveitingu fyrir Íraksstríðið.

Fimmtán látnir eftir sjálfsmorðsárás í Ramadi

Fimmtán hið minnsta eru sagðir látnir og 25 særðir eftir sjálfsmorðsárás manns í útjaðri Ramadi í Írak í dag. Maður á stórum flutningabíl sprengdi sig í loft upp þegar lögregla í eftirlitsferð átti leið hjá markaði í norðurhluta borgarinnar.

Rooney hetja Manchester United gegn Milan

Wayne Rooney var hetja Manchester United sem lagði AC Milan 3-2 í fyrri leik undanúrslita í Meistaradeild Evrópu á Old Trafford í kvöld. Rooney tryggði United sigur með marki þegar hálf mínúta var komin fram yfir venjlegan leiktíma.

Myrtu yfir 70 manns á olíuvinnslusvæði í Eþíópíu

Uppreisnarmenn í Eþíópíu myrtu í dag að minnsta kosti 74 menn í árás á olíuvinnslusvæði nærri landamærum Sómalíu. 65 þeirra voru Eþíópíumenn en níu kínverskir verkamenn. Þá voru sjö Kínverjar teknir í gíslingu í árásinni.

Hundruð manna votta Jeltsín virðingu sína

Hundruð manna hafa lagt leið sína Frelsarakirkjuna í Moskvu í dag þar sem lík Borisar Jeltsín, fyrrverandi Rússlandsforseta, hefur staðið uppi á viðhafnarbörum.

Fimm ára útlegð fyrir rangan klæðaburð

Yfirsaksóknarinn í Teheran sagði í dag að konur sem ekki klæddu sig siðsamlega verði gerðar útlægar frá höfuðborginni í fimm ár. Eftir múslimabyltinguna sem gerð var í Íran árið 1979 voru sett sharía lög sem kveða á um að konur skuli hylja hár sitt og klæðast síðum víðum flíkum til þess að hylja kvenleika sinn.

BBC maður við góða heilsu

Fréttamaður BBC sjónvarpsstöðvarinnar, sem rænt var á Gaza ströndinni í síðasta mánuði er við góða heilsu, að sögn aðstoðarforsætisráðherra Palestínumanna. Alan Johnston var rænt þar sem hann var á ferð í bíl sínum 12. mars síðastliðinn. Hann hafði flutt fréttir frá Miðausturlöndum í þrjú ár.

Slæmar fréttir fyrir Súpermann

Nýtt steinefni hefur fundist í námu í Serbíu sem hefur samskonar efnasamsetningu og grænu Kryptónít kristallarnir úr kvikmyndinni „Superman Returns“.

Hamas gerir árás -aflýsir vopnahléi

Hamas samtökin skutu í dag 30 eldflaugum og 60 vörpusprengjum á Ísrael, frá Gaza ströndinni. Jafnframt lýsti einn talsmanna þeirra því yfir að fimm mánaða vopnahléi væri lokið. Heimastjórn Palestínumanna hvatti hinsvegar til þess að staðið væri við vopnahléið.

Veðjað um nafn á nýfæddu prinsessunni

Talið er nær öruggt að nýfædd prinsessa Dana beri nafnið Margrét ef marka má veðbanka. Nöfnin Benedikta og Elísabet þykja einnig koma til greina.

Þjóðarsorg í Rússlandi

Pútín Rússlandsforseti hefur lýst yfir þjóðarsorg vegna fráfalls Borísar Jeltsíns, forvera hans í embætti. Jeltsín lést í gær.

Varnarasamkomulag við Dani og Norðmenn í höfn

Samningar um varnarsamstarf Íslendinga við Dani og Norðmenn verða undirritaðir á fimmtudaginn á NATO fundi í Ósló. Ekki fæst gefið upp hvað felst í þeim fyrr en eftir undirritun. Samkvæmt norska blaðinu Aftonposten felur samkomulagið við Norðmenn það í sér að norski flughersinn sjái um eftirlit í lofthelgi Íslands á friðartímum.

Leiðtogar minnast Jeltsíns

Í koju kerling -barnapían er komin

Í sveitarfélaginu Bamble í Telemark í Noregi, geta barnafjölskyldur nú fengið barnapössun yfir nóttina, til þess að foreldrarnir geti búið til fleiri börn. Bamble er lítið sveitarfélag og íbúum hefur farið fækkandi þar. Það var Öysten Polland, forstjóri barnaheimilis sveitarfélagsins sem fann þessa lausn á vandanum.

Bílasprengjur við sendiráð Írans í Bagdad

Fjórir særðust þegar tvær bílasprengjur sprungu á bílastæði við sendiráði Írans í Bagdad nú í morgun. Þetta er annað skiptið á einum sólarhring sem bílasprengja springur við sendiráð Írans í Bagdad.

Níu Bandaríkjamenn létu lífið í sjálfsmorðsárás í Írak

Níu bandarískir hermenn létu lífið og tuttugu særðust í sjálfsmorðsárás á bandaríska herstöð í Diyala héraði fyrir norðan Bagdad í nótt. Ekki hafa fleiri hermenn látið lífið í einni og sömu árásinni í Írak í meira en eitt og hálft ár.

Tígrar gerðu loftárás nyrst á Sri-Lanka

Uppreisnarsveitir Tamíl-tígra á Srí Lanka gerðu í morgun loftárásir á bækistöðvar stjórnarhersins nyrst í landinu og særðu minnst sex hermenn. Þetta er í annað sinn á stuttum tíma sem tígrarnir varpa sprengjum úr flugvélum á hernaðarskotmörk. Uppreisnarmennirnir hafa sjálfir sagst hafa notað tvær flugvélar í árásinni. Flugvélunum smygluðu þeir til landsins í hlutum, enda ríkir blátt bann við vopnasölu til Tamíl-tígra. Vopnahléið, sem komið var á árið 2002, gildir enn að nafninu til en er í algjöru uppnámi. Skærur milli uppreisnarmanna og stjórnarhers hafa farið stigvaxandi undanfarna mánuði.

Ólöglegur og ódýr Kóngulóarmaður í Kína

Nýjasta myndin um Kóngulóarmanninn gengur nú kaupum og sölum í Peking í Kína en myndin verður ekki frumsýnd í kvikmyndahúsum vestra fyrr en í næsta mánuði. Talið er að rétthafar verði af milljörðum króna á ári vegna ólöglegrar fjölföldunar á kvikmyndum og tónlist þar í landi. Bandarísk stjórnvöld hafa margítrekað reynt að þrýsta á stjórnvöld í Kína til að taka harðar á brotum gegn höfundarrétti.

Vilja afsögn Wolfowitz

Yfir 40 fyrrverandi háttsettir starfsmenn Alþjóðabankans hvöttu Paul Wolfowitz, forstjóra bankans, til að segja af sér í opnu bréfi í Financial Times í gær.

Talinn búa sig undir stórsókn

Stjórnvöld í Sri Lanka hafa beðið sendiherra Noregs í landinu, Hans Brattskar, um að hætta við að fara til svæða Tamiltígranna á norðurhluta eyjunnar. Þetta þykir benda til þess að stjórnarherinn ætli að efna til stórsóknar gegn hersveitum Tamíltígranna.

Segist tilbúinn að gefa eftir

Ehud Olmert, forsætisráðherra Ísraels, sagðist í gær reiðubúinn að gera „mjög sársaukafullar tilslakanir“ og semja um „víðtækar málamiðlanir“ við Palestínumenn til að ná friði.

Refsiverð samskipti við börn

Beatrice Ask, dómsmálaráðherra Svíþjóðar, ætlar að leggja fram frumvarp þar sem fullorðnum er bannað að leita eftir sambandi við barn á netinu þar sem markmiðið er greinilega að hitta barnið og misnota kynferðislega.

Lög um brotthvarf frá Írak

Þrátt fyrir að George W. Bush Bandaríkjaforseti hafi síðast í gær sagst ætla að beita neitunarvaldi á lög um brotthvarf Bandaríkjahers frá Írak, sögðust demókratar á Bandaríkjaþingi síðar í gær staðráðnir í að setja slík lög.