Erlent

Samkynhneigðir stefna Massachusetts

Átta samkynhneigð pör, sem gefin voru saman í hjónaband í Massachusetts í Bandaríkjunum, hafa stefnt ríkinu til að öðlast sömu réttindi og hefðbundin hjón en ýmis lög standa enn í vegi fyrir því að margs konar félagsleg úrræði og réttindi geti nýst samkynhneigðum sem gengið hafa í hjónaband þótt hjónavígslan sjálf sé lögleg. Er þar meðal annars um að ræða ýmiss konar erfðaréttindi auk réttar hjóna til félagslegrar aðstoðar.

Erlent 4.3.2009 07:33

Aukning í íbúðasölu vestra vegna útburðar

Sala íbúðarhúsnæðis í Bandaríkjunum jókst um sjö prósent árið 2008 eftir að hafa dregist saman um 40 prósent árið 2007. Söluaukningin kemur til vegna mikils fjölda íbúða og íbúðarhúsa sem eigendurnir hafa verið bornir út úr vegna vangoldinna húsnæðisskulda og nýir eigendur kaupa af lánardrottnum, oft fyrir mjög lágt verð. Dæmi eru um að fólk hafi keypt meðalstórar íbúðir á 1.100 dollara, jafnvirði tæplega 130.000 króna.

Erlent 4.3.2009 07:28

Mexíkóski herinn gegn kókaínbarónum

Mörg hundruð þungvopnaðir hermenn stormuðu inn í mexíkósku borgina Ciudad Juarez í gær til aðstoðar lögreglu þar, sem farið hefur halloka í baráttu við kókaínbaróna. Þetta er lokaúrræði ríkisstjórans Victors Valencia til að koma á friði í borginni en yfir 2.000 manns voru myrtir í valdabaráttu eiturlyfjagengja þar í fyrra.

Erlent 4.3.2009 07:25

Vill fleiri konur og minnihlutafulltrúa á þing

Fleiri konur og fulltrúar minnihlutahópa þurfa að komast á þing í Bretlandi. Þetta segir Trevor Phillips, formaður jafnréttis- og mannréttindanefndar Bretlands. Hann segir það út í hött miðað við samsetningu þjóðfélagsins að af 646 þingmönnum séu aðeins 15 svartir eða af asískum uppruna og 125 konur, eða 19 prósent. Phillips segir að þingið verði að endurspegla þjóðina sem það starfar fyrir og það geri það ekki eins og staðan sé nú.

Erlent 4.3.2009 07:21

Rasmussen gæti mætt mótlæti frá Tyrkjum

Ekkert gæti orðið úr fyrirætlunum Anders Foghs Rasmussens, forsætisráðherra Dana, um að verða næsti framkvæmdastjóri NATO.

Erlent 3.3.2009 23:44

Sólkerfi í dauðateygjum

Hubble geimsjónaukinn tók þessa mynd af þrem sólkerfum langt langt í burtu. Þessi sólkerfi eru að togast á um tilveru sína.

Erlent 3.3.2009 17:01

Árásin á krikketliðið svipar til ódæðisins í Mumbai

Sex manns biðu bana og fjölmargir særðust í þaulskipulagðir árás á krikkettlið frá Sri Lanka sem mætti til keppni í Pakistan í dag. Árásin minnti um margt á hryðjuverkaárásina í Mumbai í Indlandi.

Erlent 3.3.2009 12:20

Japanar skera 100 ára bikar við nögl

Svo margir Japanar eru nú 100 ára og eldri að silfurbikarinn, sem gefinn er þeim sem ná þessum aldri, hefur verið minnkaður í sparnaðarskyni.

Erlent 3.3.2009 08:16

Blagojevich með bók í smíðum

Rod Blagojevich, fyrrverandi ríkisstjóri Illinois, undirritaði í gær samning við bókaútgefandann Phoenix Books um að skrifa bók um feril sinn sem ríkisstjóra, brottreksturinn úr því embætti í janúar og skuggahliðar stjórnmálanna.

Erlent 3.3.2009 08:08

Cromwell Crown er versta hótel Bretlands

Það er sennilega frekar vafasamur heiður að lenda á lista Trip Advisor yfir tíu verstu hótel Bretlands og sennilega er það heldur ekki spennandi hlutskipti fyrir London að sjö af þessum 10 eru einmitt staðsett í miðborginni þar.

Erlent 3.3.2009 07:24

Þriðjungur Bandaríkjamanna missir svefn vegna kreppu

Næstum því þriðjungur Bandaríkjamanna verður fyrir svefntruflunum einu sinni eða oftar í viku vegna ótta um eigin fjárhag og stöðu efnahagsmála í Bandaríkjunum.

Erlent 3.3.2009 07:22

Ákærður fyrir að selja ungmennum skotvopn

Rúmlega fimmtugur verslunareigandi í Kaupmannahöfn hefur verið ákærður fyrir að selja ungmennum skotvopn undir borðið. Maðurinn var handtekinn í október og hefur setið í gæsluvarðhaldi síðan en í verslun hans fundust yfir 20 byssur af ýmsum gerðum sem sýnt þykir að ætlaðar hafi verið til sölu.

Erlent 3.3.2009 07:19

Fimm fallnir eftir árás á krikketlandslið

Fimm öryggisverðir létu lífið og nokkrir særðust auk þess sem sex manns úr landsliði Sri Lanka í krikket hlutu sár eftir að allt að 12 vopnaðir menn réðust á bílalest sem flutti landslið Sri Lanka og Pakistans í borginni Lahore í Pakistan í morgun.

Erlent 3.3.2009 07:17

Skotar vilja lögfesta áfengisverð

Skoska þingið hyggst setja lög sem marka áfengisverði ákveðið lágmark auk þess sem áfengistilboð, á borð við eina ókeypis flösku séu tvær keyptar, verða bönnuð. Þetta er liður í baráttu Skota gegn áfengisbölinu en talið er að misnotkun áfengis kosti hið opinbera þar í landi um 25 milljarða punda ár hvert. Eins er til skoðunar að einstök sveitarfélög geti ákveðið að lágmarksaldur til áfengiskaupa verði hækkaður í allt að 21 ár en hann er nú 18 ár.

Erlent 3.3.2009 07:14

Neitar að borga 4,6 milljarða fyrir styttur

Kínverskur maður sem bauð hæsta verð í tvær styttur sem seldar voru úr dánarbúi tískukóngsins Yves Saint Lauren neitar nú að borga fyrir þær.

Erlent 2.3.2009 16:23

Á tvöhundruð með soninn á aftursætinu

Breskur mótorhjólamaður var á dögunum dæmdur í sex mánaða fangelsi fyrir að aka á 196 kílómetra hraða með 14 ára gamlan son sinn á aftursætinu. Maðurinn játaði brotið fyrir dómi enda náðist atvikið á hraðamyndavél.

Erlent 2.3.2009 14:06

Japanskeisari heimsækir Pearl Harbour

Japanskeisari mun að öllum líkindum heimsækja Pearl Harbour á Hawaii eyjum í sumar. Árás Japana á höfnina í desember árið 1941 kom Bandaríkjunum inn í síðari heimsstyrjöldina.

Erlent 2.3.2009 12:25

Forseti Gíneu Bissau myrtur

Forseti Afríkuríkisins Gíneu Bissau var myrtur í dag. Það voru hermenn úr stjórnarhernum sem myrtu Joao Bernardo Vieira þegar hann reyndi að flýja af heimili sínu. Skömmu áður var yfirmaður herafla landsins myrtur á skrifstofu sinni. Forsetinn og hershöfðinginn voru svarnir fjandmenn og höfðu lengi tekist á um völd í landinu.

Erlent 2.3.2009 11:55

Eru að fá sig fullsadda af ofbeldi

Einn er látinn og fjórir særðir eftir skotbardaga á Amager í gærkvöldi og eru Kaupmannahafnarbúar að fá sig fullsadda af skálmöldinni.

Erlent 2.3.2009 08:06

Tölvuleikur meira ávanabindandi en kókaín

Fimmtán ára gamall Svíi var fluttur á sjúkrahús með heiftarleg krampaköst eftir að hafa spilað tölvuleikinn World of Warcraft í einn sólarhring samfleytt og hafa sumir sérfræðingar látið þau orð falla að leikurinn sé meira ávanabindandi en kókaín.

Erlent 2.3.2009 07:38

Ákærð fyrir að smygla 10 tonnum af hassi

Tíu tonn af hassi, sem smyglað var til Danmerkur, er meðal þess sem kona og tveir karlmenn eru ákærð fyrir við héraðsdóm Kaupmannahafnar í máli sem þingfest verður í dag. Í ákæru segir að smyglið hafi farið fram í 38 ferðum frá ársbyrjun 2007 og sé andvirði efnisins um 80 milljónir danskra króna, jafnvirði um 1.600 milljóna íslenskra króna.

Erlent 2.3.2009 07:37

Varað við fannfergi á austurströnd Bandaríkjanna

Veðurstofur í Bandaríkjunum vara við blindöskubyl sem búist er við að skelli á austurströnd landsins hvað úr hverju og geti staðið í allt að 18 klukkustundir.

Erlent 2.3.2009 07:34

Stéttarfélagsformaður lá í lúxus

Derek Simpson, formaður stærsta stéttarfélags Bretlands, á undir högg að sækja eftir að upp komst að hann dvaldi fjórum sinnum á Waldorf Hilton-hótelinu í London, þar sem nóttin kostar tæp 499 pund, jafnvirði 64.000 króna.

Erlent 2.3.2009 07:27

Hröð bráðnun hækkar í sjó

Jöklar Suðurskautslandsins eru að bráðna hraðar en áður var talið og það gæti leitt til meiri hækkunar sjávarborðs í heiminum en spáð hefur verið.

Erlent 2.3.2009 02:15

Norskir til liðs við ESB-flota

Norsk yfirvöld greindu frá því fyrir helgina að eitt af nýjustu herskipum norska flotans muni slást í lið með herskipum Evrópusambandslanda á „sjóræningjavakt“ undan ströndum lögleysulandsins Sómalíu.

Erlent 2.3.2009 01:45

Umfangsmikil leit að flugvél Amundsen

Norski herinn undirbýr nú umfangsmikla leit að flugvél sem pólfarinn Roald Amundsen hvarf með fyrir áttatíu og einu ári. Amundsen var þá í björgunarleiðangri.

Erlent 1.3.2009 19:30

Lögreglumaður gekk í skrokk á 15 ára stúlku

Saksóknari í Bandaríkjunum birti í dag myndband sem sýnir lögreglumann í Seattle ganga í skrokk á fimmtán ára stúlku í fangaklefa. Stúlkan var þá grunuð um að hafa stolið bíl. Lögreglumaðurinn neitar ásökunum um líkamsárás.

Erlent 1.3.2009 18:45

Nýtt efnahagslegt járntjald milli austur og vesturs

Ungverjar telja að nýtt efnahagslegt járntjald verði dregið milli Austur- og Vestur-Evrópu verði nýju aðildarríkjum Evrópusambandsins í austri ekki hjálpað að takast á við alheimkreppunnar. ESB leiðtogar funduðu í dag um viðbrögð við kreppunni. Þeir hafna verndarstefnu.

Erlent 1.3.2009 18:42

Kona með tvö móðurlíf eignast tvíbura

Tuttugu og eins árs bandarísk kona með tvö móðurlíf eignaðist á fimmtudaginn tvíburastúlkur, hvora úr sínu móðurlífinu. Stúlkurnar voru teknar með keisaraskurði sjö vikum fyrir tímann á sjúkrahúsin í Michigan ríki.

Erlent 1.3.2009 13:03

Neyðarfundur ESB vegna alþjóðakreppunnar

Leiðtogar ríkja Evrópusambandsins koma saman til neyðarfundar um alþjóðakreppuna í Brussel í Belgíu í dag. Á fundinum verður rætt hvernig nota megi sameiginlegt markaðssvæði Evrópusambandsins til að styðja við hagvöxt hjá ríkjum ESB og skapa störf til að draga úr áhrifum kreppunnar.

Erlent 1.3.2009 10:10