Erlent

Póstmeistari neitar að afgreiða þá sem tala ekki ensku

Deva Kumarasiri er frá Sri Lanka og stjórnar pósthúsi í Nottingham. Hann hefur átt í harðvítugri deilu við póstmálayfirvöld í borginni eftir að hann tók þá ákvörðun að neita viðskiptavinum, sem ekki eru mæltir á enska tungu, um þjónustu.

Erlent

Danskur ökuþór á vel yfir 200 km hraða

Lögreglan í Ribe í Danmörku eltist í nótt við rúmlega tvítugan vélhjólamann sem ók á tímabili vel yfir 200 kílómetra hraða á klukkustund meðan á eftirförinni stóð. Fjöldi lögreglubíla kom að eftirförinni sem náði yfir 30 kílómetra vegalengd. Ökumaðurinn reyndi að lokum að fela sig fyrir lögreglunni en til hans sást og var hann handtekinn.

Erlent

Bretar réttlæta beitingu hryðjuverkalaganna

„Forsvarsmenn breskra stjórnvalda, þar með taldir þingmenn úr báðum deildum breska þingsins, halda fast við þá afstöðu að það hafi verið fyllilega réttlætanlegt að beita umdeildum hryðjuverkavarnalögum til að frysta eigur Landsbankans og íslenskra stjórnvalda í Bretlandi í því skyni að verja hagsmuni breskra sparifjáreigenda.“ Þetta segir Ólafur Elíasson, einn talsmanna Indefence-hópsins svonefnda, eftir fund sem hópurinn átti í þinghúsinu í Lundúnum fyrr í vikunni.

Erlent

Hundruð þúsunda sáu Páfann í Angóla

Hundruð þúsunda íbúa í Angóla komu saman í dag til þess að hlusta á Beneditkt 16 páfa. Engu skipti þó að tvær konur létu lífið á laugardaginn vegna troðnings. Öryggisgæslan var gríðarlega ströng.

Erlent

Spítali dauðans virti aðvaranir af vettugi

Spítalinn Stafford Hospital í Staffordshire hefur lent í hringiðu hneykslis í Bretlandi eftir að í ljós kom að tala látinna á spítalanum var gríðarlega há og mun hærri en hjá svipuðum sjúkrahúsum í Englandi samkvæmt Telegraph. Í ljós hefur komið að spítalinn var margagnrýndur fyrir lélegan aðbúnað af heilbrigðiseftirlitinu í Bretlandi, án þessa þó að bregðast nokkurn tímann við því.

Erlent

Óttast að Fritzl svipti sig lífi

Fangelsismálayfirvöld í Austurríki hafa aukið eftirlit með Josef Fritzl sem í síðustu viku var dæmdur til ævilangrar vistunar á hæli fyrir geðsjúka vegna dóms fyrir nauðgun, sifjaspell og morð. Talið er að hann muni reyna að svipta sig lífi og á að koma í veg fyrir það. Breska blaðið Guardian greinir frá þessu í dag.

Erlent

Komu í veg fyrir mannskæða árás

Ísraelska lögreglan tilkynnti í morgun að hún hefði komið í veg fyrir mannskæða sprengjuárás herskárra Palestínumanna fyrir utan troðfulla verslunarmiðstöð í Haifa í norðurhluta Ísraels.

Erlent

Vítisengill laminn til dauða á áströlskum flugvelli

Maður, sem talið er að sé Vítisengill, var laminn til dauða af fjórum mönnum vopnuðum hafnaboltakylfum í gær. Maðurinn var að koma með flugi til Sidney þegar mennirnir komu gangandi upp að honum og lömdu hann til dauða. Vitni sögðu að mennirnir fjórir hefðu beitt kylfunum eins og sverðum á meðan maðurinn lá á gólfinu.

Erlent

Gyurcsany segir af sér

Ferenc Gyurcsany, foræstisráðherra Ungverjalands, tilkynnti í morgun að hann ætlaði að láta af embætti. Vinsældir ríkisstjórnar hans hafa hrunið vegna efnahagsþrenginga í alheimskreppunni.

Erlent

Bandaríkjamenn styðja Fogh Rasmussen

Bandaríks stjórnvöld ætla að styðja Anders Fogh Rasmussen, forsætisráðherra Danmerkur, í embætti framkvæmdastjóra Atlantshafsbandalagsins. Þetta fullyrðir Pulitzer verðlaunaður dálkahöfundur á vef bandaríska blaðsins Washington Post í dag.

Erlent

Khamenei krefst aðgerða

Khamenei æðstiklerkur í Íran segist ekki sjá neina breytingu á afstöðu Bandaríkjamanna gagnvart Íran. Hann vill þó ræða málin. Obama Bandaríkjaforseti bauð fyrir helgi nýtt upphaf í samskiptum Bandaríkjanna og Írans.

Erlent

Óvenjuleg samskipti við ótamin ljón

Suður-Afríkumaðurinn Kevin Richardson á í vægast sagt óvenjulegum samskiptum við ljón. Hann hefur unnið með atferli ljóna í meira en áratug á verndarsvæði sínu nærri Jóhannesarborg. Ljónin virðast viðurkenna hann fullkomlega, en rétt er að taka það fram að ekki er um tamin ljón að ræða.

Erlent

Móðir henti nýfæddu barni í ruslatunnu

Hugsanlegt er að kona á Nýja Sjálandi sem ól barn á snyrtingu í flugvél Airline Pacific Blue flugfélagsins og skildi barnið eftir í tunnu í flugvélinni verði ákærð fyrir athæfið.

Erlent

Fritzl gæti verið laus eftir 14 ár

Vissulega hafa austurrískir dómstólar dæmt Josef Fritzl til ævilangrar vistunar á hæli fyrir geðsjúka. Óvíst er þó að sú vistun verði í raun svo löng þar sem lögin gera ráð fyrir því að sýni Fritzl framför við geðlæknismeðferð megi færa hann til afplánunar í venjulegt fangelsi þar sem hann getur svo sótt um reynslulausn að liðnum 15 árum en sú regla gildir um lífstíðardóma í Austurríki.

Erlent

Birtu mynd af Manson

Fangelsisyfirvöld í Kaliforníu hafa birt mynd af raðmorðingjanum Charles Manson sem setið hefur inni í tæp 40 ár.

Erlent

Einn slátrari ábyrgur fyrir E-coli-faraldri

Einn slátrari er ábyrgur fyrir næststærsta E-coli-bakteríufaraldri sem herjað hefur á Bretland en faraldurinn varð fimm ára dreng að bana og 156 manns veiktust í suðurhluta Wales árið 2005.

Erlent

Lífvörður Baggers tekinn með kókaín

Daninn Brian Sandberg, sem er hvað þekktastur fyrir að vera lífvörður fjárglæframannsins Stein Bagger og félagi í vélhjólasamtökunum Vítisenglum, var handtekinn af lögreglu í Kaupmannahöfn í gær með kókaín í fórum sínum. Magn efnisins reyndist vera minni háttar og var Sandberg sleppt úr haldi að lokinni skýrslutöku.

Erlent

Bretum gengur illa að loka hryðjuverkasíðu

Breskum yfirvöldum hefur enn ekki tekist að loka heimasíðu, þar sem hryðjuverkamenn birta áróður sinn, þrátt fyrir að þáverandi forsætisráðherra, Tony Blair, hafi upphaflega óskað eftir því að síðunni yrði lokað árið 2005.

Erlent

Vilja stöðva frekari stækkun ESB

Heimskreppan gerir að verkum að æ fleiri aðildarríki Evrópusambandsins vilja stöðva frekari stækkun þess. Meðal þeirra eru bæði Frakkland og Þýskaland.

Erlent

Tíu forystumenn Hamas handteknir

Ísraelskir hermenn handtóku tíu áhrifamenn úr Hamassamtökunum á Vesturbakka Palestínu í morgun. Meðal hinna handteknu voru fjórir þingmenn og Nasser Shaer, fyrrum aðstoðarforsætisráðherra Palestínu.

Erlent

Fritzl dæmdur til ævi­langrar vistunar á geð­deild

Josef Fritzl, Austurríkismaðurinn sem hélt dóttur sinni í gíslingu í 24 ár og átti með henni sjö börn, var í dag fundinn sekur um öll ákæruatriði, þar á meðal morð af völdum vanrækslu þegar eitt barna hans lést. Hann mun enda ævina á geðsjúkrahúsi.

Erlent

Páfi í vandræðum vegna smokka

Benedikt páfi er lentur í sannkallaðri orrahríð eftir að hann lýsti því yfir í heimsókn sinni í Afríku að smokkar veittu ekki vernd gegn alnæmi.

Erlent

Elísa­bet Fritzl var í dóm­salnum

Helsta ástæða þess að Austurríkismaðurinn Josef Fritzl lýsti sig að fullu sekan í gær af ákærum um nauðgun, sifjaspell og morð var sú að dóttir hans Elísabet var í dómssalnum.

Erlent

Mest lesið