Erlent

Hitabeltisstormurinn Ída geisar í Nicaragua

Mikil rigning er nú í Nicaragua í Mið-Ameríku vegna hitabeltisstormsins Ídu sem þar geisar. Viðvörun hefur verið gefin út vegna hættu á aurskriðum og talin er nokkur hætta á að Ída þróist yfir í fellibyl á næstu 36 klukkustundum.

Erlent

Langþráður sigur repúblikana

Demókratar töpuðu ríkisstjórakosningum í Virginíu og New Jersey, sem haldnar voru í gær. Robert Gibbs, fréttafulltrúi Bandaríkjaforseta, sagði þetta tap samt ekki segja neitt um stöðu Baracks Obama, því kosningarnar hefðu snúist að mestu um innanríkismálefni.

Erlent

Vilja bæta samskipti þjóðanna

Kurt Campell, aðstoðarutanríkisráðherra Bandaríkjanna, hitti Aung San Suu Kyi, leiðtoga stjórnarandstöðunnar í Myanmar í gær og ræddi við hana í tvær klukkustundir á hóteli þar í landi í gær.

Erlent

Frakkar kjósa í mars á næsta ári

Sveitarstjórnarkosningar fara fram í Frakklandi 14. og 21 mars næstkomandi. Kosningarnar eru sagðar fyrsti prófsteinninn á stöðu UMP, flokks Nicolas Sarkozy, frá kjöri hans til forseta árið 2007. Vinstriflokkar höfðu yfirburðasigur árið 2004, með meirihluta í 20 af 22 kjördæmum.

Erlent

Loftslagsviðræður á síðasta snúningi

Fulltrúar Afríkuríkja vilja að auðug ríki útskýri hvernig þau hugsi sér að draga úr losun gróðurhúsalofttegunda, náist um það bindandi samkomulag á loftslagsráðstefnu Sameinuðu þjóðanna í Kaupmannahöfn í næsta mánuði. Óttast er að ekkert verði úr slíku samkomulagi. Fredrik Reinfeldt, forsætisráðherra Svíþjóðar, sagði í gær engar líkur á því að fyrir áramót næðist neitt samkomulag sem fæli í sér lagalega skuldbindingu, eins og Evrópuríki hafa barist fyrir.

Erlent

Pínulítið grunsamlegt?

Það hugsaði enginn neitt sérstaklega út í tímasetningu á laugardaginn þegar mexíkóski borgarstjórinn Mauricio Fernandes sagði í ræðu við embættistöku sína að helsti andstæðingur hans Hector Saldana hefði fundist látinn í Mexíkóborg.

Erlent

Gleymdu að setja niður hjólin

Tveir flugmenn hjá ástralska flugfélaginu Quantas hafa verið leystir frá störfum meðan rannsókn stendur yfir á því hvers vegna þeir settu ekki hjól Boeing 767 þotu sinnar niður fyrir lendingu í Sydney.

Erlent

Vopnaflutningaskip hertekið

Ísraelski flotinn hefur hertekið vopnaflutningaskip um 160 kílómetra undan ströndum landsins. Það var dregið til hafnar í Ísrael.

Erlent

Fimm breskir hermenn drepnir í Afganistan

Afganskur lögreglumaður skaut fimm breska hermenn til bana í Helmand-héraðinu í Afganistan síðdegis í gær og hefur breska varnarmálaráðuneytið hafið rannsókn á málinu. Þar með hafa 94 breskir hermenn fallið á þessu ári sem er það mesta á einu ári síðan í Falklandseyjastríðinu fyrir tæpum þremur áratugum. Alls hafa 229 breskir hermenn nú látist í Afganistan frá því stríðið þar hófst árið 2001.

Erlent

Vilja fresta aftöku Muhammads

Lögmenn Johns Allen Muhammad, sem dæmdur var til dauða fyrir þátt sinn í leyniskyttumorðunum í Maryland, Virginíu og Washington haustið 2002, hafa beðið Hæstarétt Bandaríkjanna um að fresta aftökunni, sem er á dagskrá 10. nóvember, á þeirri forsendu að hann eigi við geðræn vandamál að stríða og hafi auk þess fengið ófullnægjandi vörn við réttarhöldin.

Erlent

Dómari sá aumur á kynskiptingi

Breskur kynskiptingur á sextugsaldri slapp við fangelsisdóm eftir að dómari sá aumur á honum vegna erfiðrar ævi. Thea Cox, sem þó var fædd sem Timothy, gekkst undir kynskiptaaðgerð fyrir 26 árum.

Erlent

Óvissu um Lissabonsáttmála ESB lokið

Vaclav Klaus, forseti Tékklands, undirritaði í gær Lissabonsáttmála Evrópusambandsins, strax eftir að stjórnlagadómstóll Tékklands hafði komist að þeirri niðurstöðu að sáttmálinn bryti ekki í bága við stjórnarskrá landsins. Þar með hafa öll aðildarríki sambandsins staðfest sáttmálann og ekkert er því til fyrirstöðu lengur að hann taki gildi.

Erlent

Forsetinn heitir umbótum

Hamid Karzai, forseti Afganistans, lofar umbótum á nýju kjörtímabili, en sagði þó ekkert um það í hverju þær umbætur yrðu fólgnar.

Erlent

Tegundum í hættu fjölgar

Í skógum Panama fannst fyrir tveimur árum sérkennileg frosktegund sem getur flogið. Þessir froskar eru í útrýmingarhættu, rétt eins og þúsundir annarra dýra- og jurtategunda jarðarinnar.

Erlent

Stjórnvöld vara við mótmælum

Byltingarverðir í Íran hafa varað mótmælahópa úr liði stjórnarandstöðunnar þar í landi, við að efna til mótmæla í tilefni af því að á morgun verða liðin þrjátíu ár frá því er sendiráð Bandaríkjanna í Íran var hertekið.

Erlent

Kvartar undan mannréttabroti

Radovan Karadzic, fyrrverandi leiðtogi Bosníu-Serba, mætti loks í gær til réttar­halda við stríðsglæpadómstól Sameinuðu þjóðanna í Haag, þar sem hann hyggst sjálfur sjá um málsvörn sína.

Erlent

Mest lesið