Sport

Pardew: Við vorum frábærir

"Það voru alvöru hetjur á vellinum í dag. Þetta var algerlega frábær frammistaða," sagði Alan Pardew, stjóri Newcastle, eftir að liðið hafði náð lygilegu jafntefli gegn Man. Utd á Old Trafford í dag.

Enski boltinn

Redknapp íhugaði aldrei að hætta

Harry Redknapp, stjóri Spurs, segir það aldrei hafa hvarflað að sér að hætta þó svo hann hafi þurft að taka sér frí vegna hjartavandamála. Redknapp þurfti að gangast undir hjartaaðgerð fyrir mánuði síðan.

Enski boltinn

Búið að leysa NBA-deiluna - líklega byrjað að spila á jóladag

Kraftaverkin ku gerast á jólunum og það á svo sannarlega við í NBA-deilunni. Það benti ekkert til þess að það myndi nokkuð þokast í deilunni á næstunni þegar óvænt var greint frá því í dag að búið væri að leysa deiluna. Leikmenn og eigendur hafa loksins komist að samkomulagi og búið er að aflétta 149 daga verkbanni í deildinni sem hefst væntanlega á jóladag.

Körfubolti

Má ekki verða að fordæmi

Mál Guðnýjar Jennýjar Ásmundsdóttur, markvarðar íslenska landsliðsins í handbolta, gagnvart Nýherja, fyrrverandi vinnuveitanda hennar, hefur vakið mikla reiði. Forsvarsmenn Nýherja segja fréttaflutning af málinu villandi.

Handbolti

Liverpool-menn hafa verið öflugir í stóru leikjunum

Stórleikur helgarinnar í ensku úrvalsdeildinni er leikur Liverpool og toppliðs Manchester City á Anfield klukkan 16.00 á morgun. Manchester City hefur unnið sjö deildarleiki í röð og setur félagsmet með sigri en þeir þurfa að sækja sigur á völl þar sem þeir hafa ekki fagnað mörgum sigrum undanfarið.

Enski boltinn

Í mínus út af félagaskiptagjaldinu

Fréttablaðið greindi í gær frá fáránlega háu félagaskiptagjaldi í handboltanum. Það kostar nefnilega frá 170 þúsund upp í 440 þúsund að fá erlendan handboltamann til landsins.

Handbolti

Pistillinn: Liðsfélaginn

Körfuboltamenn eru reglulega reknir úr starfi. Ástæðan er yfirleitt sú að þeir eru ekki nógu góðir í körfubolta. Aðrar ástæður geta legið að baki, meiðsli, ekki rétt týpa af leikmanni o.s.frv. Svo er önnur ástæða sem er ekki óalgeng, að leikmaðurinn er svo mikill fáviti að það er lífsins ómögulegt að eyða miklum tíma með honum.

Körfubolti

Fyrsta tap Barcelona síðan í apríl

Barcelona tapaði sínum fyrsta leik síðan 30. apríl í kvöld. Þá sóttu Evrópumeistararnir lið Getafe heim og máttu sætta sig við 1-0 tap. Börsungar voru arfaslakir í leiknum og verða að sætta sig við að vera nú sex stigum á eftir Real Madrid.

Fótbolti

Hátt hlutfall fatlaðra barna hjá fyrrum landsliðsmönnum frá Alsír

Óvenjuhátt hlutfall leikmanna sem lék með landsliði Alsír á árunum í kringum 1982 hafa eignast fötluð börn. Og leikur grunur á að leikmenn hafi tekið lyf á þessum tíma án vitundar um aukaverkanir og hættuna sem fólst í því að taka þessi lyf. Alsír kom gríðarlega á óvart í fyrsta leiknum á heimsmeistaramótinu árið 1982 á Spáni þar sem lið Vestur-Þjóðverja tapaði fyrir Alsír 2-1.

Fótbolti

Udinese og Gladbach komust bæði á toppinn í kvöld

Udinese og Borussia Mönchengladbach komust bæði á toppinn í sínum deildum eftir sigra í kvöld. Udinese vann 2-0 sigur á Roma á heimavelli og náði tveggja stiga forskot í ítölsku deildinni en Borussia Mönchengladbach vann 3-0 útisigur á Köln og náði eins stigs forskoti í þýsku úrvalsdeildinni.

Fótbolti

Ísfirðingar óstöðvandi | úrslit kvöldsins í 1. deild karla

Sigurganga KFÍ heldur áfram í 1. deild karla í körfubolta og fátt virðist ætla að stöðva Ísfirðinga á þessari leiktíð en þetta var sjöundi sigurleikur KFÍ í röð. Craig Schoen fór enn og aftur á kostum í liði KFÍ í 110-103 sigri gegn Breiðabliki á Ísafirði í kvöld. Bandaríkjamaðurinn skoraði 27 stig, tók 10 fráköst og var einni stoðsendingu frá því að ná þrefaldri tvennu. Þrír leikir fóru fram í kvöld. ÍA lagði FSu á Selfossi, 99-74. Hamar vann góðan sigur gegn Ármanni í Hveragerði, 106-87.

Körfubolti

Jóhann Berg skoraði í sigri AZ Alkmaar

AZ Alkmaar styrkti stöðu sín á toppi hollensku úrvalsdeildarinnar í fótbolta eftir 2-0 sigur á Utrecht á heimavelli í kvöld. AZ Alkmaar er með sex stiga forskot á PSV Eindhoven eftir þennan góða sigur.

Fótbolti

Keflvíkingar unnu í framlengingu í Hólminum

Keflvíkingar tóku þriðja sætið af KR-ingum með því að vinna dramatískan 115-113 sigur á Snæfelli í framlengdum leik í Iceland Express deild karla í Stykkishólmi í kvöld. Charles Michael Parker var hetja Keflavíkurliðsins því hann tryggði liðinu bæði framlengingu sem og sigurinn með því að skora sigurkörfuna í lok framlengingarinnar. Parker skoraði 10 af 32 stigum sínum á framlengingu og síðustu sókn venjulegs leiktíma.

Körfubolti

Stjörnumenn töpuðu óvænt í Ljónagryfjunni

Teitur Örlygsson, þjálfari Stjörnunnar, þurfti að sætta sig við óvænt sjö stiga tap, 105-98, á móti sínum gömlu félögum í Njarðvík í Ljónagryfjunni í Njarðvík í Icdland Express deild karla í kvöld. Njarðvíkingar lögðu grunninn að sigri sínum með því að vinna þriðja leikhlutann 33-13 en Garðbæingar sóttu að þeim í lokin. Þetta var aðeins annað tap Stjörnumanna í Iceland Express deildinni en það sér til þess að Grindvíkingar halda fjögurra stiga forskoti á toppnum.

Körfubolti

Þórsarar aftur á sigurbraut í Iceland Express deildinni

Þórsarar enduðu tveggja leikja taphrinu sína í Iceland Express deild karla í körfubolta með öruggum fjórtán stiga sigri á Fjölni, 82-68, í Icelandic Glacial höllinni í Þorlákshöfn. Nýliðar Þórs hafa þar með unnið 4 af fyrstu 7 leikjum sínum í deildinni.

Körfubolti

Brynjar vann Helga eftir framlengingu

Brynjar Þór Björnsson fagnaði sigri á móti sínum gamla félaga úr KR Helga Má Magnússyni í sænsku úrvalsdeildinni í kvöld þegar Jämtland Basket vann eins stigs útisigur á 08 Stockholm HR, 85-84, í framlengdum leik. Leikurinn var gríðarlega mikilvægur í baráttunni um áttunda og síðasta sætið inn í úrslitakeppnina en bæði liðin voru búin að tapa þremur leikjum í röð.

Körfubolti

Mest lesið