Erlent

Miklir kuldar og snjóar

Mikil vetrarveður herjuðu á stóran hluta Evrópu um helgina. Rafmagn hefur sums staðar farið af, flugi verið aflýst og umferðaröngþveiti myndast á hálum þjóðvegum. Miklar rigningar skemmdu uppskeru á Ítalíu og ollu flóðum víðs vegar um landið.

Auglýsendur ofsækja börn

Fimmti hver unglingur í Danmörku fær send óumbeðin smáskilaaboð í gegnum farsímann sinn frá auglýsendum. Þetta kemur fram í nýrri skýrslu danska Neytendaráðsins, sem kynnt var fyrir helgi. Í skýrslunni kemur einnig fram að fjöldi auglýsinga í kringum barna- og fjölskylduefni í sjónvarpi hafi aukist hlutfallslega mikið síðustu ár. Neytendamálaráðherra Danmerkur sagði í viðtali við dagblaðið Politiken á föstudag að ný lög sem vernduðu börn og unglinga fyrir auglýsingaáreiti væru í vinnslu.

Sendi SMS undir stýri

Sautján ára bandarískur piltur missti stjórn á bílnum sínum er hann var að senda smáskilaboð úr farsíma sínum sem varð til þess aldraður hjólreiðamaður lét lífið. Pilturinn á yfir höfði sér allt að eins árs fangelsi fyrir vítavert kæruleysi undir stýri. Þetta var í annað sinn sem ekið var á þennan sama aldraða hjólreiðamann. Fyrir tveimur árum var ekið á hann er hann hjólaði í mestu makindum á hjólreiðastíg. Að sögn eiginkonu hans hafði hann allar götur síðan verið sérlega varkár í umferðinni.

Bresk stjórnvöld rannsaka ofbeldi við þjálfun breskra hermanna

Bresk stjórnvöld eru að rannsaka ofbeldi við þjálfun breskra hermanna eftir að dagblað birti myndir úr heldur sérstökum þjálfunarbúðum hersins. Á myndunum sjást landgönguliðar naktir við æfingar. Þarna er líka maður í grænum sloppi sem skyndilega ræðst að einum hermanninum, slær hann og sparkar þannig í höfuð hans að maðurinn liggur kylliflatur.

Vel á annað þúsund manns hafa nú farið gegnum Rafah landamærastöðina

Yfir 1500 Palestímumenn hafa nú farið gegnum Rafah landamærastöðina á mótum Gasasvæðisins og Egyptalands að sögn Evrópusambandsins, sem sinnir eftirliti með landamærastöðinni sem opnuð í gær.

Heimilisofbeldi á Spáni

Yfir 28.000 menn hafa verið handteknir á Spáni fyrir heimilisofbeldi á árinu. Þá féllu 56 konur fyrir hendi maka sinna í landinu. Ofbeldi innan veggja heimila hefur sætt harðri gagnrýni á Spáni og hefur forsætisráðherra landsins, sett af stað átak gegn ofbeldi af þessu tagi.

Sænskur hermaður þungt haldinn eftir árás í Afganistan

Sænskur hermaður er enn þungt haldinn eftir árás á friðargæsluliða í Afganistan. Annar hermaður lést í árásinni en tveir til viðbótar, auk tveggja óbreyttra borgara, hlutu minniháttar meiðsl. Aukinn þungi hefur verið að færast í mótspyrnu gegn erlendum herjum í landinu en á sama tíma búa evrópskar sveitir sig undir að taka við hlutverki bandarísku herjanna í landinu.

Að minnsta kosti 17 féllu í Kína

Að minnsta kosti 17 manns fórust í jarðskjálfta upp á 5,5 á richter sem reið yfir austurhluta Kína í fyrrinótt. Þá er talið að hundruð manna séu slasaðir eftir skjálftann og misstu að minnsta kosti þrjú þúsund manns heimili sín. Mestar urðu skemmdir í borginni Wuhan í Hubei sýslu.

Lentu fimmtán sinnum í Evrópu á síðasta ári

Utanríkisráðherra Þýskalands er áhyggjufullur vegna fangaflugs CIA og vill að málið verði kannað nánar innan Evrópusambandsins. Berliner Zeitung segir fimmtán fangaflugsþotur hafa lent í Evrópu á síðasta ári.

Færri komust yfir en vildu

Rúmlega 1500 manns frá Gasasvæðinu flykktust yfir landamærin til Egyptalands í gær án þess að þurfa að fara í gegnum öryggisstöðvar Ísraela. Palestínumenn ráða nú yfir landamærastöðinni í Rafah í fyrsta sinn síðan Ísraelar hertóku svæðið fyrir 38 árum. Landamærin hafa verið lokuð síðan Ísraelar yfirgáfu Gasasvæðið í sumar og komust færri yfir þau en vildu við opnunina í gær.

Vaknaði aftur á upphafsstað

Það gerist ósjaldan að flugfarþegar taki sér blund á meðan á ferðinni stendur. En það hendir fáa það sem kom fyrir Norðmanninn Tor Martin Johansen. Hann var á leið með innanlandsflugi frá Þrándheimi heim til Namsóss í norðanverðum Þrændalögum.

Auglýsendur ofsækja börn

Fimmti hver unglingur í Danmörku fær send sms-skilaboð frá auglýsendum sem hann hefur ekki beðið um. Þetta kemur fram í nýrri skýrslu danska Neytendaráðsins. Þar er einnig sagt frá því að fjöldi auglýsinga í kringum barna- og fjölskylduefni í sjónvarpi hafi aukist hlutfallslega mikið síðustu ár.

Ljós við enda ganganna

Angela Merkel, kanslari Þýskalands, lét hafa eftir sér í gær að hún vonaðist til að sýna Þjóðverjum "ljósið við enda ganganna" er hin nýja ríkisstjórn hennar einhendir sér í að snúa gangi efnahagslífsins aftur til betri vegar.

Fjöldi homma handtekinn

Tuttugu og tveir samkynhneigðir arabískir karlmenn voru handteknir í fjöldabrúðkaupi samkynhneigðra í Dubai, höfuðborg Sameinuðu arabísku furstadæmanna. Verði þeir fundnir sekir eiga þeir yfir höfði sér hormónameðferð, fimm ára fangelsisvist og hýðingu fyrir athæfi sitt.

Eiffel-turninn lokaður

Snjó kyngdi niður víða um Evrópu í gær. Almenningssamgöngur lömuðust auk þess sem þó nokkrir fórust í bílslysum vegna mikillar hálku. Skíðabrekkur í Belgíu og Þýskalandi voruðu opnaðar á ný eftir hátt í þrjátíu sentimetra snjófall yfir nóttina. Eiffel-turninn í París var jafnframt lokaður ferðamönnum í fjórar klukkustundir vegna þess að þrepin upp turninn þóttu of hál.

Hámarksrefsingar krafist fyrir glæpina

Saksóknarar í tímamótaréttarhaldi yfir meintum stríðsglæpamönnum í Serbíu fóru á föstudag fram á að sakborningarnir sextán yrðu dæmdir til hámarksrefsingar fyrir glæpi sína. Þeir eru sakaðir um að hafa verið í liði serbneskra skæruliða sem myrtu 192 króatíska stríðsfanga árið 1991.

Lögreglan í Baku beitti valdi

Vildi senda höfuðið til tengdó

Karlmaður skar konu sína á háls og ætlaði að senda höfuð hennar í poka til tengdamóður sinnar því að konan vildi skilja við hann.

Sendi SMS undir stýri

Sautján ára bandarískur piltur missti stjórn á bílnum sínum er hann var að senda SMS-skilaboð sem varð til þess aldraður hjólreiðamaður lét lífið. Pilturinn á yfir höfði sér allt að eins árs fangelsi fyrir vítavert kæruleysi undir stýri.

Sænskur hermaður lést

Sænskur hermaður lést af sárum sínum í gær eftir að hann lenti í sprengjuárás í Afganistan á föstudag. Þrír sænskir hermenn til viðbótar særðust í árásinni. Einn þeirra var alvarlega særður en hinir tveir sluppu með minniháttar meiðsl. Hermennirnir voru í bíl sem var á ferð um borgina Mazar-e-Sharif í norðurhluta Afganistans þegar sprengjan sprakk. Tveir óbreyttir borgarar særðust einnig í árásinni.

Tuttugu og átta þúsund handteknir í fyrra

Rúmlega tuttugu og átta þúsund manneskjur voru handteknar á Spáni á síðasta ári vegna heimilisofbeldis. Alls bárust lögreglunni yfir 43.800 kvartanir vegna ofbeldis á konum í landinu.

Öflugir jarðskjálftar í Kína

Fjórtán manns létu lífið í jarðskjálfta í Kína í nótt. Jarðskjálftinn varð rétt fyrir klukkan níu í morgun að staðartíma og mældist hann 5,7 á Richter.

Frumbyggjar í Kanada fá fjárhagsstuðning

Stjórnvöld í Kanada og fulltrúar frumbyggja landsins hafa náð samkomulagi um 270 milljarða króna útgjöld til að berjast gegn fátækt meðal frumbyggja á næstu tíu árum.

Landamærastöðin í Rafah opnuð í morgun

Mikil gleði ríkti þegar Palestínumenn fóru yfir landamærin frá Gaza til Egyptalands, í fyrsta sinn eftir að palestínska heimastjórnin tók við stjórn landamærastöðvarinnar í Rafah.

Sex mánaða fangelsi fyrir illa meðferð á líki

Bandaríkjamaður sem er í haldi dönsku lögreglunnar getur að hámarki verið dæmdur í sex mánaða fangelsi fyrir að sundurbúta lík af dönskum leigubílstjóra. Líkið fannst í miðborg Kaupmannahafnar um síðustu páska. Bandaríkjamaðurinn gaf sig sjálfur fram og hefur viðurkennt að hafa tekið þátt í því að búta líkið í sundur en neitar að hafa framið morðið. Lögreglan hefur árangurslaust leitað súdansks karlmanns, sem maðurinn segir hafa ógnað sér og skipað sér að aðstoða við að búta líkið í sundur. Lögregla getur ekki sannað að maðurinn hafi framið morðið og því verður hann ákærður fyrir ósæmilega meðferð á líki.

Palestínumenn flykkjast til Egyptalands

Hundruð Palestínumanna flykktust að landamærastöðinni við Egyptaland á fyrsta degi opnunar hennar undir stjórn Palestínumanna. Þeir Palestínumenn sem fóru yfir til Egyptalands í morgun létu vel af þessu nýja fyrirkomulagi.

Fyrirlitningin skein af mér

Sænska ríkissjónvarpið hefur tekið til sýninga röð heimildaþátta um lasermorðin í Stokkhólmi í byrjun tíunda áratugarins. Óþekktur maður gekk þá laus með riffil með lasermiði og skaut ellefu nýbúa í tíu tilræðum. Lögreglan stóð lömuð hjá og tókst ekki að góma morðingjann fyrr en eftir tíu mánuði. Hann hafði þá lifað kóngalífi og rænt tuttugu banka til viðbótar við árásirnar.

Jólagjafirnar í ár í Bandaríkjunum

Jólaverslunin er nú hafin fyrir alvöru í Bandaríkjunum með hefðbundinni útsölu að lokinni þakkargjörðarhátíð. MP3 spilarar, fartölvur og flatskjársjónvarpstæki eru ofarlega á óskalistanum í ár. Raftækjaverslanir voru yfirfullar daginn eftir þakkargjörðarhátíðina á fimmtudag, enda stórlækkað verð á ýmsum varningi.

Sænskur hermaður lætur lífið í Afganistan

Sænskur hermaður lét lífið og þrír særðust í sprengingu í Norður-Afganistan í gær. Sænska varnarmálaráðuneytið segir að fjarstýrð sprengja hafi sprungið við bílalest friðargæsluliða á vegum Atlantshafsbandalagsins.

Schröder segir skilið við stjórnmálin

Eftir sjö ár við stjórnvölinn í Þýzkalandi er Gerhard Schröder nú hættur beinum afskiptum af stjórnmálum og ætlar að snúa sér að lögmannsstörfum og skrifa pólitískar endurminningar sínar.