Bresk stjórnvöld rannsaka ofbeldi við þjálfun breskra hermanna

Breska æsifréttablaðið News of the World segir að þessar myndir hafi verið teknar í maí, í æfingabúðum hersins á suður Englandi. Á myndunum sjást landgönguliðar naktir við æfingar. Þarna er líka maður í grænum sloppi sem skyndilega ræðst að einum hermanninum, slær hann og sparkar þannig í höfuð hans að maðurinn liggur kylliflatur.

Breska varnarmálaráðuneytið er nú að rannsaka hvað gerðist. Í tilkynningu í dag sagði ráðuneytið að það myndi taka á slíkum málum af fulltri hörku. Maðurinn sem ráðist var á rotaðist og sá sem tók þessar myndir segir að litlu hafi mátt muna að sparkið yrði honum að aldurtila.