Fréttir

Brúðkaupi bjargað með farsímum

Indverskir elskendur sem ætluðu að halda brúðkaup sitt í Bombei um helgina, létu það ekki aftra sér að brúðguminn komst ekki til athafnarinnar í tæka tíð vegna mikilla flóða og vegaskemmda á leiðinni til Bombei.

Erlent 13.10.2005 19:27

Segir fjárfesta ekki hafa áhyggjur

Stjórnarformaður Baugs segir fjárfesta og samstarfsmenn fyrirtækisins erlendir hafa traust á fyrirtækinu og stjórnendum þess, þrátt fyrir útgáfu ákæra í Baugsmálinu hér heima. Forsvarsmenn Baugs funduðu með viðskiptafélögum í London í gær.

Innlent 13.10.2005 19:27

Enn haldið sofandi í öndunarvél

Manni er enn haldið sofandi í öndunarvél eftir að hann slasaðist alvarlega í árekstri jeppa og fólksbíls á Hellisheiði á sjötta tímanum á föstudaginn. Að sögn lækna hefur ástand mannsins lítið breyst undanfarinn sólarhring.

Innlent 13.10.2005 19:27

Landnemar farnir að týnast burt

Landnemar á Vesturbakkanum og Gasa eru farnir að flytja úr húsum sínum, samkvæmt samkomulagi ríkisstjórnar Ariels Sharons og heimastjórnar Palestínumanna um að landnemabyggðir þar skuli yfirgefnar ekki síðar en í haust.

Erlent 13.10.2005 19:27

Fleiri skriður gætu fallið

Vegurinn um Fagradal er lokaður vegna aurskriðna en vonast er til að hægt verði að opna hann seint í kvöld. Að minnsta kosti sjö bílar voru fastir í dag á milli skriðna og er óttast að fleiri skriður geti fallið. Tæplega hundrað manns flúðu tjaldstæðið á Höfn í Hornafirði vegna vonskuveðurs og leituðu skjóls í íþróttahúsinu.

Innlent 13.10.2005 19:27

Alþjóðleg glæpastarfsemi á Íslandi

Alþjóðleg glæpastarfsemi með öllu sem henni fylgir hefur skotið rótum á Íslandi. Fréttastofa Stöðvar 2 mun á næstu dögum sýna röð frétta um skipulagða glæpi á Íslandi og umfang þeirra, þá fyrstu annað kvöld.

Innlent 13.10.2005 19:27

Sendiherra Egyptalands rænt í Írak

Sendiherra Egyptalands í Írak var rænt í gærkvöldi. Fréttastofa Reuters hefur þetta eftir egypskum sendiráðsstarfsmanni en hann segir sendiherrann hafa verið að kaupa dagblað úti á götu þegar tvær BMW-bifreiðar, fullar af vopnuðum mönnum, hafi rennt upp að honum og numið hann á brott.

Erlent 13.10.2005 19:27

Útskrifaður af sjúkrahúsi

Starfsmaður Landspítalans, sem veiktist af hermannaveiki, hefur verið útskrifaður af sjúkrahúsi. Hann er nú í endurhæfingu og eru batahorfur mjög góðar.

Innlent 13.10.2005 19:27

Stjórnarandstöðu spáð sigri

Fyrstu útgönguspár í gær benda til þess að stjórnarandstaðan hafi sigrað þingkosningarnar í Albaníu, sem haldnar voru í gær. Von er á opinberri niðurstöðu síðar í dag.

Erlent 13.10.2005 19:27

Sýning og tilsögn í fluguköstum

Fimm erlendir kastkennarar verða með kastsýningu og tilsögn í fluguköstum á Miklatúni í dag. Þar fer fremstur í flokki Henrik Mortensen sem er einhver besti flugukastari heims um þessar mundir. 

Innlent 13.10.2005 19:27

Spurning um hæfi Halldórs

Þingmenn stjórnarandstöðunnar segja Halldór Ásgrímsson hafa verið vanhæfan þegar gengið var frá sölu ríkisbankanna og vísa til lögfræðilegrar álitsgerðar sem meðlimir ríkisstjórnarinnar gera lítið með. Spurningum um vanhæfi Halldórs er ennþá ósvarað.

Innlent 13.10.2005 19:27

Höfn: Hafast við í íþróttahúsinu

Tæplega hundrað manns hafast nú við í íþróttahúsinu á Höfn í Hornafirði eftir að fólkið neyddist til að yfirgefa tjöld sín vegna vonskuveðurs. Lögregla, björgunarsveitir og starfsmenn Rauða krossins brugðust skjótt við og hjálpuðu fólki að taka niður tjöld sín og búnað og komast í skjól.

Innlent 13.10.2005 19:27

Grunuðum nauðgara sleppt

Lögreglan á Höfn í Hornafirði hefur sleppt manninum sem handtekinn var í gær vegna gruns um að hafa nauðgað konu í bænum í fyrrinótt. Konan kærði nauðgun til lögreglunnar og var maðurinn handtekinn í kjölfarið. Sökum ölvunar var ekki hægt að yfirheyra hann strax en það er búið nú og hefur honum verið sleppt. Rannsókn málsins heldur áfram.

Innlent 13.10.2005 19:27

Óvíst með kaup á Somerfield

Í breskum fjölmiðlum í gær var sagt frá því að Baugur hafi boðist til að draga sig út úr viðræðum um kaup á bresku verslanakeðjunni Somerfield í kjölfarið á kæru Ríkislögreglustjóra. Hreinn Loftsson stjórnarformaður Baugs segir þetta rangt.

Viðskipti innlent 13.10.2005 19:27

Mannránið hefndaraðgerð?

Talið er að ránið á sendiherra Egyptalands í Írak í gærkvöldi hafi verið hefndaraðgerð. Hann hafði aðeins verið nokkrar vikur í starfi.

Erlent 13.10.2005 19:27

Gæði vodkans versnuðu með frelsinu

Vladimír Pútín, forseti Rússlands, vill að ríkið taki aukna ábyrgð á vodkaframleiðslu þar í landi. Hann segir að eftir að áfengisframleiðsla var gefin frjáls séu gæði vörunnar hreint ekki eins mikil.

Erlent 13.10.2005 19:27

Samfylkingin tilnefnir síðust

Samfylkingin hefur tilnefnt fulltrúa í nefnd um endurskipulagningu lagalegrar umgjarðar um stjórnmálastarfsemi á Íslandi, síðust flokka á Alþingi. Dregist hefur í meira en mánuð að halda fyrsta fund í nefndinni, þar sem beðið var tilnefningar frá Samfylkingunni, en nú er undirbúningur að starfsemi nefndarinnar hafinn.

Innlent 13.10.2005 19:27

Varað við veðurofsa á Kjalarnesi

Ökumaður bifhjóls missti stjórn á hjóli sínu og endaði utan vegar þegar skyndileg vindhviða reið yfir í Kollafirði fyrir stundu. Að sögn varðstjóra hjá lögreglunni í Reykjavík er talið að meiðsl mannsins séu minniháttar. Veðurofsi er þessa stundina á Kjalarnesi og beinir lögregla þeim tilmælum til ökumanna að fara mjög varlega. Bílar með tjaldvagna og fellihýsi í eftirdragi gætu jafnvel þurft að bíða á meðan veðrið gengur yfir.</font />

Innlent 13.10.2005 19:27

Gestir Humarhátíðar leituðu skjóls

All margir gestir humarhátíðar á Höfn þurftu aðstoð frá björgunarsveitum við að taka saman föggur sínar þegar veðrið tók að versna í gær morgunn. Þar sem ekki var ráðlagt að vera á ferðinni vegna veðurs leituðu um 80 manns skjóls í íþróttahúsinu og biðu þar eftir að veðrinu slotaði.

Innlent 13.10.2005 19:27

Mótmælin merkilegri en tónleikar

Helgin var undirlögð viðburðum sem hafa áttu áhrif á leiðtoga átta helstu iðnríkja heims sem funda á miðvikudaginn. Í Edinborg í Skotlandi gengu yfir tvö hundruð þúsund manns hring í borginni til að hvetja leiðtogana til að grípa til aðgerða gegn hungri og fátækt í Afríku.

Erlent 13.10.2005 19:27

Lokaður vegna aurskriðu

Vegurinn um Fagradal milli Egilsstaða og Reyðarfjarðar er lokaður vegna aurskriðu við Mýrarbotna. Slæmt veður er á þessum slóðum, rigning og rok, og óljóst hvenær hægt verður að opna veginn aftur.

Innlent 13.10.2005 19:27

Þrjár sprengjur sprungu í Pristina

Þrjár sprengjur sprungu í miðborg Pristina í Kosovo í nótt. Sprengjurnar sprungu nær samtímis við húsnæði Sameinuðu þjóðanna, Öryggis- og samvinnustofnunar Evrópu og héraðsstjórnarinnar.

Erlent 13.10.2005 19:27

Mikið neðansjávargos virðist hafið

Mikið neðansjávargos virðist hafið skammt frá japönsku eyjunni Iwo Jima. Starfsmenn japönsku landhelgisgæslunnar sáu gufustrók rísa upp úr sjónum í gær og í könnunarflugi kom í ljós að hann náði kílómetra upp í loftið og vatnið virtist rauðleitt þar sem strókurinn kom upp.

Erlent 13.10.2005 19:27

Ók á konu og flúði

Ekið var á konu við Vaglaskóg í nótt og ökumaðurinn stakk síðan af. Þegar hann var kominn nokkuð frá vettvangi beið lögreglan á Akureyri eftir honum og gómaði hann. Þá var einnig ekið á mann á Flúðum seint í gærkvöldi.

Innlent 13.10.2005 19:27

Vegurinn opnaður um níuleytið

Vegurinn um Fagradal milli Reyðarfjarðar og Egilsstaða mun verða opnaður um klukkan níu í kvöld að sögn Vegagerðarinnar. Unnið hefur verið að því frá því upp úr hádegi að ryðja veginn eftir að aurskriður féllu á hann. Ökumönnum er þó bent á að fara varlega því fleiri aurskriður gætu fallið.  

Innlent 13.10.2005 19:27

Skessuhorn kaupir vefinn 847.is

Fyrirtækið Skessuhorn ehf, sem gefur út héraðsfréttablaðið Skessuhorn á Vesturlandi og vefmiðilinn skessuhorn.is, hefur fest kaup á hestavefnum 847.is.

Innlent 13.10.2005 19:27

GSM-sendir Og Vodafone úti

GSM-sendir hjá Og Vodafone er úti á Egilsstöðum vegna bilunar í ljósleiðara á Austurlandi. Þá hefur bilunin einnig áhrif á ADSL-notendur á Stöðvarfirði, Fáskrúðsfirði og á Djúpavogi.

Innlent 17.10.2005 23:41

Sigur Rós syngur á íslensku

Upptökum á nýrri geislaplötu hljómsveitarinnar Sigur Rósar er lokið en þær hafa staðið með hléum síðasta eina og hálfa árið.

Innlent 13.10.2005 19:27

Ljósleiðari rofnaði fyrir austan

Ljósleiðari Símans rofnaði um hádegið í dag, að því er talið er vegna aurskriðunnar sem féll á milli Reyðarfjarðar og Fáskrúðsfjarðar. Bilunin hefur engin áhrif á talsímasamband Símans á þessu svæði. Aftur á móti liggur útsending Ríkisjónvarpsins niðri en útsending Ríkisútvarpsins er inni.

Innlent 13.10.2005 19:27

Bandarískur njósnari slapp

Bandarískum njósnara tókst að komast undan óvinum sínum í austurhluta Afganistan. Maðurinn er hluti sérsveitarhóps sem hefur verið týndur síðan á þriðjudaginn, samkvæmt fréttastofu CNN.

Erlent 13.10.2005 19:27