Ágæt sala á fasteignamarkaði borgarinnar

Fjöldi þinglýstra kaupsamninga á höfuðborgarsvæðinu í síðustu viku var 106. Þar af voru 73 samningar um eignir í fjölbýli, 23 samningar um sérbýli og 10 samningar um annars konar eignir en íbúðarhúsnæði.

Páskarnir juku veltuna í dagvörum um 8% milli ára í mars

Velta í dagvöruverslun jókst um 8,0% á föstu verðlagi í mars miðað við sama mánuð í fyrra. Verð á dagvöru hefur hækkað um 6,1% á síðastliðnum 12 mánuðum.

Frestur kvenna til að sækja um til Svanna að renna út

Umsóknarfrestur um lánatryggingar úr Svanna – lánatryggingarsjóði kvenna rennur út á morgun, þriðjudaginn 16. apríl. Lánatryggingarsjóðurinn veitir lánatryggingar til kvenna með góðar viðskiptahugmyndir Sjóðurinn er í samstarfi við Landsbankann sem veitir lán og helming ábyrgðar á móti sjóðnum.

Prófessor segir að kókaín hafi valdið fjármálakreppunni

David Nutt prófessor við Imperial háskólann í London segir að kókaín hafi valdið fjármálakreppunni sem hófst af fullum krafti árið 2008.

Íslenskur vefhönnuður meðal þeirra fremstu í heimi

Vefhönnuðurinn Haraldur Þorleifsson er á hraðri uppleið. Hann er eftirsóttur á meðal tölvurisa heimsins, hefur unnið fyrir Microsoft og Motorola og var á dögunum tilnefndur til stórra alþjóðlegra verðlauna fyrir vinnu sína fyrir Google.

Innistæðueigendur á Kýpur gætu tapað 1.300 milljörðum

Efnaðir innistæðueigendur á Kýpur, það er þeir sem eiga meir en 100.000 evrur inn á reikningum sínum í tveimur stærstu bönkunum, gætu tapað 8,2 milljörðum evra eða tæplega 1.300 milljörðum kr.

Samkeppnishæfni Íslands jókst nokkuð í fyrra

Ísland var í 26. sæti lista IMD viðskiptaháskólans í Sviss hvað samkeppnishæfni varðar í fyrra og færist upp um fimm sæti frá árinu áður.

Vísbendingar um samdrátt í einkaneyslu frá áramótum

Kortaveltutölur fyrir fyrstu þrjá mánuði ársins benda til þess að einkaneysla hafi dregist saman að raunvirði á fyrsta ársfjórðungi.

Búinn að undirrita fríverslunarsamninginn

Össur Skarphéðinsson, utanríkisráðherra, og Gao Hucheng, viðskiptaráðherra Kína, undirrituðu í morgun í Peking fríverslunarsamning milli Íslands og Kína að viðstöddum forsætisráðherrum ríkjanna. Þetta er fyrsti fríverslunarsamningur sem Evrópuríki gerir við Kína og veitir íslenskum fyrirtækjum og útflutningsgreinum forskot á ört vaxandi Kínamarkað.

Útlit fyrir hagvöxt í Grikklandi á næsta ári

Útlit er fyrir hagvöxt í Grikklandi á næsta ári og yrði það í fyrsta sinn á síðustu sex árum að hagvöxtur mælist í landinu. Þetta kemur fram í sameiginlegri yfirlýsingu frá Evrópusambandinu, Seðlabanka Evrópu og Alþjóðagjaldeyrissjóðnum, oft kallað þríeykið.

Heimsmarkaðsverð á gulli og silfri í frjálsu falli

Heimsmarkaðsverð á gulli og silfri er í frjálsu falli þennan morguninn. Verð á únsu af gulli fór undir 1.400 dollara á markaðinum í London í morgun og hefur verð þess ekki verið lægra síðan í mars árið 2011 að því er segir í frétt á Bloomberg fréttaveitunni.

Krókódíla Dundee svikinn um nærri fjóra milljarða

Ástralski leikarinn Paul Hogan, betur þekktur sem Krókódíla Dundee, hefur kært fyrrum fjármálaráðgjafa sinn fyrir að hafa svikið sig um nærri fjóra milljarða króna.

Mál Más gegn Seðlabankanum flutt í Hæstarétti

Mál Más Guðmundssonar seðlabankastjóra gegn Seðlabankanum verður flutt í Hæstarétti á miðvikudaginn. Már tók við stöðu seðlabankastjóra haustið 2009. Í sama mánuði var lögum um kjararáð, sem seðlabankastjóri heyrir undir, breytt. Laun voru lækkuð og inn í lögin var tekið ákvæði um að laun embættismanna yrði ekki hærri en laun forsætisráðherra.

Blankfein er launahæsti bankastjóri heimsins

Launahæsti bankastjóri heimsins er Lloyd Blankfein hjá Goldman Sachs. Heildarlaun hans á síðasta ári námu um 2,5 milljörðum króna og hækkuðu um 75% frá fyrra ári.

Optima og Microsoft í samstarf

Optima er komið í samstarf við Microsoft á vettvangi lausna fyrir lítil og meðalstór fyrirtæki. Með þessu samstarfi getur Optima boðið fyrirtækjum allar lausnir Microsoft og stutt við bakið á þeim með þjónustu vottaðra Microsoft sérfræðinga sem starfa hjá Optima.

Framkvæmdastjóri Háfells hættir

Jóhann Gunnar Stefánsson, annar aðaleigandi og framkvæmdastjóri Háfells undanfarin 6 ár, hefur ákveðið að láta af störfum fyrir félagið um næstkomandi mánaðarmót.

Ræddi við Kínverja um samstarf um olíuleit

Össur Skarphéðinsson utanríkisráðherra hvatti um helgina kínversk stjórnvöld til samstarfs um olíuverkefni á Drekasvæðinu en íslenskt fyrirtæki sem stofnað hefur verið í þeim tilgangi hefur óskað eftir samvinnu við kínverska fyrirtækið Sinopec um það. Össur og Jóhanna Sigurðardóttir forsætisráðherra eru saman komin í Kína til þess að undirrita fríverslunarsamning. Utanríkisráðherrar landanna munu undirrita samninginn að viðstöddum forsætisráðherrum.

Sex hjúkrunarheimili taka Sögu sjúkraskrá í notkun

Sex hjúkrunarheimili hafa að undanförnu tekið í notkun Sögu sjúkraskrárkerfi, hugbúnaðarlausn frá TM Software. Þau eru Hrafnista Reykjavík, Hrafnista Hafnarfirði, Droplaugarstaðir, Seljahlíð, Fellsendi og Ísafold í Garðabæ. Fjögur fyrstu hafa lokið innleiðingu en unnið er að innleiðingu hjá hinum.

Verðið á Brent olíunni ekki verið lægra í níu mánuði

Heimsmarkaðsverð á olíu heldur áfram að lækka og hefur verðið á Brent olíunni ekki verið lægra undanfarna níu mánuði.

Búast við að fá 3,5 milljarða fyrir sálmabók

Fyrsta bókin sem var prentuð í Bandaríkjunum verður seld á uppboði í nóvember n.k. Um sálmabók er að ræða og búist er við að allt að 3,5 milljarðar kr. fáist fyrir hana.

Velta erlendra greiðslukorta jókst um 37,5% í mars

Heildarvelta erlendra greiðslukorta á Íslandi í mars s.l. var 5,2 milljarðar kr. sem er aukning um 37,5% miðað við sama mánuð í fyrra í fyrra.

Útlán ÍLS hafa minnkað um meir en helming á þremur árum

Heildarútlán Íbúðalánasjóðs hafa dregist verulega saman eða um yfir helming á síðustu þremur árum. Þetta kemur fram í nýjustu mánaðarskýrslu sjóðsins.

Milljón fyrir Íslendingaapp - keppni lýkur í dag

Samkeppni Háskóla Íslands og Íslenskrar erfðagreiningar um svokallað Íslendingaapp lýkur í dag með úrslitakeppni sem fram fer í sal Íslenskrar erfðagreiningar eftir hádegi.

Hagvöxtur taki kipp á næsta ári

Gert er ráð fyrir að hagvöxtur í ár verði 1,9 prósent í nýrri þjóðhagsspá Hagstofu Íslands. Spáin gerir jafnframt ráð fyrir aukningu hagvaxtar á næsta ári, verði "um það bil 2,8 prósent á ári frá og með 2014“.

Hiti skiptir sköpum

"Heitt jóga er einfaldara en marga grunar og allir geta stundað það á sínum styrk og með sama árangri,“ segir Jóhanna Karlsdóttir sem kynnti heitt jóga fyrir Íslendingum árið 2009. Hún kennir í heitasta sal landsins í Sporthúsinu og miðlar nú fræðunum um víða veröld.

Reiknar með höfðun skaðabótamáls

Jóhannes Ingi Kolbeinsson, framkvæmdastjóri Kortaþjónustunnar, fagnar úrskurði Samkeppniseftirlitsins, sem lagði í dag 500 milljóna króna sekt á Valitor fyrir alvarleg brot á samkeppnislögum.

Sannfærðir um að þeir hafi ekki brotið lög

Ég hugsa að það hafi engir hugsað þessa ákvörðun meira en ég og Ragnar Hall, sagði Gestur Jónsson hæstaréttarlögmaður í samtali við Ísland í dag í gær. Þar ræddi hann um þá ákvörðun sína og Ragnars Hall að biðjast lausnar sem verjendur tveggja sakborninga í al-Thani málinu. Málið snýst um ákæru á hendur fjórum fyrrverandi stjórnendum Kaupþings fyrir markaðsmisnotkun og umboðssvik.

Valitor fær 500 milljóna króna sekt

Samkeppniseftirlitið lagði í dag 500 milljóna króna sekt á Valitor fyrir alvarleg brot á samkeppnislögum. Í ákvörðun Samkeppniseftirlitsins, sem birt er í dag, er komist að þeirri niðurstöðu að Valitor hafi misnotað markaðsráðandi stöðu sína með aðgerðum sem beindust gegn keppinautum félagsins á markaði fyrir færsluhirðingu. Einnig braut Valitor gegn skilyrðum sem fyrirtækið hafði skuldbundið sig til þess að virða.

Frumtak kaupir hlut í Cintamani fyrir 320 milljónir

Frumtak hefur lokið kaupum á 30% hlut í Cintamani af Kristni Má Gunnarssyni eiganda fyrirtækisins. Verðið á hlutnum nam 320 milljónum króna.

Gistinóttum fjölgaði um 15%

Gistinóttum fjölgaði um 15,1% á nýliðnu ári og voru 3,7 milljónir, samkvæmt tölum Hagstofunnar. Gistinætur erlendra ríkisborgara voru 77% af heildarfjölda gistinátta sem er 18% aukning frá árinu 2011. Gistinóttum Íslendinga fjölgaði um 6% milli ára.

Gerir ráð fyrir 1,9% hagvexti i ár í nýrri þjóðhagsspá

Í nýrri þjóðhagsspá Hagstofunnar er m.a. gert ráð fyrir að landsframleiðsla aukist um 1,9% á þessu ári og 2,7% á því næsta. Aukning einkaneyslu verður minni í ár en í fyrra og fjárfesting dregst saman um 2,3%.

OECD ætlar að berjast gegn skattaundanskotum fyrirtækja

OECD ætlar að vinna markvisst að því að draga úr skattaundanskotum fyrirtækja í heiminum.

McDonalds á undir högg að sækja í Rússlandi

McDonalds hamborgarakeðjan á undir högg að sækja á skyndibitamarkaðinum í Rússlandi vegna aukinnar samkeppni.

Fjármálaráðherrar evrusvæðisins funda um Kýpur í dag

Fjármálaráðherrar evrusvæðisins koma saman til fundar í Dublin í dag til þess að leggja síðustu hönd á neyðarlánin til Kýpur frá Evrópusambandinu og Alþjóðagjaldeyrissjóðnum.

Heimsmarkaðsverð á olíu heldur áfram að lækka

Ekkert lát er á verðlækkunum á heimsmarkaðsverði á olíu þessa dagana. Í morgun var verðið á Brent olíunni komið niður í 104 dollara á tunnuna.

Máli Benedikts Eyjólfssonar áfrýjað til Hæstaréttar

Saksóknari hefur ákveðið að áfrýja til Hæstaréttar nýlegum dómi yfir Benedikt Eyjólfssyni, oftast kenndum við Bílabúð Benna.

Strax búin að fá viðbrögð

Lúxushótelið Ion á Nesjavöllum er til umfjöllunar í nýjasta tölublaði tímaritsins Wallpaper sem kom út í dag.

Íslenska ríkið á nú 98% hlut í Landsbankanum

Íslenska ríkið hefur eignast 18,67% hlut slitastjórnar LBI í Landsbankanum. Samningar um þetta voru undirritaðir klukkan fjögur í dag. Íslenska ríkið á nú 98% hlut í Landsbankanum og Landsbankinn á 2% hlut í sjálfum sér, en starfsmenn bankans mun gefast færi á að eignast þann hlut. Með uppgjörinu í dag er lokið beinum afskiptum LBI hf. af stjórnun Landsbankans.

Segir að samtöl hafi verið hleruð hjá röngum manni

"Það er dapurlegt að horfa upp á það hvernig verjendur hafa hagað sér,“ segir Björn Þorvaldsson, saksóknari hjá sérstökum saksóknara. Hann segir þó að dómari hafi ekki getað komist að annarri niðurstöðu en að fresta málinu um ótiltekinn tíma úr því sem komið var.

Innkalla 3.4 milljónir bíla

Fjórir japanskir bílaframleiðendur hafa innkallað hátt í þrjár komma fimm milljónir bíla vegna bilana í loftpúðum.

Einkatölvan aldrei jafn óvinsæl

Alls voru sjötíu og sex komma þrjár milljónir einkatölva seldar á fyrsta ársfjórðungi þessa árs og er þetta fjórtán prósent minni sala en á sama á síðasta ári.

WOW Air sækir um flugrekstrarleyfi

WOW air lagði formlega inn umsókn fyrir flugrekstrarleyfi til handa félaginu ásamt umbeðnum handbókum. Þess má geta að heildarblaðsíðufjöldi umbeðinna handbóka eru rúmlega 7500 blaðsíður. Flugmálastjóri Pétur Maack og hans næstráðendur tóku á móti gögnunum hjá Flugmálastjórn Íslands.

„Geimskip“ Apple 240 milljarða yfir áætlun

Rándýr skrifstofubygging enn á hönnunarstigi.

Stjórn Eirar leitar nauðasamninga

Stjórn Hjúkrunarheimilisins Eirar þarf að leita eftir formlegum nauðasamningum til lausnar á fjárhagsvanda stofnunarinnar.

Færeyskar útgerðir færa sig í olíuiðnað

Færeyskir útgerðarmenn, sem áður réru til fiskjar, hafa í auknum mæli snúið sér að olíuútgerð og gera nú út nærri tuttugu sérhæfð skip fyrir olíuiðnað. Olíuútrás Færeyinga skilar nú átta til ellefu prósentum af þjóðartekjum eyjanna. Jan Müller ritstýrir fréttavefmiðli færeyska olíugeirans og hann segir okkur að þótt engin vinnanleg olía hafi ennþá fundist í lögsögu Færeyja starfi samt milli þúsund og fimmtán hundruð Færeyingar við olíuiðnaðinn, margir þeirra erlendis. "Til dæmis eru 250 færeyskir rafvirkjar leigðir út til að vinna í norska olíuiðnaðinum.