Segir skattalækkanir geta leitt til þjóðargjaldþrots

David Stockman, efnahagsráðgjafi Ronalds Reagan, fyrrverandi Bandaríkjaforseta og yfirlýstur íhaldsmaður óttast að áætlanir um skattalækkanir í Bandaríkjunum geti þýtt þjóðargjaldþrot fyrir landið.

Ágúst og Lýður missa tökin á Existu

Stjórn Existu ætlar að freista þess að rifta tilteknum gjörningum sem fyrrverandi eigendur og stjórnendur félagsins framkvæmdu. Ágúst og Lýður Guðmundssynir, fyrrverandi aðaleigendur Existu, munu ekki eiga neitt í félaginu í framtíðinni.

Náði samkomulagi við konuna sem hann áreitti

Fyrrum forstjóri Hewlett-Packard tölvuframleiðandans, Mark Hurd, hefur náð samkomulagi um greiðslu bóta til konu sem sakaði hann um kynferðislega áreitni. Ásökun konunnar varð til þess að Hurd lét af forstjórastarfi í fyrirtækinu eins og Vísir sagði frá í gær.

Sara stefnir i gjaldþrot

Skuldir Söru Ferguson, greifynju af York, nema næstum fimm milljónum sterlingspunda. Breska konungsfjölskyldan óttast að hún stefni í gjaldþrot.

Sigmundur Davíð vel lofaður

Sambýliskona Sigmundar Davíðs Gunnlaugssonar, formanns Framsóknarflokksins, á 1,3 milljarða króna í hreina eign, ef marka má auðlegðarskattinn sem hún greiddi.

Hver farþegi skilar minni tekjum

Tekjur SAS flugfélagsins af hverjum farþega lækkuðu um 9% í júlí, samkvæmt nýjum tölum frá SAS. Norski viðskiptavefurinn e24 segir að þetta sé umtalsvert meira tap en flugfélagið hafði gert ráð fyrir.

Forstjóri HP hættir vegna ásakana um áreitni

Mark Hurd, forstjóri Hewlett-Packard tölvuframleiðandans, hefur sagt starfi sínu lausu eftir að hann var ásakaður um að hafa áreitt konu kynferðislega. Konan var viðskiptavinur fyrirtækisins. Talsmenn Hewlett-Packard segja að stefnumörkun fyrirtækisins gegn kynferðilegri áreitni hefði ekki verið brotin. Hins vegar hefðu reglur fyrirtækisins um viðskiptasiðferði verið brotnar. Cathie Lesjak hefur verið ráðin forstjóri Hewlett-Packard til bráðabirgða.

Kennitöluflakk á öllum stigum atvinnulífsins, líka í kjötvinnslu

Eigendur Kjötbankans, sem nú er gjaldþrota, skiptu um nafn á félaginu og fluttu vörumerki, heimasíðu og nafn félagsins í nýja kennitölu fyrir gjaldþrot. Fimmtán starfsmenn hins gjaldþrota félags hafa ekki fengið greidd laun fyrir júlí og óvíst hvort þeir fái launakröfur sínar greiddar.

Íslandsbanki ræður nýjan framkvæmdastjóra

Sigríður Olgeirsdóttir hefur verið ráðin framkvæmdastjóri Rekstrar- og upplýsingatæknisviðs Íslandsbanka og mun hún bera ábyrgð á upplýsingatækni, rekstri, bakvinnslu og gæðamálum.

Litlar breytingar á GAMMA

Skuldabréfavísitalan GAMMA: GBI lækkaði um 0,4% í dag í 6,1 ma. viðskiptum. GAMMAi: Verðtryggt lækkaði um 0,5% í 3,4 ma. viðskiptum og GAMMAxi: Óverðtryggt lækkaði um 0,1% í 2,7 ma. viðskiptum.

Endurskipulagningu Sparisjóðs Norðfjarðar lokið

Samningur um fjárhagslega endurskipulagningu Sparisjóðs Norðfjarðar við Seðlabanka Íslands hefur verið undirritaður og öll skilyrði hans uppfyllt.

Samkeppniseftirlitið gagnrýnir landbúnaðarráðuneytið harðlega

Samkeppniseftirlitið gerir alvarlegar athugasemdir við frumvarp um breytingar á búvörulögum þar sem fyrirhugað er að lögfesta

Erlendum ferðamönnum fjölgaði um 1200

Um 1200 fleiri ferðamenn fóru um Leifsstöð í júlí en í sama mánuði í fyrra samkvæmt talningu Ferðamálastofu. Brottfarir erlendra gesta um Leifsstöð í júlímánuði síðastliðnum voru 83.500. Aukningin nemur 1,5% á milli ára. Mun fleiri Íslendingar eða 23% fóru utan í júlímánuði í ár en í fyrra, voru 28.500 í júlí síðastliðnum en 23.100 á síðasta ári.

SP-Fjármögnun braut gegn lögum um ólögmæta viðskiptahætti

Neytendastofa hefur komist að þeirri niðurstöðu að SP-Fjármögnun hafi brotið gegn lögum um óréttmæta viðskiptahætti. Niðurstaðan kemur í framhaldi kvörtunnar yfir skilmálum bílasamnings við SP-Fjármögnun.

Greining spáir 0,5 prósentustiga stýrivaxtalækkun

Greining Íslandsbanka reiknar með því að peningastefnunefnd Seðlabankans ákveði að lækka stýrivexti bankans um 0,50 prósentustig á næsta vaxtaákvörðunardegi, þann 18. ágúst næstkomandi.

Óska eftir tilnefningum í stjórnir sparisjóða

Bankasýsla ríkisins óskar eftir tilnefningum í stjórnir sparisjóða sem fyrirséð er að verði á forræði Bankasýslunnar. Nú er sérstaklega óskað eftir tilnefningum í stjórn Sparisjóðs Norðfjarðar. Í tilkynningu frá Bankasýslunni kemur fram að þriggja manna valnefnd, sem skipuð er af stjórn Bankasýslu ríkisins, undirbúi tilnefningar aðila fyrir hönd ríkisins í stjórnir fyrirtækja sem séu á forræði stofnunarinnar.

Leita að fólki til að stofna sprotafyrirtæki

Klak-Nýsköpunarmiðstöð atvinnulífsins bíður fólki ókeypis námskeiðsgjöld í Viðskiptasmiðjunni í haust gegn því að leiða stofnun og uppbyggingu nýrra sprotafyrirtækja.

Kreditkortaveltan jókst um 8,3% á fyrri helming ársins

Kreditkortavelta heimila jókst um 8,3% í janúar-júní í ár miðað við janúar-júní í fyrra. Debetkortavelta jókst um 4,4% á sama tíma.

Um 4,5 milljarða afgangur af vöruskiptum

Vöruskiptin í júlí voru hagstæð um 4,5 milljarða króna samkvæmt bráðabirgðatölum frá Hagstofunni. Útflutningur nam 43,9 milljötðum króna og innflutningur 39,4 milljörðum króna. Þetta er umtalsvert meiri afgangur af vöruskiptum en í júlí í fyrra en þá nam hann hálfum milljarði króna.

Miklar verðhækkanir á brauði framundan

Hinar miklu verðhækkanir á hveiti undanfarnar vikur mun leiða til þess að matvælaverð hækkar töluvert á seinni hluta ársins.

Kornbann Rússa olli uppnámi á hrávörumörkuðum

Mikið uppnám varð á hrávörumörkuðum síðdegis í gær eftir að rússnesk stjórnvöld tilkynntu um útflutningsbann á korni frá Rússlandi en bannið gildir til áramóta.

Segja að ESB hafi sett löndunarbann á makríl frá Íslandi

Norskir fjölmiðlar greina frá því í dag að Evrópusambandið (ESB) hafi sett löndunarbann á makríl frá Íslandi og Færeyjum.

Dýrast að borga í stöðumæli í Kaupmannahöfn

Kaupmannahöfn er orðin sú borg í heiminum þar sem dýrast er að borga bílastæðagjöld.

Salan fyrir luktum dyrum og kaupverð ekki gefið upp

Stjórnarformaður Heklu og fyrrverandi forstjóri félagsins keypti Vélasvið Heklu út úr fyrirtækinu í byrjun sumars. Arion banki á Heklu en salan fór fram fyrir luktum dyrum og kaupverð er ekki gefið upp.

Kaupþingsfólkið með stærstu skuldirnar með minnstan greiðsluvilja

Margir lykilstarfsmenn Kaupþings sem voru með hæstu lánin eru þeir sem sýna minnstan greiðsluvilja og hafna því að þurfa að greiða til baka lánin, en slitastjórn bankans hefur höfðað mál gegn áttatíu fyrrverandi starfsmönnum Kaupþings vegna lána sem þeir fengu til hlutabréfakaupa.

Jón Ásbergsson verður framkvæmdastjóri Íslandsstofu

Stjórn Íslandsstofu ákvað á fundi sínum í dag að ráða Jón Ásbergsson sem framkvæmdastjóra Íslandsstofu. Jón er viðskiptafræðingur að mennt og hefur m.a. verið framkvæmdastjóri Loðskinns á Sauðárkróki, Hagkaupa og síðast Útflutningsráðs Íslands.

Bretar keyptu færri bíla

Sala á nýjum bílum í Bretlandi dróst saman í júlí, í fyrsta sinn í heilt ár. Alls voru 136,446 bílar skráðir í síðasta mánuði. Það er samdráttur um 13,2% miðað við júlí í fyrra, eftir því sem fram kemur í frétt Daily Telegraph.

GAMMA hækkaði um 0,4%

Skuldabréfavísitalan GAMMA: GBI hækkaði um 0,4% í dag í 10,6 ma. viðskiptum. GAMMAi: Verðtryggt hækkaði um 0,5% í 6,9 ma. viðskiptum og GAMMAxi: Óverðtryggt lækkaði lítillega í 3,7 ma. viðskiptum.

Telur Lýsingu hafa brotið lög

Neytendastofa telur að ákvæði bílasamnings, sem Lýsing gerði við bifreiðakaupanda, um vexti láns, bæði íslenskan og erlendan hluta þess,

Grikkjum gengur vel að fást við fjárlagahallann

Aðgerðir Grikkja til að fást við fjárlagahalla ríkissjóðs ganga vel að mati Alþjóðagjaldeyrissjóðsins og Evrópusambandsins. Starfslið á vegum Alþjóðagjaldeyrissjóðsins, Evrópusambandsins og Seðlabanka Evrópu var nýlega í Grikklandi til að kynna sér stöðu mála.

Álfheiður er ríkasti ráðherrann

Álfheiður Ingadóttir heilbrigðisráðherra er ríkasti ráðherrann samkvæmt álagningaskrá sem birt var um síðustu mánaðamót. Eftir því sem fram kemur í Viðskiptablaðinu í dag á Álfheiður 150 milljónir í eignir umfram skuldir sem hún greiðir auðlegðarskatt af.

Rólegt á millibankamarkaði með gjaldeyri

Velta á millibankamarkaði með gjaldeyri í júlímánuði 2010 nam 629 milljónum kr. sem er 312 milljónum kr. minni velta en í júní mánuði. Gengi krónunnar styrktist um 0,12 % gagnvart evru í mánuðinum.

Iceland Express fjölgar starfsmönnum vegna aukinna umsvifa

Iceland Express hyggst færa út kvíarnar næsta sumar og fljúga daglega til New York frá og með júníbyrjun. Félagið mun líka fjölga áfangastöðum í Bandaríkjunum og fljúga fjórum sinnum í viku til Boston. Einnig verður flogið til Chicago. Þessi auknu umsvif Iceland Express kalla á fjölgun starfsmanna hjá félaginu.

Gistinóttum fjölgaði um 5% í júní

Gistinætur á hótelum í júní síðastliðnum voru 157.000 en voru 149.000 í sama mánuði árið 2009. Þetta er um 5% fjölgun milli ára.

Hvetja ESB til löndunarbanns á allar íslenskar sjávarafurðir

Aukin harka er að færast í deilu Íslendinga og Færeyinga við Evrópusambandið og Noreg vegna makrílveiðanna. Stjórnvöld í Noregi hafa þegar sett löndunarbann á markríl frá íslenskum og færeyskum fiskiskipum.

Íslendingar í sumarfríi erlendis hagnast á krónugenginu

Íslendingar sem ferðast erlendis í sumarfríum sínum í ár hafa hagnast töluvert á því að gengi krónunnar hefur styrkst frá áramótum.

FME sektar Atorku um 8 milljónir fyrir brot á lögum

Fjármálaeftirlitið (FME) hefur ákveðið að sekta Atorku um átta milljónir króna vegna brota á lögum um verðbréfaviðskipti. Er þetta ein mesta sekt sem Fjármálaeftirlitið hefur beitt gegn einstöku félagi vegna slíks brots frá hruninu haustið 2008.

Áttatíu starfsmönnum Kaupþings stefnt

Um 80 starfsmönnum gamla Kaupþings hefur verið stefnt til greiðslu skuldar vegna hlutabréfakaupa í bankanum. Þetta kemur fram í Viðskiptablaðinu, sem kemur út í fyrramálið.

Afskrifar sex milljarða vegna lána til stjórnenda Atorku

Skilanefnd Landsbankans þarf að afskrifa rúmlega sex milljarða króna vegna lánveitinga til félaga í eigu fyrrverandi eigenda og stjórnenda fjárfestingafélagsins Atorku, en félögin hafa nú verið tekin til gjaldþrotaskipta.

Á fimmta hundrað manns verið sagt upp í hópuppsögnum

Alls hefur 430 manns verið sagt upp störfum í hópuppsögnum það sem af er árinu, samkvæmt upplýsingum á vef Vinnumálastofnunar. Um 18 uppsagnir hefur verið að ræða. Þar af var 89 manns sagt upp í hópuppsögnum í júlí. Um var að ræða fyrirtæki í byggingariðnaði.

Litlar breytingar á GAMMA

Skuldabréfavísitalan GAMMA: GBI hækkaði um 0,5% í dag í 12,6 ma. viðskiptum. GAMMAi: Verðtryggt hækkaði um 0,6% í 7,7 ma. viðskiptum og GAMMAxi: Óverðtryggt hækkaði um 0,2% í 4,9 ma. viðskiptum.

Rekstur S. Helgasonar tryggður

Fjárhags- og rekstrarlegri endurskipulagningu S. Helgasonar ehf. er lokið. Félagið rekur stærstu og elstu steinsmiðju landsins og einnig verslun með afurðir sínar að Skemmuvegi 48 í Kópavogi.

Skattalega óhagstætt fyrir ríkið að eigandinn sé sænskt félag

Það er óhagstæðara fyrir íslenska ríkið að eigandi HS Orku er sænskt félag en ekki kanadískt. Þetta segir forstöðumaður skattasviðs KPMG. Ef eigandinn væri skráður í Kanada, en ekki Svíþjóð, nyti íslenska ríkið aukinna skatttekna vegna eignarhaldsins.

Mikið framboð á verslunarhúsnæði í kreppunni

Fermetrafjöldi verslunarhúsnæði á höfuðborgarsvæðinu hefur aukist töluvert frá því að kreppan braust út. Á síðasta ári jókst fermetrafjöldi verslunarhúsnæðis á höfuðborgarsvæðinu um 7,9% en heildarfermetrafjöldi verslunarhúsnæðis á höfuðborgarsvæðinu er nú 816.408 fm. eða sem nemur 4 fm. á hvern íbúa.

Græn framtíð endurnýtir raftæki fyrir Grænlendinga

Græn framtíð ehf., sem sérhæfir sig í endurnýtingu á smáraftækjum, hefur ýtt úr vör endurnýtingaráætlun fyrir fjarskiptafélagið Tele Greenland.