Karl og Guðmundur yfirheyrðir vegna rannsóknar á Milestone

Karl Wernersson og Guðmundur Ólason hafa báðir verið yfirheyrðir í tengslum við rannsókn sérstaks saksóknara á tryggingafélaginu Sjóvá. Hafa þeir stöðu grunaðs manns. Karl Wernersson var aðaleigandi Milestone, eignarhaldsfélags Sjóvár, og Guðmundur Ólason var forstjóri félagsins.

Svínaflensan hefur ekki áhrif á sölu svínakjöts á Íslandi

„Það hefur ekki orðið mikil breyting hér á landi í neyslu svínakjöts, neytendur eru vel upplýstir um þá staðreynd að það er ekki rétt að tengja saman neyslu á þessari afurð og þeirri svínaflensu sem nú ríður yfir heiminn,“ segir Hörður Harðarson, formaður félags svínabænda.

Langmesta verðbólgan hér á landi af EES löndunum

Verðbólgan í júlí var 16,5% hér á landi og er sú langhæsta meðal ríkja evrópska efnahagssvæðisins samkvæmt samræmdri vísitölu neysluverðs sem Hagstofa Evrópusambandsins hefur birt. Næst Íslandi kemst Rúmenía með 5% verðbólgu, þar á eftir kemur Ungverjaland með 4,9% verðbólgu og í Póllandi mælist verðbólgan 4,5%. Þetta kemur fram í Morgunkorni Greiningar Íslandsbanka.

Litlar breytingar á gengi krónunnar

Litlar sem engar breytingar hafa orðið á gengi krónunnar í morgun, á fyrsta viðskiptadegi eftir að Icesave frumvarpið var afgreitt úr fjárlaganefnd.

Svínaflensan hefur áhrif á neyslu svínakjöts

Útflutningur á svínakjöti frá Bandaríkjunum dróst saman um 20% á fyrstu sex mánuðum ársins og allt bendir til þess að fyrsta árlega niðursveiflan í útflutningi á svínakjöti síðan 1990 verði að veruleika. Sérfræðingar telja að verð á framvirkum samningum á svínakjöti gæti lækkað um þriðjung frá miðjum ágúst og fram til áramóta.

Töluverð aukning aflaverðmætis

Aflaverðmæti íslenskra skipa nam tæpum 42 milljörðum króna fyrstu fimm mánuði ársins 2009, samanborið við 40 milljarða á sama tímabili 2008. Aflaverðmæti hefur því aukist um tæpa 2 milljarða eða 4,2 % á milli ára.

Íslendingar hagnast á kreppunni

Íslendingar hagnast á kreppunni á meðan aðrir Evrópuþjóðir eru eyðilagðar yfir ástandinu. Þetta kemur fram í vefútgáfu kanadíska blaðsins The Vancouver Sun. Þar segir að á meðan flest lönd í Evrópu hafi þurfi að horfast í augu við mikinn samdrátt í ferðaiðnaði sé því öfugt farið með Ísland

Forseti Íslands sannfærði stjórnendur Singer & Friedlander

Kaupþing yfirtók Singer & Friedlander bankannn árið 2005 eftir að Ólafur Ragnar Grímsson, forseti Íslands, hafði ári áður haldið bankaráðsformanni og forstjóra Singer & Friedlander hádegisverðarboð með stjórnendum Kaupþings, að beiðni Sigurðar Einarssonar. Þetta kemur fram í Sögu af forseta, sem skrifuð er af Guðjóni Friðrikssyni sagnfræðingi.

Mishkin: Skýrslan var ekki heilbrigðisvottorð

„Við gengum út frá því að Ísland væri þróað ríki með öflugar stofnanir, en áttuðum okkur ekki á að þær höfðu ekki burði til að veita svona stóru bankakerfi aðhald,“ segir Frederic Mishkin, prófessor í hagfræði við Columbia háskólann í New York, Hann segir skýrslu frá árinu 2006 ekki hafa verið heilbrigðisvottorð fyrir íslenskt efnahagslíf.

Rotið eðli bankanna að koma í ljós

Tæpu ári eftir hrun íslensku bankanna er rotið eðli þeirra smátt og smátt að koma í ljós, segir í grein í breska blaðinu Telegraph. Greinin birtist á vef Telegraph í gærkvöldi og ber yfirskriftina: Hvaða ljótu leyndarmál bíða uppljóstrunar eftir bankahrunið á Íslandi?

Skuggamálaráðherra vill kaupauka og bónusgreiðslur í burtu

George Osborne, skuggamálaráðherra Íhaldsflokksins í fjármálum, vill útrýma kaupaukum og öðrum bónusgreiðslum til æðstu yfirmanna banka og fjármálastofnanna sem hlotið hafa opinbera aðstoð af einhverju tagi.

Fyrirtæki Kevins Stanford skuldar skatti 30 milljónir

Fyrirtæki í eigu athafnamannsins Kevins Stanford, viðskiptafélaga Baugs og stórs skuldanautar í Kaupþing, er farið í þrot vegna rúmlega 30 milljóna skattaskuldar. Félagið sem um ræðir heitir Brookes Chauffeur Services og keyrði áður kóngana í smásöluverslun í London um borgina.

Magma Energy stefnir hátt

Stjórnarformaður Magma Energy segir að stefna félagsins sé að verða eitt stærsta fyrirtæki í heimi á sviði jarðhitaorku. Félagið hefur nú hafið viðræður um kaup á hlut Orkuveitu Reykjavíkur í HS Orku.

Heildarútlán Íbúðalánasjóðs 30% minni en í fyrra

Heildarútlán Íbúðalánasjóðs fyrstu sex mánuði þessa árs voru um 17,4 milljarðar en það eru um 30% minni útlán en á fyrstu sex mánuðum ársins 2008.

Stærsti bankinn sem verður gjaldþrota í ár

Colonial bankinn í Montgomery í Alabama er stærsti bankinn í Bandaríkjunum sem verður gjaldþrota á þessu ári. Innistæðutryggingasjóðurinn í Bandaríkjunum tók bankann yfir bankann í gær en meira en 70 fjármálastofnanir hafa verið teknar yfir það sem af er ársins.

Þór með stöðu grunaðs manns

Rannsókn sérstaks saksóknara á tryggingafélaginu Sjóvá er vel á veg komin. Nokkrir eru með stöðu grunaðs í rannsókninni, þar á meðal Þór Sigfússon, formaður Samtaka atvinnulífsins. Þetta kemur fram í Morgunblaðinu í dag.

Bretar beittu Íslendinga hörku

Dálkahöfundurinn Andrew Hill segir í Financial Times í dag að Bretar hafi beitt Íslendinga hörku, eitthvað sem þeir hefðu aldrei gert gagnvart stóru ríki. En ábyrgðin sé hins vegar líka í höndum íslenskra yfirvalda og sérstaklega þeirrar ríkisstjórnar sem var við völd á Íslandi á síðustu árum og einnig Fjármálaeftirlitsins. Hann segir að breska og íslenska fjármálaeftirlitið og yfirvöld beggja landa deili ábyrgð á því hvernig fór með Icesave reikningana.

27 alþjóðlegir bankar í mál vegna Spron

Tuttugu og sjö stórir alþjóðlegir bankar hafa nú hafið skaðabótamál gegn Seðlabanka Íslands, fjármálaráðuneytinu, Fjármálaeftirlitinu og Sparisjóði Reykjavíkur. Stjórnendur bankanna eru ósáttir við að ríkið hafi yfirtekið rekstur Spron og vilja fá viðurkennda skaðabótaskyldu. Telja þeir að yfirtakan hafi valdið þeim óþarfa tjóni þar sem samningar um lánalengingar voru þegar í gangi til að bjarga bankanum frá þroti.

Bókfært virði 200 milljörðum hærra en markaðsvirði

Exista færði eignarhluti sína í Kaupþingi og fleiri félögum á tæplega 200 milljarða króna meira virði í bækur sínar en markaðurinn sagði til um. Bókhaldsaðferðin er þó fullkomlega löglega.

Heildarútlán Íbúðalánasjóðs dragast saman um 7%

Alls námu heildarútlán Íbúðalánasjóðs rúmlega 2,4 milljörðum króna í júlí. Þar af voru rúmir 1,7 milljarðar vegna almennra lána og tæpar 700 milljónir vegna leiguíbúðalána. Heildarútlán sjóðsins drógust því saman um rúm 6,9 % frá fyrri mánuði.

Tap Skipta 2,1 milljarður á fyrri hluta árs

Tap Skipta á fyrri hluta árs nam 2,1 milljarði króna sem skýrist einkum af gengisþróun íslensku krónunnar á tímabilinu. Tap á sama tímabili árið 2008 var 4,0 milljarðar króna. Skipti á meðal annars Símann og er fyrirtækið í eigu Exista.

Kröfuhafar samþykktu nauðasamninga

Allir kröfuhafar Eimskips greiddu atkvæði með nauðasamningafrumvarpi félagsins en atkvæði voru greidd á kröfuhafafundi félagsins í dag. Í tilkynningu frá Eimskip kemur fram að félagið muni nú leggja fram skriflega kröfu um staðfestingu nauðasamnings fyrir héraðsdómara í næstu viku.

Fjölmörg mál rannsökuð frá bankahruni

Fjármálaeftirlitið hefur rannsakað fjölda mála frá bankahruni, tuttugu málum hefur verið vísað til embættis sérstaks saksóknara og einu máli hefur verið vísað til efnahagsbrotadeildar ríkislögreglustjóra.

Endurfjármögnun Íslandsbanka og Nýja Kaupþings tryggð

Ríkisstjórn Íslands hefur tryggt fjármögnun Íslandsbanka og Nýja Kaupþings, en hún var samþykkt á hluthafafundum í dag að því er fram kemur í tilkynningu frá fjármálaráðuneytinu. Landsbankinn þarf hins vegar meiri tíma.

Eignir tryggingafélaganna hafa dregist saman um fimmtung

Í lok júní námu heildareignir tryggingafélaganna 121,3 milljörðum króna og jukust þær um tæpar 900 milljónir króna frá fyrri mánuði. Á sama tíma fyrir ári námu heildareignir tryggingafélaganna 157,3 milljörðum króna og hafa þær því dregist saman um ríflega fimmtung síðan þá. Þetta kemur fram í Hagsjá Landsbankans í dag.

Skuldabréfavelta tæplega 13 milljarðar

Skuldabréfavelta nam tæplega 12,8 milljörðum í dag. Enn einn daginn var mest velta með óverðtryggð ríkisbréf eða fyrir tæpa 8,2 milljarða króna.

Fimm milljarða króna tap hjá Icelandair Group

Icelandair Group skilaði fimm milljarða króna tapi á fyrstu sex mánuðum ársins. Björgólfur Jóhannsson, forstjóri félagsins segir rekstrarniðurstöðuna ekki vænlega þegar til lengri tíma er litið. Það sé hins vegar mjög ánægjulegt að félagið sé að gera betur en áætlanir fyrir árshelminginn gerðu ráð fyrir.

Lögfræðistofa Reykjavíkur ætlar ekki að rukka Exista fyrir skilanefnd Landsbankans

Lögfræðistofa Reykjavíkur hefur skilað skilanefnd Landsbanka Íslands umboði til þess að annast hagsmunagæslu fyrir nefndina vegna málefna Exista.

Forstjóri efnahagsbrotadeildarinnar hittir Joly í næsta mánuði

Richard Aldeman, forstjóri bresku efnahagsbrotadeildarinnar, mun hitta Evu Joly í næsta mánuði vegna rannsóknar á bankahruninu, eftir því sem Financial Times fullyrðir.

Færri misstu heimili sín en búist var við

Um það bil 11,400 einstuaklingar og fjölskyldur á Bretlandi misstu heimili sín á öðrum ársfjórðungi þessa árs samkvæmt opinberum tölum þar í landi. Búist hafði verið við að töluvert fleiri fjölskyldur þyrft að yfirgefa heimili sín, sérstaklega í ljósi mikils atvinnuleysis á Bretlandi.

Háir vextir líklegir næstu þrjú árin

Háir vextir eru líklega komnir til að vera, að minnsta kosti næstu þrjú árin ef Seðlabankinn breytir ekki þeim forsendum sem bankinn leggur til grundvallar stýrivaxtaákvörðun sinni.

Spá Seðlabankans svartsýnni en í maí

Uppfærð spá Seðlabankans gerir ráð fyrir meiri samdrætti landsframleiðslu næstu tvö árin en maíspá bankans. Þetta kemur fram í Peningamálum Seðlabankans sem gefin voru út í dag.

Viðskiptahallinn hverfi 2010

Seðlabankinn gerir ráð fyrir því að viðskiptajöfnuður við útlönd verði jákvæður á næsta ári. Þetta kemur fram í Peningamálum bankans.

Rannsókn á meintri markaðsmisnotkun Imons langt komin

Rannsókn sérstaks sakskóknara á meintri markaðsmisnotkun Imons, félags í eigu Magnúsar Ármanns, er einna lengst komin af þeim þrjátíu málum sem eru til meðferðar hjá embættinu.

Kröfur í þrotabú Fons nema 40 milljörðum

Launakröfur í þrotabú Fons, eignarhaldsfélag Pálma Haraldssonar, nema um þrjátíu milljónum króna. Heildarkröfur í búið nema hins vegar tæpum fjörutíu milljörðum. Óskar Sigurðsson skiptastjóri þrotabúsins staðfesti þetta í samtali við Fréttastofu í dag.

Kröfuhafar afar ósáttir við háan rekstrarkostnað Exista

Rekstrarkostnaður Existu hleypur enn á hundruðum milljóna króna og eru til að mynda tveir forstjórar starfandi hjá félaginu. Kröfuhafar, með Landsbankann í broddi fylkingar, munu vera ósáttir við þetta og krefjast þess að stjórnendur félagsins fari að sínum hugmyndum, að öðrum kosti verði félagið sett í þrot.

Vextir lækka ekki fyrr en stjórnvöld ganga frá lausum endum

„Vaxtaákvörðun Seðlabankans er að sjálfsögðu vonbrigði en hún kemur mér ekkert á óvart. Ég tel að stjórnvöld þurfi fyrst að ganga frá lausum endum í mörgum afar erfiðum málum áður en Seðlabankinn getur hafið vaxtalækkunarferli sitt,“ segir Jón Steindór Valdimarsson, framkvæmdastjóri Samtaka iðnaðarins, í samtali við fréttastofu.

Krónan styrktist um tæpt prósent í dag

Gengi krónunnar styrktist um 0,86% í dag. Gengisvísitalan stendur nú í 232,3 stigum.

Töluverð velta með hlutabréf

Úrvalsvísitalan hækkaði um 1,55% í tæplega 143 milljóna króna heildarviðskiptum í dag. Stendur vísitalan nú í 758,43 stigum.

Ákvörðun um niðurfellingu skulda almennings ekki í mínum verkahring

Gylfi Magnússon, viðskiptaráðherra, telur það ekki í sínum verkahring að taka fram fyrir hendur bankanna um ákvarðanir varðandi niðurfellingu skulda almennings. Hann segist áður hafa lýst þeirri einörðu afstöðu sinni að ekki sé skynsamlegt að mæla fyrir um tiltekna almenna afskrift skulda.

Gengi krónunnar allt of lágt

Gengi krónunnar er mun lægra en peningastefnunefnd Seðlabankans telur viðunandi. Þeim mun lengur sem gengi krónunnar er svona lágt þeim mun líklegra er að það komi fram í aukinni verðbólgu.

Aflinn dróst saman í júlí

Afli íslenskra skipa var 8,4% meiri á fyrstu sjö mánuðum ársins en á sama tíma í fyrra, reiknað á föstu verði. Þetta kemur fram í morgunkornum Íslandsbanka. Aflinn í júlí var hins vegar 1,5% minni en í sama mánuði í fyrra. Veruleg verðlækkun sjávarfangs á erlendum mörkuðum hefur hins vegar orðið til þess að töluvert minna hefur fengist fyrir aflann á erlendum mörkuðum í ár, en á sama tíma í fyrra.

Atvinnuleysi mælist 8%

Atvinnuleysi í júní mánuði mældist 8,0% sem er 0,1% minna en í maí samkvæmt upplýsingum frá Vinnumálastofnun. Atvinnuleysi hefur nú dregist saman undanfarna þrjá mánuði en í apríl mældist atvinnuleysi 9,1% sem er jafnframt mesta atvinnuleysi sem mælst hefur hér á landi.

Nýr kaupandi Magasin í stórviðskiptum við Kaupþing

Alshair Fiyaz, pakistanski fjárfestirinn, sem keypt hefur hlut í Magasin og Illum var í miklum viðskiptum við Kaupþing samkvæmt upplýsingum úr lánabók Kaupþings í Luxemburg. Lánaheimildir hans hjá bankanum námu 191,1 milljón evra þann 25. september síðastliðinn.

Gengið mun lægra en peninganefnd telur viðunandi

Gengi krónu er mun lægra en peningastefnunefndin hefur talið viðunandi þó það hafi talist stöðugt frá síðustu vaxtaákvörðun. Fyrir vikið hefur hægt á hjöðnun verðbólgunnar. Eigi að síður er þess vænst að verðbólga minnki hratt á ný síðar á árinu. Þetta kemur fram í stefnuyfirlýsingu Seðlabanka Íslands.