Fleiri fréttir

S&P lækkar mögulega lánshæfismat Glitnis

Alþjóðlega matsfyrirtækið Standard & Poor's tilkynnti í dag að það hefði tekið lánshæfismat Glitnis til skoðunar með möguleika á lækkun. S&P staðfestir lánshæfismat langtíma- og skammtímaskuldbindinga.

Mikilvægast að draga úr viðskiptahalla

Skörp lækkun krónunnar kemur sér illa fyrir efnahagslífið og skuldsett heimili að mati Ingimundar Friðrikssonar seðlabankastjóra. Hann telur mikilvægast að draga úr viðskiptahalla til að rétta þjóðarskútuna af.

Kaupþing hækkar í Svíþjóð en íslenski markaðurinn lokaður

Gengi bréfa í Kaupþingi hefur hækkað um 4,4 prósent í OMX-kauphöllinni í Stokkhólmi í Svíþjóð í dag og gengi bréfa í finnska fjármálafyrirtækinU Sampo, sem Exista á tæpan fimmtungshlut í, lækkað um 1,1 prósent, í kauphöllinni í Helsinki í Finnlandi. Á sama tíma eru engin viðskipti með hlutabréf hér enda hlutabréfamarkaðurinn lokaður vegna Skírdagsins.

Markaðsaðstæður éta upp hagnaðinn

Hagnaður svissneska alþjóðabankans Credit Suisse nam 7,76 milljörðum franka, jafnvirði 620,5 milljarða íslenskra króna, á síðasta ári. Erfiðar markaðsaðstæður í byrjun árs munu líklega éta upp hagnað bankans á fyrsta ársfjórðungi, að mati stjórnenda.

FL lækkaði um 21% í vikunni

Þessa stutta vika hefur verið svört fyrir FL Group og Exista. Frá opnun markaða á mánudagsmorgun hefur FL Group lækkað um 21% og hefur markaðsverðið farið úr 113 milljörðum í 87.

Viðsnúningur á síðustu metrunum

Talsverður viðsnúningur varð á gengi hlutabréfa undir lok viðskiptadagsins í Kauphöllinni í dag. Gengi Skipta, móðurfélags Símans, féll um rúm þréttan prósent á fyrsta degi frá útboðsgengi.

Úrvalsvísitalan fellur - átta mánuðir frá hæsta gildi

Sléttir átta mánuðir voru í gær síðan Úrvalsvísitalan fór í sitt hæsta gildi áður en hún tók að falla. Vísitalan stóð í 9.016 stigum 18. júlí í fyrra. Hún hefur fallið um 5,7 prósent í dag í mikilli lækkanahrinu og hefur því fallið um rúmlega 51 prósent síðan þá. Samkvæmt þessu þarf hún að hækka um 105 prósent eigi hún að ná sömu hæðum og fyrir átta mánuðum síðan.

Mátti búast við gengislækkun

Án aðhalds Seðlabankans hefði verðbólgan farið úr böndum fyrir löngu síðan, sagði Ingimundur Friðriksson seðlabankastjóri í hádegisviðtali Stöðvar 2.

Uppgjör Morgan Stanley yfir væntingum

Bandaríski bankinn Morgan Stanley, einn af stærstu fjárfestingarbönkum heims, hagnaðist um 1,53 milljarða dali, jafnvirði rúmra 118 milljarða íslenskra króna, á fyrsta fjórðungi ársins. Forstjórinn spáir því að aðstæður verði erfiðar næstu mánuði.

Markaðsaðstæður útilokuðu að Skipti gætu verið á markaði

Það var ekki ekki grundvöllur fyrir eðlilega verðmyndun á hlutabréfum í Skiptum og því var ákveðið að taka félagið af markaði, að sögn Erlends Hjaltasonar, forstjóra Exista. Exista gerði yfirtökutilboð í Skiptum, móðurfélag Símans, í dag.

Exista gerir yfirtökutilboð í Skipti

Stjórn Exista hf. ákvað á fundi sínum í morgun að leggja fram valfrjálst yfirtökutilboð í allt hlutafé Skipta hf. Tilboð Exista hljóðar upp á 6,64 krónur á hlut sem er sama verð og í nýafstöðnu hlutafjárútboði Skipta. Voru viðskipti með bréf Skipta stöðvuð tímabundið af þessum sökum.

Rauður dagur fyrir páska í Kauphöllinni

Gengi FL Group og Existu féll um rúm þrjú prósent við upphaf viðskipta í Kauphöllinni í dag, á síðasta viðskiptadeginum fyrir páska. Á eftir fylgir Færeyjabanki, sem hefur fallið um tvö prósent. Allir bankarnir og fjármálafyrirtækin hafa lækkað í dag. Einungis gengi Össurar hefur hækkað, um 0,46 prósent.

Visa skráð á markað í dag

Ef allt gengur eftir verður kortafyrirtækið Visa skráð á markað í Bandaríkjunum í dag. Tæpir átján milljarðar bandaríkjadalir, jafnvirði 1.384 milljarðar króna, söfnuðust í almennu hlutafjárútboði fyrir skráningu félagsins á markað og hefur viðlíka tala aldrei áður sést fyrir skráningu nokkurs félags í Bandaríkjunum.

Gengið féll af því að vaxta- skiptamarkaðurinn þornaði upp

Hið mikla fall á gengi krónunnar undanfarna tvo daga skýrist að stórum hluta af því að vaxtaskiptamarkaðurinn hefur þornað upp en hann er ein helsta leið vaxtamunarviðskipta og fjárfestar með stöðutöku í krónunni hafa skipt yfir í stutt ríkisbréf.

Mikil uppsveifla á mörkuðum í Asíu

Mikil uppsveifla hefur verið á mörkuðum í Asíu í morgun í kjölfar þeirra sem varð á Wall Street í gærdag er Dow Jones vísitalan náði mestu hækkun sinni á einum degi síðustu fimm árin.

Ris fall FL Group

Allir horfðu af aðdáun á ris FL Group og hvernig stjórnendur félagsins náðu að breyta litlu flugfélagi í risastórt alþjóðlegt fjárfestingarfélag. Það var á þeim tíma sem Íslendingar víluðu ekkert fyrir sér og voru að sigra heiminn.

Bankahólfið: Glatt á hjalla

Hluthafar Bakkavarar voru hæstánægðir á aðalfundi félagsins í Þjóðleikhúsinu á föstudag í síðustu viku. Ágúst Guðmundsson, forstjóri félagsins, átti stórleik á Stóra sviðinu þegar hann lauk hefðbundinni tölu um ganginn á fyrirtækinu, gekk fram fyrir pontu og ræddi vítt og breitt um reksturinn næstu ár.

Efla viðskiptatengslin í Mónakó

Formúla 1 er einhver vinsælasta sjónvarpsíþrótt heims. Hér mun áberandi hversu mikill áhugi er á sportinu meðal forsvarsmanna fyrirtækja.

Metarður að utan

Arðgreiðslur þriggja erlendra félaga sem hafa íslensk fyrirtæki í hluthafahópnum er tæplega tvöfalt hærri en sem nemur arðgreiðslum allra íslensku félaganna sem mynda Úrvalsvísitöluna í Kauphöll Íslands.

Arðgreiðslurnar dragast saman um helming

Þau íslensku fyrirtæki sem mynda Úrvalsvísitöluna taka upp veskið á næstu dögum og greiða hluthöfum sínum rúma þrjátíu milljarða króna vegna afkomunnar á síðasta ári. Pyngja sumra er tóm eftir tap í fyrra en önnur fyrirtæki eru að skoða næstu skref.

Óvirk samkeppni

Mjög fáir raforkukaupendur hafa skipt um raforkusala, frá því að samkeppnismarkaður hófst hér með raforku. Iðnaðarráðherra segir fjarri því að markaðurinn virki.

Sjófrystingin verðminni

Aflaverðmæti sjófrystra afurða í fyrra nam tæpum 25 milljörðum króna í fyrra og dróst saman um tæplega fjögur prósent, miðað við árið á undan, að því er fram kemur í tölum Hagstofunnar.

Óeðlileg hreyfing á hlutabréfamörkuðum

Það hefur ekki verið eðlileg hreyfing á hlutabréfamörkuðum að undanförnu, að mati Kjartans Freys Jónssonar, hjá SPRON verðbréfum. Kjartan var gestur Sindra „Í lok dags" og ræddi þar meðal annars stöðuna á hlutabréfamörkuðum að stöðu krónunnar. Smelltu á „Horfa á myndskeið með frétt" til að sjá viðtalið við Kjartan.

Bandaríski seðlabankinn lækkar vexti um 75 punkta

Bandaríski seðlabankinn ákvað í dag að lækka stýrivexti þar í landi um 75 punkta eða niður í 2,25% til að örva hagvöxt. Við þetta tækifæri sagðist George W. Bush Bandaríkjaforseti ekki hafa áhyggjur af stöðu efnahagsmála. „Ég er viss um að við munum spjara okkur til langs tíma litið," sagði Bush.

Metviðskipti á gjaldeyrismarkaði

Markaðir með skuldabréf og gjaldeyri opnuðu með látum í morgun. Eftir einungis klukkustundar viðskipti hafði veltan náð tæpum 28 milljörðum króna á skuldabréfamarkaði og gengi krónunnar fallið um tæp 4%, eftir því sem fram kemur í Vegvísi Landsbankans.

Glitnir selur breytanleg skuldabréf fyrir 15 milljarða

Góð eftirspurn var eftir breytanlegum skuldabréfum Glitnis í skuldabréfaútboði bankans sem lauk í gær. Heildarfjárhæð útgáfunnar var 15 milljarðar króna en bréfin voru seld í lokuðu útboði til innlendra fagfjárfesta sem hófst í síðustu viku.

Uppsveifla um allan heim - nema hér

Helstu hlutabréfavísitölur hafa verið á mikilli hraðferð upp á við víða um heim í dag. Hlut að máli eiga uppgjör bandarísku fjárfestingarbankanna Lehman Brothers og Goldmans Sachs. Á sama tíma standa flest hlutabréf á rauðu í Kauphöllinni.

FL Group niður um tæp fimm prósent í dag

Dagurinn í Kauphöllinni hefur verið áhugaverður. Eik Banki hefur lækkað mest eða um 5,74% þá hefur Atlantic Petroleum lækkað um 5,69% og Færesyki bankinn 4,93%.

Enginn krónukvíði hjá Exista

Sigurður Nordal hjá fjármálaþjónustufyrirtækinu Exista kvað menn ekki vera með böggum hildar þar á bæ vegna gengisþróunarinnar. „Við gerum upp í evrum svo þetta ástand breytir ekki miklu fyrir okkar forsendur.

3G punginn með í bústaðinn

Sumarbústaðasvæðin í Grímsnesi, Biskupstungum, á Flúðum og Þingvöllum eru nú öll tengd 3G háhraðaneti Nova. Nýstárleg, færanleg nettenging fyrir fartölvur – 3G pungurinn – tengist fartölvunni sjálfri og hana er auðvelt að taka með í bústaðinn um páskana fyrir þá sem vilja vera nettengdir í fríinu.

Rogers hafði rétt fyrir sér

Bandaríski kaupsýslu- og ævintýramaðurinn Jim Rogers, sem ók um Ísland fyrir nokkrum árum, reyndist sannspár þegar hann spáði fyrir ári að olíuverð myndi hækka verulega eigi síðar en í ársbyrjun árið 2009.

Markaðurinn í mínus og krónan fellur áfram

Markaðurinn í kauphöllinni byrjar daginn í mínus og hefur úrvalsvísitalan fallið um 0,2 prósent í fyrstu viðskiptum dagsins. Stendur hún í 4646 stigum. Þá hefur gengi krónunnar fallið um tæp fjögur prósent og er gengisvísitalan komin yfir 159 stig.

Northern Rock segir upp tvö þúsund manns

Breski bankinn Northern Rock hyggst segja upp tvö þúsund manns, um þriðjungi starfsfólks síns, og draga úr húsnæðislánum sínum um helming, Þetta gerir bankinn í þeirri von að geta endurgreitt Englandsbanka milljarða punda sem hann fékk að láni til að forðast gjaldþrot í fyrra.

Olíuvinnslu á Chestnut-svæðinu seinkar

Atlantic Petroleum hefur sent frá sér tilkynningu um að olíuvinnslu á Chestnut-svæðinu muni seinka í ár. Upphaflegar áætlanir gerðu ráð fyrir að olíuvinnslan myndi hefjast á fyrripart þessa árs en nú er rætt um að hún hefjist á þriðja ársfjórðungi.

Markaðir í Evrópu opnuðu í plús í morgun

Markaðir í Evrópu opnuðu í plús í morgun eftir slæman dag í gær. FTSE vísitalan í London hefur hækkað um 1,8% í fyrstu viðskiptum dagsins. Dax í Frankfurt er upp um 1,7% og Cac í París er 1,4% í plús.

Sjá næstu 50 fréttir

Mest lesið