Perry þakkar fyrir sig

Söngkonan Katy Perry hyggst þakka aðdáendum sínum fyrir stuðninginn með því að bjóða þeim á tónleika í Los Angeles.

Louis Vuitton pantar íslenskan kór

„Þetta er feykilega spennandi,“ segir Hörður Áskelsson, stjórnandi kammerkórsins Schola cantorum. Í lok mánaðar heldur átta manna hópur úr kórnum til Osaka í Japan þar sem hann mun syngja í tengslum við opnun tískuverslana Louis Vuitton. Schola cantorum er einn þekktasti kammerkór landsins og hefur komið víða við og hlotið fjölda viðurkenninga síðan hann var stofnaður árið 1996.

Hó hó hó rokkuð Beckham

Victoria Beckham, 37 ára, stillti sér upp fyrir nærstadda ljósmyndara á kvennaráðstefnu á Plaza hótelinu í New York í gær...

Jólahárgreiðslan á 3 mínútum

Í meðfylgjandi myndskeiði sýnir Margrét Dóra Árnadóttir hársnyrtimeistari einfalda jólahárgreiðslu á mettíma þar sem hún notar hárlakk, spennur og vöfflujárn...

Justin í góðum gír

Justin Timberlake skemmti sér konunglega á árlegum dansleik hermanna í Bandaríkjunum. Honum var boðið þangað af Kelsey De Santis, en hún bjó til myndband á Youtube þar sem hún óskaði formlega eftir því að Timberlake yrði fylgdarsveinn sinn þetta kvöld. Fjölmiðlar þar vestra eru flestir mjög meðvitaðir um að Timberlake hafi notið góðs af þessu fjölmiðlatrixi sínu, en söngvarinn og leikarinn skrifar á vefsíðu sinni að hann hafi átt yndislegar stundir með De Santis. „Og ég hef aldrei upplifað það áður að konunni á stefnumótinu sé umhugað um að mér líði vel og að ég hafi allt sem ég þurfi,“ skrifar Timberlake, en leikkonan Mila Kunis þekktist svipað boð.

Hætti við veisluhöld

Pippa Middleton er í það mikilli ástarsorg að hún hætti við að fara á grímuball hjá hæstarétti landsins. Að fá boðskort í þá veislu þykir viðurkenning en Middleton, sem sló eftirminnilega í gegn í brúðkaupi systur sinnar Kate Middleton, treysti sér ekki til að fara. Breskir fjölmiðlar greindu frá því fyrir helgi að Middleton hefði hætt með kærasta sínum, Alex Loudon.

Signý á topplista hjá Taschen

Teikningar eftir listakonuna Signýju Kolbeinsdóttur prýða dagatal útgáfurisans Taschen fyrir komandi ár. Signý er þar í hópi heimsþekktra listamanna á borð við Söru Antoinette Martin og Gary Baseman.

Ívar Hauksson: Bestur í öllu

Ívar Hauksson PGA-golfkennari hættir ekki fyrr en hann skarar fram úr í einu og öllu sem hann gerir. "Líf mitt á Spáni er draumur í dós. Það eru forréttindi að geta unnið við það sem manni þykir skemmtilegast," segir Ívar, sem er mörgum ógleymanlegur fyrir að hafa unnið allt sem hann unnið gat á sviði íþrótta, karlmennsku og fegurðar hér áður.

Óttar Guðnason vinnur með John Cusack

Óttar Guðnason verður, samkvæmt vefsíðunni imdb.com, kvikmyndatökumaður á hasarmyndinni The Numbers Station eftir danska leikstjórann Kasper Barfoed. Framleiðendur eru meðal annars bræðurnir Bryan Furst og Sean Furst en þeir eiga meðal annars endurgerðarréttinn að Mýrinni eftir Baltsar Kormák.

Lítríkt og glitrandi hjá Versace fyrir H&M

Tískuhúsið Versace er nýjasti samstarfsaðili sænska verslunarrisansHennes&Mauritz og á þriðjudagskvöldið var fatalínan frumsýnd með pompi og prakt í New York.

Uppselt á snjóbrettamynd

Snjóbrettamyndin Art of flight var sýnd í Bíó Paradís 11. nóvember síðastliðinn. Red bull stóð fyrir sýningunni og kom auk þess að gerð myndarinnar sem tók tvö ár...

Britney í Brasilíu

Söngkonan Britney Spears, 29 ára, var mynduð brosandi á hótelsvölum í Rio de Janeiro í Brasilíu...

Óhrædd við að alhæfa um þjóðir á útbreiddri tungu

Lóa Hjálmtýsdóttir er söngkona FM Belfast en teiknar líka myndasögur. Hún hefur sent frá sér enska útgáfu bókarinnar Alhæft um þjóðir og óttast ekki viðbrögð þjóðanna sem alhæft er um.

Endalausar vangaveltur um óléttuna

Söngkonan Beyonce tilkynnti fyrir nokkrum vikum að hún ætti von á barni ásamt eiginmanni sínum, rapparanum Jay-Z...

Hljóðrituðu bestu lögin aftur

„Við ákváðum að fara þessa leið til að samræma hljóminn, Paparnir hljóma allt öðruvísi í dag en þeir gerðu fyrir nokkrum árum,“ segir Matthías Matthíasson, oftast kallaður Matti eða Matti í Pöpunum.

Sýna ættleiddum syni heimaslóðir

Brad Pitt, 47 ára, Angelina Jolie, 36 ára, og 7 sonur þeirra, Pax, voru mynduð yfirgefa veitingahús í Ho Chi Minh borginni í Vietnam...

Glóir ekki

Söngfuglinn Jessica Simpson á von á sínu fyrsta barni ásamt unnustu sínum, íþróttakappanum Eric Johnson. Að hennar sögn gengur meðgangan vel en viðurkennir þó að henni fylgi ýmsir leiðinlegir fylgikvillar.

Ástin blómstrar hjá Beckham

Victoria Beckham, 37 ára, tók þéttingsfast utan um eiginmann sinn, David, 36 ára, á meðan þau fylgdust með drengjunum sínum spila fótbolta á laugardaginn í Los Angeles. Stúlkan þeirra, Harper, svaf á meðan...

Ósátt við Hilton

Chloé Sevigny hefur hannað sína eigin fatalínu sem hún vonar að höfði ekki til fólks eins og Hilton systranna. Þetta er ekki í fyrsta sinn sem Sevigny reynir fyrir sér sem hönnuður því hún hefur hannað fatalínu í samstarfi við fatamerki Opening Ceremony.

Hýsir leikara uppá jökli í 25 fermetra gámahúsum

"Þeir eru aðallega að hugsa um gámahúsin. Ég get sett þau niður hvar sem er og er með hita á þeim þannig að leikararnir geta farið inn og ornað sér þegar þeir eiga stund milli stríða. Og svo er ég búinn að innrétta eldhús í eitt þeirra,“ segir Gísli D. Reynisson, eigandi Mýrdælings, fyrirtækis sem sérhæfir sig í ansi fjölbreytilegum verkefnum í Vík og næsta nágrenni.

Heimsfrægar þrátt fyrir ungan aldur

Systurnar Dakota, 17 ára, og Elle Fanning, 13 ára, eru vinsælar leikkonur í Hollywood þrátt fyrir ungan aldur. Saman prýða þær desemberhefti W tímaritsins eins og sjá má í myndasafni...

Fötin lausari eftir jógaáskorun

Fötin eru farin að verða aðeins lausari á manni, segja leikkonurnar Brynja Valdís Gísladóttir og Ingibjörg Reynisdóttir meðal annars í meðfylgjandi myndskeiði...

Bakaðu hollar piparkökur fyrir jólin

Spelt er mjöltegund sem er hollari og örlítið grófari en venjulegt hveitimjöl. Það lítur út eins og heilhveiti og í því er minna glútein en í venjulegu hveiti...

Rukkar meira

Það hefur ýmsa kosti að vera í sambandi með frægri Hollywood-leikkonu líkt og Justin Theroux, kærasti Jennifer Aniston, hefur komist að. Í hans tilfelli eru kostirnir aukin frægð og hærri tekjur.

Jessica vill eignast fleiri börn

Jessica Simpson elskar að vera ólétt og segist ekki geta beðið eftir að eignast fleiri börn.

Nína Dögg ráðin til að leika Nínu Tryggva

„Mér líst rosalega vel á myndina, handritið er æðislegt og þetta er virkilega vel skrifuð og falleg saga hjá honum,“ segir Nína Dögg Filippusdóttir, sem hefur verið ráðin til að leika listakonuna Nínu Tryggvadóttur í stórmynd Jóns Óttars Ragnarssonar, Kill the Poet. Eins og komið hefur fram í fjölmiðlum munu þau Nick Stahl og Anita Briem leika ljóðskáldið Stein Steinarr og myndlistarkonuna Louisu Matthíasdóttur.

Lærðu að gera Hollywoodkrullur fyrir jólin

Í meðfylgjandi myndskeiði sýnir Helena Hólm hársnyrtimeistari hvernig hægt er að setja Hollywoodkrullur í hár á mettíma þar sem hún notar sléttujárn, hárlakk og...

Sandler skotinn niður

Nýjasta kvikmynd Adams Sandler, Jack and Jill, hefur verið harðlega gagnrýnd vestanhafs af bandarískum kvikmyndagagnrýnendum en leikarinn hefur ekki alltaf átt góðu gengi að fagna hjá þeim. Nú þykir hann hins vegar hafa náð botninum og er myndinni lýst sem kvikmyndalegum geðhvörfum. Sandler leikur bæði aðalhlutverkin í myndinni, tvíburasystkinin Jack og Jill. Þrátt fyrir að myndin skarti einnig röddum frá Johnny Depp og Al Pacino nægir það ekki til að bjarga Sandler, sem fær því á baukinn hjá bandarísku pressunni.

Kjóll Amy Winehouse á uppboði

Kjóllinn sem Amy Winehouse klæddist framan á plötunni Back to Black verður boðinn upp á næstu dögum og mun allur ágóðinn renna til góðgerðarstofnunar söngkonunnar. Talið er að kjóllinn, sem er úr siffoni með áprentuðu mynstri, muni seljast á allt að 3,5 milljónir króna. Uppboðshaldarinn sem fær heiðurinn af að selja flíkina sagði í viðtali við blaðamenn: „Það sem gerir þennan kjól svona sérstakan er að hann minnir okkur á hina töfrandi rödd Amy Winehouse. Það er rödd sem heil kynslóð á aldrei eftir að gleyma.“

Hlýjar minningar frá hernámi

Systurnar fimm, sem ólust upp á Gunnarshólma á 4. og 5. áratug síðustu aldar, voru ærslafullar og uppátækjasamar. Þær prýða forsíðu bókarinnar Dagbók frá veröld sem var, sem sýnir myndir herljósmyndarans Emils Edgren frá Íslandi stríðsáranna.

Sveppi er svo með´etta

Ef meðfylgjandi myndir eru skoðaðar má sjá að Sveppi gerði sér lítið fyrir og skellti sér á fjórar fætur til að þurrka upp kakó sem helltist óvart niður...

Nokkrar best klæddu systur í heimi

Vogue valdi nýverið best klæddu systurnar og kemur það líklega fáum á óvart að tvíburasysturnar og fatahönnuðurnir Mary-Kate og Ashley Olsen hafi trónað á toppi listans.

Fær annað tækifæri í dansþætti

„Ég ætla mér að vinna þessa keppni og nota þessa milljón til að borga fyrir dansnám. Ég hef aldrei átt peninga fyrir dansnámi,“ segir Karl Emil Karlsson. Hann hefur fengið annað tækifæri í sjónvarpsþættinum Dans, dans, dans eftir að eitt dansparið forfallaðist. Hann verður því í sviðsljósinu í kvöld þegar þjóðin fær tækifæri til að láta í ljós sitt álit á því hvaða dansari sé bestur. Gestadómari kvöldsins verður Magnús Scheving, sem fetar þar með í fótspor Baltasars Kormáks, en leikstjórinn þótti fara á kostum í fyrsta þættinum.

Sjúkraliðarnir mættu á margfætlusýninguna í Háskólabíói

Hollenski leikstjórinn Tom Six heimsótti Ísland á fimmtudag og stóð fyrir svokallaðri spurt og svarað-sýningu í Háskólabíói.

Gettu betur ekki breytt í Útsvar

Minnstu munaði að í hart færi á milli stjórnenda Gettu betur hjá RÚV og stýrihóps framhaldsskólanema vegna breytinga sem voru á teikniborðinu í vetur.

Kann lagatexta Biebers

Leikkonan Rachel Bilson sem sló í gegn í sjónvarpsþáttunum The OC segist kunna alla texta söngvarans Justins Bieber. Bilson á tvær hálfsystur á aldrinum tíu og fjögurra ára og segir þær báðar vera mikla aðdáendur ungstirnisins Justins Bieber. „Vegna þeirra kann ég alla textana við lög Justins, Taylor Swift og Selenu Gomez. Í staðinn kynnti ég þær fyrir The Princess Bride, sem er uppáhaldskvikmyndin mín. Við eyðum helgunum í að horfa á Disney-myndir saman,“ sagði leikkonan geðþekka.

Gjafmildur leikari

Leikarinn Bradley Cooper er staddur í heimaborg sinni, Philadelphiu, um þessar mundir við tökur á kvikmyndinni The Silver Linings Playbook. Cooper ákvað að láta gott af sér leiða og eyddi mörg þúsund dollurum í úlpur, húfur, vettlinga og trefla handa heimilislausum. „Bradley tók eftir því að það var mikið af heimilislausu fólki að krókna úr kulda á götunum. Hann vissi að kuldinn átti aðeins eftir að verða meiri og ákvað því að kaupa kuldafatnað handa fólkinu,“ hafði The Enquirer eftir heimildarmanni. Eins og það sé ekki nóg þá hafði einn maðurinn orð á að honum þætti jakki Coopersfallegur og endaði það með því að leikarinn gaf manninnum jakkann.

Heilsukokkur gefur út bók

Meðfylgjandi myndir voru teknar í Eymundsson Skólavörðustíg í útgáfuteiti sem haldið var í tilefni af útkomu bókarinnar Heilsudrykkir eftir Auði Ingibjörgu Konráðsdóttur sem hefur getið sér gott orð sem heilsukokkur...

Depp vill í Disneyland

Það er ekki alltaf tekið út með sældinni að vera frægur. Johnny Depp þráir fátt heitar en að geta verið óþekktur í heilan dag svo hann geti farið óáreittur með börnin sín í Disneyland. Leikarinn segir að frægðin komi oft í veg fyrir að hann geti gert hversdagslega hluti með börnunum sínum tveimur, Lily-Rose og Jack, sem eru tólf og níu ára og þekkja því ekki annað en að eiga frægan pabba.

Fjölmenni í Skemmtigarðinum

Meðfylgjandi myndir voru teknar af gestum sem mættu í formlega opnun Skemmtigarðsins í Smáralind í gær þar sem áður var Vetrargarðurinn...

Billy Crystal tekur við Óskarnum

Hinn 63 ára gamanleikari Billy Crystal hefur tekið að sér að vera kynnir við afhendingu Óskarsverðlaunanna. Crystal hleypur í skarðið fyrir Eddie Murphy en hann gaf frá sér verkefnið þegar leikstjórinn Brett Ratner neyddist til að hætta sem stjóri hátíðarinnar eftir að hafa látið niðrandi orð um samkynhneigða falla á blaðamannafundi og síðar í útvarpsþætti Howard Stern.

Þýskur nafni Geirs Haarde

Á samskiptavefnum Facebook er þýskur nafni fyrrverandi forsætisráðherra Íslands, Geirs Haarde. Pilturinn er þýskur námsmaður sem kaus sér nafnið sem notandanafn á Facebook en í raun heitir hann sjálfur Alex Mannan.

Smekklegt afmælisboð

Tímaritið Dazed & Confused hélt upp á tuttugu ára afmæli sitt um síðustu helgi. Fjöldi fólks mætti til að fagna þessum áfanga ásamt stofnendum blaðsins.

Steed Lord leikstýrir auglýsingu

Meðlimir hljómsveitarinnar Steed Lord leikstýrðu auglýsingu fyrir tískumerkið WeSC og Standard-hótelin í Bandaríkjunum.

Gervais býður tvo fyrir einn

Ricky Gervais hefur boðið framleiðendum Golden Globe og Óskarsins svokallað tvo fyrir einn-tilboð, það sé nefnilega lítið mál fyrir hann að vera kynnir á báðum verðlaunahátíðunum. Eins og komið hefur fram í fjölmiðlum er Eddie Murphy hættur við að vera kynnir á Óskarnum eftir að leikstjórinn Brett Ratner hætti við að leikstýra hátíðinni. Ratner hafði þá orðið uppvís að meiðandi ummælum um samkynhneigða.