Endalausar vangaveltur um óléttuna

Söngkonan Beyonce Knowles tilkynnti fyrir nokkrum vikum að hún ætti von á barni ásamt eiginmanni sínum, rapparanum Jay-Z.

Fjölmiðlar vestanhafs efast hins vegar um að hún sé að segja satt og hafa keppst við að birta myndir af henni sem sýna að kúlan er síbreytileg í stærð og leggst jafnvel saman þegar hún sest niður. Slúðrað er um að önnur kona gangi með barn hjónakornanna og að með því sé Beyonce að hlífa lögulegum vexti sínum.

Slúðursögurnar fengu byr undir báða vængi á dögunum þegar Beyonce kom fram í spjallþætti Jimmy Fallon, en kúlan var þá hvergi sjáanleg. Talsmenn söngkonunnar svara fréttunum þannig að hún hafi tekið lagið upp fyrir þremur mánuðum, sem þykir undarlegt í ljósi þess að þátturinn er í beinni útsendingu og hún var kynnt á svið eins og hún væri á svæðinu. Snúið mál!

Skoða má nýjar myndir af söngkonunni í myndasafni.