Hætti við veisluhöld

Pippa Middleton er í það mikilli ástarsorg að hún hætti við að fara á grímuball hjá hæstarétti landsins. Að fá boðskort í þá veislu þykir viðurkenning en Middleton, sem sló eftirminnilega í gegn í brúðkaupi systur sinnar Kate Middleton, treysti sér ekki til að fara. Breskir fjölmiðlar greindu frá því fyrir helgi að Middleton hefði hætt með kærasta sínum, Alex Loudon.

Samkvæmt breska blaðinu Daily Mail er ástæðan sú að Loudon var orðinn þreyttur á öllum fjölmiðlasirkusnum sem hefur verið í kringum Pippu frá því að fjölskyldan tengdist bresku konungsfjölskyldunni. „Hann þoldi ekki að vera eltur af ljósmyndurum og mega ekki hreyfa sig án þess að birtast í blöðunum, hann elskar fjölskyldu sína og vini og hefur ekki tíma fyrir frægð.“