Gaddfreðnir Westlife-liðar í tískufötum uppi á jökli

Strákarnir í Westlife tóku upp myndband á Íslandi í vikunni. Myndbandið verður að líkindum frumsýnt í sjónvarpsþættinum X-Factor sem milljónir horfa á í hverri viku.

Íslenskar Frostrósir fluttar út til Noregs og Svíþjóðar

„Við erum engir útrásarvíkingar. Við erum bara að flytja út það sem við kunnum best,“ segir Samúel Kristjánsson, einn af skipuleggjendum Frostrósa-tónleikanna.

Önnur þáttaröð af Rétti í tökur

„Ég held að fyrsta serían hafi sýnt það og sannað að hún hefði ákveðna spádómsnáðargáfu,“ segir Sigurjón Kjartansson, einn handritshöfunda sjónvarpsþáttanna Réttur. Hann vísar þar til þess að í fjórða þætti fyrstu þáttaraðarinnar var tekið fyrir mansalsmál en fyrsta mál þeirra tegundar er nú fyrir Héraðsdómi Reykjavíkur og ámóta mál kom nýverið upp í Reykjanesbæ.

Dregið í fyrstu tvær umferðir MORFÍS

Í fyrradag, þriðjudaginn 20. október, fór fram dómaranámskeið stjórnar MORFÍS og tókst það með ágætum. Fyrir námskeiðið fór hinsvegar fram dráttur liða í fyrstu tvær umferðir keppninnar í ár. Skráð lið í ár eru 19 talsins og því keppa sex lið í 32 liða úrslitum, meðan þrettán keppnislið fara beint í 16 liða úrslit, þeirra á meðal þau fjögur lið sem komust í undanúrslit í fyrra.

Sléttur magi svíður - myndir

„Kviðæfingar þessar gömlu góðu, liggjandi á dýnu henta flestum best og muna að gera kviðæfingar fyrir efri-neðri og hliðarvöðvana," segir Gauja Rúnarsdóttir einkaþjálfari..

Afleggjari á Sódómu

Í kvöld fimmtudaginn 22. Október hefur göngu sína ný tónleikar sería á vegum X-ins 977 sem ber heitið Afleggjarar.

Hallgrímur og Jónína ræða um kynlífslýsingar

„Hvað þarf góð kynlífslýsing að hafa til brunns að bera svo hún teljist sómasamleg? Kynlífslýsingar mega ekki vera teprulegar og óskáldlegar og alls ekki of klámfengnar,“ segir Hallgrímur Helgason rithöfundur. Hann mun ásamt Jónínu Leósdóttur heimsækja Vatnsendaskóla á þriðjudagsmorgun og ræða þar við unglinga um kynlífslýsingar í bókum. Heimsóknin er hluti af átaki Rithöfundasambands Íslands sem nefnist skáld í skólum.

Freistar þess að komast í úrslit Eurovision í Svíþjóð

„Ég hugsaði að það væri lítill möguleiki, en ég er á topp 20 listanum í dag. Þeir sem eru á honum hljóta að hafa fengið alveg ógeðslega mörg atkvæði,“ segir tónlistar­maðurinn og leikkonan Halla Vilhjálmsdóttir.

Travolta kom til Íslands úr afmæli

Þegar John Travolta lenti einkaþotu sinni á Keflavíkur­flugvelli fyrr í vikunni var hann á heimleið eftir að hafa verið viðstaddur vísindakirkjuathöfn á Englandi ásamt eiginkonu sinni, Kelly Preston. Þau létu óvænt sjá sig á 25 ára afmæli alþjóðlegra samtaka Vísindakirkjunnar eftir að hafa framan af árinu syrgt son sinn Jett, sem lést í janúar aðeins sextán ára.

Mannakornabörnin syngja með

„Þetta er mjög skemmtilegt og við náum rosalega vel saman,“ segir söngkonan Elísabet Eyþórsdóttir.

Auddi semur við PokerStars

Auðunn Blöndal, sjónvarps­maðurinn góðkunni, hefur samið við eina stærstu pókersíðu heims, PokerStars.com. Og mun framvegis keppa á nokkrum mótum á vegum hennar, bæði hér heima og erlendis. Það fyrsta í röðinni verður í Tallinn í Eistlandi en þangað hefur verið stefnt nokkrum af þekktustu og sterkustu pókerspilurum Norður­landa og Eystrasaltslandanna.

Andkristur fékk kvikmyndaverðlaun Norðurlandaráðs

Danski kvikmyndaleikstjórinn Lars von Trier og framleiðandinn Meta Louise Foldager fá kvikmyndaverðlaun Norðurlandaráðs 2009.

Angelina Jolie leikur í Gucci

Gert er ráð fyrir að Angelina Jolie fari með aðalhlutverk í nýjustu mynd Ridleys Scott, en myndin ber titilinn Gucci.

Var giftur tveimur konum

Barmgóða glamúrgellan Jordan sagði í gær að henni hefði liðið eins og eiginmaðurinn Peter Andre hefði verið „giftur tveimur konum“ á meðan á sambandi þeirra stóð. Líkt og margir hafa áttað sig á eru skötuhjúin nú skilin.

Stórstjarna bjargar aðdáanda úr lífsháska

Indverska leikkonan Freida Pinto, 25 ára, kom æstum aðdáanda til bjargar eftir að hann féll á götuna og bíll kom aðvífandi.

Arnaldur og Stieg rjúfa þýðingarmúrinn vestan hafs

Glæpasagnahöfundarnir Arnaldur Indriðason og Stieg Larsson virðast hafa rofið þýðingarmúr sem ríkt hefur á milli Bandaríkjanna og annarra ríkja í bókmenntum. Meðal annars fékk Stieg viðurkenningu á bandarísku glæpasagnaráðstefnunni Bouchercon samkvæmt The Guardian.

Fimm mínútna lagfæring

„Þetta er búið. Ég gerði þetta klukkan níu í morgun [gærmorgun] og þetta tók fimm mínútur nákvæmlega,“ segir söngvarinn Friðrik Ómar.

Stefán æfir Grinch með Christopher Lloyd

Stefán Karl Stefánsson mun endurtaka hlutverk Trölla í söngleiknum um hvernig þessi höfuðpersóna Dr. Seuss stal jólunum. Stefán mun hins vegar leika hlutverkið á móti öðrum leikara, engum öðrum en gamla brýninu Christopher Lloyd.

Veitt mikil athygli að utan

Tónlistarmanninum Einari Tönsberg, betur þekktur sem Eberg, hefur verið boðinn samningur hjá útgáfu- og umboðsfyrirtækinu Kobalt Music Publishing, en fyrirtækið hefur tónlistarmenn á borð við Kelly Clarkson, Busta Rhymes og Moby á sínum snærum.

Vesturport á leið til Kólumbíu

Leikhópurinn Vesturport verður með opnunarsýningu einnar stærstu leiklistahátíðar heims, Festival Iberoamericano, sem hefst í Kólumbíu í mars á næsta ári. Hamskiptin eftir Franz Kafka urðu fyrir valinu en tuttugu manna hópur frá Íslandi mun fara til Bógóta og taka þátt í uppfærslunni.

Umhverfisvænir fatahönnuðir

„Með þessu verkefni viljum við gera fólk og hönnuði meðvitaðra um umhverfismál og umhverfisvæna framleiðslu á fatnaði. Fataiðnaðurinn er langt frá því að vera umhverfisvænn auk þess sem fólk er látið vinna við ómannúðlegar aðstæður í fataverksmiðjum víða um heim.

Hvetur Friðrik Ómar til að lagfæra Rómeó og Júlíu

„Ég myndi hvetja Friðrik til að fara inn í stúdíó og kippa þessu í liðinn, ég hef nú gert annað eins,“ segir Bubbi Morthens.

Sprengjuhöllin til Kanada

Sprengjuhöllin er á tónleikatúr í Kanada. Sprengjuhöllin? Var hún ekki hætt og Snorri Helgason kominn út í sólóferil?

Skrímsli fóru á toppinn

Ævintýramyndin Where The Wild Things Are fór beint á toppinn á lista yfir aðsóknarmestu myndirnar vestanhafs um síðustu helgi.

Njósnað um FM Belfast á Nasa

„Hann er örugglega með númerið mitt," segir Árni Plúseinn úr hljómsveitinni FM Belfast. David Levy, útsendari frá hinu virta umboðs- og afþreyingarfyrirtæki William Morris Endeavor, var staddur á Nasa á laugardagskvöldið þar sem hann njósnaði um FM Belfast á Iceland Airwaves-hátíðinni.

Hrynheitt sunnudagskvöld á Airwaves

Iceland Airwaves-hátíðinni lauk á sunnudagskvöldið. Trausti Júlíusson stóð vaktina á Nasa.

Travolta flýgur á brott

Dans- og spennumyndahetjan John Travolta var nú rétt fyrir sjö í kvöld að gera sig kláran til að fljúga af landi brott, eftir tæpa sólarhringsdvöl á Íslandi.

Stjörnupar opnar búð - myndir

Á meðfylgjandi myndum má sjá Ingibjörgu Þovaldsdóttur athafnakonu, oft kennd við Habitat, og eiginmann hennar, Jón Arnar, en þau opnuðu um helgina barna og kvenfataverslun í Smáralind sem ber heitið „3 Smárar". „Innréttingar í búðinni keyptum við notaðar og gerðum upp," sagði Ingibjörg á milli þess sem hún sinnti fjölda viðsktipavina.Skoða má myndir sem teknar voru við opnun verslunarinnar.

Gleðin náði hámarki

Fjölbreytt tónlistaratriði og glaðir tónleikagestir einkenndu Iceland Airwaves-hátíðina á laugardagskvöldið. Trausti Júlíusson flakkaði á milli staða og fylgdist með.

Íslenska sveitin stal senunni

Gestir á Iceland Airwaves voru engan veginn búnir að fá nóg af tónlist á föstudagskvöldið. Anna Margrét Björnsson flakkaði á milli staða.

Tom Waits á tónleikum

Ný tvöföld tónleikaplata Tom Waits, Glitter and Doom, kemur út 24. nóvember. Platan var tekin upp á samnefndri tónleikaferð Waits sem hann fór í á síðasta ári og heppnaðist mjög vel. Á fyrri disknum eru lög af tíu tónleikum kappans en á þeim síðari er eitt langt lag sem heitir Tom Tales þar sem hann lætur móðan mása eins og honum einum er lagið. Á heimasíðu Waits er hægt að fá átta lög af plötunni ókeypis til niðurhals. Þrjú ár eru liðin síðan síðasta plata Waits kom út, Orphans: Brawlers, Bawlers & Bastards.

Glæsilegustu Frostrósirnar til þessa

Hinir vinsælu jólatónleikar Frostrósa verða haldnir í desember áttunda árið í röð. Samúel Kristjánsson, forsvarsmaður tónleikanna, segir að hvergi verði dregið úr glæsileikanum í ár. „Við stefnum að því að halda veglegustu tónleikana til þessa. Við erum að gera nýja sviðsmynd og þetta verður með miklum glæsibrag. Helstu lögin verða með en kannski verður meira af þekktari jólalögum en áður. Þetta verður enn þá meira fyrir alla," segir hann.

Verður með marga fermetra af köngulóarvef

„Við erum komin með marga fermetra af köngulóarvef og fullt af alls konar litlum græjum og skrautmunum. Við ætlum að gera okkar allra besta í að breyta Nasa í draugahús – eða draugakastala réttara sagt,“ segir poppkóngurinn Páll Óskar Hjálmtýsson.

Samdi fyrst – lærði svo að spila á gítar

„Ég byrjaði að semja áður en ég lærði á gítarinn. Það gerir sig alltaf betur hjá tónlistarmönnum. Svo verða þeir færir og þá koma leiðinleg lög. Þetta er stórhættulegt,“ segir grínistinn Þorsteinn Guðmundsson.

Geimfari verður skipstjóri

„Mig hefur langað til að sigla skútum og svona frá því að ég var krakki en ég hef aldrei þorað því,“ segir hönnunarneminn Karl Ingi Karlsson.

Sumarkuldinn á Íslandi fór illa í indverska stórleikkonu

Eins og Fréttablaðið greindi skilmerkilega frá fyrr á þessu ári komu nokkur tökulið frá Indlandi hingað í þeim erindagjörðum að taka upp atriði fyrir kvikmyndir sínar. Þótt indversk kvikmyndagerð hafi ekki átt upp á pallborðið hér á landi eru íbúar þessa fjölmennasta lýðræðisríkis heims miklir kvikmynda­áhugamenn og kvikmyndastjörnurnar þar engu minni fréttamatur en leikararnir í Hollywood.

Enn bætist í hóp MORFÍS dómara á þriðjudag

Dómaranámskeið ræðukeppninnar MORFÍS fer fram á þriðjudaginn næstkomandi klukkan 18 í Rauða sal Verzlunarskólans. Námskeiðið er öllum opið, en að námskeiðinu loknu verður nemendum veitt dómararéttindi og þeir færðir inn á dómaralista MORFÍS. Það merkir að þeir séu hæfir til að dæma í ræðukeppninni.

Loftbelgjahjón kærð fyrir vanrækslu á barninu sínu

Lögreglustjórinn Jim Alderden í Larimer sýslu, Colarado í Bandaríkjunum tilkynnti í dag að Rihard Heeneog kona hans, Mayumi Heene yrðu kærð vegna gabbs. Þau lugu að fjölmiðlum og lögreglu að barnið þeirra sæti fast í stjórnlausum loftbelg sem sveif yfir sýslunni í síðustu viku. Drengurinn, Falcon, sagðist hafa falið sig í bílskúrnum þar sem hann sofnaði.

Loftbelgsstrákurinn kjaftaði af sér

Mikill styr hefur verið um Heene fjölskylduna í Bandaríkjunum eftir að fréttir bárust af því að sonur þeirra, Falcon, hefði setið fastur í stjórnlausum loftbelg.

Samtöl Matthíasar gefin út

Útgáfuhóf var haldið í Eymundsson Skólavörðustíg til að fagna útkomu bókarinnar Samtöl Matthíasar Johannessen.

Sellófon í útflutningi

Sellófon í útflutningi Einleikur Bjarkar Jakobs­dóttur um húsmóðurina sem vefur sig sellófaninu heima til að ná af sér aukakílóunum er enn á ferð um heiminn: í síðustu viku var hann frumsýndur á Maxim-leikhúsinu í Stokkhólmi, þar á undan setti Ágústa Skúladóttir hann upp í Úkraínu. Verkið hefur nú verið sett upp þrisvar í Svíþjóð og þrisvar á Finnlandi. Tvær aðrar frumsýningar verða á verkinu í vetur en síðar tilkynnt hvar þær verða.

Bandarískur samningur

Íslensku dauðarokkararnir í Beneath hafa gert samning við plötufyrirtækið Mordbrann Musikk í Kaliforníu. Samningurinn kveður á um útgáfu á fyrstu þröngskífu sveitarinnar, sem nefnist Hollow Empty Void.

Ný prinsessa glæpasagnanna

„Yrsa er kölluð drottning íslensku glæpasögunnar. Ég vona að ég geti orðið prinsessan,“ segir Lilja Sigurðardóttir, sem gefur út sína fyrstu glæpasögu á næstunni. Hún nefnist Spor og er eina íslenska glæpasagan sem Bjartur gefur út fyrir þessi jól.

Tengjast virtum blússamtökum

Blúshátíð Reykjavíkur er orðin meðlimur í hinum virtu bandarísku samtökum The Blues Foundation sem standa á hverju ári fyrir alþjóðlegri hljómsveitakeppni. Til stendur að halda blúskeppni hér á landi og senda sigurvegaranna á blúshátíð sem samtökin halda í janúar á hverju ári í Memphis.

Austmenn í Íslenskri grafík

Hinn 10. þessa mánaðar var opnuð sýning á verkum tveggja myndlistar­manna í sal Íslenskrar grafíkur í Hafnarhúsinu – Miðbakkamegin. Þeir koma báðir að austan í tvennum skilningi.