Ótvíræð krafa um sigur Svía gegn Íslandi

Næ kannski hálftíma

Sænski landsliðsmaðurinn Zlatan Ibrahimovic vísaði því á bug á blaðamannafundi í gær að hann yrði í byrjunarliði Svíþjóðar gegn Íslandi á morgun. Hann hefur átt við meiðsli að stríða.

KR á toppinn

KR komst á topp Landsbankadeildar kvenna í kvöld. KR sigraði Fylki í Árbænum í kvöld 2-4. Þar með er KR með 9 stig eftir 3 leiki og situr á toppi deildarinnar. Keflavík burstaði ÍR á heimavelli, 7-0. Á Kópavogsvelli skildu Breiðablik og Stjarnan jöfn 1-1.

U19: Ísland 5-2 Azerbaijan

Íslenska U19 ára landslið Íslands lauk í dag keppni í milliriðli í Noregi fyrir EM með sigri á Azerbajian 5-2. Ísland hafði áður tapað fyrir Noregi og Spáni með litlum mun. Íslendingar enda því í öðru sæti riðilsins með 3 stig.

Wigan fær Sibierski

Antoine Sibierski skrifaði í dag undir 2 ára samning við Wigan. Þetta er annar leikmaðurinn sem að Wigan semur við í dag, en Titus Bramble skrifaði undir samning við félagið í morgun.

UEFA: Málið tekið fyrir á föstudaginn

Aganefnd UEFA mun taka málið úr leik Danmerkur og Svíþjóðar fyrir á föstudaginn. Leikurinn var spilaður á Parken í Danmörku og upp úr sauð á lokamínútunum þegar reiður áhorfandi slapp inn á völlinn og réðst að dómara leiksins, Herbert Fandel.

Gerrard og Carragher búnir að gera nýjan samning

Steven Gerrard og Jamie Carragher skrifuðu undir nýjan samning við Liverpool í dag. Gerrard og Carragher hafa verið lykilmenn í liði Liverpool síðastliðin ár og hjálpuðu liðinu meðal annars að komast í úrslit Meistaradeildar Evrópu í síðasta mánuði.

Þrír leikir í Landsbankadeild kvenna í kvöld

Þrír leikir eru í Landsbankadeild kvenna í kvöld. Breiðablik tekur á móti Stjörnunni, KR mætir Fylki í Árbænum og Keflavík mætir ÍR á heimavelli og hefjast allir leikirnir klukkan 19:15.

Ranieri búinn að taka við Juventus

Claudio Ranieri, sem sagði upp starfi sínu sem framkvæmdastjóri Parma í síðustu viku hefur verið ráðinn þjálfari Juventus. Þessi fyrrverandi stjóri Chelsea var sterklega orðaður við stjórastöðuna hjá Manchester City eftir að Stuart Pearce var sagt upp störfum.

West Ham ætla að reyna að fá Barton

Samkvæmt SkySports.com ætlar West Ham að veita Newcastle samkeppni um að fá Joey Barton til liðs við sig. West Ham, sem að öllum líkindum festir kaup á leikmanni Newcastle í dag, Scott Parker, er sagt ætla að bjóða 5.5 milljónir punda í leikmanninn.

Ranieri gæti verið á leiðinni til Juventus

Claudio Ranieri, sem nýlega sagði upp starfi sínu sem framkvæmdarstjóri Parma er núna sterklega inni í myndinni sem arftaki Didier Deschamps hjá Juventus ef eitthvað er að marka orð Giovanni Cobolli Gigli, forseti Juventus.

Vanden Borre að ganga til liðs við Fiorentina

Leikmaður Anderlecht í Hollandi, Anthony Vanden Borre hefur skrifað undir 5 ára samning við Fiorentina á Ítalíu. Vanden Borre er gríðarlega efnilegur varnarmaður og spilaði meðal annars 6 leiki fyrir Anderlecht Meistaradeild Evrópu á síðasta tímabili.

Búist við að Parker og Barton færi sig um set á morgun

Búist er við að Joey Barton skrifi undir samning hjá Newcastle á morgun en það fer þó eftir því að leikmaður Newcastle, Scott Parker, skrifi undir hjá West Ham áður. Joey Barton, sem hefur vakið mikla athygli fyrir hegðun sína spilaði sinn fyrsta landsleik fyrir England í vetur.

Stjórnarformaður Sheffield United sannfærður um að liðið haldi sæti sínu í Úrvalsdeildinni

Kevin McCabe, stjórnarformaður Sheffield United er sannfærður um að þegar forráðamenn liðsins fá að flytja mál sitt fyrir úrskurðarnefnd 18. júní muni nefndin dæma Sheffield United í hag og liðið nái að halda sér upp í Úrvalsdeildinni.

Garðar Gunnlaugsson skoraði fyrir Norrköping

Norrköping styrkti stöðu sína á toppi annarar deildar í Svíþjóð með góðum 1-3 útisigri á Landskrona í dag en með liðinu spila íslendingarnir Garðar B. Gunnlaugsson og Stefán Þórðarson.

Juventus tapaði fyrir Bari

Juventus töpuðu fyrir Bari í dag 0-1 í næstsíðasta leik liðsins í Serie B. Það var Carrus sem skoraði markið fyrir heimamenn í Bari á 57. mínútu. Bari voru óheppnir að bæta ekki við öðru marki því að Ganci misnotaði vítaspyrnu á 87. mínútu eftir að Legrottaglie leikmaður Juventus var vikið af velli.

Mourinho: Ég er ósnertanlegur

José Mourinho segir að honum finnist hann vera ósnertanlegur á Stamford Bridge. Hann segir að hann sé mjög ánægður með samstarfið á milli hans og eigandans Roman Abramovich, en margar sögur hafa verið þess efnis að slæmt sé á milli þeirra.

United ekki hættir að kaupa?

Þrátt fyrir að David Gill, stjórnarformaður Manchester United, hafi sagt fyrir stuttu að United myndi sennilega ekki fá fleiri leikmenn til liðsins í sumar hafa margir leikmenn verið sterklega orðaðir við félagið.

EM: Úrslit leikja

Í dag var leikið í undankeppni EM í knattspyrnu karla. Nokkrar leikir voru að klárast og helstu úrslit eru:

EM: Ótrúlegur leikur á Parken

Leikur Danmerkur og Svíðjóðar í F-riðli undankeppni EM var flautaður af eftir að danskur áhorfandi hljóp inn á völlinn og réðist að dómaranum eftir að vítaspyrna var dæmd á Christian Poulsen á lokamínútunni.

Casper Jacobsen semur við Breiðablik

Casper Jacobsen, varamarkvörður AaB í Danmörku hefur samið við Breiðablik og mun standa á milli stanganna hjá Breiðablik í fjarveru Hjörvars Hafliðasonar sem þarf að gangast undir aðgerð á hné.

EM: Pólland lagði Azerbaijan

Pólland lagði Azerbaijan í dag 3-1 á A-riðli á heimavelli. Pólverjar þurftu þó að hafa fyrir sigrinum þar sem azerar komust yfir eftir aðeins sex mínútna leik og voru yfir í hálfleik. Það var ekki fyrr en á 63. mínútu sem að Ebi Smolarek jafnaði fyrir pólverja. Það var svo Jacek Krzynowec sem tryggði pólverjum sigur með tveimur mörkum fyrir leikslok.

Jafntefli gegn Liechtenstein

Íslenska landsliðið í knattspyrnu gerði í dag jafntefli við smáríkið Liechtenstein. Leikurinn fór 1-1 og íslenska liðið spilaði langt undir getu í dag. Brynjar Björn Gunnarsson skoraði mark íslendinga á 27. mínútu en Raphael Rohrer jafnaði fyrir Liechtenstein á 69. mínútu.

Ísland - Liechtenstein: 1-0 í hálfleik

Það er komið hlé í leik íslands og Liechtenstein. Staðan er 1-0 og var það Brynjar Björn Gunnarsson sem skoraði markið með skalla á 27. mínútu eftir aukaspyrnu frá Emil Hallfreðssyni. Íslenska liðið var þó ekki sannfærandi eftir markið og skapaði lítið af færum.

Brynjar Björn búinn að koma íslendingum yfir

Brynjar Björn er búinn að skora fyrsta markið í leiknum á milli Íslands og Liechtenstein á Laugardalsvellinum. Brynjar skoraði markið með skalla eftir aukaspyrnu frá Emil Hallfreðssyni. Markið kom á 27. mínútu og staðan því orðin 1-0.

Kaká ósáttur við dómarann

Kaka segir að sitt lið hafi skilið að ná jafntefli í vináttuleiknum gen Englandi í gær. Hann segir að dómarinn hafi ekki verið sanngjarn og til dæmis dæmt löglegt mark af Gilberto í fyrri hálfleik. "Englendingar brutu oft illa af sér og komust upp með það," sagði Kaka.

Roy Keane ætlar að kaupa Scholes

Roy Keane er greinilega hrifinn af fyrrverandi liðsfélugum sínum í Manchester United. Nýjustu fréttir segja að hann ætli að bjóða 2 milljónir punda í Paul Scholes á næstu dögum.

José Mourinho líður vel með að eyða litlu

José Mourinho er sannfærður um að hann geti styrkt Chelsea liðið mikið án þess að eyða miklum peningum. Hann hefur nú fengið Steve Sidwell, Claudio Pizzaro og Alex frítt til liðsins. Hann býst ekki við að borga fyrir neinn leikmann í sumar.

Undankeppni EM: Leikir dagsins

Ísland mætir Liechtenstein í dag klukkan 16:00 í F-riðli undankeppni EM. Fleiri leikir munu fara fram í dag út um alla evrópu. Leikir dagsins eru:

West Ham að undirbúa tilboð í Richardson

Eggert Magnússon og félagar í West Ham eru sagðir vera að undirbúa tilboð í Kieran Richardson, leikmann Manchester United. Tilboðið mun hljóða upp á 4 milljónir punda.

England 1 - 1 Brasilía

England og Brasilía gerðu 1-1 jafntefli í vináttuleik á nýja Wembley. John Terry skoraði fyrir England en Diego jafnaði fyrir Brasilíu.

Jafnt hjá Englandi og Brasilíu í hálfleik

Það er kominn hálfleikur í vináttulandsleik á milli Englands og Brasilíu. Staðan er 0-0 og var hálfleikurinn frekar rólegur. David Beckham er í byrjunarliði Englands og átti hann hættulega aukaspyrnu sem fór rétt fram hjá markinu.

U19: Ísland tapaði fyrir Noregi

Íslenska U19 liðið tapaði í dag fyrir heimamönnum í Noregi. Leikurinn fór 4-3 en staðan í hálfleik var 3-2. Þetta var annar leikur drengjanna í milliriðli fyrir EM en þeir töpuðu fyrir spánverjum á miðvikudag 3-2.

Pizzaro búinn að semja við Chelsea

Chelsea er búið að klófesta Claudio Pizzaro frá Bayern Munchen. Chelsea fær leikmanninn frítt, þar sem að samningur hans við Bayern er runninn út. José Mourinho, þjálfari Chelsea hyggst styrkja framlínuna mjög þar sem Didier Drogba og Salomon Kalou munu verða frá vegna Afríkukeppni landsliða eftir áramót.

Tevez opinn fyrir að vera áfram hjá West Ham

Argentíski leikmaðurinn Carlos Tevez segir að hann viti ekkert hvað verður um hann í sumar. Hann veit af áhuga frá nokkrum liðum en segir þó að það gæti vel verið að hann verði áfram á Upton Park.

Leik ÍBV og Stjörnunar frestað

Leik ÍBV og Stjörnunnar í fyrstu deildinni hefur verið frestað aftur vegna þess að ófært er með flugi til Eyja. Leikurinn átti upphaflega að fara fram í gær en var þá frestað þar til í kvöld. Leikurinn hefur verið færður til klukkan 16:00 á sunnudaginn.

Roy Keane hefur áhuga á Diego Forlan

Roy Keane hefur mikinn áhuga á að fá fyrrum liðsfélaga sinn hjá Manchester United, Diego Forlan, til liðs við sig. Roy Keane, sem er framkvæmdastjóri Sunderland, hefur áður reynt að fá Forlan til liðsins.

Reo-Coker: "West Ham vill mig ekki"

Nigel Reo-Coker fór fram á að vera seldur frá West Ham í síðustu viku og segir ástæðuna vera að honum finnist félagið ekki vilja halda sér. Þessi 23 ára leikmaður hefur leikið með West ham síðustu fjögur tímabil og er svekktur yfir því að yfirgefa félagið á þennan hátt.

England - Brasilía í kvöld á Wembley

Í kvöld mun England taka á móti snillingunum frá Brasilíu í vináttuleik. Þessi leikur verður fyrsti leikur landsliðsins á nýjum Wembley síðan þjóðverjar sigruðu þá fyrir næstum 7 árum.

U19: Byrjunarliðið gegn Noregi

U19 landslið karla mætir Noregi í dag í milliriðli fyrir EM. Norðmenn eru á heimavelli í þessum leik en riðillinn er allur spilaður í Noregi. Íslenska landsliðið hefur spilað einn leik í riðlinu, 3-2 tap fyrir spánverjum sem eru núverandi handhafar titilsins.

Morten Gamst eftirsóttur

Norski landsliðsmaðurinn, Morten Gamst Pedersen, er eftirsóttur af 5 stórliðum í Englandi. Þetta segir Rune Hauge, umboðsmaður leikmannsins. Manchester United, Chelsea, Arsenal, Liverpool og Tottenham eru öll á eftir kappanum.

West Ham og Newcastle ná samkomulagi

West Ham og Newcastle hafa nú náð samkomulagi um verð á miðvallarleikmanninum Scott Parker. Parker, sem hafði aðeins spilað eina leiktíð með Newcastle kom frá Chelsea, en þar hafði honum mistekist að sanna sig.