Jonas var hársbreidd frá metinu - skoraði eftir 10,6 sek.

Brasilíumaðurinn Jonas skoraði eftir aðeins 10,6 sekúndur í gær fyrir spænska liðið Valencia í Meistaradeild Evrópu í fótbolta. Jonas var nálægt því að bæta metið sem er í eigu Hollendingsins Roy Makaay sem skoraði eftir 10,3 sekúndur fyrir þýska liðið Bayern München gegn Real Madrid frá Spáni árið 2007.

Hjartaaðgerðin hans Redknapp gekk vel

Hjartaaðgerð Harry Redknapp, stjóra Tottenham, gekk vel í dag og er búist við því að Redknapp verði útskrifaður af sjúkrahúsinu eftir 48 tíma. Redknapp stýrir Tottenham-liðinu ekki á móti Rubin Kazan í Rússlandi á morgun og hann fær sinn tíma til að jafna sig.

Cassano þarf að fara í hjartaaðgerð - frá í nokkra mánuði

Ítalski landsliðsframherjinn Antonio Cassano mun ekki spila fótbolta næstu mánuðina því það er nú ljóst að veikindi hans um helgina kalla á það að þessi 29 ára gamli leikmaður AC Milan þurfi að fara í hjartaaðgerð.

Stuðningsmenn Man. Utd ekki sáttir við ummæli Kroenke

Ummæli Stan Kroenke, aðaleiganda Arsenal, í gær um að stuðningsmenn Man. Utd ættu að vera þakklátir fyrir að Glazer-fjölskyldan ætti félagið vöktu mikla athygli og undrun margra.

Björgvin og Aron meiddir

Það kvarnast enn úr íslenska landsliðshópnum sem æfir hér á landi þessa dagana. Nú eru tveir markverðir gengnir úr skaftinu.

Mourinho óttast ekki að velja á milli Higuain og Benzema

Jose Mourinho, þjálfari Real Madrid, er afar ánægður hvernig honum hefur tekist að dreifa leikjaálaginu í vetur. Til að mynda hefur hann skipst á að spila framherjunuum Karim Benzema og Gonzalo Higuain.

Ægir Hrafn valinn í stað Einars Inga

Guðmundur Guðmundsson landsliðsþjálfari hefur kallað á Ægi Hrafn Jónsson, línumann Fram, í landsliðshópinn í stað Einars Inga Hrafnssonar sem handarbrotnaði í gær.

Messi er ekkert að hugsa um markametið hjá Barcelona

Argentínumaðurinn Lionel Messi rauf 200 marka múrinn hjá Barcelona í gær og er nú aðeins 34 mörkum frá markameti félagsins. Þrátt fyrir það segist Messi ekkert vera að hugsa um metið.

Balotelli slær sér upp með klámmyndastjörnu

Svo virðist vera sem Ítalinn Mario Balotelli sé ekki við eina fjölina felldur. Kærastan hans er á Ítalíu og þá var Balotelli gripinn á stefnumóti með klámstjörnu.

Rúnar orðaður við þjálfarastöðuna hjá Lilleström

Staðarblöðin í Lilleström greina frá því í dag að Rúnar Kristinsson, þjálfari Íslands- og bikarmeistara KR, sé einn fimm þjálfara sem komi til greina sem næsti þjálfari Lilleström.

Beckham segir að landsliðsferlinum sé ekki lokið

Hinn 36 ára gamli David Beckham neitar að gefa landsliðsdrauminn upp á bátinn þó svo hann hafi ekki leikið með enska landsliðinu í rúm tvö ár.

Redknapp getur ekki stýrt Spurs á morgun

Harry Redknapp, stjóri Tottenham, verður fjarri góðu gamni á morgun þegar Spurs mætir Rubin Kazan í Evrópudeildinni.

Stuðningsmenn Chelsea gerðu grín að Ferdinand

Forráðamenn Chelsea eru ekki sáttir við lítinn hóp stuðningsmanna liðsins sem gerðu grín að Anton Ferdinand varnarmanni QPR á leik Chelsea og Genk í Meistaradeild Evrópu í gærkvöldi.

Umhverfisvæn skot í Vesturröst

Vesturröst er farin að bjóða uppá umhverfisvænni skot frá Hull. Það þekkist mjög víða í heiminum að skot með blýhöglum er bönnuð sökum mengunar sem þau kunna að valda. Hull hefur þess vegna framleitt skot skot með stálhöglum sem ryðga og eyðast í náttúrunni og púður framleitt úr sykrum sem er líka umhverfisvænna.

Tekur Roy Keane við Leicester?

Roy Keane er líklegur til þess að taka við liði Leicester í ensku 1. deildinni en forráðamenn liðsins ráku Svíann Sven Göran Eriksson á dögunum. Keane er risastórt nafn í fótboltaheiminum eftir glæstan feril sem leikmaður Manchester United og írska landsliðsins. Hann hefur ekki náð að festa sig í sessi sem knattspyrnustjóri eftir að hafa staldrað frekar stutt við í slíku starfi hjá Sunderland og Ipswich.

Ole Gunnar Solskjær orðaður við Blackburn

Ole Gunnar Solskjær stýrði Molde til sigurs á fyrsta ári sínu sem þjálfari liðsins í norsku úrvalsdeildinni í fótbolta um s.l. helgi. Árangur Norðmannsins hefur ekki farið framhjá neinum enda þekkt nafn á ferðinni og enskir fjölmiðlar á borð við Telegraph leiða að því líkum að Solskjær verði næsti knattspyrnustjóri Blackburn.

Nú er kominn tími til að grafa lax - uppskrift

Nú þegar veiðitímabilinu er lokið er um að gera að elda lax, fara með í reyk og síðast en ekki síst að grafa lax. Þetta er svo einfalt að það geta allir gert þetta og það skemmtielga er að finna sitt eigið bragð í kryddblöndunni. En til að fara öruggur af stað þá er hér uppskrift sem er ættuð frá Veislunni á Seltjarnarnesi.

Óstofnað félag með hæsta boð í Þverá/Kjarrá

Samkvæmt áreiðanlegum upplýsingum, þá eru þrír einstaklingar, Halldór Hafsteinsson, Davíð Másson og Ingólfur Ásgeirsson með hæsta tilboð í Þverá/Kjarrá „fyrir hönd óstofnaðs félags“ eins og það er orðað. Upphæðin er 111.700.000 krónur, en áin leigist frá og með 2013 til fimm ára, eða til og með 2017.

NBA deilan hefur áhrif á golfið hjá Michael Jordan

Michael Jordan, eigandi NBA liðsins Charlotte Bobcats, er án efa ekki sáttur við verkbannið í deildinni og deilu eigenda við leikmannasamtökin. Jordan gaf gær frá sér hlutverk aðstoðarfyrirliða bandaríska úrvalsliðsins í golfi sem keppir í Forsetabikarnum gegn alþjóðlega úrvalsliðinu. John Cook mun taka við hlutverki Jordan en Fred Couples er fyrirliði bandaríska liðsins.

Það voru bara tvær mínútur eftir af æfingunni

Það var stutt gaman hjá línumanninum Einari Inga Hrafnssyni sem var valinn í íslenska landsliðið á dögunum. Hann varð fyrir miklu áfalli í fyrrakvöld þegar hann handarbrotnaði á æfingu íslenska landsliðsins. Einar Ingi var að fá sín fyrstu alvöru kynni af A-landsliðinu en átti að baki einn leik með hálfgerðu b-liði sumarið 2009.

Messi: 202 mörk fyrir Barcelona - 50 mörk á árinu 2011

Þetta var svo sannarlega kvöld Lionel Messi í Meistaradeildinni en argentínski snillingurinn skoraði mark númer 200, 201 og 202 fyrir Barcelona þrátt fyrir að vera aðeins 24 ára gamall.

Balotelli: Sjáið hvað ég er fallegur

Ítalinn Mario Balotelli er ekki bara ærslafullur heldur er sjálfstraustið hjá honum svo gott að ætla mætti að hann væri Þingeyingur.

Walcott: Auðvitað erum við pirraðir

Theo Walcott og félögum í Arsenal tókst ekki að skora hjá franska liðinu Marseille í Meistaradeildinni í kvöld en efstu liðin í F-riðlinum gerðu þá markalaust jafntefli í öðrum leiknum í röð.

Japanskt lið á eftir Ronaldinho

Þó svo Brasilíumaðurinn Ronaldinho hafi bætt á sig nokkrum kílóum og virðist ekki hafa allt of mikinn áhuga á fótbolta lengur er enn eftirspurn eftir þjónustu hans.

Villas-Boas: Hlutirnir eru ekki falla með okkur þessa dagana

Andre Villas-Boas, stjóri Chelsea, horfði upp á sína menn ná aðeins jafntefli á móti belgíska liðinu Genk í Meistaradeildinni í kvöld. Chelsea komst 1-0 yfir í fyrri hálfleik og átti að vera löngu búið að gera út um leikinn þegar Belgarnir jöfnuðu metin í þeim síðari.

Fyrrum þjálfari Tevez segir hann ekki vera merkilegan pappír

Emerson Leao, þjálfari Sao Paulo og fyrrum þjálfari Carlos Tevez hjá Corinthians, gefur persónunni Tevez ekki háa einkunn.

Spilaði meiddur til þess að greiða veðmálaskuldir

Knattspyrnumaðurinn Michael Chopra hefur viðurkennt að eiga við spilafíkn að stríða. Það sem meira er þá hefur hann tapað 370 milljónum króna í veðbönkum.

Sundsvall missti toppsætið og Jämtland tapaði líka

Íslendingaliðin Sundsvall Dragons og Jämtland Basket töpuðu bæði sínum leikjum í sænsku úrvalsdeildinni í körfubolta í kvöld. Sundvall tapaði toppslagnum á móti Norrköping Dolphins og missti fyrir vikið toppsætið til Háhyrninganna.

Barcelona og AC Milan komin áfram - öll úrslit kvöldsins

Úrslitin réðust í H-riðli Meistaradeildarinnar í kvöld þegar Evrópumeistarar Barcelona og AC Milan tryggðu sér sæti í sextán liða úrslitum keppninnar. Barcelona vann þá 4-0 útisigur á Viktoria Plzen og 1-1 jafntefli AC Milan í Hvíta-Rússlandi var því nóg fyrir ítalska liðið.

Markalaust jafntefli hjá Arsenal og Marseille

Arsenal hélt toppsætinu í F-riðli Meistaradeildarinnar en tókst ekki að tryggja sér sæti í sextán liða úrslitunum þegar liðið gerði markalaust jafntefli í kvöld á móti franska liðinu Marseille.

David Luiz klikkaði á víti og Chelsea náði bara jafntefli í Belgíu

Chelsea náði aðeins 1-1 jafntefli á móti botnliði Genk í Meistaradeildinni í fótbolta í kvöld. Chelsea fékk frábært tækifæri til að komast tveimur mörkum yfir í fyrri hálfleik en Genk tókst síðan að jafna leikinn í þeim seinni.

Eigandi Miami sektaður fyrir ummæli á Twitter

Forráðamenn NBA-deildarinnar eru ekkert allt of hrifnir af því að eigendur liðanna séu að tjá sig um NBA-deiluna og nú hefur David Stern, yfirmaður deildarinnar, slegið á puttana á Micky Arison, eiganda Miami Heat, sem hefur verið að tjá sig um málið á Twitter.

Kroenke skilur ekkert í stuðningsmönnum Man. Utd

Bandaríkjamaðurinn Stan Kroenke, aðaleigandi Arsenal, skilur ekkert í þeim hópi stuðningsmanna Man. Utd sem mótmæla eigendum Man. Utd, Glazer-fjölskyldunni. Kroenke segir að stuðningsmennirnir eigi frekar að þakka Glazer-fjölskyldunni fyrir þann árangur sem félagið hefur náð síðan fjölskyldan keypti félagið.

Rio er ekki lengur fyrsti kostur hjá Ferguson

Sir Alex Ferguson, stjóri Man. Utd, hefur sent miðverðinum Rio Ferdinand skýr skilaboð. Hann þarf að girða sig í brók ef hann á að komast í lið hjá félaginu. Rio er ekki lengur fyrsti kostur í lið Man. Utd.

Man. Utd sagt vera til í að skipta á Berbatov og Huntelaar

Hollenski framherjinn Klaas-Jan Huntelaar hefur í ansi mörg ár verið orðaður við Man. Utd en aldrei varð samt af því að hann kæmi á Old Trafford. Nú er byrjað að orða framherjann aftur við enska félagið.

Stjörnustrákarnir ætla ekki að taka fögnin niður af hillunni

Í viðtali sem Hans Steinar Bjarnason íþróttafréttamaður á Stöð 2 tók við Jóhann Laxdal segir leikmaður Stjörnunnar m.a. að allar líkur séu á því að heimsþekkt "Stjörnufögn“verði ekki tekin niður af hillunni þar sem þau voru geymd síðastliðið sumar.

Arsenal á eftir Podolski

Arsenal er nú sagt vera á höttunum eftir þýska framherjanum Lukas Podolski sem spilar með Köln í heimalandinu. Hermt er að Arsenal ætli sér að bjóða 20 milljónir punda í framherjann.

111.7 milljóna tilboð á borðinu í Þverá/Kjarrá

Við fengum símtal rétt eftir hádegi frá manni sem var viðstaddur þegar tilboðin voru opnuð í Þverá/Kjarrá, en ansi lítið bar á milli tveggja tilboða. Tilboðsgjafarnir voru meðal annars Lax-Á, Davíð Másson, Arnór Diego og SVFR sem var með lægsta tilboðið.

Gerrard frá næstu vikur

Liverpool staðfesti í dag að Steven Gerrard verði frá í óákveðinn tíma eftir að hafa fengið sýkingu í ökklann. Það mun taka hann lengri tíma að jafna sig en í fyrstu var talið.

Maradona tekur þátt í góðgerðarleik

Diego Armando Maradona ætlar að rífa fram skóna og taka þátt í góðgerðarleik sem fram fer í Dúbaí þann 8. nóvember næstkomandi. Fjöldinn allur af kempum tekur þátt í leiknum.

Mancini til í að grafa stríðsöxina við Tevez

Roberto Mancini, stjóri Man. City, er til í að binda enda á leiðindamálið með Carlos Tevez. Ef leikmaðurinn biðji leikmannahópinnn og Mancini afsökunar verði honum fyrirgefið.

Einar Ingi handarbrotnaði á landsliðsæfingu

Línumaðurinn Einar Ingi Hrafnsson varð fyrir miklu áfalli í gær þegar hann handarbrotnaði á æfingu íslenska landsliðsins.

Shaq gefur út bók - ætlaði að drepa Kobe

NBA-goðsögnin Shaquille O´Neal mun gefa út bók um miðjan mánuðinn sem á vafalítið eftir að vekja mikla athygli. Bókin heitir: "Shaq Uncut: My Story". Þegar er byrjað að birta safaríka hluta af bókinni í auglýsingarskyni og í einum þeirra tjáir Shaq sig um deiluna við Kobe Bryant en þeir voru ekki miklir félagar er þeir spiluðu saman með Lakers.

Blanda uppgjör 2011

Blanda gamla hefur verið í fantaformi undanfarin tímabil, þrjú ár í röð hefur hún rofið 2000 laxa múrinn og sem fyrr er lunginn af veiðinni á svæði 1. Sumarið var um margt óvenjulegt fyrir norðan, Blanda rann mjög hrein fram að yfirfalli, nánast eins og bergvatnsá, og var óvenju lítið lituð eftir yfirfall – enda var ágústveiðin 340 laxar á svæði 1. Eins var minna um sveiflur á vatnsmagni í sumar en oft áður, en slíkt hefur mikil áhrif á hegðun laxins – sérstaklega á miðsvæðunum.

Viðtal - Ási og Gunni Helga með nýja veiðimynd og bók

Þeir bræður Gunnar og Ásmundur Helgasynir eyddu sumrinu í að taka upp veiðimynd um íslenska stórlaxinn. Myndin, sem ber heitið Leitin að stórlaxinum, verður þó ekki ein á ferð því þeir bræður eru einnig að gera bók með sama nafni – og mun myndin fylgja bókinni á dvd disk. Veiðivísir sat fyrir þeim á dögunum og dældi á þá spurningum.