Nú er kominn tími til að grafa lax - uppskrift

Nú þegar veiðitímabilinu er lokið er um að gera að elda lax, fara með í reyk og síðast en ekki síst að grafa lax.  Þetta er svo einfalt að það geta allir gert þetta og það skemmtielga er að finna sitt eigið bragð í kryddblöndunni.  En til að fara öruggur af stað þá er hér uppskrift sem er ættuð frá Veislunni á Seltjarnarnesi.

Grafinn lax

10 hlutar sykur

5 hlutar salt

2 hlutar dillfræ

5 hlutar grænt dill

1 hluti fennel

1 hluti hvítur pipar

Þessu er blandað saman og stráð nokkuð þétt í botninn á bakkanum, laxinn er lagður ofan á og þakinn með blöndunni þannig að hann sé fallega grænn. Gott er að láta hann standa úti yfir nótt og hafa hann svo í kæli í tvo sólarhringa.

Sinnepssósa

1 hluti sætt sinnep

1 hluti tafel sinnep

1 hluti púðursykur

1 hluti grænt dill

1 hluti olía

Þessu er öllu hrært saman. Gott er að láta sósuna standa í kæli yfir nótt.