Úkraína

Úkraínumenn fóru auðveldlega í gegnum undankeppnina og voru fyrsta Evrópuliðið til þess að tryggja sér farseðil á HM. Áhangendur liðsins gera miklar væntingar til þess og þjálfarinn hefur sagt að þeir geti komist í undanúrslit.

Serbía og Svartfjallaland

Serbar og Svartfellingar mæta sem “litla liðið” í keppnina. Þeir eru ekki með neinar stórstjörnur en hafa leikið mjög vel samann sem lið. Þeir vonast til þess að geta komið öllum á óvart á HM.

Japan

Japanir eru nú undir stjórn Zico sem var á sínum tíma einn allra besti knattspyrnumaður heims. Hann hefur hins vegar ekki verið mjög sannfærandi sem þjálfari en skilaði þó sínu liði á HM. Ef Japan fellur út í 16 liða úrslitum eftir hetjulega baráttu verða áhangendur sáttir.

Suður Kórea

Suður Kóreumenn stefna á að komst upp úr riðli sínum og treysta svo á stemninguna í liðinu til þess að fleyta sér áfram. Það muna flestir eftir góðu gengi þeirra í síðustu keppni. Hins vegar voru ekki allir sáttir við það að sjá hverja stórþjóðina á fætur annarri detta úr þeirri keppni.

Sviss

Svisslendingar komust á ævintýralegan hátt á HM. Þeir slógu út Tyrki í umspili um laust sæti með fleiri mörk skoruð á útivelli. Þeir eru ekki með sterkari liðum og að komast eitthvað áleiðis í keppninni væri stórsigur fyrir þá.

Kosta Ríka

Kosta Ríkamenn unnu stórsigur þegar þeir tóku fyrst þátt í HM á Ítalíu árið 1990 því þá komust þeir í 16 liða úrslit. Þeir vonast til að geta leikið þann leik eftir í Þýskalandi.

Íran

Íranar hafa leikið sex leiki á HM og aðeins sigrað einn þeirra það var á móti Bandaríkjamönnum 2 -1 í Frakklandi árið 1998. Þeir gætu bætt einum eða tveimur sigrum í sarpinn. Þeir þurfa hins vegar að hafa heppnina með sér ef hlutirnir eiga að ganga upp.

Tógó

Tógóbúar eru að taka þátt í sinni fyrstu heimsmeistarakeppni. Það væri stórsigur fyrir þá að komast upp úr riðlinum. Þeir vonast til þess að andstæðingar þeirra vanmeti þá í keppninni.

Trínidad og Tóbagó

Trínidad og Tóbagómenn leika nú í sinni fyrstu lokakeppni. Þeir mega vera ansi ánægðir ef þeim tekst að lands sigri og þeir halda þjóðhátíð ef þeir fara upp úr riðlinum.

Túnis

Túnisar hafa þrisvar áður tekið þátt í HM og í öll skiptin fallið út í riðlakeppninni. Þeir eru með sterkt lið, færan þjálfara og gætu orðið spútniklið keppninnar.

Króatía

Króatar unnu Svía tvívegis í undankeppninni og unnu sinn riðil nokkuð örugglega. Þeir voru nokkuð heppnir þegar dregið var í riðla og vonast til að fara áfram í 16 liða úrslit. Þetta er lið sem treystir á sterka vörn.

Fílabeinsströndin

Fílabeinstrendingar eru að taka þátt í sinni fyrstu lokakeppni HM eftir átta tilraunir. Þeir unni sinn Afríkuriðil og skildu eftir lið eins og Kamerún og Egiptaland. Í þessu liði eru nokkrir af heitustu knattspyrnumönnum heims. Þeir lentu í öðru sæti Afríkukeppninnar og eru vel spilandi lið.

Bandaríkin

Bandaríkjamenn eru með gott lið en eru í vandræðum með hversu sjaldan þeir mæta stóru knattspyrnuþjóðunum. Þeir léku tvo síðustu leikina í undankeppninni með varalið sitt en komust samt auðveldlega á HM.

Ástralía

Ástralir slógu loks út Úrúgvæa í umspili og það í vítaspyrnukeppni. Þeir eru með leikmenn sem leika út um allt meginland Evrópu og á Englandi. Með einn best þjálfara heims vonast þeir til að ná árangri á mótinu.

Angóla

Angólamenn hafa aldrei áður leikið á HM og vanalega eru þeir mjög ánægðir með að komast í Afríkukeppnina. Þeir ætla að leika varnarbolta og koma á óvart með skyndisóknum.

Ekvador

Ekvadorar lögðu bæði Brasilíumenn og Argentínumenn í undakeppninni og lentu í þriðja sæti riðilsins. Hins vegar unnust sjö sigar af átta á heimavelli. Vegna þess hve fáir leikmenn leika í Evrópu er ekki hægt að búast við miklu af þeim.

Sádí Arabía

Sádí-Arabar eru komnir á HM, fjóða skiptið í röð. Árið 1994 komust þeir í 16 liða úrslit en féllu út í riðlakeppninni árin 1998 og 2002. Það er fátt sem bendir til þess að þeir geri eitthvað annað nú.

Laudrup hættir hjá Bröndby

Danska knattspyrnugoðsögnin Michael Laudrup tilkynnti í dag að hann muni ekki framlengja samning sinn sem knattspyrnustjóri danska liðsins Bröndby. Þessi tíðindi hafa nú kynt undir þrálátan orðróm sem uppi hefur verið í Danmörku undanfarna mánuði þess efnis að Laudrup sé að fara að taka við spænska stórliðinu Real Madrid.

Kahn stendur með Lehmann

Oliver Kahn, markvörður Bayern Munchen og einn af markvörðum þýska landsliðsins stendur 100% með Jens Lehmann og er hann ekki í vafa að Lehmann verðu búinn að jafna sig eftir leikinn á miðvikudaginn þar sem honum var vísað af velli á 18 mínútu.

Spænski hópurinn fyrir HM

Búið er að velja Spænska landsliðshópinn sem spilar fyrir hönd Spánar á HM í næsta mánuði. Fernando Morientes, sóknarmaður Liverpool er ekki í hópnum hjá Spánverjum. Cesc Fabregas, leikmaður Arsenal er það ásamt félaga sínum Jose Anntonio Reyes.

Dudek ekki í hópnum hjá Pólverjum

Jerzy Dudek, markvörður hjá Liverpool er ekki í HM hópi Pólverja sem mætir til leiks á HM í sumar. Dudek hefur ekki leikið mikið á þessari leiktíð og valdi landsliðþjálfari Póllands frekar þá Artur Boruc hjá Celtic og Tomasz Kuszczak hjá West Brom sem markverði liðsins.

Hörður skoraði í sigri Silkeborg

Hörður Sveinsson skoraði fyrsta mark Silkeborg í óvæntum 3-2 útisigri liðsins á meistudum FC Kaupmannahöfn í dönsku úrvalsdeildinni í dag. Silkeborg hafnaði því í 8. sæti deildarinnar, en Kaupmannahafnarliðið sigraði í deildinni.

Rooney allur að koma til

Waney Rooney, leikmaður Manchester United og enska landsliðsins er sagður vera á góðum batavegi. Eins og flestir vita þá ristarbrotnaði hann fyrir hálfum mánuði í leik gegn Chelsea í ensku deildinni. Menn eru á því að snillingurinn verði búinn að ná sér fyrir HM sem hefst í næsta mánuði.

Walcott sannfærður um að höndla pressuna á HM

Theo Walcott, leikmaður Arsenal sem var valinn í enska landsliðshópinn fyrir HM í Þýskalandi í sumar er hvergi banginn og segist alveg geta höndla pressuna sem verður á honum. Þessi 17 ára gamli leikmaður hefur ekki leikið einn leik fyrir Arsenal í úrvalsdeildinni en hann gekk til liðs við þá í janúar frá Southampton.

Spænsku leikmennirnir fá 385.000 pund ef þeir vinna HM

Landsliðsmenn Spánar fá 385.000 krónur hver maður ef þeir vinna HM í sumar. Þetta hefur ekki fengið staðfest af knattspyrnusambandi Spánar en þarlendir fjölmiðlar staðfesta þetta. þetta er heldur meira en félagar þeirra frá Ítalíu fá ef þeir vinna en þeir fá 178.000 pund fyrir sigur á HM.

FC København Danmerkurmeistari

FC København fagnaði í dag danska meistaratitlinum í knattspyrnu þrátt fyrir 1-0 tap gegn OB í Óðinsvéum. Tapið skipti engu máli fyrir Kaupmannahafnarliðið því Brøndby steinlá fyrir Horsens, 4-1. Þetta fimmti Danmerkurmeistaratitill København síðan félagið var stofnað árið 1992.

Tap hjá Silkeborg

Íslendingaliðið Silkeborg tapaði í kvöld 1-0 fyrir AaB í dönsku úrvalsdeildinni í knattspyrnu. Hörður Sveinsson og Bjarni Ólafur Eiríksson spiluðu báðir allar 90 mínútunar í liði Silkeborg.