Serbía og Svartfjallaland

Serbar og Svartfellingar eru í C riðli með Argentínumönnum, Fílabeinsstrendingum og Hollendingum. Þeir eru í 44. sæti á styrkleikalista FIFA. Þessi riðill gæti reynst þeim ofviða.

Serbar og Svartfellingar mæta sem "litla liðið" í keppnina. Þeir eru ekki með neinar stórstjörnur en hafa leikið mjög vel samann sem lið. Þeir vonast til þess að geta komið öllum á óvart á HM.

Ilija Petkovic sem stýrir liðinu er fyrrum landsliðsmaður Júgóslavíu. Hann hefur yngt liðið upp eftir að stórstjörnur eins og Predrag Mijatovic hættu.

Ivan Ergic leikmaður Basel í Sviss var valinn í leikmannahóp Petkovic þrátt fyrir að hafa aldrei áður leikið með landsliðinu. Tveir leikmenn úr undir 21 árs landsliðinu voru valdir í hópinn þeir Dusan Basta leikmaður Rauðu Stjörnunnar og Mirko Vucinic leikmaður Lecce á Ítalíu.

Einn af athyglisverðustu leikmönnum keppninnar er Nicola Zigic sem er á mála hjá Rauðu Stjörnunni í Belgrad. Hann hefur verið kallaður "stærsti leikmaður heims" en hann er 202 sentímetrar á hæð. Mörg af stórliðum Evrópu eiga eftir að fylgjast vel með honum í sumar.

Fyrirliði: Mladen Krstajic

Lykilmaður: Dejan Stankovic

Gæti slegið í gegn: Nicola Zigic