Síðasta Bráðavaktin í loftið

Eftir 15 ára samfellda sigurgöngu verður lokaþáttur sjúkrahússsápunnar Bráðavaktarinnar, eða ER, sýndur á bandarísku NBC-sjónvarpsstöðinni annað kvöld. Þættirnir eru runnir undan rifjum rithöfundarins og læknisins Michaels Crichton heitins en hann skrifaði handritið að fyrsta þættinum reyndar árið 1974 og byggði það á sinni eigin reynslu frá því að hann starfaði á bráðavakt sem ungur læknanemi.

Bretar undirbúa G20

Lögregla í Lundúnum býr sig nú í óða önn undir mótmæli allt að 120 mismunandi hópa meðan á G20-ráðstefnunni svokölluðu stendur en hún hefst á morgun og koma þar saman fulltrúar stærstu iðnvelda heimsins.

Fundu flak skips sem sökk 1940

Flak fyrsta bandaríska skipsins, sem sökkt var í síðari heimsstyrjöldinni, er fundið, skammt undan suðurströnd Ástralíu. Um er að ræða flutningaskip sem flutti blý, ull og kopar frá Ástralíu til Bandaríkjanna.

Tölvuglæpum fjölgar um 33 prósent

Tilkynningum um tölvuglæpi hefur fjölgað um 33 prósent í Bandaríkjunum síðasta árið og hefur fjárhagslegt tjón vegna slíkra glæpa aukist um 11 prósent á sama tíma.

Umbætur handa breskum lestarfarþegum

Farþegar breskra járnbrautarlesta eiga von á miklum umbótum á lestarkerfi landsins þegar 35 milljörðum punda verður varið til að fjölga lestum og draga þannig úr seinkunum og fjölda farþega í hverri lest.

Hæstiréttur BNA: Ekkja reykingamanns fær milljarða

Hæstiréttur Bandaríkjanna hefur vísað frá áfrýjun bandaríska tóbaksframleiðandans Philip Morris vegna skaðabóta sem fyrirtækið var dæmt til að greiða ekkju reykingamanns sem lést úr lungnakrabbameini eftir 40 ára reykingaferil. Hæstiréttur Oregon hafði árið 1999 dæmt fyrirtækið til þess að greiða ekkjunni 79,5 milljónir dollara í skaðabætur fyrir missir eiginmannsins.

Böðull biðst afsökunar

Einn æðsti böðull Rauðu kmeranna í Kambódíu baðst í morgun afsökunar á ódæðum sínum fyrir dómi. Kaing Guek Eav eða Duch er sá fyrsti úr liðskjarna kmeraleiðtogans látna, Pol Pot, til að vera dreginn fyrir sérskipaðan glæpadómstól. Nærri tvær milljónir manna týndu lífi meðan ógnarstjórn Rauðu kmerana var við völd í Kambódíu 1975 til 1979.

Talíbanar á bak við árásina á lögregluskólann

Leiðtogi Talíbana í Pakistan segir samtök sín bera ábyrgð á morðárás á lögregluskóla í Lahore í gær. Átján féllu í árásinni, átta lögreglumenn, tveir almennir borgarar og átta árásarmenn. Níutíu og fimm særðust.

Blindaði mann með sturtuhengi

Tæplega fimmtug kona í Helsingjaeyri í Danmörku var í gær dæmd í hálfs árs fangelsi fyrir að blinda 64 ára gamlan mann varanlega með stöng fyrir sturtuhengi.

Tvö ístungl í Kuiper-beltinu

Tvö tungl dvergplánetunnar Haumeu í Kuiper-beltinu svokallaða eru gerð úr ís eingöngu.

Pólskt elliheimili leigir út ömmur

Hver þekkir ekki hið gamalgróna siferðislega og uppeldislega hlutverk ömmunnar og allt það ótalmarga sem ömmur hafa kennt hinum mætustu mönnum í áranna rás?

Bandaríkjastjórn opnar áfallahjálparsíðu

Vefsíðu, sem ríkisstjórn Bandaríkjanna hefur opnað, er ætlað að veita almenningi áfallahjálp og ýmiss konar ráðgjöf um hvernig komast megi gegnum erfiða fjárhagslega tíma og forðast þunglyndi og aðra fylgifiska kreppunnar.

Byssumaðurinn var eiginmaður eins starfsmannanna

Maðurinn sem skaut átta manns til bana á dvalarheimili aldraðra í Carthage í Norður-Karólínu í gær reyndist vera eiginmaður eins starfsmanns heimilisins. Þetta sagði lögregla í gær.

Framtíð Afganistan rædd í Haag

Hillary Clinton, utanríkisráðherra Bandaríkjanna, útilokar ekki að hún muni funda með írönskum ráðamönnum um samskipti Írans og Afganistans á ráðstefnu í Haag í Hollandi í dag.

Handtekinn í teiti Íhaldsflokksins

Lögregla í London handtók mann sem staddur var í leyfisleysi í þinghúsinu og sótti þar vorfögnuð Íhaldsflokksins um helgina. Beita þurfti piparúða til að yfirbuga manninn sem lét ófriðlega og hafði stofnað til rifrildis við einn gestanna.

Mikil flóð á slóðum Vestur-Íslendinga

Leysingar eftir mikinn snjóavetur, miklar sveiflur í hitastigi og mikil úrkoma hafa valdið gríðarlegum vatnavöxtum í Rauðá í Norður-Dakóta, á slóðum þar sem afkomendur norrænna landnema eru margir. Óttast er að varnargarðar gefi sig.

Berlusconi vill meiri völd

Silvio Berlusconi, forsætisráðherra Ítalíu, tjáði fulltrúum á sameiningarflokksþingi hægriflokkanna Forza Italia og Alle-anza Nazionale að hann þyrfti að fá frekari valdheimildir í sínar hendur til að geta hrint í framkvæmd þeim umbótum sem þörf væri á.

Átta stunda umsátur í Lahore

Hópur vígamanna réðst í gær með alvæpni inn í þjálfunarbúðir lögregluskóla í Pakistan og gengu þar berserksgang klukkustundum saman. Þeir hentu handsprengjum, tóku gísla og drápu að minnsta kosti átta lögreglumenn og þrjá óbreytta borgara áður en sérsveitarmönnum úr hernum tókst að yfirbuga þá.

Sjálfsvígstilræði í lögreglustöð

Sjálfsmorðssprengjumaður íklæddur lögreglubúningi sprengdi sig í loft upp inni í lögreglustöð í Suður-Afganistan í gær. Hann varð með því níu manns að bana og særði átta, að því er talsmaður afganskra yfirvalda greindi frá. Af þeim níu sem dóu í árásinni voru fimm lögreglumenn en fjórir óbreyttir borgarar.

Maður handtekinn í breska þinginu

Karlmaður var handtekinn rétt fyrir utan þingsal neðri deildar breska þingsins í kvöld. Þar fór fram þingfundur um málefni Afríku. Maðurinn var gestur í vorboði fyrir blaðamenn sem Eric Pickles, framkvæmdastjóri Íhaldsflokksins, stóð fyrir.

Færri féllu í Pakistan en í fyrstu var talið

Blóðbað varð í lögregluskóla í Lahore í Pakistan í dag. Íslamistar gráir fyrir járnum réðust þar inn vopnaðir byssum og sprengjum. Pakistönsk yfirvöld segja Talíbana hafa verið að verki. Í fyrstu var talið að tugir hefðu fallið en pakistönsk yfirvöld segja að fjórtán hafi fallið. Árásin vekur spurningar um stöðugleika í kjarnorkuveldinu Pakistan.

Obama útilokar ekki gjaldþrot GM

Barack Obama, Bandaríkjaforseti, setti í dag ströng skilyrði fyrir frekari ríkisaðstoð til bandarískra bílaframleiðenda. Forstjóri General Motors var látinn víkja og fyrirtækinu gefnir tveir mánuðir til að leggja fram nýja áætlun um endurskipulagningu. Chrysler fær mánaðarfrest til að sameinast Fiat.

Danskur rektor dæmdur fyrir vörslu barnakláms

Danskur dómstóll dæmdi í dag karlmann á sjötugsaldri, sem gegndi stöðu rektors í áratugi, í 30 daga fangelsisvist fyrir vörslu barnakláms. Maðurinn er sakfelldur fyrir að hafa hlaðið niður 84 myndum með börnum.

Brown frystir ráðherralaunin

Ráðherrar í bresku ríkisstjórninni fá engar launahækkanir út þetta ár. Fréttastofa Sky segir frá þessu í dag og hefur eftir heimildum úr Downing stræti. Þarlenda kjararáðið sem ákveður laun ráðherra á Englandi hafði áður ákveðið að hækka laun ráðherranna um 2,33 prósent en Sky hefur heimildir fyrir því að Gordon Brown forsætisráðherra hafi ákveðið að grípa inn í og láta frysta allar launahækkanir ráðherranna út þetta ár.

Tuttugu manns létust í áhlaupi í Pakistan

Um tíu byssumenn réðust inn á lögregluskóla í Lahore i Pakistan í nótt og urðu 20 manns að bana.

Slys á knattspyrnuleikvangi á Fílabeinsströndinni

Á þriðja tug áhorfenda lést í troðningi á knattspyrnuleikvangi í borginni Abidjan á Fílabeinsströndinni í Afríku í gærkvöldi. Tugþúsundir fylgdust þar með leik heimamanna gegn Malaví.

Stangarstökkvari hljóp nakinn gegnum París

Romain Mesnil, silfurverðlaunahafi á heimsmeistaramóti í japönsku borginni Osaka í hitteðfyrra, á ekki sjö dagana sæla. Hann vantar sárlega styrktaraðila sem gerir honum kleift að stunda íþrótt sína og keppa í henni.

Skaut átta til bana á elliheimili

Átta manns biðu bana þegar vopnaður maður ruddist inn á dvalarheimili aldraðra í Norður-Karólínu í Bandaríkjunum í gær og hóf skothríð. Sjö hinna látnu voru vistmenn á heimilinu en áttunda fórnarlambið var hjúkrunarmaður.

Spitfire-vél á uppboð

Spitfire-orrustuflugvél frá síðari heimsstyrjöldinni verður boðin upp hjá Bonhams í London 20. apríl næstkomandi. Búist er við að allt að tvær milljónir punda, jafnvirði 340 milljóna króna, fáist fyrir vélina sem er af árgerð 1944.

Kínverjar neita allri aðild

Hópur tölvuþrjóta hefur brotist inn í tölvur stjórnvalda víða um heim og stolið þaðan viðkvæmum upplýsingum. Flestir meðlimir hópsins búa í Kína. Þetta kemur fram í nýrri skýrslu frá kanadískri upplýsingastofnun sem hefur eftirlit með hernaði.

Vel heppnuð geimferð

Geimferjan Discovery er komin aftur til jarðar eftir vel heppnaðan þrettán daga leiðangur til Alþjóðlegu geimstöðvarinnar. Ferjan lenti á Kennedy-geimferðamiðstöðinni í Flórída nokkrum klukkustundum eftir áætlun, en heimferðinni hafði verið frestað lítillega vegna slæms veðurs.

Hamid Karzai áfram við völd

Hæstiréttur í Afganistan hefur úrskurðað að Hamid Karzai, forseti landsins, megi halda áfram í embætti sínu þangað til nýr forseti verði kosinn síðar á þessu ári.

Spánverjar íhuga ákærur

Spænskir dómstólar íhuga að ákæra sex fyrrverandi embættismenn í Bandaríkjunum fyrir að hafa lagt fram skjöl sem áttu að réttlæta pyntingarnar sem eru sagðar hafa átt sér stað í Guantanamo-fangabúðunum.

Konum ekki mismunað vegna fordóma

Konum er ekki mismunað í leiðtogastöður vegna fordóma samkvæmt nýrri rannsókn sem kynnt er í tímaritinu Harward Business Review.

Æi, hvenær kemst ég eiginlega í boltann

Kristin börn eru ekki alltaf hrifin af því að vera dregin í kirkju með fullorðna fólkinu til þess að biðjast fyrir.

ET í Melbourne?

Það er engu líkara en ET hafi stungið sér niður í heimsókn í Melbourne í Ástralíu.

Eldfjallaaska fellur í Anchorage

Aska er nú farin að falla í Anchorage stærstu borg Alaska. Sprengigos halda áfram í eldfjallinu Redoubt og gjóskumökkur stígur tugi kílómetra í loft upp.

Um eitthundrað lík fundin í Jakarta

Búið er að finna tæplega eitthundrað lík í rústum mörghundruð húsa sem flóðbylgja hreif með sér þegar stífla brast í úthverfi Jakarta höfuðborgar Indónesíu í gær.

Eiginmaðurinn baðst afsökunar á klámmyndunum

Eiginmaður Jacqui Smith innanríksiráðherra Bretlands baðst í dag afsökunar á þeim vandræðum sem hann hefur valdið konu sinni. Afsökunarbeiðnina flutti hann á tröppum heimilis þeirra að viðstöddum nokkrum fjölmiðlum. Komið hefur í ljós að ráðuneytið greiddi fyrir tvær klámmyndir sem eiginmaðurinn leigði í gegnum leigurás í sjónvarpinu á heimili þeirra. Hann bað skattgreiðendur ekki afsökunar.

Kólumbískur Fritzl átti átta börn með dóttur sinni

Kólumbískur karlmaður hefur verið ákærður fyrir kynferðslega mistnotkun á dóttur sinni frá unga aldri en hann hefur átt með henni átta börn. Maðurinn hefur neitað sök og segir dótturina ekki vera líffræðilega skylda sér, þau hafi elskað hvort annað.

Langflestir Talibanar vilja frið

Langflestir afganskir talibanar eru tilbúnir til að leggja niður vopn, að sögn fyrrverandi foringja úr þeirra röðum. Þeir eru hinsvegar hræddir um að þeir verði drepnir fyrir að svíkja málstaðinn, þar sem ríkisstjórnin getur ekki tryggt öryggi þeirra.

Skotið að mótmælendum í Madagaskar

Þrjátíu hið minnsta eru taldir hafa slasast, sumir af skotsárum, í mótmælum gegn stjórnvöldum í Madagaskar í dag. Fimmtán þúsund stuðningsmenn Marc Ravalomanana lenti saman við lögreglu í höfuðborg landsins. Þeir heimta endurkomu leiðtoga síns sem var bolað frá völdum í síðustu viku.

Esjan hvað ?

Reykjavík er ekki eina borgin í heiminum sem á sér fjall. Borgin Bern í Sviss á raunar þrjú sem eru alveg sæmilega rismikil.

Hermt eftir Andra Snæ ?

Það er lítið annað að sjá en bílljós á þessari mynd frá Nýju Delhi á Indlandi. Ljós borgarinnar voru slökkt í dag vegna Jarðardagsins svokallaða.

Bretar hafna viðræðum um Falklandseyjar

Bretar hafa hafnað nýjum kröfum Argentínumanna um viðræður um framtíð Falklandseyja.