Fleiri fréttir

Bændur á dráttarvélum til Brussel

Dráttarvélar voru áberandi á vegum í Belgíu í morgun. Þær stefndu allar sem ein til Brussel. Bændur í Belgíu segjast ekki standa undir sívaxandi olíukostnaði og krefjast þess að stjórnvöld leggi sitt af mörkum til að lækka olíuverðið.

Abu Qatada laus úr haldi gegn tryggingu

Breskir embættismenn kvörtuðu hástöfum þegar áfrýjunardómstóll þar í landi lét Abu Qatada lausan gegn tryggingu í gær. Qatada hefur verið nefndur hinn andlegi sendiherra Osama bin Laden í Evrópu.

Fimmti fóturinn bætist í hópinn

Kanadísk lögregla rannsakar nú fund enn eins mannsfótar sem fundist hefur í sjónum við vesturströnd Kanada, nálægt Vancouver. Þetta er fimmti fóturinn sem finnst á ellefu mánaða tímabili en fyrsti vinstri fóturinn.

Yfirvinna talin orsök þunglyndis og kvíða

Fólki sem vinnur yfirvinnu er hættara við þunglyndi og kvíða ef marka má niðurstöður norskrar rannsóknar.Það var hópur rannsóknarfólks við Háskólann í Björgvin í Noregi sem skoðaði rúmlega 10.000 manna hóp sem vann ýmist 40 tíma á viku og skemur eða 41 til 100 tíma.

Dönsk gamalmenni hamingjusömust

Dönsk gamalmenni eru þau hamingjusömustu í heimi. Þetta fullyrðir Kristilega dagblaðið danska og vísar í könnun sem nýlega var framkvæmd í nokkrum löndum til að kanna lífsgæði eldri kynslóðarinnar.

Reisa elgsstyttu á Vithatten

Svíar hyggjast reisa 45 metra háa og 47 metra langa styttu af elg á fjallinu Vithatten í Norður-Svíþjóð. Stórvirkið er svo mikið um sig að það stendur í tveimur sveitarfélögum, Skellefteå og Arvidsjaur

Fleiri plánetur en talið var

Mun fleiri plánetur leynast í alheiminum en almennt hefur verið talið fram til þessa. Þetta segir hópur franskra og svissneskra stjarnvísindamanna en þeir komu nýlega auga á þrjár plánetur á braut umhverfis stjörnu nokkra sem er 42 ljósár frá jörðu.

Vopnahlé Ísraels og Hamas-samtakanna

Ísraelar og palestínsku Hamas-samtökin hafa samið um vopnahlé sem tekur gildi á fimmtudaginn. Breska ríkisútvarpið BBC greindi frá þessu fyrir skömmu.

Ánægja með fjárfestingar í norrænum verkefnum

Á nýafstöðnum fundi sínum ræddu norrænu samstarfsráðherrarnir fjárhagsáætlun norrænu ráðherranefndarinnar sem eru tæpar 900 milljónir danskra króna, jafnvirði rúmlega 14 milljarða íslenskra króna.

Ástin blómstrar í Kaliforníu

Keith Boadwee og Kenny Latham frá Emeryville í Kaliforníu fagna ákaft eftir að hafa fengið í hendur fyrsta hjónavígsluleyfið sem gefið var út í Alemeda-sýslu í Kaliforníu en hjónabönd samkynhneigðra leyfast þar í fyrsta sinn í dag eftir að Hæstiréttur ríkisins úrskurðaði um miðjan maí að lög sem bönnuðu slík hjónabönd stæðust ekki.

Hátt í hundrað hafa drukknað í Kína

Hátt í hundrað manns hafa drukknað í miklum flóðum í suðurhluta Kína. Miklar rigningar hafa valdið flóðunum síðustu daga og er spáð frekara úrhelli næstu daga.

Mugabe telur Tsvangirai espa til ofbeldis

Robert Mugabe, forseti Simbabve hefur hótað að handtaka mótframbjóðanda sinn í komandi forsetakosningum, Morgan Tsvangirai, fyrir að espa til ofbeldis í landinu.

Búið að frelsa fólkið úr gíslingu í Hollandi

Hollenska lögreglan hefur frelsað fimm manns úr gíslingu og handtekið manninn sem tók fólkið í gíslingu í morgun í ráðhúsi borgarinnar Almelo í Hollandi. Ekki er vitað hvort einhver gíslanna hafi særst á meðan á gíslingunni stóð.

Fleiri breskir hermenn til Afghanistan

Forsætisráðherra Bretlands, Gordon Brown tilkynnti að senda ætti fleiri hermenn til Afghanistan þannig að um næsta vor yrði meira en 8000 breskir hermenn þar í landi. Hann sagði að meira en 630 nýjar stöður yrðu búnar til sem þýddi að aukningin yrði 230 stöður þar sem áætlanir væru að hætta með 400 aðrar stöður þar í landi.

Vísindamenn uppgötva pöddu sem býr til olíu

Vísindamenn hjá fyrirtækinu LS9 í Sílikondalnum hafa náð að breyta pöddum á erfðarfræðilegan hátt þannig að þær geta nú skilað af sér hráolíu sem úrgangi eftir að hafa verið fóðraðar á landbúnaðarúrgangi.

Vara Írana við hertum refsiaðgerðum

Bush Bandaríkjaforseti og Brown forsætisráðherra Bretlands vörðu Írana í morgun við hertum refsiaðgerðum ef þeir samþykktu ekki samvinnu við vesturveldin vegna kjarnorkuáætlunar sinnar.

Gíslataka í Hollandi

Vopnaðir menn tóku í morgun minnst fjóra í gíslingu í ráðhúsinu í Almelo í Hollandi. Óljósar fréttir hafa borist af málinu en gíslarnir munu enn í haldi mannanna.

Fyrsti fundur Bush og Brown á breskri grund

George Bush Bandaríkjaforseti og breski forsætisráðherrann Gordon Brown héldu í gær sinn fyrsta fund á breskri grund þegar þeir hittust í Downing-stræti.

NASA semur um hönnun tunglbúninga

Bandaríska geimferðastofnunin NASA hefur samið við fyrirtæki í Houston um hönnun og framleiðslu nýrra geimbúninga sem væntanlegum tunglförum er ætlað að klæðast.

Urmull samkynhneigðra til Kaliforníu

Hóteleigendur og aðrir ferðaþjónustuaðilar hafa rennt rauða dreglinum út fyrir samkynhneigða en áætlað er að um 67.000 samkynhneigð pör heimsæki Kaliforníu næstu daga en frá og með 17. júní geta samkynhneigðir gengið þar í hjónaband.

Danskir leigubílstjórar óttast vegabréfaskoðun

Leigubílstjórar í Danmörku óttast nú að þeim verði gert að framkvæma vegabréfaskoðun hjá farþegum sem þeir aka með yfir landamæri, hvort sem er til Svíþjóðar eða Þýskalands.

Hundur sogaðist upp í götusóp

Hreinsunardeild New York-borgar kallar það sjaldgæft og óheppilegt slys að hundur skyldi hafa sogast upp í ryksugu á götusóp og drepist.

Bretar aðstoða Bush í leitinni að Bin Laden

Meiri styrkur hefur á síðustu vikum verið settur í leitina að Osama bin Laden. Breska dagblaðið the Times hefur þetta eftir heimildarmönnum úr bandarísku leyniþjónustunni. Blaðið segir að George Bush leggir nú hart að mönnum sínum að finna manninn sem sagður er bera ábyrgð á árásunum 11. september 2001, áður en hann lætur af embætti forseta Bandaríkjanna í nóvember.

Biskup vill rannsókn á giftingu samkynhneigðra presta

Biskupinn í Lundúnum hefur fyrirskipað rannsókn á því þegar tveir karlkyns prestar í borginni voru "gefnir saman" í kirkjulegri athöfn á dögunum. Prestarnir skiptust á hringum í einni elstu kirkju höfuðborgarinnar þann 31. maí síðastliðinn.

Hermönnum sigað á vasaþjófa

Ítalska ríkisstjórnin hefur ákveðið að senda hermenn út á götur stórborga landsins til þess að stemma stigu við glæpum. Málið hefur varkið deilur á Ítalíu en stjórnarandstæðingar líkja hugmyndinni við aðgerðir herforingjastjórna.

Bush í konunglegu teboði

George Bush Bandaríkjaforseti er að ljúka ferðalagi sínu um Evrópu en nú er hann staddur á Englandi. Hann og Laura konan hans settust niður með Elísabetu Englandsdrottningu í Windsor kastala og drukku te. Bush verður í tvo daga á Englandi og meðal annars mun hann hitta Gordon Brown forsætisráðherra að máli á morgun.

Dregur úr hjartaáföllum í kjölfar reykingabanns

Hjartaáföllum hefur fækkað á helmingi allra spítala á Englandi í kjölfar þess að reykingabann var sett á skemmtistöðum þar í landi. Hjartaáföllum hefur fækkað um 1348 á þeim níu mánuðum sem liðnir eru frá því banninu var komið á, borið saman við sama tímabil í fyrra. Það þýðir að hjartaáföllum hefur fækkað um þrjú prósent frá því banninu var komið á.

Tugir látnir í flóðum í Kína

Að minnsta kosti 55 hafa látið lífið og ein og hálf milljón manna þurft að yfirgefa hemili sín vegna mikilla flóða í Suður-Kína. Flóðin hafa leikið Sisjúan hérað illa en þar er fólk enn að jafna sig eftir skjálftann í síðasta mánuði.

Enn finnast leyniskjöl á glámbekk á Bretlandi

Enn finnast á Bretlandi leyniskjöl á glámbekk. Greint var frá því fyrr í vikunni að BBC hefði fengið afhent skjöl sem fundust í lest og fjölluðu um aðgerðir ríkisstjórnarinnar í baráttunni við hryðjuverkamenn. Dagblaðið Independent on Sunday hefur nú skýrt frá því að þeim hafi einnig verið afhentur skjalabunki sem merktur er sem ríkisleyndarmál.

Grýttur og brendur lifandi

Innflytjandi frá Mósambík var myrtur í Suður Afríku í dag nærri höfuðborginni Pretoríu. Maðurinn, sem var þrjátíu ára gamall, er síðasta fórnarlambið í ofsóknum Suður Afríkumanna gegn innflytjendum frá öðrum Afríkuríkjum. Maðurinn var sakaður af æstum múg um íkveikju og var hann grýttur og loks brenndur lifandi.

Breskir íhaldsmenn vilja fá að kjósa um Lissabon - sáttmálann

Breskir íhaldsmenn skora á ríkistjórn Bretlands að efna til þjóðaratkvæðagreiðslu um Lissabon-sáttmálann. Áskorunin kemur í kjölfar þess að breska ríkisstjórnin hefur lýst því yfir að sáttmálinn verði samþykktur á þinginu þrátt fyrir að Írar hafi fellt hann í þjóðaratkvæði í gær.

Sjá næstu 50 fréttir

Mest lesið