Frekari refsiaðgerðir hvetja einungis Írana áfram

Mahmoud Ahmadinejad Íransforseti lýsti því yfir í morgun að frekari refsiaðgerðir öryggisráðs Sameinuðu þjóðanna myndu einungis hvetja Írana enn frekar áfram í viðleitni sinni til kjarnorkuþróunar.

Hrossahlátur

Strákurinn á þessari mynd er ekkert sérlega hræddur við dýr, en það verður að fyrirgefa honum þótt honum brygði við þessa heimsókn. Vinir okkar á Nyhedsavisen, í Danmörku, völdu þetta mynd dagsins, af auljósum orsökum.

Enn ekki staðfest hvort Johnston hafi verið myrtur

Enn hefur ekki fengist staðfest hvort breski blaðamaðurinn Alan Johnston hefur verið myrtur en honum var rænt á Gaza-ströndinni fyrir rúmum mánuði.

Samkynhneigðir karlmenn oftar með átröskun

Samkynhneigðir menn eru þrisvar sinnum oftar greindir með átröskun, þ.e. lystastol, anorexíu og átsýki, heldur en gangkynhneigðir menn samkvæmt nýrri könnun frá Columbia University. Ástæðan fyrir því er talin vera mun meiri pressa sem er gerð á menn í innan hinnar svokölluðu samkynhneigðu menningar um að vera grannir heldur en gerð er hjá gagnkynhneigðum mönnum. Enginn munur fannst á átröskunareinkennum á milli gagnkynhneigðra og samkynhneigðar kvenna.

Margrét Danadrottning 67 ára í dag

Þúsundir Dana söfnuðust saman á torginu fyrir framan Amalienborgarhöll í Kaupmannahöfn í morgun til að samfagna Margréti Þórhildi Danadrottningu sem í dag er 67 ára.

Gefa út leiðarvísi fyrir bestu kynlífsstaðina í danskri náttúru

Dönsk náttúruverndarsamtök róa nú á ný mið en þau ætla að gefa út leiðarvísi yfir þá staði í danskri náttúru þar sem best er að njóta ásta. Haft er eftir upplýsingafulltrúa samtakanna á vef Jótlandspóstins að með þessu vilji samtökin vekja athygli á að það megi nýta náttúruna og njóta hennar á ýmsan hátt.

Kviknað í nokkrum klósettum

Kviknað hefur í nokkrum klósettum sem hafa sér hitablásara, lyktarsprey, og setu hitara í frá fyrirtækinu Toto. Ltd. í Japan. Svo virðist sem hitaseturnar hafi brunnið yfir um og reykur byrjað að stíga upp frá þeim. Fyrirtækið segir að engin meiðsl hafi orðið á fólki, þó svo þeir viðurkenni að það sé mjög óþægileg staða þegar kvikni í klósetti heimilisins.

Stríðið hefur alvarleg áhrif á íröksk börn

Sjö af hverjum tíu börnum í grunnskólum í hverfi í Norður-Bagdad þjást af áfallaröskun þannig að þau stama eða pissa undir. Þetta leiðir ný skýrsla á vegum írakska heilbrigðisráðuneytisins í ljós en í rannsókninni var kannað hvaða áhrif stríðið í Írak hefði á börnin.

Fimm börn brunnu inni

Fimm börn dóu í íkveikju sem var St. Louis í Bandaríkjunum í morgun. Börnin voru á aldrinum 5 mánaða upp í tíu ára gömul. Fjórir aðrir særðust lítilháttar. Þegar slökkviliðið kom á vettvang var húsið alelda og vissu þeir ekki af börnunum inn í húsinu, en foreldrar þeirra voru ekki á svæðinu.

Mengun í Yangtze ógnar lífi milljóna manna

Yangtze, stærsta fljót Kína, er svo mengað að það ógnar heilsu milljóna manna, segja umhverfissérfræðingar. Frá þessu er greint í ríkisdagblaðinu China Daily og bent á að skaðinn sé orðinn svo mikill að ekki verði aftur snúið.

Blair: Látið Vilhjálm og Kate í friði

Tony Blair, forsætisráðherra Bretlands, hefur beðið bæði fjölmiðla og bresku þjóðina að gefa Vilhjálmi prins og Kate Middleton frið eftir að upp úr sambandi þeirra slitnaði.

Mið- og hægristjórn mynduð í Finnlandi

Samkomulag hefur náðst um nýja fjögurra flokka ríkisstjórn í Finnlandi undir forystu Mattis Vanhanens, forsætisráðherra. Ríkisstjórninn telst hægri- og miðstjórn og aðild að henni eiga Miðflokkur Vanhanens, Þjóðarbandalagið, Græningjar og Sænski þjóðarflokkurinn.

Hreyfing Sadrs ætlar úr ríkisstjórn

Stjórnmálahreyfing herskáa sjíaklerksins Moqtada al-Sadrs tilkynnti í dag að hún hygðist draga sig út úr ríkisstjórn Íraks á morgun til þess að þrýsta á um að Bandaríkjamenn legðu fram áætlun um brotthvarf hermanna sinna.

Wolfowitz ekki rekinn úr starfi

Stjórn Alþjóðabankans lýsti yfir miklum af áhyggjum af orðspori bankans vegna mál Pauls Wolfowitz, forstjóra bankans, eftir fund í kvöld. Hins vegar var ekki ákveðið að reka hann úr starfi.

Vel á annað hundrað látinn eftir helgina í Írak

Vel á annað hundrað hafa fallið í hrinu ofbeldisverka í Írak um helgina. Mörg hundruð liggja þungt haldnir eftir röð bílsprengjuárása um allt landið í dag og í gær. Þá fórust tveir breskir hermenn þegar tvær herþyrlur skullu saman rétt utan við höfuðborgina Bagdad í morgun.

Byrjað að selja aðgöngumiða á Ólympíuleikana

Byrjað var að selja miða á Ólympíuleikana í Peking, sem fram fara á næsta ári, í dag. Í boði eru yfir sjö milljónir miða til almennings og er búist við að Kínverjar kaupi þrjá af hverjum fjórum þeirra.

Saka Bandaríkjamenn um hræðsluáróður

Yfirvöld í Alsír sökuðu í dag talsmenn sendiráðs Bandaríkjanna í landinu um um að vera óábyrgir með því að vara við hugsanlegum árásum í höfuðborginni Algeirsborg á næstunni.

Herskár hópur segist hafa drepið Johnston

Herskár palestínskur hópur sem nefnist Al Tawhid Al Jihad hefur gefið út yfirlýsingu um að hann hafi tekið Alan Johnston, fréttamann BBC á Gasa, af lífi. Johnston var numinn á brott á Gasa þann 12. mars en fyrr í vikunni bárust fregnir af því að hann væri á lífi.

Miðjarðarhafsveður í Bretlandi

Sannkallað Miðjarðarhafsveður hefur verið á Bretlandi um helgina og hefur hitinn farið yfir 25 stig sums staðar í landinu. Það er um 10 gráðum heitara en venja er á þessum árstíma.

Abbas og Olmert ræðast við í Jerúsalem

Ehud Olmert, forsætisráðherra Ísraels, og Mahmoud Abbas, forseti Palestínu, hittust á fundi í dag þar sem meðal annars átti að ræða öryggis- og mannréttindamál auk þess sem ætlunin var að ræða mál ísraelsks hermanns sem handtekinn var á Gaza í fyrra.

Slys og eignatjón í jarðskjálfta í Japan

Snarpur jarðskjálfti upp á 5,4 á Richter skók mið- og vesturhluta Japans í nótt. Fimm manns slösuðust þegar hlutir féllu á þá og hátt í 50 hús skemmdust í skjálftanum. Þá urðu urðu 4300 heimili rafmagnslaus í nokkurn tíma.

Íbúar í Bronx æfir yfir þýsku myndbandi

Íbúar í Bronx eru æfir vegna myndbands úr þýska hernum þar sem liðþjálfi segir hermanni að ímynda sér að hann sé að skjóta á svertingja í Bronx. Embættismenn í New York hafa krafist afsökunarbeiðni.

Páfinn áttræður í dag

Páfinn er áttræður í dag. Tugþúsundir kaþólikka báðu fyrir Benedikt sextánda á Péturstorginu í Róm í morgun þar sem hann hélt sjálfur kraftmikla ræðu.

Kjarnorkukapphlaup í Miðausturlöndum veldur áhyggjum

Hvert ríkið á fætur öðru hefur sett allt á fullt í þróun kjarnorku, af ótta við þróunina í Íran. Kjarnorkukapphlaupið veldur miklum áhyggjum hjá sérfræðingum í Pentagon.

Lögregla beitir kylfum gegn mótmælendum

Lögregla í Pétursborg í Rússlandi beitti í morgun kylfum gegn stjórnarandstæðingum sem safnast höfðu saman til þess að mótmæla einræðistilburðum Vladímírs Pútíns, forseta landsins. Lögregla í borginni hefur mikinn viðbúnað líkt og lögreglan í Moskvu gerði í gær þegar hún handtók vel á anna hundrað mótmælendur í höfuðborginni.

Hvað skal gera við Sanjaya?

„Þetta er besta spurning sem ég hef verið spurð lengi,“ sagði öldungadeildarþingmaðurinn Hillary Clinton í gær þegar fréttamaður spurði hana hvað Bandaríkjamenn gætu gert við Sanjaya Malakar, sem kemst alltaf lengra og lengra í American Idol, þrátt fyrir augljósan skort á hæfileikum.

Stjórnarandstæðingar mótmæla í Pétursborg

Hópur stjórnarandstæðinga í Rússlandi safnaðist saman á torgi í Pétursborg í morgun til þess að mótmæla einræðistilburðum Vladímírs Pútíns, forseta Rússlands. Lögregla í borginni hefur mikinn viðbúnað líkt og lögreglan í Moskvu gerði í gær þegar hún handtók vel á annað hundrað mótmælendur í höfuðborginni.

Nágrannaríki Írans þróa kjarnorku

Hvert ríkið á fætur öðru hefur sett allt á fullt í þróun kjarnorku af ótta við þróunina í Íran. Sádi-Arabar og Tyrkir hafa hingað til ekki sýnt kjarnorkumálum mikinn áhuga en undanfarið hefur undirbúningur kjarnorkuvera farið í fullan gang auk þess sem aljþóðlegir sérfræðingar hafa verið fengnir til landanna.

Áframhaldandi blóðbað í Írak

Átján féllu og fimmtíu manns eru særðir eftir tvær bílsprengjuárásir í fjölförnu hverfi í Baghdad í Írak í morgun. Seinni sprengjan sprakk aðeins nokkrum mínútum á eftir þeirri fyrri, þegar fjöldi fólks hafði safnast saman á staðnum þar sem sú fyrri sprakk.

Venstre vill leggja niður konungdæmi í Noregi

Það eru haldnir landsfundir víðar en á Íslandi um helgina og á landsfundi borgarlega flokksins Venstre í Noregi var sú tillaga að leggja niður konungdæmi í Noregi samþykkt með meirihluta atkvæða.

Sumarveður víða í Evrópu um helgina

Sannkallað sumarveður hefur verið í vesturhluta Evrópu í dag og fór hitinn í Þýskalandi nærri því upp í 30 gráður þar sem heitast var. Þar hefur vorið verið einstaklega milt og íbúar helstu stórborga landsins nýtt sér það til að liggja í sólinni og leika sér úti við.

Á þriðja tug látinn eftir skyndiflóð í Taílandi

Að minnsta kosti 21 maður er látinn og fjölmargra er saknað eftir að skyndiflóð óð yfir tvo fossa í suðurhluta landsins í dag. Talið er að um 200 manns hafi verið við fossana Sairung og Praisawan þegar flóðið gekk yfir en það má rekja til mikilla ringning síðustu daga í fjalllendinu þar sem fossarnir eru.

Kínverjar halda áfram með eigin GSP-kerfi

Kínverjar skutu í gær á loft fjórða gervihnettinum fyrir GPS-leiðsögukerfi sitt. Kostnaður við þetta er gríðarlegur og það er þegar til alþjóðlegt gervihnattaleiðsögukerfi.

Innflytjendur verða að læra frönsk gildi

Nicolas Sarkozy hefur oftar en einusinni verið gagnrýndur fyrir ummæli sín um innflytjendur í Frakklandi. Það var því hent á lofti þegar hann sagði að innflytjendur yrðu að gera sér grein fyrir að í Frakklandi væri frönsk þjóðarvitund og frönsk gildi.

Farþegalistinn af Titanic birtur á Netinu

Farþegalistinnn af frægasta farþegaskipi heims, Titanic, var í dag birtur í fyrsta sinn á Netinu, 95 árum eftir að skipið steytti á ísjaka og sökk í Atlantshafið. Alls týndu ríflega 1500 manns lífi í slysinu í þessari jómfrúrferð Titanic frá Southampton til Bandaríkjanna en skipið var á sínum tíma talið ósökkvandi.

Kasparov: Rússnesk yfirvöld sýndu sitt rétta andlit

Garrí Kasparov, fyrrverandi heimsmeistari í skák og nú leiðtogi stjórnarandstöðuflokks í Rússlandi, sakaði rússnesk stjórnvöld um að brjóta á bak aftur með ólöglegum hætti mótmæli sem stjórnarandstæðingar höfðu boðað til í Moskvu í dag. Þá sagði hann Rússlandsstjórn hafa sýnt sitt rétta andlit með aðgerðunum í dag.

Benedikt og Bush funda í júní

George Bush Bandaríkjaforseti mun hitta Benedikt sextánda páfa í fyrsta sinn í júní. Frá þessu greindi Vatíkanið í dag. Forsetinn og páfinn ræða saman 9. og 10. júní eftir að Bush hefur sótt fund átta helstu iðnríkja heims í Þýskalandi.

Vopnahlé framlengt í Úganda

Ríkisstjórnin í Úganda og fulltrúar í Frelsisher Drottins samþykktu í dag að framlengja vopnahlé sem verið hefur í gildi á milli þeirra um tvo mánuði. Þá var jafnframt samþykkt að efna til friðarfundar 26. apríl í borginni Júba í suðurhluta landsins.

Reynt að draga dráttarbát til hafnar á Hjaltlandseyjum

Björgunarskip hóf í dag að reyna að bjarga norska dráttarbátnum Bourbon Dolphin, sem hvolfdi úti fyrir Hjaltlandseyjum í fyrrakvöld, til hafnar. Fimm Norðmannamanna er saknað eftir að bátnum hvolfdi, þar á meðal 15 mánaða drengs og föður hans.

Mikill viðbúnaður vegna fylkisstjórakosninga í Nígeríu

Mikill viðbúnaður er í borgum og bæjum í Nígeríu í dag vegna fylkisstjórakosninga sem þar fara fram. Litið er á kosningarnar sem prófstein fyrir forsetakosningar í landinu sem fram fara um næstu helgi í þessu fjölmennasta ríki Afríku.

Göran Persson hættir þingmennsku

Göran Persson, fyrrverandi forsætisráðherra Svíþjóðar og formaður sænska jafnaðarmannaflokksins, hættir þingmennsku um næstu mánaðamót.

Sjálfsmorðsárás í Casablanca í morgun

Tveir sjálfsmorðsárásarmenn sprengdu sjálfa sig í loft upp nærri ræðismannsskrifstofu Bandaríkjanna í borginni Casablanca í Marokkó í morgun. Engan annan sakaði í árásinni.

Kasparov sleppt úr haldi

Rússneska lögreglan hefur sleppt Garrí Kasparov, fyrrverandi heimsmeistara í skák og einum af leiðtogum stjórnarandstöðunnar í Rússlandi, úr haldi en hann var handtekinn í morgun í tengslum við mótmæli sem stjórnarandstæðingar hugðust efna til á Pushkin-torgi í Moskvu.

Mikið mannfall í árás í Karbala í morgun

Lögregla í hinni helgu borg Karbala hefur lýst yfir útgöngubanni og lokað öllum leiðum inn og út úr borginni eftir að hátt í fimmtíu manns létust og yfir 60 særðust í sjálfsmorðsárás í morgun. Árásarmaðurinn sprengdi sprengjuna við fjölfarna strætisvagnastöð nærri bænahúsi sjía í borginni þar sem barnabarn Múhameðs spámanns er sagt grafið.

Lögreglan í Moskvu handtók 170 mótmælendur

Lögregla í Moskvu segist hafa handtekið um 170 manns sem ætluðu að taka þátt í óheimilum mótmælum í borginni gegn stjórnvöldum. Eins og greint var frá fyrr í morgun var Garrí Kasparov, fyrrverandi heimsmeistari í skák og einn af leiðtogum stjórnarandstöðunnar í Rússlandi, í hópi hinna handteknu.