Unglingspilti bjargað úr fljóti

Slökkviliðsmenn í Los Angeles björguðu í gær unglingspilti sem hafði fallið í Los Angeles fljót en það er nú í miklum vexti.

Erfitt að greina orsök skipsskaða

Það verður erfitt að komast að því hvers vegna Jökulfellið sökk aðfaranótt mánudags samkvæmt frétt Útvarps Færeyja eftir sjópróf sem fram fóru í Færeyjum. Þar segir að litlar upplýsingar sé að hafa þar sem yfirmenn skipsins fórust þegar skipið sökk og þeir skipsmenn sem lifðu af geta litla grein gert fyrir atburðum síðustu mínúturnar.

Réðist á ófríska konu

Kona, sem komin er níu mánuði á leið, banaði konu sem réðist á hana vopnuð hníf. Talið er að árásarkonan hafi ætlað að ræna barninu sem ófríska konan gekk með.

Fann ekki barnið heldur átti það

Miskunnsami samverjinn sem sagðist hafa fundið nýfætt barn sem hent hefði verið út úr bíl var í raun og veru móðir barnsins. Hún viðurkenndi þetta fyrir lögreglu eftir að hafa upphaflega sagt að hún hefði séð par í bíl rífast og henda barninu út.

Greiða hálfan milljarð í bætur

Stjórnendur McDonald´s hafa samþykkt að greiða rúmlega hálfan milljarð króna til að binda endi á málaferli gegn fyrirtækinu.

30 manns falla daglega

Írösku kosningarnar eru afstaðnar en ekkert lát er á bardögum og voðaverkum. Það sýna atburðir síðustu daga. Á aðeins einni viku hafa rúmlega 200 manns látið lífið, flestir í árásum vígamanna en aðrir í bardögum vígamanna við bandaríska hermenn og íraska þjóðvarðliða.

Hátt í 300 fórust í vatnaveðri

Nú er ljóst að í það minnsta 135 létu lífið af völdum flóðsins sem skall yfir Pasni-héraði í Pakistan þegar stífla brast þar á föstudag. Fimm hundruð manna er saknað eftir flóðið. Mikil rigning síðustu vikuna hefur valdið flóðum og aurskriðum í Pakistan sem hafa kostað 278 manns lífið.

Kynferðislegar aðferðir notaðar

Kvenkyns fangaverðir í fangabúðum Bandaríkjamanna á Guantanamo-flóa á Kúbu notuðu gjarnan kynferðislegar aðferðir við yfirheyrslur á föngum. Þetta kemur fram í nýrri skýrslu frá bandaríska varnarmálaráðuneytinu, sem enn hefur ekki verið birt opinberlega, en dagblaðið <em>Washington Post</em> greindi frá í gær.

50 viðvaranir fyrir 11. september

Flugmálayfirvöld í Bandaríkjunum fengu að minnsta kosti fimmtíu viðvaranir um að hryðjuverkasamtökin Al-Kaída hyggðust ræna flugvélum, mánuðina á undan árásinni á Tvíburaturnana og Pentagon, varnarmálaráðuneyti Bandaríkjanna, þann 11. september árið 2001.

16 látnir í flóðum í Venesúela

Sextán manns hafa látist af völdum mikilla flóða í Venesúela undanfarna daga. Meira en þúsund hús hafa eyðilagst vegna flóðanna og þúsundir manna hafa neyðst til þess að yfirgefa heimili sín, enda ekkert lát á vatnselgnum.

Dauðsföllum vegna alnæmis fækkar

Niðurstöður nýrrar rannsóknar lækna í Suður Afríku benda til þess að stórlega sé dregið úr fjölda þeirra sem látist hafa af völdum alnæmis í landinu undanfarin ár. Þannig hafi meira en hundrað og fimmtíu þúsund manns dáið af völdum alnæmis í Suður Afríku árið 2000 en aðeins þriðjungur dauðsfallanna hafi opinberlega verið rakinn til sjúkdómsins.

Níu drepnir í bakaríi

Byssumenn skutu að minnsta kosti níu manns til bana í bakaríi í Bagdad í morgun. Mennirnir keyrðu tveim bílum að bakaríinu og hófu skothríð þegar inn var komið. Sjö létust samstundis og tveir á sjúkrahúsi skömmu síðar. Orsök árásarinnar er ókunn.

Rumsfeld kominn til Íraks

Donald Rumsfeld, varnarmálaráðherra Bandaríkjanna, kom til Íraks í dag til þess meðal annars að hitta írakska hermenn og lögreglumenn sem Bandaríkjamenn eru að þjálfa. Innanríkisráðherra bráðabirgðastjórnarinnar í Írak segir að þeir verði tilbúnir til þess að sjá sjálfir um öryggismál sín eftir átján mánuði. </font />

Íranar hóta logandi helvíti

Íranar hóta „logandi helvíti“ hverjum þeim sem reyni að þvinga landið til þess að láta af kjarnorkuáætlun sinni. Norður-Kóreumenn segja sömuleiðis að þeir muni verja land sitt með öllum tiltækum ráðum.

Maður handtekinn vegna mannránsins

Sænska lögreglan hefur handtekið einn mann vegna ránsins á auðjöfrinum Fabian Bengtsson sem nýlega var sleppt úr haldi eftir sautján daga fangavist.

Páfi situr líklega áfram

Heimildarmenn innan Vatíkansins segja engin teikn á lofti um að Jóhannes Páll páfi ætli að stíga af stólinum alveg á næstunni. Páfi sneri í gærkvöldi aftur til Vatíkansins eftir tíu daga dvöl á sjúkrahúsi.

Sjálfsmorðsárás fyrir utan mosku

Yfir tuttugu manns liggja í valnum eftir árásir öfgamanna í Írak í morgun. Sjálfsmorðssprengja sprakk fyrir utan mosku á háannatíma en föstudagar eru bænadagar múslíma. Þá gerðu byssumenn árás inn í bakarí. Báðar þessar árásir voru í Bagdad.

Lyfjarannsóknum hætt

Þrátt fyrir að milljónir offitusjúklinga víða um heim bíði með öndina í hálsinum eftir undrameðali gegn sjúkdómnum gengur afar illa að framleiða slíkt lyf og nú hafa tvö stór lyfjafyrirtæki hætt rannsóknum á lyfjum sem bjartsýni ríkti yfir.

Nýnasistar vanvirða minninguna

Yfirvöld í Þýskalandi áforma að setja enn frekari hömlur á samkomur og hægri öfgahópa í landinu en nú er. Tilefnið er að nýnasistar undirbúa nú fjöldasamkomu í næsta nágrenni við minnisvarða um helförina.

N-Kórea krafðist viðræðna

Norður-Kórea krafðist í dag tvíhliða viðræðna við Bandaríkin um kjarnorkuáætlun sína. Kóreumenn tilkynntu í gær að þeir hefðu þegar smíðað kjarnorkusprengjur sem væru tilbúnar til notkunar.

Nýfæddu barni fleygt út úr bíl

Nýfæddu barni var fleygt út úr bíl í Flórída í gærdag. Naflastrengurinn var enn á barninu og það var löðrandi í legvatni.

Palestínumenn hætti árásum

Forseti Palestínumanna krafðist þess í dag að herskáar hreyfingar Palestínumanna hættu strax öllum árásum á Ísraela. Forsetinn hefur rekið níu foringja úr öryggissveitum sínum.

Seint fyrnast fornar ástir

Karl Bretaprins hefur tilkynnt að hann ætli að kvænast unnustu sinni til margra ára, Camillu Parker Bowles, en hún verður þó aldrei drottning heldur mun hún fá titilinn eiginkona konungs. Almenningur virðist ánægður með ákvörðunina en stór hluti bresku þjóðarinnar er þó tregur til að fyrirgefa meðferðina á lafði Díönu. Því sigla skötuhjúin milli skers og báru með ráðahagnum.

Handtekinn vegna Bengtsson ránsins

Maður á fimmtugsaldri hefur verið handtekinn, grunaður um að eiga þátt í ráninu á Fabian Bengtsson. Annar maður sem handtekinn var í Austurríki grunaður um aðild að ráninu átti ekki þátt í því, að sögn austurrísku lögreglunnar, en reyndi að hafa peninga af fjölskyldu Bengtssons með því að látast vera einn mannræningjanna.

Óánægð með störf Bush

Meira en helmingur Bandaríkjamanna er ósáttur við frammistöðu George W. Bush í embætti Bandaríkjaforseta samkvæmt nýrri skoðanakönnun AP-fréttastofunnar. Mest er óánægjan hjá fólki sem komið er yfir fimmtugt.

Rumsfeld hvetur Íraka

Donald Rumsfeld, varnarmálaráðherra Bandaríkjanna heimsótti í dag þjálfunarbúðir írakskra öryggissveita. Í ávarpi sem hann flutti við komuna sagði hann að Írakar yrðu sjálfir að taka við öryggismálum sínum eins fljótt og auðið yrði.

Nýbura kastað út úr bíl

Ungt barn liggur illa haldið á sjúkrahúsi í Norður-Lauderdale í Flórída eftir að hafa verið kastað út úr bíl. Læknar telja að barnið hafi aðeins verið klukkutíma gamalt þegar því var kastað úr bílnum og var fæðingarstrengurinn enn á sínum stað þegar barnið fannst.

Skipulagði hópsjálfsmorð

Maður á þrítugsaldri var handtekinn eftir að upp komst að hann hafði skipulagt hópsjálfsmorð sem átti að eiga sér stað heima hjá honum á Valentínusardag, 14. febrúar

92 kærðir í mútumáli

Sænskir saksóknarar hafa ákært 92 einstaklinga í hneykslismáli sem hefur umleikið áfengisverslun sænska ríkisins, Systembolaget. 77 starfsmenn Systembolaget hafa verið ákærðir fyrir að þiggja mútur og fimmtán starfsmenn þriggja birgja hafa verið ákærðir fyrir að greiða eða bjóða mútur.</font />

Bretar vilja að Karl giftist

Nær tveir af hverjum þremur Bretum eru sáttir við ákvörðun Karls prins um að kvænast Camillu Parker Bowles en vel innan við helmingur vill að hann verði næsti konungur Bretlands.

Afríku skortir ungt áræði

Vandamál afrískra ungmenna eru að þau hafa ekki atvinnu, eiga engar eignir og kjósa í flestum tilfellum ekki. Þeir sem vilja breytingar eiga erfitt uppdráttar og ekki heiglum hent að setja sig upp á móti stjórnvöldum. </font /></b />

Í framboð úr fangelsi

Borgarstjórinn í Mexíkóborg hótaði því að fara í forsetaframboð úr fangelsisklefa ef hann yrði dreginn fyrir dómstól og dæmdur í fangelsi.

Deilt um úlfaveiðar í Noregi

Harðar deilur eru um það í Noregi hvort eigi að leyfa að skjóta úlfa. Borgarbúar vilja banna það en fólk til sveita segir að borgarbúarnir hafi ekkert vit á málinu.

Stunginn á útsölu IKEA í Lundúnum

Einn maður var stunginn og fimm fluttir á sjúkrahús eftir mikla ringulreið á opnunarútsölu IKEA í Lundúnum í gærkvöldi. Þúsundir manna voru mættar fyrir utan búðina laust fyrir miðnætti þegar opnað var. Auk fyrrgreindra afleiðinga hlutu tuttugu og tveir minni háttar meiðsli í kjölfar stympinga á opnunarútsölunni.

Bjartsýni lykill að langlífi

Leiðin að langlífi er að líta lífið björtum augum og elska náunga sinn. Þetta er samdóma álit hóps Kúbumanna yfir hundrað ára sem kom saman í gær. Læknar, næringarfræðingar og fleiri sérfræðingar áttu fund með hópnum í gær til þess að reyna að komast að því hver væri lykillinn að langlífi. Sumir sögðust þakka vinnusemi langlífið og aðrir miklu grænmetisáti.

Ótti vegna skjálfta í Aceh-héraði

Mikil skelfing greip um sig meðal íbúa á Aceh-héraði á Indónesíu í gær þegar jarðskjálfti upp á 6,2 á Richter skók svæðið. Fólk hljóp upp á hæðir og lögreglumenn og hermenn kölluðu í gegnum gjallarhorn og vöruðu fólk við flóðbylgjum. Ekki hafa borist neinar fregnir af mannfalli eða tjóni á byggingum í kjölfar skjálftans.

Norður-Kóreumenn eiga kjarnavopn

Stjórnvöld í Norður-Kóreu lýstu því yfir í morgun að þau hafi látið smíða kjarnorkuvopn til þess að verjast yfirgangi Bandaríkjamanna og tilraunum þeirra til að einangra landið. Jafnframt hafa stjórnvöld í Norður-Kóreu hætt þátttöku í viðræðum sex þjóða sem miðuðu að því að takmarka framþróun kjarnorkumála í landinu þannig að þar yrðu ekki smíðuð kjarnorkuvopn.

Fundi frestað vegna árása

Fundi Palestínumanna og Ísraela um öryggismál var frestað fyrir stundu eftir að liðsmenn Hamas-samtakanna létu vörpusprengjum rigna yfir landnemabyggðir gyðinga á Gaza-svæðinu í morgun. Háttsettur palestínskur embættismaður sagði að Ísraelar hefðu beðið um að fundinum yrði frestað. Ekki hefur verið ákveðið hvenær hann verður haldinn.

Landamærum Íraks lokað í fimm daga

Öllum landamærum að Írak verður lokað í fimm daga í næstu viku af öryggisástæðum. Ekki var gefin nein ástæða fyrir lokuninni en líklega er hún vegna þess að þá nær hámarki hin árlega trúarhátíð sjíta. Á síðasta ári voru gerðar fjölmargar sjálfsmorðsárásir á þessari hátíð, sem kostuðu yfir 170 manns lífið. Árásarmennirnir voru súnnímúslimar sem réðu lögum og lofum í landinu meðan Saddam Hussein var við völd.

Vilja fleiri NATO-hermenn í gæslu

Bandaríkin munu fara fram á það í dag að bandalagsþjóðir NATO leggi til fleiri hermenn til gæslustarfa í Afganistan og Írak. Forystumenn í gömlu Evrópu eru ekki hrifnir.

Fái Norður-Kóreu aftur að borðinu

Kofi Annan, framkvæmdastjóri Sameinuðu þjóðanna, býst við að hægt verði að fá Norður-Kóreumenn aftur að samningaborðinu vegna kjarnorkumála landsins, en Norður-Kóreumenn lýstu því yfir í dag að þeir hefðu látið smíða kjarnorkuvopn til þess að verjast yfirgangi Bandaríkjamanna.

Ævintýri lesin í síma

Hollendingar fara nú ótroðnar slóðir í að kynna börnum ævintýri. Búið er að koma á fót símaþjónustu í landinu þangað sem börn geta hringt og hlustað á Rauðhettu og fleiri gömul ævintýri fyrir litlar 450 krónur, eða svipaða upphæð og ævintýrabók kostar í bókabúð. Valið stendur á milli fjögurra ævintýra en skipt er reglulega um sögur hjá símaþjónustunni.

Abbas rekur öryggismálafulltrúa

Mahmoud Abbas, forseti Palestínu, rak í dag þrjá yfirmenn öryggismála eftir að vopnahlé við Ísrael var brotið í tvígang. Uppreisnarmenn skutu vörpusprengjum á landnemabyggð gyðinga á Gaza-svæðinu og þá réðst hópur byssumanna inn í fangelsi á Gaza-svæðinu og drap þrjá fanga í deilum tveggja klíkna.

Sýklalyfjanotkun veldur vandræðum

Mikil ávísun sýklalyfja í suðurhluta Evrópu veldur því að þar verða til sífellt fleiri sýklar sem eru ónæmir fyrir lyfjunum. Í nýrri, viðamikilli rannsókn kemur fram að mun fleiri tilfelli með sýklum sem erum ónæmir fyrir sýklalyfjum koma upp í suðurhluta Evrópu en norðurhluta þess þar sem læknar gefa sjaldnar sýklalyf.

Ógnarjafnvæginu raskað

Norður-Kóreumenn hafa viðurkennt að eiga kjarnorkuvopn. Þau segjast eingöngu ætla að nota vopnin í fælingar- og sjálfsvarnarskyni en engu að síður er staðan uggvænleg. Helst óttast menn að norður-kóresk stjórnvöld muni selja vopnin í hendur öfgasamtaka eða annarra ríkja.