Ellefu í fangaklefa - líkamsárás í miðborginni

Ellefu þurftu að gista fangageymslur í nótt vegna ýmisskonar mála og þá fóru sumir fram á það sjálfir við lögreglu að fá húsaskjól, að því er segir í tilkynningu lögreglu.

Líkamsárás á skemmtistað

Einn gisti fangaklefa á Akureyri í nótt en sá er grunaður um að hafa ekið ölvaður á ljósastaur í Lækjargötu í bænum um klukkan átta í gærkvöld. Þegar lögregla kom á staðinn var hann kominn út úr bílnum og vildi ekki kannast við hafa ekið á staurinn. Hann var handtekinn grunaður um ölvun við akstur og verður yfirheyrður þegar líður á daginn.

Hrikalegt fylgistap hjá stjórninni

Sveiflur á fylgi flokkanna eru með miklum ólíkindum og stemningin í kringum Framsóknarflokkinn virðist svipuð því sem var í kringum framboð Besta flokksins í síðustu sveitarstjórnarkosningum, segir Stefanía Óskarsdóttir, lektor í stjórnmálafræði við Háskóla Íslands.

Verðhækkanir í skjóli sykurskatts

"Það eru engin efnisleg rök sem styðja við 10% verðhækkun á brauðmeti vegna þessarar nýju skattheimtu, nema brauðið sé eingöngu gert úr sykri,“ segir Henný Hinz, hagfræðingur hjá ASÍ, um sykurskattinn svokallaða, sem lagður var á ákveðnar matvörur þann 1. mars síðastliðinn. Hún segir 1-3% verðhækkun á matvörur vegna gjaldtökunnar eðlilega, en gjaldið sé reiknað í hlutfalli við sykurinnihald matvælanna.

Gjald á kvikmyndun í Þingvallaþjóðgarði

„Þetta getur verið alveg gríðarlega umfangsmikið,“ segir Álfheiður Ingadóttir, formaður Þingvallanefndar, um vaxandi umsvif kvikmyndagerðarfólks í þjóðgarðinum. Nýju gjaldi er ætlað að fjármagna aukið eftirlit með þeirri starfsemi.

Ætlaði að draga upp mynd af áhugaverðum leiðtoga

Sigríður Dögg Auðunsdóttir, ritstjóri Fréttatímans, segir að tilgangur viðtals síns við Sigmund Davíð Gunnlaugsson, formanns Framsóknarflokksins, hafi verið að draga upp mynd af áhugaverðum og umtöluðum stjórnmálaleiðtoga.

Rannsókn stóra amfetamínmálsins lokið

Rannsókn lögreglu á umsvifamiklu amfetamínsmygli er lokið og hefur málið verið sent ríkissaksóknara, samkvæmt heimildum Vísis. Sex karlmenn voru úrskurðaðir í úrskurðaðir í gæsluvarðhald, grunaðir um að hafa átt aðild að smygli á hátt í tuttugu kílóum af amfetamíni og 1.7 lítra af amfetamínbasa. Ætla má að hægt hefði verið að framleiða 17 kíló af amfetamíni úr basanum. Það gerir þetta eitt stærsta fíkniefnamál á Íslandi í langan tíma.

Bandarísk stjórnvöld beittu Íslendinga þrýstingi vegna Palestínu

Bandarísk stjórnvöld reyndu að beita fortölum gagnvart íslenskum stjórnvöldum þegar þau undirbjuggu viðurkenningu Íslands á fullveldi Palestínu árið 2011. Þær hættu um leið og WikiLeaks málið kom upp. Þetta kemur fram í viðtali Hrafns Jökulssonar við Össur Skarphéðinsson utanríkisráðherra í Reykjavík - vikublað sem kemur út á morgun.

Bjarni segir stefnu flokks síns vera í þágu heimilanna

Fylgishrun, neikvæð umfjöllun og þrýstingur um formannsskipti. Þetta eru verkefni Sjálfstæðismanna þessa dagana. Bjarni Benediktsson fomaður flokksins segir tölurnar ekki snúast um sig og hann langi ekki að hætta í stjórnmálum.

Fimmta hjólið undir stólinn

Maður sem lamaðist fyrir neðan mitti fyrir átta árum sér fram á að geta komist mun víðar en áður á hjólastólnum sínum eftir að fimmta hjólið var sett undir.

Milljón til Margrétar og Bjarka

Bjarki Þór Jónsson og Margrét Gunnarsdóttir hlutu í dag eins milljóna króna styrk úr menningarsjóði Seðlabanka Íslands sem kenndur er við Jóhannes Nordal, fyrrverandi Seðlabankastjóra.

Jákvæðar fréttir af Framsókn en neikvæðar af Sjálfstæðisflokki

Sjálfstæðisflokknum heppnast ekki að koma skilaboðum til kjósenda og takast á við erfið mál. Hann er eini flokkurinn sem fær meiri neikvæða umfjöllun en jákvæða. Þetta segir forstöðumaður Fjölmiðlavaktarinnar sem hefur farið yfir um þrjú þúsund fréttir og greinar sem birtust um stjórnmálaflokka í mars. Framsókn fær lang jákvæðustu umfjöllunina.

Nýju framboðin höfða til yngri kjósenda

Yngri kynslóðir og fjölskyldufólk hafna gömlu stjórnmálaflokkunum og leita á ný mið í næstu kosningum, samkvæmt niðurstöðum nýrrar fylgiskönnunar Stöðvar 2 og Fréttablaðsins. Nærri þriðjungur kjósenda undir fimmtugu gefur nýju framboðunum atkvæði sitt.

Fimm stjörnu hótel fyrir fanga á Hólmsheiði

"Ég hef misskilið þetta alveg ef það á að vera jafngildi þess að vera á fimm stjörnu lúxushóteli þegar maður er í fangelsi," segir Júlíus Sólnes verkfræðingur og fyrrverandi ráðherra.

Fagna nýju Barnahúsi

UNICEF á Íslandi fagnar nýútkominni skýrslu samráðshóps stjórnvalda um aðgerðir gegn kynferðislegu ofbeldi. Í skýrslunni sem kynnt var í dag er lagt til að tæplega 300 milljónum verði varið til aðgerða gegn barnamisnotkun.

Eldur í bíl í Skipholti

Eldur kviknaði í bifreið fyrir utan veitingastaðinn American Style í Skipholti síðdegis í dag. Slökkviliðsbíll var sendur á vettvang og gekk greiðlega að slökkva eldinn. Eldsupptök eru ókunn.

Íslendingar vinsamlegastir

Ísland er vinsamlegasta þjóð í heimi þegar kemur að gestrisni gagnvart ferðamönnum. Þetta kemur fram í könnun World Economic Forum sem náði til 140 landa.

Hjúkrunarrýmum fjölgað á Sólvangi

Þjónusta við aldraða í Hafnarfirði verður aukin með fjölgun hjúkrunarrýma og nýjum dagvistarrýmum á hjúkrunarheimilinu Sólvangi samkvæmt tilkynningu frá velferðarráðuneytinu. Þetta er liður í aðgerðum til að bæta rekstrarstöðu heimilisins sem nokkur pólitískur styr hefur staðið um í gegnum tíðina.Jafnframt mun heimilið afla aukinna sértekna og hagrætt verður í rekstri að því er fram kemur í tilkynningu.

Tökum á „Reykjavik“ frestað

Kvikmynd um sögulegan leiðtogafund fer í tökur á næsta ári.

Karlmaður féll í sprungu á Sólheimajökli

Um þrjúleytið í dag voru björgunarsveitirir frá Hvolsvelli, Hellu og Landeyjum ásamt fjallabjörgunarmönnum af höfuðborgarsvæðinu kallaðir út vegna slyss á Sólheimajökli.

„Best að hann fylgi því máli þá bara eftir“

Árni Sigfússon bæjarstjóri Reykjanesbæjar svarar Friðjóni Einarssyni sem krefst afsökunarbeiðni eða afsagnar bæjarstjórans fyrir brot á stjórnsýslu.

Tæplega 300 milljónir fara í aðgerðir gegn barnamisnotkun

Ríkisstjórnin hefur ákveðið að verja nú þegar 79 milljónum króna til að fjármagna forgangsaðgerðir til að bregðast við neyðarástandi í kynferðisbrotum gegn börnum.

Framboð Sturlu Jónssonar heitir Sturla Jónsson

Sturla Jónsson, sem þekktastur er fyrir störf sín sem vöruflutningabílstjóri, hefur ákveðið að breyta nafni flokks síns úr Framfaraflokknum og mun flokkurinn nú heita Sturla Jónsson - K listinn. Ástæða breytingarinnar segir Sturla vera þá að miklu fleiri þekki nafnið sitt heldur en nafnið Framfaraflokkurinn. Í samtali við Vísi segir Sturla að flokkurinn sé ekki smáframboð, ekki frekar en önnur framboð. "Það eru ekkert færri menn á listanum hjá okkur heldur en hjá Framsóknarflokknum til dæmis,“ segir hann.

Ríkissaksóknari kominn með kæru Erlu

Sigríður Friðjónsdóttir ríkissaksóknari fékk í dag afhenta kæru Erlu Bolladóttur á hendur lögreglumanni. Sigríður segir, í skriflegu svari til Vísis, að tekið verði á málinu í samræmi við lög um meðferð sakamála að því undanskildu að ríkissaksóknari fer með rannsókn málsins en ekki lögreglan.

Segja neyðarástand í kynferðisbrotum - verja 79 milljónum í forgangsaðgerðir

Ríkisstjórnin hefur ákveðið að verja nú þegar tæplega 80 milljónum króna til þess að fjármagna forgangsaðgerðir til þess að bregðast við því sem ríkisstjórnin kallar neyðarástand í kynferðisbrotum gegn börnum. Allt í allt stendur til að verja um 300 milljónum í þessar aðgerðir

Sigmundur Davíð gerir ísbíltúrinn upp

Sigmundur Davíð gerir mjög svo óhefðbundið viðtal sem Sigríður Dögg Auðunsdóttir, ritstjóri Fréttatímans, átti við hann og birtist í blaðinu í dag. Í uppgjörinu, sem birtist á vef Sigmundar, segist Sigmundur áður hafa farið í viðtöl hjá blaðamönnum sem voru á öndverðri skoðun í pólitík en þá hafi ekki komið upp vandamál. Viðtalið var tekið á meðan Sigríður Dögg, Sigmundur Davíð og Haraldur Jónasson ljósmyndari skruppu í ísbíltúr á Þingvelli.

Oddviti Samfylkingarinnar vill að Árni segi af sér

Friðjón Einarsson, oddviti Samfylkingarinnar í Reykjanesbæ, krefst afsagnar Árna Sigfússonar bæjarstjóra eða að hann biðjist afsökunar. Friðjón segir að það sé staðfest að Árni hafi brotið stjórnsýslulög og samþykktir Reykjanesbæjar þegar hann ákvað að leggja ekki fyrir bæjarráð innsend drög að viljayfirlýsingu um uppbyggingu innviða í Helguvík og Reykjanesbæ frá Katrínu Júlíusdóttur, fjármála- og efnahagsráðherra, fyrir hönd Ríkistjórnar Íslands.

Harður árekstur í Grindavík

Sex umferðaróhöpp hafa verið skráð hjá lögreglunni á Suðurnesjum á undanförnum dögum. Í gær varð harður árekstur í Grindavík.

Um 400 lítrum af eldsneyti stolið

Lögreglunni á Suðurnesjum barst í vikunni tilkynning þess efnis að um það bil 400 lítrum af eldsneyti hefði verið stolið af þremur vörubifreiðum í eigu verktakafyrirtækis.

Nova ríður á vaðið með 4G-þjónustu

Nova hóf í gær, á fjórða degi fjórða mánaðar ársins, að bjóða upp á svokallaða 4G-netþjónustu, fyrst fjarskiptafyrirtækja.

Býður 100 þúsund í fundarlaun fyrir tíkina Sally

Hulda Hrund Höskuldsdóttir hefur leitað að pug-tíkinni sinni Sally í tvær vikur.

Vinstri grænir hvergi bangnir

Árni Þór Sigurðsson þingmaður Vinstri grænna segir flokkinn þurfa að leggja meiri áherslu á sérstöðu sína.

Fannst látinn á Litla Hrauni

Fangi fannst látinn í fangklefa sínum á Litla Hrauni í gærkvöldi. Þorgrímur Óli Sigurðsson, aðstoðaryfirlögregluþjónn á Selfossi, staðfestir það í samtali við fréttastofu. Andlátið er í rannsókn og verst lögreglan allra frétta. Samkvæmt heimildum fréttastofu er ekki talið að andlát hans hafi borið að með saknæmum hætti.

Eygló Harðardóttir: Margir sem taka undir forgangsröðun okkar

"Við höfum auðvitað fundið fyrir miklum meðbyr,“ segir Eygló Harðardóttir, varaformaður Framsóknarflokksins, um gott gengi flokksins í skoðanakönnun Stöðvar 2 og Fréttablaðsins og birtist í blaðinu í dag.

Bensínverð lækkar

Nokkur bensínfélög lækkuðu bensínlítrann um þrjár krónur í morgun og dísellítrann um tvær krónur. Bensínlítrinn er nú í 249,60 krónur og dísel á 246,70.

Vitað hver Frakkinn var

Rannsóknadeild lögreglunnar á Akranesi er búin að finna út af hvaða manni líkið er sem fannst nýverið í slyysavarnaskýli við Dritvík á Snæfellsnesi. Það reyndist vera af þrítugum frakka og er búið að finna nafn hans og heimilisfang.

Klemmdist undir lyftara

Starfsmaður vöruafgreiðslu í Skútuvogi varð undir lyftara á níunda tímanum í morgun. Samkvæmt upplýsingum frá slökkviliðinu var búið að losa manninn þegar tækjabíll slökkviliðsins kom á vettvang stuttu síðar. Hann var fluttur á slysadeild slasaður á fæti en ekki fengust frekari upplýsingar um líðan hans.

„Höfum ekki tekið þátt í þessum pólitísku leikjum“

Smári McCarthy, oddviti Pírata í suðurkjördæmi, telur flokkinn njóta góðs af framgöngu gömlu flokkanna í stjórnarskrármálinu. Píratar mælast með 5,6 prósenta fylgi í nýrri skoðanakönnun Fréttablaðsins og Stöðvar 2.

Tæpur helmingur heimila á erfitt með að láta enda ná saman

10,1% heimila höfðu lent í vanskilum með húsnæðislán eða leigu, samkvæmt lífskjararannsókn Hagstofu Íslands fyrir árið 2012. Svarendur voru spurðir út í stöðuna tólf mánuði áður en könnunin var gerð en hún var gerð á tímabilinu mars til maí á síðasta ári. Niðurstöðurnar voru svo birtar í morgun. 10,4% heimila höfðu lent í vanskilum með önnur lán á sama tímabili. Rúm 27% heimila töldu húsnæðiskostnað þunga byrði og tæp 14% heimila töldu greiðslubyrði annarra lána en húsnæðislána þunga.

Átti ekki fyrir reikningnum

Karlmaður, sem setið hafði í vellystingum á veitingahúsi í miðborginni lengi kvölds í gær, átti ekki fyrir reikningnum, þegar til kom.

Staða smærri ríkja gæti versnað

Varnarlaus gegn auðkennisþjófnaði

Íslenskar stofnanir skortir heimildir til að sannreyna auðkenni útlendinga sem flytjast hingað til lands. Forstjóri Útlendingastofnunar og forstöðumaður Þjóðskrár segja að íslenska þjóðin hafi hingað til verið auðtrúa í þessum málum og ekki hafi verið tekið nægilega hart á þeim möguleika að hingað komi fólk sem sé í raun ekki það sem það segist vera. Útlendingastofnun stendur nú í byrjunarviðræðum við Noreg varðandi samvinnu ríkjanna í skjalafölsunarmálum.

Reynir að kæra sig inn á kjörskrá

„Svona er þetta bara,“ segir Guðmundur Franklín Jónsson, formaður Hægri grænna, sem uppgötvaði í gær að hann væri ekki á kjörskrá og þar af leiðandi ekki kjörgengur í komandi alþingiskosningum.

Stefna á Íslandsmet í hundakerruakstri

Benedikt Magnússon ætlar ásamt félögum að setja tuttugu sleðahunda fyrir kerru í Heiðmörk um helgina. Hann segir þá fá mikla ánægju og útrás við dráttinn. Hundarnir munu draga vagna á hjólum en hver og einn vegur um hundrað kíló.

Framsókn tekur fylgi frá öllum

Stuðningur við Sjálfstæðisflokkinn hefur helmingast frá því í janúar. Tæp 18 prósent styðja flokkinn nú samkvæmt nýrri skoðanakönnun Fréttablaðsins og Stöðvar 2. Framsóknarflokkurinn er meira en tvöfalt stærri. Stjórnarflokkarnir eru með samanlagt 15 prós