Fleiri fréttir

Fjórir fluttir á slysadeild eftir líkamsárásir

Fjórir ungir karlmenn voru fluttir með sjúkarbílum á slysadeild Landspítalans eftir þrjár fólskulegar líkamsárásir á höfuðborgarsvæðinu í nótt. Árásarmennirnir eru allir þekktir ofbeldismenn.

Samanlagður brotaferill Annþórs og Barkar 36 ár

Fjölskipaður Héraðsdómur Reykjaness dæmdi í dag þá Annþór Kristján Karlsson, 36 ára, og Börk Birgisson, 33 ára, til sjö og sex ára fangelsisvistar fyrir sérstaklega hættulega líkamsárás, ólögmæta nauðung, frelsissviptingu og tilraunir til fjárkúgunar.

Vilja að tímamörk um afnám gjaldeyrishafta verði afnumin

Nefnd með fulltrúum allra stjórnmálaflokka lýsir yfir áhyggjum sínum að því að tveir af gömlu bönkunum stefni á nauðasamninga og skipulagðri útgreiðslu fjármuna til kröfuhafa, sem geti ógnað fjármálalegum stöðugleika þjóðarinnar. Nefndin vill að tímamörk um afnám gjaldeyrishafta verði felld brott úr lögum og óskar eftir fundi með formönnum stjórnmálaflokkanna fyrir jól.

Annþór í sjö ára fangelsi - Börkur í sex ára

Annþór Kristján Karlsson var í dag dæmdur í sjö ára fangelis og Börkur Birgisson í sex ára fangelsi fyrir alvarlegr líkamsárásir. Smári Valgeirsson var dæmdur í tveggja ára fangelsi.

Grjóthrun undir Eyjafjöllum - Tveir bílar keyrðu á stóra steina

Grjóthrun varð undir Eyjafjöllum í morgun en nokkrir stórir steinar ultu út á þjóðveginn með þeim afleiðingum að tveir bílar óku á þá. Engin slys urðu á fólki. Atvikið átti sér stað austan við Holtsós, nánar tiltekið á milli Steina og Holtsós. Að sögn Vegagerðarinnar hrynur úr fjallinu á hverju ári. Verið er að vinna að því að fjarlægja steinana af veginum. Hlíðin sem steinarnir ultu úr heitir Steinahlíð.

Halda áfram að leita strokufangans

Leit mun halda áfram að fanganum Matthíasi Mána Erlingssyni í dag. Þegar Vísir náði tali af lögreglunni rétt fyrir klukkan tíu í morgun fengust þær upplýsingar að lögregla og aðrir viðbragðsaðilar væru að fara á fund til að skipuleggja daginn. Á þeim fundi verður farið yfir fyrirliggjandi gögn og ákveðið hvernig deginum verður háttað. Nú eru liðnir tæpir fjórir sólarhringar frá því að maðurinn strauk úr fangelsinu. Hann er dæmdur fyrir að hafa reynt að myrða stjúpmóður sína.

Dómur yfir Annþóri og Berki kveðinn upp klukkan 11

Núna klukkan ellefu munu þrír dómarar við Héraðsdóm Reykjaness kveða upp dóm sinn yfir þeim Annþóri Kristjáni Karlssyni og Berki Birgissyni en þeir eru ákærðir fyrir sérstaklega hættulegar líkamsárásir og ólögmæta nauðung. Átta aðrir eru ákærðir í málinu.

Stefnir í rauð jól fyrir sunnan

Jólin verða líklega rauð þetta árið á suðvesturhorninu þó að miklar líkur séu á að landsmenn norðan heiða fái hvít jól samkvæmt spá Veðurstofu Íslands. Spáin fyrir aðfangadag og jóladag er slæm.

Upptaka Eista á evru eyddi óvissuástandi

Reynsla Eista frá upptöku evru í upphafi síðasta árs hefur verið jákvæð að sögn Urmas Paet, utanríkisráðherra Eistlands, sem var staddur hér á landi í gær.

Leita vopna á gestum í þinghúsinu

"Hingað þarf svipuð vopnaleitarleitartæki og eru notuð í þinghúsum erlendis,“ segir Helgi Bernódusson, skrifstofustjóri Alþingis.

Höfðu afskipti af pókerklúbbi í nótt

Lögreglan á höfuðborgarsvæðinu hafði í nótt afskipti af spilaklúbbi í Engihjalla í Kópavogi. Þar sátu tíu manns og spiluðu póker upp á peninga.

Strokufanginn enn ófundinn

Strokufanginn Matthías Máni Erlingsson er ófundinn þrátt fyrir mikla leit að honum í gær.

Bílar helmingi eldri en í ESB

Meðalaldur íslenska bílaflotans eru nú 12,5 ár, og hefur ekki verið hærri síðustu áratugi. Bílar hér á landi eru að meðaltali helmingi eldri en bílar innan ríkja Evrópusambandsins (ESB) samkvæmt samantekt Félags íslenskra bifreiðaeigenda (FÍB).

Ísland verður í flokki með Sýrlandi

Forsvarsmenn Eimskips hafa sent Ögmundi Jónassyni innanríkisráðherra bréf og farið fram á skýringar og viðbrögð við kröfum Bandaríkjamanna um hertar aðgerðir gegn laumufarþegum á Íslandi.

Endurskoðun snertir Ísland beint

Evrópusambandið leitar álits hjá almenningi og sérfræðingum vegna heildarendurskoðunar stefnumótunar sambandsins í loftgæðamálum. Samráðsferlinu, sem hófst 10. þessa mánaðar, lýkur 4. mars.

Telja óvíst um vatnsstöðu vegna leigutanks

Fulltrúar minnihluta Sjálfstæðisflokks og Vinstri grænna í borgarstjórn Reykjavíkur eru andvígir því að borgin taki á leigu einn hitaveitutanka Orkuveitunnar í Öskjuhlið samfara kaupum borgarinnar á Perlunni.

Gjöld á brjóstapúða en ekki á túrtappa

Þingmenn stjórnarandstöðunnar bentu á það í umræðum á Alþingi í gær að til stæði að leggja sérgjald á túrtappa, smokka, tannþráð, bleiur og ýmislegt fleira. Þessar vörur, ásamt öðrum, voru skilgreindar sem lækningavörur, en samkvæmt frumvarpi velferðarráðherra á að setja sérgjald á þær vörur. Það á að standa undir skráningu.

Lögum breytt vegna BM Vallár

Í upphafi aldarinnar voru Víglundur Þorsteinsson og aðrir stjórnendur BM Vallár ákærðir fyrir að trassa að skila ársreikningum. Víglundur hefur alla tíð verið sömu skoðunar og Benedikt; að óeðlilegt sé að einkafyrirtækjum sé gert að skila slíkum reikningum.

Benni ákærður fyrir vanskil á ársreikningi

„Það er algjörlega galið dæmi að sérstakur saksóknari sé að vesenast í Bílabúð Benna með þetta,“ segir Benedikt Eyjólfsson í Bílabúð Benna, sem hefur verið ákærður fyrir að skila ekki ársreikningi ársins 2010.

Skólpmálin eru áhyggjuefni

Svandís Svavarsdóttir, umhverfis- og auðlindaráðherra, segir það áhyggjuefni að við Íslendingar séum langt á eftir nágrannalöndum okkar þegar kemur að skólpmálum. Hún segir stöðnun ríkja og að jafnvel megi tala um afturför vegna skorts á viðhaldi, og í því ljósi þurfi nokkur sveitarfélög að gera átak til að uppfylla kröfur. Stjórnvaldssektir eru til skoðunar í ráðuneytinu.

Meint svik í auglýsingu ASÍ mjög undorpin túlkun

Ríkisstjórnin lofaði að afgreiða rammaáætlun á haustþingi fyrir meira en ári og að fylgja viðurkenndu ferli. Þá má deila um hvort ríkisstjórnin hafi vanefnt loforð um fjárfestingu. Úttekt fréttastofunnar leiðir hins vegar í ljós að önnur atriði í auglýsingu ASÍ um svikin loforð ríkisstjórnarinnar eru háð túlkun.

Menntamálaráðherra rekinn úr vestfirskri lopapeysu á Alþingi

"Þetta voru nú vinsamleg tilmæli, en maður hlýðir alltaf forsetanum,“ segir Katrín Jakobsdóttir menntamálaráðherra, sem var rekin úr lopapeysu sem hún var klædd í á Alþingi í dag. Það þótti ekki við hæfi að vera klæddur í lopapeysu á Alþingi í dag að mati forseta Alþingis.

Íbúar á Eyrabakka skelkaðir vegna strokufanga

"Þetta eru harðsnúnir menn sem snúa sér yfir þetta eins og ekkert sé," segir Skúli Steinsson, íbúi á Eyrarbakka, sem gengdi starfi fangavarðar í 23 ár. Hann segir að sér þyki hræðilegt að vita til þess að menn virðist geta klifrað yfir varnargirðingarnar ef þeim sýnist svo, en strokufangans, Matthíasar Mána Erlingssonar, var leitað í umhverfi Litla-Hrauns í dag.

Sagan þegar örninn flaug með Ragnheiði

Fornar sagnir um að ernir hafi rænt börnum á Íslandi hafa fengið byr undir báða vængi eftir að myndir eru sagðar hafa náðst af slíkum atburði í Kanada. Myndbandið er sagt tekið í almenningsgarði í Montreal og hefur vakið mikla athygli en það sýnir amerískan gullörn steypa sér niður og læsa klónum í ungabarn sem sat á grasflötinni nokkra metra frá föður sínum.

Stórþingið samþykkti einróma að leita olíu með Íslendingum

Norska Stórþingið samþykkti einróma þátttöku norska ríkisins í olíuleit og olíuvinnslu í lögsögu Íslands á Drekasvæðinu. Orkumálastjóri segir þetta með stærstu atburðum í olíumálum Íslendinga til þessa. Ríkisstjórn Noregs var áður búin að samþykkja fyrir sitt leyti á ríkisstjórnarfundi að norska ríkið nýtti sér ákvæði Jan Mayen-samkomulagsins um 25% þátttöku í sérleyfum á Drekasvæðinu.

Enn leynd yfir skyndilegri brottvikningu bæjarstjóra

Enn ríkir þögn um það hversvegna bæjarstjóranum á Akranesi var skyndilega vikið frá störfum um helgina. Samkvæmt heimildum fréttastofu snýst málið um dagpeninga og aksturskostnað bæjarstjórans.

Björgunarsveitamenn hættir leit að strokufanganum

Björgunarsveitamenn eru hættir að leita að Matthíasi Mána Erlingssyni, fanga sem strauk frá Litla-Hrauni, í dag. Um 50 björgunarsveitamenn voru við leit í dag, en jafnframt tóku fangaverðir og lögreglan þátt í henni. Samkvæmt upplýsingum lögreglunnar á höfuðborgarsvæðinu munu lögreglumenn halda áfram leit að honum. Þeir munu meðal annars fara yfir vísbendingar sem hafa borist.

Húsaleigubætur hækka á næsta ári

Grunnfjárhæð húsaleigubóta hækkar á næsta ári og dregið verður úr skerðingaráhrifum tekna á bætur leigjenda. Ríkisstjórnin samþykkti tillögu Guðbjarts Hannessonar, velferðarráðherra, þess efnis á fundi í gær.

Ákærður fyrir að rífa íslenskan fjárhund upp á eyrunum

Karlmaður var í dag sýknaður af ákæru um brot á lögum um dýravernd. Hann var ákærður fyrir að hafa á föstudegi árið 2010 tekið íslenskan fjárhund upp á eyrunum og haldið á honum þannig nokkurn spöl á meðan að hundurinn ýlfraði og vældi af kvölum og reyndi ákaft að losa sig.

Foreldrar á Eyrarbakka sóttu börnin í skólann

"Við reynum að nálgast þetta þannig að þetta hafi engin áhrif á börnin, að þau séu skelfd, en maður finnur það í foreldrahópnum að fólk er með varann á sér,“ segir Magnús J. Magnússon, skólastjóri Barnaskólans á Eyrarbakka og Stokkseyri.

Lífskjör foreldra verri en margra annarra

Stjórnvöld hafa brugðist við neikvæðum afleiðingum efnahagskreppunnar með ýmsum aðgerðum sérstaklega, með það að markmiði að vernda viðkvæma hópa. Þó eru vísbendingar um að lífskjör foreldra séu verri en annarra hópa samfélagsins og hafa þar að auki versnað meira í kjölfar efnahagshrunsins 2008. Þetta segir Ragnheiður Lára Guðrúnardóttir, sem hefur nýlokið við meistararitgerð í félagsráðgjöf, um stöðu barnafjölskyldna eftir bankahrun. Leiðbeinandi Ragnheiðar Láru var Guðný Björk Eydal dósent í félagsráðgjöf við Háskóla Íslands.

Umboðsmaður skuldara birtir reiknivél á vef sínum

Reiknivél fyrir endurútreikning lána einstaklinga með ólögmætri gengistryggingu hefur nú verið birt á vef Umboðsmanns skuldara. Efnahags- og viðskiptanefnd Alþingis óskaði eftir því þann 26. október síðastliðinn að umboðsmaður skuldara setti upp reiknivél á vef sínum, www.ums.is, þar sem hægt væri að endurreikna lán með ólögmætri gengistryggingu. Endurútreikningur þessi tekur mið af dómum Hæstaréttar, þar sem kemur fram að óheimilt hafi verið að reikna seðlabankavexti af lánum aftur í tímann.

Björgunarsveitarmaður slasaðist við Múlafell

Björgunarsveitarmaður sem slasaðist við Múlafell í Hvalfirði er nú á leið til Reykjavíkur með þyrlu Landhelgisgæslunnar. Maðurinn var á leið í ísklifursæfingu þegar slysið átti sér stað.

Afla upplýsinga um hugsanlega sprengjugerðarmenn

Ríkislögreglustjóri og Tollstjóri hafa myndað vinnuhóp sem á að afla upplýsinga vegna innflutnings, sölu og dreifingar á grunnefnum sem nýta má til sprengjugerðar. Markmiðið er að afla upplýsinga um skipan þessara mála hérlendis, löggjöf, leyfaveitingar og eftirlit, og koma á samstarfi við aðrar stofnanir sem fara með sviðsábyrgð á þessum málaflokkum. Vinnuhópurinn hefur þegar leitað eftir samstarfi við opinberar stofnanir sem hafa eftirlit með slíkum efnum í því skyni að takmarka eftir föngum möguleika einstaklinga eða hópa til að setja saman sprengjur úr annars löglegum efnum.

Sjá næstu 50 fréttir

Mest lesið