Fyrrverandi bæjarstjóri á Akranesi leiðir lista Bjartrar framtíðar

Árni Múli Jónasson, lögfræðingur og fyrrverandi bæjarstjóri á Akranesi, verður í efsta sæti á lista Bjartrar framtíðar í norðvesturkjördæmi, samkvæmt ákvörðun fjörutíu manna stjórnar Bjartrar framtíðar.

Skilafrestur í jólaljósmyndasamkeppni rennur út í dag

Skilafrestur í jólaljósmyndasamkeppni Fréttablaðsins rennur út í dag. Vinningsmyndin mun birtast á forsíðu Fréttablaðsins á aðfangadag. Netfangið sem senda skal myndina á er ljosmyndakeppni@frettabladid.is.

Lögreglan leitar að stolnum bíl

Lögreglan á höfuðborgarsvæðinu lýsir enn eftir steingráum Volkswagen Polo með skráningarnúmerið DF-F11, en bílnum var stolið í Hvassaleiti í Reykjavík í lok nóvember. Nú hefur komið fram að bílnum var ekið við Fiskilæk í Borgarfirði laugardaginn 8. desember kl. 18.49. Mynd náðist af bílnum í hraðamyndavél, sem þarna er. Þeir sem vita hvar bíllinn er niðurkominn, eru vinsamlegast beðnir um að hafa samband við lögregluna í síma 444-1000 eða senda tölvupóst á netfangið abending@lrh.is

Urmull af ufsaseiðum í höfninni

Urmull af ufsaseiðum er nú víða í Skerjafirðinum og leitar af og til inn í Kópavogshöfn í hundruða þúsunda tali. Ýmsir sjófuglar gæða sér ótæpilega á seiðunum, en ekki sér högg á vatni.

Kýldi lögreglumann í magann

Karlmaður á fertugsaldri hefur verið ákærður fyrir að hafa ráðist á lögreglumann fyrir framan Danska barinn í Ingólfsstræti, og slegið hann hnefahöggi í magann. Atvikið átti sér stað í byrjun september síðastliðnum. Ríkissaksóknari fer fram á að maðurinn verði dæmdur til refsingar og til greiðslu alls sakarkostnaðar. Málið var þingfest í morgun í Héraðsdómi Reykjavíkur.

Greiddi 950 milljónir fyrir Perluna og vill náttúruminjasafn og kaffihús

Borgarstjórn samþykkti í gær að kaupa Perluna af Orkuveitunni, en borgin greiðir 950 milljónir króna fyrir með handbæru fé og því ekki ráðist í lántökur. Vonir standa til að náttúruminjasafn og kaffihús verði á fyrstu hæðinni og þá er stefnt að því að tryggja áfram rekstur veitingastaðar á efstu hæð.

Hægt að hjóla á stíg frá Hamrahlíð upp í Bauhaus

Nýr hjóla- og göngustígur milli Mosfellsbæjar og Reykjavíkur var formlega tekinn í notkun í síðustu viku. Jón Gnarr borgarstjóri, Haraldur Sverrisson bæjarstjóri og Hreinn Haraldsson vegamálastjóri klipptu á borðann en stigu eftir það upp á fáka sína og vígðu stíginn með fríðu föruneyti.

Hvít jól algengari en rauð á síðustu árum

Veðurfræðingar á Veðurstofu Íslands treysta sér ekki enn til að spá fyrir um hvort jólin verði rauð eða hvít þetta árið, og segja óvissu í veðurspám of mikla. Á síðustu átján árum hafa hvít jól verið örlítið algengari en rauð á höfuðborgarsvæðinu.

Viðræðurnar færast yfir á annað stig

Þrátt fyrir óvissu á stjórnmálasviðinu eru aðildarviðræður Íslands og ESB komnar á nýtt stig þar sem viðræður eru hafnar um kafla sem standa utan EES-samningsins og meira ber á milli aðila. Össur Skarphéðinsson utanríkisráðherra og Stefan Füle, stækkunarstjóri ESB, sögðu að lokinni fimmtu ríkjaráðstefnu Íslands og ESB í Brussel í gær að um væri að ræða ákveðinn áfanga á þessari vegferð.

Kvarta undan humarskorti

Dæmi eru um að fiskbúðir á höfuðborgarsvæðinu séu alveg uppiskroppa með stóra humarhala. Humarhalar í stærðarflokknum 40 til 70 grömm eru vinsæll hátíðarmatur. Útflutningur á heilum humri og humarhölum hefur aukist og því minna til skiptanna á innanlandsmarkaði.

Fjölmiðlar úr takti ali ekki á misklíðinni

Mikilvægt er að fjölmiðlar ali ekki á misklíð, segir eftirlitsnefnd Alþingis um aðgerðir í þágu einstaklinga, heimila og fyrirtækja vegna banka- og gjaldeyrishrunsins.

Stöð 2 send út í háskerpu

Stöð 2 hefur í dag formlega útsendingu í háskerpu, HD, og verður þar með fyrst íslenskra sjónvarpsstöðva til að bjóða upp á reglubundnar útsendingar í háskerpu.

Fjórbrotinn í andliti eftir árás við Bar 11

Ungur maður sem varð fyrir fólskulegri líkamsárás á Hverfisgötu aðfaranótt laugardags vill eftirlitsmyndavélar um allan miðbæ. Hann er fjórbrotinn í andliti og þurfti í aðgerð eftir að hafa verið sleginn í höfuðið af óþekktum árásarmanni.

Strokufanginn enn ófundinn

Strokufanginn Matthías Máni Erlingsson, sem strauk af Litla Hrauni í fyrradag, er enn ófundinn og er leitin nú á forræði lögreglunnar á höfuðborgarsvæðinu.

Slasaðist í bílveltu skammt frá Borgarnesi

Bíll valt út af þjóðveginum á Mýrum, skammt frá Borgarnesi rétt fyrir miðnætti í gærkvöldi.

Herjólfur siglir til Þorlákshafnar um óákveðinn tíma

Vestmannaeyjaferjan Herjólfur mun sigla á milli Eyja og Þorlákshafnar um óákveðinn tíma, eða þar til rannsókn á atvikinu í hafnarminninu í Landeyjahöfn í síðasta mánuði, þar sem skemmdir urðu á skipinu, er lokið.

Segist vanur flugeldum frá Jóni

Jón Bjarnason, þingmaður Vinstri grænna, styður tillögu fulltrúa Sjálfstæðis- og Framsóknarflokks í utanríkismálanefnd um að gera hlé á viðræðum við Evrópusambandið. Það yrði síðan sett í þjóðaratkvæðagreiðslu hvort halda ætti viðræðunum áfram.

Náðu þjófagenginu sem brotist hefur inn í íbúðarhús

Lögreglan er að líkindum búin að hafa hendur í hári þjófagengis, sem hefur brotist inn í mörg íbúðarhús á höfuðborgarsvæðinu að undanförnu og einkum stolið skartgripum, og svo á Akureyri í gær.

Hættulegur og gengur enn laus

„Ég skil mjög vel gagnrýni og aðfinnslur Fangavarðafélagsins og fangelsisyfirvalda,“ segir Ögmundur Jónasson innanríkisráðherra vegna þeirrar umræðu sem skapast hefur eftir að ofbeldismaðurinn Matthías Máni Erlingsson strauk af Litla-Hrauni í fyrradag.

Lagabreyting ógnar starfsendurhæfingu

„Lögin geta valdið því að þeir sem eru veikastir og þurfa lengst úrræði gætu orðið af þessari þjónustu sem allir eiga þó rétt á,“ segir Kristín Siggeirsdóttir, framkvæmdastjóri Janusar endurhæfingar. „Vegna mikils skorts á samfelldri og langvinnri endurhæfingu erum við að horfa upp á það að einstaklingar með þung geðræn vandamál virðast lenda á milli skips og bryggju.“

Bandaríkin kröfðust hertra varna gegn laumufarþegum

Bandarísk yfirvöld telja öryggi á hafnarsvæðum hérlendis ábótavant og hafa krafist þess að úr því verði bætt. Þau telja óviðunandi að sami, smái hópur komist ítrekað upp með að reyna að lauma sér um borð í skip hér.

Vodafone hækkaði á fyrsta degi

Hlutabréf í Vodafone voru tekin til viðskipta í Kauphöll Íslands í gærmorgun. Skráningargengi bréfanna var 31,5 krónur á hlut en í lok dags hafði gengið hækkað í 32,2 krónur á hlut í 162 milljóna króna viðskiptum. Alls hækkaði gengi bréfanna því um 2,2 prósent á fyrsta degi viðskipta. Miðað við gengið í lok dags í gær er markaðsvirði Vodafone um 10,8 milljarðar króna.

Enn ósamið um síld og kolmunna

Fundi um stjórnun veiða úr norsk-íslenska síldarstofninum, sem haldinn var 14. desember, lauk án árangurs. Um var að ræða framhaldsfund strandríkja vegna stjórnunar veiða úr stofninum á árinu 2013. Boðað verður til annars fundar um miðjan janúar. Þessi niðurstaða þýðir enn fremur að samkomulag um stjórn veiða úr kolmunnastofninum á árinu 2013 er ekki í höfn.

Rannsakar börn sem telja sig hafa lifað áður

Erlendur Haraldsson prófessor hefur rannsakað hátt í 100 börn sem telja sig hafa lifað áður, en hann gaf nýverið út ævisögu sína "Á vit hins ókunna" þar sem greint er frá ótrúlegum sögum sumra þessara barna sem lýsa fyrri lífum í smáatriðum. Lífum einstaklinga sem reyndust hafa verið til áður en börnin fæddust.

Íslendingar berjast við Kólerufarald í Síerra Leone

Tveir íslenskir starfsmenn Rauða krossins leiða hjálparstarf vegna mesta kólerufaraldurs sem upp hefur komið í Afríku á þessu ári, en það er í Síerra Leone. Íslensk stjórnvöld hafa ákveðið að veita fjórtán milljónum króna til neyðarhjálpar í landinu vegna ástandsins.

Brotist inn á Akureyri eftir að fólk fer til vinnu

Lögreglan á Akureyri vill vekja athygli á að nú í dag hefur verið tilkynnt um tvö innbrot í heimahús í bænum og eiga þau það sameiginlegt að hafa átt sér stað eftir að heimilisfólk fór til vinnu í morgun.

Engu nær um ferðir Matthíasar Mána

Lögregla hefur nú leitað í rúman sólarhring að hættulegum fanga sem strauk af Litla Hrauni. Þrátt fyrir fjölda vísbendinga er lögregla engu nær. Fangelsisstjóri segir á áætlun að bæta girðinguna sem talið er að fanginn hafi komist yfir.

Eldur í Kópavogi

Eldur kom upp í húsnæði í Kópavogi um klukkan sjö í kvöld. Húsið er við Víghólastíg. Slökkviliðið er á svæðinu en fréttastofa mun greina nánar frá málinu þegar upplýsingar berast.

Jens sagður beita konur ofbeldi með kerfisbundnum hætti

Mál manns, sem grunaður er um að hafa misþyrmt 18 ára stúlku hrottalega fyrir nokkrum dögum, er einstakt að sögn saksóknara hjá lögreglunni. Ekki sé sé vitað um jafn kerfisbundið ofbeldi gegn jafn mörgum konum og birtist í hans málsgögnum.

Dómur kveðinn upp í máli Annþórs og Barkar á fimmtudaginn

Dómsuppsaga fer fram í máli Annþórs Kristjánssonar, Barkar Birgissonar og átta annarra sakborninga, næstkomandi fimmtudag, vegna ákæra um tvær hrottalegar líkamsárásir sem áttu sér stað fyrir um ári síðan.

Gistináttaskattur hækki ekki fyrr en eftir sumarið

Katrín Júlíusdóttir, fjármála- og efnahagsráðherra, lagði í dag fram breytingatillögu við fjárlagafrumvarpið sem felur í sér að frestað verður gildistöku fyrirhugaðrar hækkunar virðisaukaskatts á útleigu hótel- og gistiherbergja úr 7% í 14% þannig að hún taki ekki gildi fyrr en 1. september 2013. Í tillögunni segir að tekjur ríkissjóðs af virðisaukaskatti lækki um 575 milljónir króna frá því sem áætlað var. Breytingatillagan er lögð fram til að koma til móts við athugasemdir hagsmunaaðila í ferðaþjónustunni sem hafa margir hverjir nú þegar samið um verð á leigu herbergja fyrir næsta sumar.

Jólaveðurspáin óljós

Veðurspáin fyrir Aðfangadag og Þorláksmessu er frekar óljós, að sögn Helgu Ívarsdóttur veðurfræðingi á Veðurstofu Íslands. "Eins og þetta lítur út núna er frekar leiðinleg stíf norðaustan átt með vætu, en þetta mun skýrast ennfrekar á næstu dögum,“ segir hún.

Brot úr krukku barst í rauðkálið

Með hliðsjón af neytendavernd hafa Aðföng ákveðið að taka úr sölu og innkalla eina ákveðna framleiðslulotu af HEIMA Rauðkáli í 1010g umbúðum. Ástæða innköllunarinnar er að staðfest er eitt atvik þar sem kvarnast hafði upp úr skrúfgangi krukku og brot borist í vöruna, sem þannig skapaði hættu fyrir neytanda hennar.

Homeland snýr aftur

Bandaríska sjónvarpsstöðin Showtime mun hefja tökur á þriðju þáttaröð sjónvarpsþáttanna Homeland á vormánuðum næsta árs. Homeland er einn vinsælasta sjónvarpsþáttur veraldar um þessar mundir.

Sex þúsund málsskjöl i Aurum málinu

Málsskjölin í Aurum málinu eru um sex þúsund blaðsíður, samkvæmt heimildum Vísis. Eins og fram hefur komið í fjölmiðlum snýst málið um ákæru á hendur Lárusi Welding, fyrrverandi bankastjóra Glitnis, Jóni Ásgeiri Jóhannessyni, sem var aðaleigandi bankans, og tveimur starfsmönnum hans. Þeim er gefið að sök umboðssvik með því að sex milljarða króna lán hafi verið veitt úr Glitni, án nægra trygginga. Ákæran var gefin út á fimmtudagskvöld.

"Ég læt mig ekki dreyma um að það sé nokkur tilviljun í þessu máli"

Árni Páll Árnason varaformaður utanríkismálanefndar segir tillögu fjögurra stjórnarandstæðinga og eins stjórnarþingmanns, um að fresta aðildarviðræðum við Evrópusambandið, séu krampakennd viðbrögð afla í þjóðfélaginu sem megi ekki til þess hugsa að þjóðin fái að taka frjálsa ákvörðun í málinu í ljósi staðreynda. Hann segir tillöguna hins vegar engu breyta í stöðunni.

Rafbílasambandið stofnað í Kringlunni

Rafbílasamband Íslands, sem er samband eigenda og söluaðila rafbíla, var stofnað í dag. Um 20 rafbílar eru nú þegar á Íslandi og mættu 8 rafbílaeigendur í Kringluna til að taka þátt í stofnun félagsins. Íslandsmet var slegið í leiðinni, því aldrei hafa jafn margir rafbílar verið samankomnir á einum stað á Íslandi áður.

Matthías Máni enn ófundinn

Matthías Máni Erlingsson, fanginn sem strauk af Litla-Hrauni í gær, var enn ófundinn þegar fréttastofa Stöðvar 2 og Vísis kannaði málið á þriðja tímanum í dag. Matthías strauk, sem kunnugt er, úr fangelsinu um eittleytið í gær. Lögreglan á Selfossi hefur verið með málið til rannsóknar frá klukkan þrjú í gær en lögreglan á höfuðborgarsvæðinu mun taka málið yfir í dag.

Eitt þúsund gleraugu hafa safnast

Hátt í eitt þúsund gleraugu hafa borist í söfnun á vegum Prooptik í Kringlunni í dag. Gleraugun öðlast framhaldslíf hjá viðtakendum í Suður-Ameríku en þau munu renna til hjálparsamtakanna Vision for all.

Biskup Íslands tísti fyrsta tístinu: Stefán Eiríksson einn af fyrstu fylgjendunum

Agnes M. Sigurðardóttir, biskup Íslands, er kominn á Twitter. Hún skrifaði fyrstu færsluna í morgun. "Það er ánægjulegt að vera komin í samband við ykkur á Twitter. Guð gefi ykkur góðan dag og innihaldsríka aðventu," sagði hún í fyrsta tístinu.

Júlíus Jónasson dæmdur til að greiða 28 milljónir

Júlíus Jónasson, handboltakempa og fyrrverandi starfsmaður í einabankaþjónustu Kaupþings, þarf að greiða þrotabúi bankans 28 milljónir króna vegna kaupa á bréfum í bankanum fyrir hrun.

Leita að vitnum að líkamsárás um helgina

Karl um tvítugt varð fyrir líkamsárás við eða nálægt Bar 11 á Hverfisgötu 18 í Reykjavík aðfaranótt laugardagsins 15. desember síðastliðinn.

Metfjöldi stundar nám í heimilislækningum

Metfjöldi stundar nú sérnám í heimilislækningum á Íslandi. Í síðustu viku var undirritaður nýr samningur milli Heilsugæslu höfuðborgarsvæðisins og Landspítala um starfsnám fyrir sérnámslækna í heimilislækningum. Föstum stöðum sérnámslækna hefur verið fjölgað og nú stunda 36 læknar sérnám í heimilislækningum á Íslandi og 7 til viðbótar bíða eftir stöðum. Fyrst var boðið upp á slíkt sérnám árið 1995. Sérnámsstöðum hefur að hluta verið fjölgað með því að lausum stöðum sérfræðinga innan Heilsugæslu höfuðborgarsvæðisins hefur verið breytt í sérnámsstöður í heimilislækningum.

Íslendingar lesa dagblöð á netinu mest allra Evrópuþjóða

Íslendingar lesa dagblöð á netinu mest allra þjóða í Evrópu. Þetta kemur fram í tölum Hagstofu Evrópusambandsins. Um 92% Litháa og 91% Eista nota vefinn til þess sama. Níutíu prósent Norðmanna nota netið til þess að lesa blöð.

Yfir helmingur þjóðarinnar ætlar að borða hamborgarhrygg

Rúmlega helmingur þjóðarinnar ætlar að borða hamborgarhrygg á aðfangadagskvöld, samkvæmt niðurstöðum könnunnar MMR. Um 11 prósent sögðust ætla að borða annað lambakjöt en hangikjöt, 7,4 prósent rjúpu, 7,2 prósent kalkún og 17 prósent sögðust ætla að borða eitthvað annað en fyrrgreinda kosti.