Karlmaður beið bana í eldsvoða í nótt í Grundarfirði

Rúmlega fertugur karlmaður beið bana í eldsvoða í Grundarfirði í nótt. Neyðarlínunni barst tilkynning frá nágranna um reyk frá þrílyftu íbúðarhúsi í austurhluta bæjarins rétt fyrir klukkan þrjú, og var slökkvilið þegar kallað út.

Töluverður eldur logaði í húsinu, þegar það kom á vettvang, og voru reykkafarar sendir inn. Þeir fundu húsráðanda og báru hann út, en eftir árangurslausar lífgunartilraunir úrskurðaði læknir hann látinn.

Tvær íbúðir eru í húsinu, en engin bjó í annarri þeirra. Slökkvistarfið tók nokkurn tíma og er húsið stór skemmt.

Lögreglurannsókn stendur nú yfir á vettvangi.