Rannsaka stuld á stórri gröfu á Ísafirði

Lögreglan á Ísafirði rannsakar nú hver var að verki þegar stórri gröfu var stolið af byggingasvæði nýs öldrunarheimilis að Torfnesi og ekið að verslunarkjarnanum Neista aðfararnótt sunnudags.

Niðurstöðu um loftrýmisgæslu ekki að vænta í bráð

Ekki er að vænta niðurstöðu um hvort Svíþjóð og Finnland taki þátt í loftrýmisgæslu yfir Íslandi fyrr en eftir nokkrar vikur.

Stundvísasta félag Evrópu

Icelandair var stundvísast allra evrópskra flugfélaga sem eru í AEA, Evrópusambandi flugfélaga, í alþjóðaflugi í september.

Alls 179 utangarðs í Reykjavík

Kortlagning velferðarsviðs Reykjavíkurborgar á fjölda og högum utangarðsfólks sýnir að í Reykjavík teljast 112 karlar og 64 konur heimilislaus eða utangarðs. Alls fylla þennan hóp 179 manns, en í rannsókninni kemur ekki fram kyn þriggja einstaklinga.

Aðalmeðferðinni á að ljúka í dag

Síðdegis í dag á að ljúka aðalmeðferð sem hófst í gærmorgun fyrir Héraðsdómi Reykjavíkur í máli sérstaks saksóknara gegn Aroni Pétri Karlssyni kaupsýslumanni.

Ræða sundlaug og hjólabrú

Borgarráð Reykjavíkur og bæjarráð Kópavogs hafa skipað fulltrúa í tvo starfshópa sem fjalla eiga um sundlaug í Fossvogsdal og gerð hjóla- og göngubrúar yfir Fossvog.

Ætlar aftur út að hlaupa í dag

Tékkneska blaðamanninum René Kujan var ákaft fagnað í Elliðaárdalnum í gær þegar hann lauk tæplega 1.300 kílómetra hlaupi sínu umhverfis landið á þrjátíu dögum. Kujan hljóp rúmlega maraþon á hverjum degi og er fyrsti maðurinn til að hlaupa hringinn í kringum Ísland.

Átök á mili Vítisengla og Útlaga - mikill titringur vegna málsins

Átök urðu á milli meðlima vélhjólagengjanna Hells Angels og Outlaws um helgina og ríkir töluverður titringur í báðum herbúðum vegna málsins samkvæmt heimildum Vísis. Meðlimur Vítisenglanna skallaði meðlim Outlaws í andlitið á bifvélaverkstæði um helgina. Ástæðan var sú að sá sem var skallaður var klæddur í peysu merktri Outlaws. Vítisengillinn, sem var með nokkrum félögum úr klúbbnum, skipaði þá Útlaganum að klæða sig úr peysunni. Þegar sá neitaði skallaði Vítisengillinn Útlagann í andlitið. Félagi Vítisengilsins skarst þá í leikinn og kom í veg fyrir frekari átök.

Sigurður Líndal harðorður: Veruleikafirring eða spilling?

"Mér finnst hálfgerð pólitísk ólykt af þessu,“ sagði Sigurður Líndal lagaprófessor í viðtali í Reykjavík síðdegis á Bylgjunni í dag, en hann skrifaði í dag grein þar sem hann gagnrýndi þjóðaratkvæðagreiðsluna um tillögur stjórnlagaráðsins harðlega.

Margmilljóna stóðhestur fluttur úr landi

Einn verðmætasti stóðhestur landsins, Álfur frá Selfossi, yfirgaf landið í dag og hélt til Noregs þar sem eigandi hans er búsettur.

Notar eigin verðlaunapumpu en gefur ekkert upp um sentímetra

Íslenskt hugvit vekur enn á ný heimsathygli, nú fyrir hönnun á hjálpartæki ástarlífsins fyrir karlmenn. Tækið var sett á markað í sumar og selst víst eins og heitar lummur.

Skjálftinn gæti orðið af stærri gerðinni

Skjálftahrinan út af Norðurlandi er enn í fullum gangi en með vægari kippum en í gær. Ragnar Stefánsson jarðskjálftafræðingur segir að hrinan geti komið af stað stærri atburði og brýnt sé að taka upp strangari vöktun. Þannig megi sjá fyrir stóran skjálfta. Fyrir norðan er fólki brugðið og þótt jarðskjálftafræðingurinn segi ekkert benda til að meira sé yfirvofandi telur hann hrinuna geta hrundið af stað atburðarás sem leiði til stórs skjálfta.

Keyptu og seldu gjaldeyri á Lækjartorgi - lögreglan fylgdist með úr fjarska

Stjórn Heimdallar, félags ungra sjálfstæðismanna í Reykjavík, keypti gjaldeyri á Lækjartorgi í dag fyrir krónur. Samkvæmt tilkynningu frá SUS þá komu margir með gjaldeyri og keyptu íslenskar krónur af Heimdellingum.

Bjartsýn á að umræðu ljúki fyrir jól - ekki yfir miklu að þumbast

Þingið hefur fengið skýr skilaboð um að auðlindir skuli í þjóðareign, segir formaður stjórnskipunar- og eftirlitsnefndar. Hún segir ekkert því til fyrirstöðu að ljúka fyrstu umræðu um breytingar á stjórnaskránni, fyrir jól.

Lýsing segir dóminn ekki eiga við sig - Helgi vill frekari svör

Lýsing telur að dómur Hæstaréttar á fimmtudag um gengistryggð lán eigi ekki við um sitt lánasafn og mun því ekki ráðast í endurútreikninga. Formaður efnahags- og viðskiptanefndar segir Lýsingu þurfa að útskýra þá afstöðu nánar og hefur kallað forsvarsmenn fyrirtækisins aftur á fund nefndarinnar ásamt lögfræðingum.

Barist við Lúpínu í Þórsmörk - best að efla birkiskóginn

Tilraun til þess að stemma stigu við útbreiðslu Lúpínunnar í Þórsmörk með eitri árið 2009 mistókst gjörsamlega að sögn Svandísar Svavarsdóttur, umhverfis- og auðlindarráðherra. Þetta kom fram í svari hennar við fyrirspurn Unnar Brá Konráðsdóttur, þingmann Sjálfstæðisflokksins á Alþingi í dag, um aðgerðir sem hafa verið gripið til þess að hefta útbreiðslu þessarar lífseigu plöntu í Þórsmörk.

Hríseyingar hvattir til að spenna beltin

Hverfisráð Hríseyjar hefur áhyggjur af umferðarmenningunni á staðnum. Var málið sérstaklega rætt á síðasta fundi nefndarinnar. Ákveðið var að senda áskorun til íbúa og gesta um að virða umferðarlög og reglur.

Fréttir á Gull Bylgjunni

Fréttir frá fréttastofu Bylgjunnar, Vísis og Stöðvar 2 hljóma nú einnig á Gull Bylgjunni. Gull Bylgjan á marga dygga hlustendur sem njóta þess að hlusta á „þessi gömlu góðu" sem hljóma þar allan sólarhringinn. Nú hefur þjónusta við hlustendur stöðvarinnar verið stórbætt því þar hljóma nú fréttir frá klukkan sjö á morgnanna til klukkan fimm síðdegis.

Jóhanna gefur fimleikastúlkum fimm milljónir

Ríkisstjórnin hefur ákveðið að veita Fimleikasambandi Íslands fimm milljóna króna styrk af ráðstöfunarfé sínu, til áframhaldandi uppbyggingarstarfs. Þetta er gert í viðurkenningarskyni fyrir glæsilegan árangur kvenna- og stúlknalandsliða Íslands á Evrópumótinu í hópfimleikum, þar sem bæði liðin unnu til gullverðlauna.

Borgari kyrrsetti ölvaðan ökuþór

Húsráðandi í Reykjanesbæ kyrrsetti ölvaðan ökuþór þar til lögreglan á Suðurnesjum kom á vettvang í nótt.

Vilja hækka hámarkshraða á Reykjanesbraut

Æskilegt er að hækka hámarkshraða á Reykjanesbraut upp í 110 kílómetra á klukkustund til langs tíma litið, sagði Ögmundur Jónasson innanríkisráðherra á Alþingi í dag. Þorgerður Katrín Gunnarsdóttir, þingmaður Sjálfstæðisflokksins, spurði hann út í málið. Ögmundur sagði þó að ekki væri tímabært að gera þessa breytingu núna því að skilyrði væru ekki uppfyllt.

Sagðist vera grískur ferðamaður

Á föstudag var karlmaður stöðvaður við komuna til landsins í Flugstöð Leifs Eiríkssonar, en hann framvísaði fölsuðum skilríkjum. Maðurinn, sem var að koma frá Kaupmannahöfn, framvísaði grísku ferðaskilríki, sem lögreglumenn sáu að átt hafði verið við. Hann var færður á lögreglustöð, þar sem hann viðurkenndi að hann væri alls ekki grískur heldur annarar þjóðar. Málið er í rannsókn hjá lögreglu.

Um 180 utangarðsmenn í Reykjavík

Alls teljast 179 einstaklingar utangarðs, eða án heimilis samkvæmt nýrri skýrslu sem unnin var fyrir velferðarsvið Reykjavíkurborgar. Þessir einstaklingar hafa leitað til ýmissa annarra stofnana og félagasamtaka eftir þjónustu og stuðningi. Í skýrslunni kemur fram að utangarðsfólk er almennt ánægt með þá þjónustu sem fyrir hendi er þó flestum finnist vanta sólarhringsúrrræði.

Hættir í bæjarstjórn Árborgar og segir sig úr Sjálfstæðisflokknum

Elfa Dögg Þórðardóttir, bæjarfulltrúi Sjálfstæðisflokksins í Sveitarfélaginu Árborg hefur ákveðið að hætta í bæjarstjórn og segja sig líka úr Sjálfstæðisflokknum. Sjálfstæðisflokkurinn er með hreinan meirihluta í Árborg. Hún hefur sent frá sér eftirfarandi yfirlýsingu vegna málsins.

Verdi á fjölunum - Keppast um hylli hefðarkonu

Sígaunasonur og greifi keppast um hylli fagrar hefðarkonu í einu frægasta óperuverki Verdis, Il trovatore, sem nú er á fjölum íslensku óperunnar. Hugrún Halldórsdóttir og Baldur Hrafnkell myndatökumaður fóru í gær á frumsýningu óperunnar átakanlegu.

Fá leitarskanna sem var notaður á Ólympíuleikunum

Fangelsið á Litla Hrauni hefur fjárfest í notuðum leitarskanna frá Ólympíuleikunum í London í sumar, sem starfsmenn og gestir þurfa að ganga í gegnum á leið sinni inn í fangelsið. Öryggismál hafa verið í ólestri á Litla Hrauni vegna fjárskorts enda segir forstöðumaður fangelsins að öryggismálin hafa verið keyrð á sveitamennskunni hingað til.

Amman ræktar epla- og appelsínutré við Drangajökul

Amman í Skjaldfannardal í Ísafjarðardjúpi, Ása Ketilsdóttir, vakti athygli í þættinum "Um land allt" á Stöð 2 í gærkvöldi þegar hún sýndi skrúðgarðinn sem hún er búinn að rækta upp á bæ sínum, Laugalandi, inn undir Drangajökli. Þar er hún með á þriðja hundrað tegunda, þeirra á meðal margar sem teljast suðrænar, eins og bóndarós, og það á svæði sem þekkt er fyrir kuldaleg örnefni; Kaldalón, Snæfjallaströnd og Skjaldfönn. "Það er líka til Unaðsdalur," bætti Ása við og minnti á nafn næsta dals norðan Kaldalóns.

Hjólbarði fór undan bíl í Hvalfjarðargöngunum

Um klukkan hálf tíu í morgun var tilkynnt um eld í bifreið í miðjum Hvalfjarðargöngum en þegar slökkvilið og lögregla komu á vettvang reyndist um minniháttar brima að ræða. Því var ekki talin þörf á að loka göngunum. Að sögn lögreglu hafði hjólbarði farið undan bifreið og við það komið upp eldur. Bifreiðin var fjarlægð af vettvangi með krana en engin slys urðu á fólki.

Brennuvargur ætlar ekki að áfrýja

Karlmaður sem grunaður erum að hafa borið eld að ýmsum stöðum á Selfossi að undanförnu ætlar ekki að áfrýja fjögurra vikna gæsluvarðhaldi sem hann var úrskurðaður í á fimmtudag.

Aðalmeðferð í máli Arons Karlssonar

Aðalmeðferð fer fram í dag í máli sérstaks saksóknara gegn Aroni Karlssyni kaupsýslumanni. Hann er grunaður um fjársvik í tengslum við sölu á stórhýsi við Skúlagötu til kínverska sendiráðsins. Þrjú ár eru síðan rannsókn málsins hófst.

Braust inn á lögreglustöð og stal lögreglubíl

Karlmaður braut rétt fyrir klukkan fjögur í nótt inn á lögreglustöðina á Ísafirði, þegar lögreglumenn á vakt sinntu útkalli vegna skemmda og ökuláta. Einn maður var þar að verki. Hann fór beint í bílgeymslu lögreglunnar, tók þar jeppabifreið lögreglu og ók honum út úr bílgeymslunni og um nokkrar götur í bænum. Talsverð hálka var á götum bæjarins. Lögreglan segir að af af vegsummerkjum að dæma hafi maðurinn ekið mjög ógætilega um bæinn og endaði akstur sinn á gangstíg í Miðtúni. Lögreglubifreiðin er mikið skemmd eftir akstur hans.

Stór hrefna reyndist hvalreki fyrir einhverja

Stóra hrefnu rak nýverið á fjöru við bæinn Berg við Grundarfjörð, sem vart er í frásögu færandi, nema fyrir það að þetta hefur reynst einhverjum raunverulegur hvalreki.

Íbúafundur hafnar háspennuloftlínu fyrir norðan

Fundur íbúa á áhrifasvæði háspennuloftlínu, sem Landsnet fyrirhugar að leggja á milli Blöndu og Akureyrar, og haldinn var um helgina, hafnar hugmyndinni.

Þyrla flutti slasaðan fjallgöngumann á slysadeild

Fjallgöngumaður slasaðist þegar hann hrapaði í klettabelti í Botnsúlum inn af Hvalfirði í gærkvöldi og rann drjúgan spöl niður hlíðina.

Eftirskjálfti upp á 4,1 stig fyrir norðan í morgun

Eftirskjálfti upp á 4,1 stig mældist á skjálftasvæðinu út af Norðurlandi á sjötta tímanum í morgun, þar sem snörp hrina hófst í fyrrinótt.

Ljúka fyrstu umræðu um nýja stjórnarskrá fyrir jól

Lögfræðinganefnd skilar af sér skýrslu um stjórnarskrárdrög innan tveggja vikna. Frumvarp til nýrrar stjórnarskrár lagt fram í kjölfarið. Stjórn og stjórnarandstaða búast við að fyrstu umræðu ljúki fyrir jól.

Tveir þriðju sögðu já

30 gera athugasemdir við breytingar á Hjartagarði

Alls bárust borginni 32 athugasemdir um skipulag á Hljómalindarreitnum í miðborg Reykjavíkur. Þrjátíu þeirra fjalla að einhverju eða öllu leyti um Hjartagarðinn, þar sem breytingar á honum eru gagnrýndar.

Í eina sæng eftir næstu áramót

Sveitarfélögin Álftanes og Garðabær munu sameinast, undir merkjum hins síðarnefnda, í upphafi næsta árs. Sameining var samþykkt í báðum sveitarfélögum um helgina.

"Það er kannski verið að eyðileggja líf þessa unga manns“

Jón Steinar Gunnlaugsson hæstaréttardómari segir að dómstólar hafi í seinni tíð gert of vægar sönnunarkröfur í kynferðisbrotamálum. Mun vægari kröfur en í öðrum tegundum sakamála. Hann segir að allt bendi til þess að ungur maður hafi fyrr á þessu ári verið dæmdur í fangelsi fyrir kynferðisbrot sem hann framdi ekki.

Telur brýnt að stofna millidómstig

Álagið á Hæstarétti er allt of mikið og afar brýnt að stofnað verði millidómstig, til dæmis í sakamálum. Þetta segir Jón Steinar Gunnlaugsson fyrrverandi hæstaréttardómari. Hann telur rétt að fækka dómurum við Hæstarétt og til kasta réttarins komi aðeins stærri mál, líkt og þekkist erlendis.

Skýr krafa um breytingu á stjórnarskránni

Jóhanna Sigurðardóttir forsætisráðherra segir að almenningur hafi í gær sett fram skýra kröfu á þingmenn að þeir ljúki nú við frumvarp að nýrri stjórnarskrá svo hægt verði að kjósa um það í vor. Þingmaður Sjálfstæðisflokksins segir að framhaldið sé enn óljóst.

Óhugur í Siglfirðingum eftir skjálftana

Óhugur er í Siglfirðingum eftir öfluga skjálftahrinu frá því í gærkvöldi. Þar hrundi úr hillum í nótt og rúður sprungur þegar skjálfti upp á 5,6 stig reið yfir, sem er sá stærsti sem komið hefur norðanlands frá Kópaskersskjálftanum árið 1976. Jarðskjálftafræðingur segir að menn þurfi að búa sig undir stærri skjálfta nær Skjálfandaflóa.

Björgunarsveitir sækja slasaðan göngugarp

Björgunarsveitir voru ræstar nú fyrir stundu eftir að spurðist af slösuðum manni í Botnssúlum innaf Hvalfirði.

Nöfn mannanna sem létust í flugslysinu

Mennirnir sem létust í flugslysinu á Njarðvíkurheiði þegar fisflugvél brotlenti rétt sunnan við Seltjörn í gær hétu Hans Óli Hansson og Ólafur Felix Haraldsson.