Fundu verulegt magn þýfis í fimm húsleitum

Þrír menn voru handteknir þegar verulegt magn þýfis fannst við húsleitir á höfuðborgarsvæðinu í síðustu viku. Alls var leitað á fimm stöðum og hefur þýfið þegar verið tengt við muni sem stolið var í sjö til átta innbrotum í umdæminu. Lögregla segir einnig viðbúið að munir úr fleiri innbrotum eigi eftir að koma við sögu.

Viðbúnaðarstig á Reykjavíkurflugvelli vegna bilunar í aðvörunarbúnaði

Viðbúnaðarstigi var lýst yfir á Reykjavíkurflugvelli í morgun þegar Fokker 50 vél Flugfélags Íslands í aðflugi tilkynnti um viðvörunarljós í mælaborði.

Ránið í Árbænum upplýst: Samskipti við unglingsstúlku rannsökuð frekar

Lögreglan á höfuðborgarsvæðinu hefur upplýst rán sem var framið í Árbæ á sunnudagskvöld og hafa tvö ungmenni, 18 ára piltur og 16 ára stúlka, játað sök í málinu.

Ferðafólk sagt trufla útgerð

Bæjarstjórn Norðurþings samþykkir ekki áform skipulagsnefndar um að stækka blandað svæði fyrir hafnarstarfsemi og verslun og þjónustu á kostnað hreins hafnarsvæðis á Húsavík.

Fórnarlamb mansals súludansari á Goldfinger

Fórnarlamb mansals hér á landi starfar sem súludansmey á nektarstaðnum Goldfinger. Þetta staðfestir Ásgeir Þór Davíðsson í samtali við blaðið DV í dag. Þar kemur fram að konan hafi yfirgefið vernd mansalsteymis hér á landi og endað á Goldfinger.

Ólafur og Dorrit skoða mörgæsir

Ólafur Ragnar Grímsson forseti og Dorrit Moussaief eru nú stödd á Suðurskautslandinu ásamt fríðu föruneyti. Á vef forsetaembættisins hefur þessi mynd nú verið birt sem sýnir Ólaf og Dorrit ásamt fjölda mörgæsa.

Stálu umferðarmerkjum fyrir tæpa milljón - lögreglan undrandi

Starfsmenn Vegagerðarinnar á Ísafirði urðu heldur betur hvumsa er þeir sáu að búið var að stela 12 umferðarmerkjum úr Bolungarvíkurgöngunum og tveim umferðarmerkjum af þjóðveginum við Vatnsfjarðarháls inni í Djúpi.

Umfangsmikil kannabisræktun stöðvuð í Ölfusi

Lögreglan á Selfossi stöðvaði umfangsmikla kannabisræktun í íbúðarhúsi í Ölfusi í gærkvöldi og lagði hald á 75 plöntur á öllum stigum ræktunar.

Skriðuföll loka veginum við Þvottárskriður

Vegurinn um Þvottárskriður á Suðausturlandi er lokaður um óákveðinn tíma vegna skriðufalla sem rekja má til mikillar rigningar.

Frekari hækkanir framundan hjá hinu opinbera

Samtök verslunar og þjónustu og Samband íslenskra sveitarfélaga gagnrýna bæði frumvarp innanríkisráðherra um breytingar á lögum um þjóðskrá og almannaskráningu, sem myndi fela í sér verulegar hækkanir á þjónustu.

Línur skýrast í Kópavogi í dag

Það skýrist væntanlega í dag hvort Samfylkingin og Vinstri grænir annarsvegar og Sjálfstæðismenn hinsvegar, ná samkomulagi um meirihlutamyndun í bæjarstjórn Kópavogs.

Umferðarskiltum stolið úr göngum

Tólf umferðarmerkjum hefur verið stolið úr hinum nýju Bolungarvíkurgöngum, en ekki er vitað hvenær þjófnaðurinn átti sér stað. Þá hefur tveimur merkjum til viðbótar verið stolið af þjóðveginum í Ísafjarðardjúpi. Þetta kemur fram á bb.is.

Lögreglumaður nær ekinn niður við Gullinbrú

Minnstu munaði að lögreglumaður yrði ekinn niður við Gullinbrú í Grafarvogi í gærkvöldi, en honum tókst á síðustu stundu að kasta sér aftruábak og féll við það. Við það missti hann stórt vasaljós, sem lenti á bílnum.

Kópavogur friðlýsir hluta Skerjafjarðar

Svandís Svavarsdóttir, umhverfisráðherra, hefur staðfest friðlýsingu Kópavogsbæjar á þeim hluta Skerjafjarðar sem er innan bæjarmarka sveitarfélagsins. Þá hafa fulltrúar Kópavogsbæjar, Náttúrufræðistofu Kópavogs og Umhverfisstofnunar gert með sér samning um umsjón og rekstur hins friðlýsta svæðis sem nær til fjara og grunnsævis fjarðarins.

Stofna nýtt kvenfélag í dag

Nýtt kvenfélag verður stofnað í Reykjavík í dag, á degi kvenfélagskonunnar og stofndegi Kvenfélagasambands Íslands. Dagur kvenfélagskonunnar var fyrst haldinn fyrir tveimur árum til að vekja athygli á miklu og óeigingjörnu starfi kvenfélagskvenna um árabil. Í tilefni af deginum verður Kvenfélagasambandið með opið hús í Kvennaheimilinu að Hallveigarstöðum milli 16.30 og 18.30 í dag. Þá verður haldinn stofnfundur í nýju kvenfélagi, og geta þær konur sem vilja gerst stofnfélagar.

Eftirlitskerfið brást

Hörð orð féllu á Alþingi í gær í sérstökum umræðum um PIP sílíkonpúðana. Gagnrýni þingmanna beindist fyrst og fremst að eftirlitsaðilum heilbrigðiskerfisins; Landlækni, Jens Kjartanssyni lýtalækni, Lyfjastofnun og stjórnvöldum.

Gögn frá Langjökli sýna upphaf ísaldar

Fjögur stór eldgos á árabilinu 1275 til 1300 komu af stað keðjuverkun sem olli verulegri kólnun langt fram á 19. öldina, eða í um 600 ár, samkvæmt niðurstöðum rannsókna vísindamanna. Þeir notuðu m.a. mælingar á Langjökli til að styðja við kenninguna.

Drýgir tekjurnar á spúandi Drottningu

"Grafan var til hérna í nágrenninu en var ógangfær og allt fast í henni. Við fengum hana fyrir slikk en það fór mikill peningur og vinna í að taka hana í gegn,“ segir Eggert Sigurður Kristjánsson, 27 ára Hólmvíkingur, sem tók upp á því ásamt pabba sínum, að taka í gegn gamla gröfu og búa til snjómokstursvél.

Vilja fleiri daga í Elliðaánum

Vegna gríðarlegrar ásóknar félagsmanna í Stangaveiðifélagi Reykjavíkur í veiðileyfi í Elliðaánum fyrir næsta sumar vill félagið fá að lengja veiðitímabilið frá því sem verið hefur á næstliðnum árum.

Verja skjólstæðinga gegn fjölmiðlum

Skrifstofustjóri velferðarsviðs Reykjavíkur segir það ekki hlutverk sviðsins að finna viðmælendur fyrir fjölmiðla. Þetta kemur fram í svari Huldu Styrmisdóttur vegna fyrirspurnar í borgarráði eftir frétt Ríkisútvarpsins um að lagt hefði verið fyrir starfsmenn velferðarsviðs að svara ekki fjölmiðlum sjálfir.

Lára Margrét Ragnarsdóttir látin

Lára Margrét Ragnarsdóttir, hagfræðingur og fyrrverandi alþingismaður, er látin 64 ára að aldri. Hún varð bráðkvödd á heimili sínu á sunnudag. Lára skilur eftir sig þrjú uppkomin börn.

Leggjast gegn breytingum á Fríkirkjuvegi

Húsafriðunarnefnd vill að innra byrði hússins að Fríkirkjuvegi 11 verði friðað. Nefndin bókaði þetta í fundargerð á síðasta fundi sínum eftir að Ásgeir Ásgeirsson arkitekt hafði lagt fram beiðni um breytingar og endurbætur á húsinu.

Ódýrara að rista brauð lóðrétt en lárétt

Það er ódýrara að rista brauð lóðrétt en lárétt. Ástæðan er sú að brauðrist ber ekki vörugjöld en samlokugrill bera vörugjöld. Magnús Orri Schram, þingmaður Samfylkingarinnar, vakti athygli á þessu í samtali við Reykjavík síðdegis í dag. Hann segir að vörugjöldin séu fáránleg og menn hafi gert sér grein fyrir því um allnokkurt skeið. Hins vegar sé erfitt að afnema þau vegna slæmrar stöðu ríkissjóðs. "Það er vörugjald á vöfflujárnum en ekki pönnukökupönnum. Kaffivélar bera ekki vörugjald en hraðsuðukönnur bera 25% vörugjald. Það virðist því vera dýrara að drekka te en kaffi,“ segir Magnús Orri.

Eyjamenn snöggir að hala inn fyrir Landeyjahöfn og nýrri ferju

Gjaldeyristekjur sem Vestmannaeyingar skapa á tíu vikna loðnuvertíð stefna í að verða álíka miklar og kostnaður við bæði Landeyjahöfn og nýjan Herjólf. Skip Vinnslustöðvarinnar, Sighvatur Bjarnason, sést hér sigla inn til Vestmannaeyja síðastliðið laugardagskvöld með tólfhundruð tonn af loðnu en skipið er síðan aftur væntanlegt í nótt með annað eins.

Vinkona Vítisengla handtekin með fíkniefni og vopn

Kona á þrítugsaldri, sem tengist meðlimum Hells Angels, var stöðvuð við akstur á höfuðborgarsvæðinu í gær. Grunur lék á að hún væri undir áhrifum fíkniefna. Í bíl hennar fundust ennfremur um 200 grömm af efni sem talið er vera amfetamín en lögregla álítur að það hafi verið ætlað til sölu. Í framhaldinu var leitað á heimili konunnar en þar var lagt hald á bæði hnífa og hnúajárn sem og búnað frá lögreglu. Konan var látin laus eftir yfirheyrslur hjá lögreglu.

Vitna leitað vegna sprengjunnar sem sprakk

Lögreglan á höfuðborgarsvæðinu leitar vitna í tengslum við rannsókn hennar á sprengju sem fannst neðst við Hverfisgötu í Reykjavík í morgun. Aðili sem var á biðstöð fyrir strætisvagna neðst á Hverfisgötunni, fyrir klukkan sjö, er sérstaklega beðinn um að gefa sig fram. Aðrir, hvort sem þeir geta gefið upplýsingar um fólk eða ökutæki á þessu svæði á tímabilinu 6.30-7, eru einnig beðnir um að hafa samband við lögreglu í síma 444-1000 en upplýsingar má einnig senda í tölvupósti á netfangið abending@lrh.is. Sömuleiðis er hægt að koma nafnlausum ábendingum á framfæri í síma 800-5005.

Vilhjálmur vill Vaðlaheiðargöng í gang

Vilhjálmur Egilsson framkvæmdastjóri Samtaka atvinnulífsins segir óskandi að Alþingi finni flöt á því að koma framkvæmd Vaðlaheiðarganga af stað. Hann segir afar litla áhættu fyrir ríkissjóð í málinu miðað við það sem hann kallar samfélagslega þýðingu ganganna.

PIP-málið á þingi - betra að láta IKEA sjá um innköllunina

Guðbjartur Hannesson velferðarráðherra hefur sett á fót sérstakan starfshóp sem ætlað er að fara yfir sílikonmálið svokallaða og stöðu einkarekinna læknastofa almennt. Sílikonpúðar voru mikið ræddir á Alþingi í dag en Ólína Þorvarðardóttir var málshefjandi í sérstakri umræðu um ábyrgð og eftirlit hins opinbera gagnvart einkarekinni heilbrigðisþjónustu í ljósi sílikonpúða-málsins.

Heimavarnarliðið sver af sér sprengjumálið

„Það var enginn úr okkar hópi sem kom að þessu," segir Páll Heiðar Magnússon Aadnegar, sem er í Heimavarnarliðinu svokallaða, en uppi var sú kjaftasaga að það væri einhver meðlimur félagskaparins sem hefði búið til sprengju og sprengt á Hverfisgötunni snemma í morgun.

Sprengjan var „alvöru græja“

„Þetta var engin flugeldaterta,“ segir Stefán Eiríksson, lögreglustjóri á höfuðborgarsvæðinu spurður út í sprengjumálið í morgun. Hann segir von á tilkynningu frá lögreglunni sem annast rannsókn málsins.

Tugir háhyrninga í Kolgrafarfirði

Tugir háhyrninga sáust í dag við brúnna í Kolgrafarfirði á Snæfellsnesi. Dagbjört Emilsdóttir var þar á ferð og náði myndum af dýrunum. Hún segir að dýralífið í firðinum sé mjög fjölskrúðugt. Undanfarið hafi verið óvenjulega mikið um skarfa og einnig mikið af æðakollu, súlum og mávum. Dagbjört sá síðan stærðarinnar haförn fljúga í rólegheitum við brúnnaí síðustu viku.

Hitt saltmálið: Fisksalt notað sem götusalt

Þegar bæjaryfirvöld í Grindavík gerðu athugasemdir við að fisksalti sem búið var að nota var sturtað í sjóinn þá voru góð ráð dýr samkvæmt tilkynningu frá iðnaðarráðuneytinu.

Friðlýsing Skerjafjarðar staðfest af ráðherra

Umhverfisráðherra, Svandís Svavarsdóttir, hefur staðfest friðlýsingu hluta Skerjafjarðar innan bæjarmarka Kópavogs með fjörum ásamt grunnsævi en með undirskrift ráðherrans öðlast friðlýsingin lagagildi samkvæmt tilkynningu frá Kópavogi.

Tólf ára með hníf í skólanum - lögreglan kölluð til

Lögreglan á höfuðborgarsvæðinu var kölluð að grunnskóla í vesturborginni í dag vegna tólf ára drengs sem var vopnaður hnífi. Drengurinn ógnaði nærstöddum með hnífnum og var lögreglan því kölluð til.

Myndir frá atburðum morgunsins

Mikill viðbúnaður var á Hverfisgötunni í nánd við Stjórnarráðið í morgun eins og alþjóð veit líklegast nú. Ljósmyndarar Fréttablaðsins, þeir Gunnar V. Andrésson og Stefán Karlssonvoru á staðnum og meðfylgjandi myndir fanga vel umstangið og atburði morgundagsins.

Misskilningur segir lögmaður - ætlaði að herma eftir ofsahræddum manni

"Dómarinn misskildi þetta. Ég var alls ekki að herma eftir manninum, heldur ætlaði ég að sýna fram á hvernig ofsahræddur maður hagar sér," útskýrir hæstaréttarlögmaðurinn Jón Egilsson sem var dæmdur til þess að greiða 100 þúsund krónur í réttarfarssekt í Héraðsdómi Reykjavíkur í gær.

Leoncie segist hafa verið áreitt á Leifsstöð

Endurkoma söngdívunar Leoncie hingað á klakann virðist hafa fengið snubbóttan endi ef marka má frásögn hennar sem hún sendi Víkurfréttum í tölvupósti. Hún fullyrðir að starfsmaður öryggisgæslunnar á Leifsstöð hafi áreitt sig þegar hún var á leið af landi brott.

Herjólfi seinkar

Ferð Herjólfs seinkar til Eyja í dag. Hann kemur klukkan 15:30. Ástæðan fyrir seinkunninni er slæmt veður.

Sá lágvaxinn og feitlaginn mann á miðjum aldri flýja sprengjuvettvang

Lögreglan verst frétta vegna sprengjumálsins við Hverfisgötu í morgun. Samkvæmt upplýsingum frá lögreglu mun embættið senda út tilkynningu eða halda blaðamannafund síðar í dag vegna málsins.

Búið að opna Hverfisgötu

Lokun á Hverfisgötu í Reykjavík hefur verið aflétt, en í morgun fannst þar torkennilegur hlutur, sem er talinn vera leifar af sprengju.

Myndskeið sem sýnir sprengjusveitina að störfum

Sprengjusveitir Landhelgisgæslunnar og sérsveitar Ríkislögreglustjóra sprengdu í morgun leifar af torkennilegum pakka sem virðist hafa sprungið fyrr um morguninn við Hverfisgötu 4. Gríðarlegur viðbúnaður var á staðnum og eins og sjá má á meðfylgjandi myndbandi var ítrustu varúðar gætt þegar hluturinn var gerður óvirkur.

Hröð atburðarás þegar Hallgrímur sökk - dælurnar biluðu á ögurstundu

Rannsóknarnefnd sjóslysa ræddi í gær við Eirík Inga Jóhannsson, sem komst lífs af frá Sjóslysinu í Noregi þar sem þrír félaga hans létu lífið. Formaður nefndarinnar Jóna Arilíus Ingólfsson, forstöðumaður rannsóknarnefndar sjóslysa, segir að skipið Hallgrímur Si-77 hafi verið í góðu ástandi þegar það hélt í sína síðustu ferð til Noregs í síðustu viku.

Sprengjuógn við Hverfisgötu - atburðarásin frá upphafi

Svo virðist sem sprengja hafi sprungið í portinu að Hverfisgötu 4, sem er fyrir aftan Stjórnaráð Íslands, um klukkan hálf átta í morgun. Óstaðfestar fregnir herma að það hafi verið starfsmaður ráðuneytisins sem heyrði sprenginguna.

Vélmennið sprengdi torkennilega hlutinn

Sprengjuleitarvélmennið sem lögregla sendi á vettvang í morgun hefur nú sprengt hinn torkennilega hlut sem fannst við kjallarann að Hverfisgötu 4. Sjónarvottar á staðnum segja síðan að snemma í morgun hafi hvellur heyrst við húsið. Þetta fæst þó ekki staðfest hjá lögreglu.

Leitað að sprengjum í fleiri ráðuneytum

Lögreglan hefur leitað í öðrum ráðuneytum í nágrenni Stjórnarráðsins en samkvæmt upplýsingafulltrúa innanríkisráðuneytisins, Jóhannesi Tómassyni, komu lögreglumenn í ráðuneytið í morgun og skimuðu eftir torkennilegum hlut.