Amnesty hvetur Kínverja til að sleppa samviskuföngum

Amnesty International hvetur kínversk stjórnvöld til að leysa alla samviskufanga í landinu úr haldi, þeirra á meðal baráttumanninn Liu Xiaobo sem fékk friðarverðlaun Nóbels í morgun.

Gleymdu að stimpla sig en vilja samt atvinnuleysisbætur

Tvö mál bíða afgreiðslu úrskurðarnefndar atvinnuleysistrygginga og vinnumarkaðsaðgerða þar sem einstaklingar krefjast þess að fá greiddar atvinnuleysisbætur án þess að hafa staðfest atvinnuleit sína eins og lög gera ráð fyrir.

Nauðungarsala blasir við 240 íbúðareigendum

Jóhanna Sigurðardóttir forsætisráðherra segir að flest bendi til þess að um 230 til 240 íbúðir, þar sem eigandi á lögheimili, fari að óbreyttu á lokasölu í október. Ætlunin er að þessir aðilar fái nú flýtimeðferð hjá Umboðsmanni skuldara og embættið fái afdráttarlausar heimildir til að stöðva nauðungarsölur í slíkum tilfellum. Nú er unnið því að hafa samband við þá 230-240 aðila sem standa í þessum sporum og reynt að leita lausna í samráði við þá.

Skipt um rúður í Alþingishúsinu

Iðnaðarmenn voru í óða önn að skipta um rúður í Alþingishúsinu í morgun. Sjö rúður voru brotnar þar í fyrrinótt og enn fleiri á mánudagskvöldið þegar stefnuræða forsætisráðherra fór fram.

Niðurskurði mótmælt á Blönduósi

Bæjarráð Blönduósbæjar mótmælir harðlega þeim niðurskurði sem gert er ráð fyrir hjá Heilbrigðiststofnun Blönduóss og birtist í fjárlagafrumvarpi 2011. Bæjarráðið segir að stofnunin hafi á undangegnum árum þurft að sæta miklum niðurskurði og nú sé svo komið að vegið er að grunnþjónustu og velferð íbúa í Austur-Húnavatnssýslu.

Ætla að byggja heilsuþorp á Flúðum

Sveitastjórn Hrunamannahrepps hefur kynnt umhverfisráðuneytinu áform um fyrirhugaða byggingu heilsuþorps á Flúðum, samkvæmt yfirlýsingu sem send var fjölmiðlum í morgun.

Fæðingarþjónusta leggst af í Árborg

Bæjarfulltrúar í Árborg mótmæla harðlega þeim niðurskurði sem boðaður er í frumvarpi til fjárlaga fyrir árið 2011 á rekstrarframlögum til Heilbrigðisstofnunar Suðurlands.

Metfjöldi brautskráðra úr framhaldsskóla

Alls brautskráðust 5.689 nemendur af framhaldsskólastigi með 6.404 próf skólaárið 2008-2009. Þetta er fjölgun um 150 nemendur frá fyrra ári, eða 2,7%.

Safna fyrir hjólastólarampi handa fötluðum dreng

Ragnar Emil Hallgrímsson er þriggja ára drengur sem aðeins nokkurra mánaða gamall greindist með alvarlegan hrörnunarsjúkdóm. Vegna veikinda sinna þarf Ragnar Emil að nota öndunarvél og fer ferða sinna í rafmagnshjólastól.

Nær fjögur þúsund mótmæla niðurskurði víða um land

Hátt í fjögur þúsund manns,samtals, mótmæltu niðurskurði í heilbrigðisþjónustunni á borgarafundum á Húsavík, Ísafirði og í Reykjanesbæ í gærkvöldi og mótmælaaðgerðir eru fyrirhugaðar í Vestmannaeyjum í dag.

Enn í haldi eftir líkamsárás í gærkvöldi

Karlmaður á þrítugsaldri er enn í haldi lögreglu, vegna rannsóknar á líkamsárás þrigga manna á ungan mann af erlendum uppruna á mótum laugavegar og Vitastígs í Reykjavík á sjötta tímanum í gærkvöldi.

Sextán ára stúlka velti bil á miklum hraða

Sextán ára stúlka og 19 ára piltur voru flutt á slysadeild Landsspítalans eftir að bíll, sem stúlkan ók, fór út af Vatnsleysustrandarvegi laust fyrir miðnætti, valt þar nokkrar veltur og gjör eyðilagðist.

Framlengja frest á nauðungarsölum um fimm mánuði

Ríkisstjórnin hefur ákveðið að framlengja heimild til frestunar á loka nauðungarsölum á íbúðarhúsnæði um fimm mánuði, eða til mars loka á næsta ári.

Þingmenn lofa að vinda ofan af niðurskurðinum

Eftirlýstir af Interpol fyrir glæpi hérlendis

Fjórir erlendir karlmenn eru eftirlýstir af alþjóðalögreglunni Interpol fyrir alvarleg brot sem þeir hafa framið hér á landi. Hinn fimmti, sem eftirlýstur var til skamms tíma, hefur nú verið handtekinn og situr í fangelsi í Líbanon.

Sjálfseignarkerfið að komast á endastöð

Á síðustu árum og húsnæðisverðiára­tugum hafa langflestar fjölskyldur keypt sitt eigið húsnæði, enda fáir aðrir kostir í boði. Þeir sem hafa þurft eða kosið að fara út á leigumarkaðinn hafa oft á tíðum mátt búa við mikla óvissu. Stjórnvöld telja að breyta þurfi húsnæðiskerfinu og gefa fólki aðra valkosti en eigið húsnæði.

Fjöldi ófeðraðra mynda enn á huldu

„Þeir eru búnir að viðurkenna þessi mistök og málið er úr sögunni af minni hálfu,“ segir Eygló Sigurðardóttir, sem á fjórar ljósmyndir í 35 mynda verki Ólafs Elíassonar.

Bíður tillagna forstöðumanna

„Það eru sívaxandi kröfur um ákveðna tækni og ákveðna færni og kunnáttu í læknis­þjónustu en það er ekki hægt að dreifa þessu um allt land heldur verður að koma henni fyrir á fáum stöðum, til dæmis höfuðborgarsvæðinu og Akureyri,“ segir Guðbjartur Hannesson heilbrigðisráðherra.

Gat ekki fallist á ályktunina

Einar K. Guðfinnsson, þingmaður Sjálfstæðisflokksins, vildi ekki standa að ályktun sameiginlegrar þingmannanefndar Íslands og Evrópusambandsins, sem hélt sinn fyrsta fund á þriðjudag.

Svandís áfrýjar dómi vegna óskýrra laga

Svandís Svavarsdóttir umhverfisráðherra hefur áfrýjað dómi Héraðsdóms Reykjavíkur þar sem synjun hennar á þeim hluta aðalskipulags Flóahrepps er varðar Urriðafossvirkjun var ógilt. Hún segir ástæðuna vera þá að hún vilji skýrari leiðsögn um það hver megi koma að kostnaði við skipulagsgerð.

Mikill vilji hjá skipulagsráði

Mikill vilji er hjá skipulagsráði Reykjavíkur að ganga frá úthlutun lóðar undir mosku og menningarsetur Félags íslenskra múslima. Það segir Páll Hjaltason, formaður skipulagsráðs, í samtali við Fréttablaðið.

Skemmdirnar óafturkræfar

„Ég er ekki viss um að fólk átti sig á því að það er verið að eyðileggja varanlega Alþingshúsið, sem er þjóðargersemi,“ segir Ásta Ragnheiður Jóhannesdóttir, forseti Alþingis.

Vilja rukka netnotendur

Samband tónskálda og eigenda flutningsréttar (STEF) vill sporna við ólöglegu niðurhali á tónlist hér á landi með því að leggja meðal annars gjöld á nettengingar. Gjöldin myndu gefa notendum aðgang að tónlist á netinu með löglegum hætti og fara í sameiginlegan sjóð sem yrði síðan útdeilt til höfundarréttarhafa.

Borgarstjóri: Yndislegur fundur með Yoko Ono

Jón Gnarr, borgarstjóri, segir á færslu í dagbók sinni á samskiptavefnum Facebook að hann hafi átt yndislegan fund með Yoko Ono, ekkju Johns Lennons, eftir borgarráðsfund í dag. Næstkomandi laugardag verða 70 ár liðinn frá fæðingardegi Johns.

Skilur viðbrögð almennings

„Vinnan er rétt að hefjast en sjokkið er komið hjá þeim sem hafa fengið kynningu á því hvernig frumvarpið stendur,“ segir Þuríður Backman, formaður heilbrigðisnefndar Alþingis. Borgarafundir hafa verið haldnir v

Kalla eftir einingu á meðal ráðamanna

„Reyknesingar hafa fengið sig fullsadda af óeiningu ráðamanna, atvinnuleysi, gjaldþrotum, nauðungarsölum, endalausum töfum og aðgerðarleysi. Nú þarf að hafa skýra sýn og taka á málum með festu," segir í ályktun borgarafundar sem haldinn var í Stapa í Reykjanesbæ í kvöld. Fundurinn var haldinn í samvinnu við Samtök atvinnurekenda á Reykjanesi. Hann var þétt setinn, að því er fram kemur á vef Víkurfrétta.

Leiðtogi múslima óttast að öfgaöfl skjóti hér rótum

Fjársterkir útlendingar hafa keypt hús í Reykjavík sem á að vera moska múslíma. Formaður Félags múslíma á Íslandi sver hópinn af sér. Hann hefur tilkynnt mennina til lögreglu og segist óttast að öfgaöfl nái að skjóta hér rótum.

Fjórir handteknir eftir líkamsárás

Karlmaður var fluttur á slysadeild Landspítalans eftir alvarlega líkamsárás á horni Laugavegar og Vitastígar í dag. Fjórir menn voru handteknir eftir árásina og eru enn í haldi lögreglunnar. Ekki liggur fyrir hve alvarlegir áverkar mannsins sem ráðist var á eru.

Sex bíla árekstur við Bústaðaveg

Sex bíla árekstur varð á gatnamótum Bústaðavegar og Flugvallarvegar fyrir stundu. Fjórir voru fluttir á slysadeild úr tveimur bílum en samkvæmt upplýsingum frá slökkviliðinu er ekki um alvarleg meiðsl á fólki að ræða. Umferðartafir gætu orðið við gatnamótin fram á sjöunda tímann í kvöld vegna slyssins.

Gleymdi potti á eldavélinni

Betur fór en á horfðist þegar gleymdist að slökkva á eldavélarhellu í kjallaraíbúð í vesturborginni síðdegis í gær. Þar var ungur maður að sjóða fisk í potti fyrir heimilisköttinn en skrapp frá og gleymdi að slökkva á hellunni.

Grunaður um að lemja konu og hrinda fötluðum manni

Hæstiréttur Íslands staðfesti í dag gæsluvarðhald yfir manni sem er grunaður um að hafa lamið fyrrverandi kærustu sína með hnúajárni og stórslasað hana. Maðurinn skal sæta gæsluvarðhaldi til 1. nóvember.

Dómur þyngdur yfir ofbeldismanni

Hæstiréttur Íslands þyngdi dóm yfir Ólafi Gottskálkssyni í dag en hann hlaut tíu mánaða óskilorðsbundið fangelsi í Héraðsdómi Reykjaness fyrir að ryðjast inn á heimili manns, misþyrma honum og hafa tölvu á brott með sér.

Krefjast þess að niðurskurðurinn verði endurskoðaður

Bæjarstjórn Fljótsdalshéraðs mótmælir harðlega boðuðum niðurskurði til Heilbrigðisstofnunar Austurlands sem fram kemur í nýju fjárlagafrumvarpi. Bæjarstjórnin segir einsýnt að niðurskurðurinn leiði af sér fjöldauppsagnir og stórkostlega skerta þjónustu við íbúa fjórðungsins.

Borgarstjórinn í bleikum jakkafötum

Krabbameinsfélagið hvetur fólk til að klæðast bleiku á morgun til að sýna samstöðu í baráttunni gegn krabbameini hjá konum. Krabbameinsfélagið gaf Jóni Gnarr borgarstjóra bleik jakkaföt í tilefni dagsins en þau voru sérsniðin á hann af Berglindi Magnúsdóttur í Klæðskerahöllinni og hyggst hann skarta þeim á bleika deginum.

Hættir sem aðstoðarmaður Jóns Gnarr

Heiða Kristín Helgadóttir hefur verið ráðin framkvæmdastjóri Besta flokksins. Í tilkynningu frá flokknum segir að jafnframt muni hún gegna stöðu framkvæmdastjóra borgarstjórnarflokks Besta flokksins og varaformennsku í flokknum.

Engar breytingar á rjúpnaveiðinni

Svandís Svavarsdóttir umhverfisráðherra hefur ákveðið að fyrirkomulag rjúpnaveiða í haust verði óbreytt frá fyrra ári. Veiðitímabilið hefst föstudaginn 29. október og stendur til og með sunnudeginum 5. desember. Á tímabilinu verður heimilt að stunda veiðar á föstudögum, laugardögum og sunnudögum og verða veiðidagar því átján talsins.

Borgarráð stofnar menningarsjóð tengdan friðarsúlunni

Borgarráð samþykkti á fundi sínum í morgun að stofna Menningarsjóðinn Imagine Peace - Reykjavík. Sjóðurinn er stofnaður með það að markmiði að styðja við og styrkja menningarstarf sem endurspeglar á einhvern hátt þau gildi sem IMAGINE PEACE Friðarsúlan í Viðey byggir á.

Spyr iðnaðarráðherra um íslensk skúffufyrirtæki

Mörður Árnason, þingmaður Samfylkingarinnar, hefur lagt fram fyrirspurn til iðnaðarráðherra um hvort Byggðastofnun sé í raun að lána fé til svokallaðra skúffufyrirtækja.

Vill fjölga hæstaréttardómurum

Fjölga þarf hæstaréttardómurum að sögn Ögmundar Jónassonar, dómsmálaráðherra.

Verjandi Geirs vill að málið verði fellt niður

Verjandi Geirs Haarde, fyrrverandi formanns Sjálfstæðisflokksins, vill að Alþingi felli niður málshöfðun gegn Geir vegna meintra brota á ráðherraábyrgð. Þetta kemur fram í bréfi Andri Árnason, lögmaður Geirs, sendi forseta Alþingis í fyrradag, samkvæmt heimildum Vísis.

Össur við bændur: Enginn er barinn til ásta

Össur Skarphéðinsson utanríkisráðherra hvetur íslenska bændur til að taka þátt í aðildarviðræðum vegna mögulegrar aðildar Íslands að Evrópusambandi og telur að bændur vanmeti samningsstöðu sína. „Staðreyndin er einfaldlega sú, að samningsstaða íslensks landbúnaðar er betri en þeir telja, sem ekki vilja láta á hana reyna," segir Össur í bréfi til Bændasamtakanna. Að hans mati verða fulltrúar bænda að hafa sjálfstraust til að taka þátt í samningaviðræðunum af fullum þrótti til að tryggja hag þeirra sem best.

Vill ekki kosningar - Ný stjórn sami grautur með öðrum formerkjum

„Við erum ekki hætt,“ segir Ásta Hafberg, ein af þeim sem stóðu að mótmælunum á mánudagskvöldinu en hún segist ekki búast við því að mótmæli verði haldin á þeirra vegum í kvöld.

Listamenn kynna störf sín fyrir Ásbirni

Ásbjörn Óttarsson þingmaður Sjálfstæðisflokksins, situr nú fund með stjórn Bandalags íslenskra listamanna í Iðnó. Í tilkynningu frá félaginu segir að Ásbirni hafi verið boðið á fund með stjórninni þar sem ekki sé vanþörf á að uppfræða þjóðkjörna fulltrúa um störf og stöðu listamanna.

Leggur til að menning og listir verði lagðar niður í sólarhring

Hljómplötuútgefandinn Baldvin Esra Einarsson, sem rekur Kimi Records, er kominn með nóg af árlegri umræðu um sóun fjármuna í listir á Íslandi. Hann hvetur Bandalag íslenskra Listamanna (BÍL) til þess að fara í eins dags allsherjarverkfall til þess að minna á mikilvægi listarinnar.

Ísland í forgrunni í Frankfurt - ekkert skorið niður

Katrín Jakobsdóttir menntamálaráðherra var viðstödd blaðamannafund sem haldinn var í Frankfurt í morgun þar sem helstu viðburðir tengdir Íslandi á Bókasýningunni í Frankfurt á næsta ári, en þar skipar Ísland heiðurssess.