Guðbjartur kominn með lyklavöld í heilbrigðisráðuneytinu

Guðbjartur Hannesson, þingmaður Samfylkingarinnar, tók við lyklavöldum í heilbrigðisráðuneytinu af Álfheiði Ingadóttur forvera sínum klukkan hálffjögur í dag. Ragna Árnadóttir mun svo afhenda Ögmundi Jónassyni lykla af dómsmála- og mannréttindaráðuneytinu klukkan fjögur. Svo verða lyklaskipti í efnahags- og viðskiptaráðuneytinu. Því næst verða lyklaskipti í samgönguráðuneytinu og loks í félags- og tryggingamálaráðuneytinu.

Verkefnastjórn yfir Varnamálastofnun skipuð

Utanríkisráðherra hefur skipað verkefnisstjórn til að fara með stjórn Varnarmálastofnunar og bera ábyrgð á daglegum rekstri hennar frá 1. september til áramóta er stofnunin verður lögð niður.

Nýir ráðherrar taka við - myndir

Ögmundur Jónasson, þingmaður VG, og Guðbjartur Hannesson, þingmaður Samfylkingarinnar, tóku við nýjum ráðuneytum á Bessastöðum í dag eins og oft hefur verið sagt frá.

Kristján Möller: Ákveðið á fundi með Steingrími og Jóhönnu

Kristján Möller, fyrrverandi samgöngu- og sveitastjórnarráðherra, segir að ákvörðun um að veita Flugmálastjórn heimild til að hefja undirbúning á skráningu loftfara fyrir hollenska fyrirtækið ECA Program Limited á Keflavíkurflugvelli hafi verið tekin eftir spjall hans við Jóhönnu Sigurðardóttur, forsætisráðherra, og Steingrím J. Sigfússon, fjármálaráðherra og formann vinstri grænna, eftir ríkisstjórnarfund á þriðjudag.

Notendum dv.is bent á að skanna tölvur sínar vegna vírusa

Heimasíða DV varð fyrir fólskulegri árás síðdegis í gær þegar tölvuþrjótar réðust á vefinn. Þeir virðast hafa nýtt sér veikleika í hugbúnaði á vefþjóni sem notaður var til að birta auglýsingar á vefnum.

Loforð um lýðræðisumbætur ekki verið efnd

Þór Saari, þingmaður Hreyfingarinnar, sagði við umræður á Alþingi í dag að loforð um lýðræðisumbætur sem gefnar hefðu verið í aðdraganda alþingiskosninganna á síðasta ári hefðu verið svikin.

Gagnrýnir fyrirætlanir um skattahækkanir

Ríkisstjórnin áformar enn að ráðast í skattahækkanir í haust, á þeim tíma sem ríki allt í kringum okkur eru að fara í þveröfuga átt, sagði Sigmundur Davíð Gunnlaugsson, formaður Framsóknarflokksins, á Alþingi í dag. Hann sagði að ekki væri horft til þess að búa til aðstæður þar sem verðmætasköpun verði meiri.

Skattbyrði láglaunafólks minnkar

Skattbyrðin hjá fólki með tekjur undir 6 milljónir í árstekjur eða minna var lægri við álagningu fyrir árið 2009 en hún var fyrir árið 2008, sagði Steingrímur J. Sigfússon fjármálaráðherra á Alþingi í dag. Steingrímur sagði að þetta þýddi að ríkisstjórninni hefði tekist áætlunarverk sitt með skattkerfisbreytingum. Að hlífa hinum launalægri.

Fundað um Icesave í Hollandi

Samninganefndir Íslendinga, Breta og Hollendinga hittust í Hollandi í dag til að ræða Icesave-málið. Rósa Björk Brynjólfsdóttir upplýsingafulltrúi fjármálaráðuneytisins segir í samtali við Reuters að til standi að funda í dag og á morgun.

Stefán Pálsson: Ótrúlega ósmekklegur kveðjuhrekkur

„Þetta er gjörsamlega fráleitt. Þetta er ótrúlega ósmekklegur kveðjuhrekkur af hálfu Kristjáns,“ segir Stefán Pálsson, formaður Samtaka hernaðarandstæðinga um ákvörðun Kristjáns l. Möllers, fráfarandi samgöngu- og sveitastjórnarráðherra, að veita flugmálastjóra heimild til að hefja undirbúning á skráningu loftfara fyrir hollenska fyrirtækið ECA Program Limited hér á landi.

Efnahagsbatinn ytri skilyrðum og fyrri ríkisstjórn að þakka

Þau jákvæðu teikn sem eru á lofti í efnahagslífinu eru vegna ytri skilyrða og stefnumörkunar fyrri ríkisstjórnar, sagði Bjarni Benediktsson, formaður Sjálfstæðisflokksins, á Alþingi í dag. Hann benti á að verðbólga væri á undanhaldi vegna þess að jafnvægi væri að komast á gengi krónunnar. Útflutningsaðilar hafi staðið sterkt að undanförnu vegna lágs gengis krónunnar.

Bjartari tímar framundan

Mikill árangur hefur náðst á flestum sviðum samfélagsins. Það er árangur sem bjartsýnustu menn óraði ekki fyrir og hefur vakið athygli erlendis, sagði Jóhanna Sigurðardóttir forsætisráðherra þegar þing tók aftur til starfa í dag að loknu sumarleyfi. Benti hún á að aukinnar bjartsýni gætti, atvinnuleysi hefði minnkað og helstu hagvísar bentu til að bjartari tímar væru framundan

Ráðherrar höfðu enga hugmynd um síðasta embættisverk Kristjáns

Síðasta embættisverk Kristján L. Möllers, sem var að veita flugmálastjóra heimild til að hefja undirbúning á skráningu loftfara fyrir hollenska fyrirtækið ECA Program Limited hér á land, hefur valdið gríðarlegum titringi innan Vinstri grænna.

Gylfi fer aftur að kenna

Gylfi Magnússon, fráfarandi efnahags- og viðskiptaráðherra, gerir ráð fyrir að hann snúi aftur til kennslustarfa hjá Háskóla Íslands nú þegar að hann hefur látið af störfum ráðherra. „Ég á ekki von á öðru en að snúa aftur upp í Háskóla. Ég er í launalausu leyfi þar. Ég er nú reyndar ekki búinn að tala við samstarfsmenn mína þar en það er ekkert annað í kortunum,“ segir Gylfi.

Síðasta verk Kristjáns Möller: Veitti herfyrirtækinu ECA leyfi

Samgöngu- og sveitastjórnarráðherra, Kristján L. Möller, hefur veitt flugmálastjóra heimild til að hefja undirbúning á skráningu loftfara fyrir hollenska fyrirtækið ECA Program Limited hér á landi.

Brýnt að bæta viðbragðsáætlanir vegna eldgosa

Brýn þörf er á að bæta úr viðbragðsáætlunum almannavarna vegna Kötlugosa og annarrar eldgosahættu á Suðurlandi. Þetta er niðurstaða doktorsrannsóknar á vegum Háskóla Íslands og Macquarie háskólans í Ástralíu. Doktorsverkefnið vann Deanne K. Bird en hún flytur fyrirlestur um niðurstöður sínar í Háskólanum á morgun.

Hver er þessi Guðbjartur Hannesson?

Guðbjartur Hannesson, nýr ráðherra velferðarmála á Íslandi, hefur skotist hratt upp á stjörnuhiminn íslenskra stjórnmála. Samfylkingarmenn hafa lengi þekkt Guðbjart sem traustan og vinnusaman baráttumann en hann vakti fyrst athygli landans þegar hann lét til sín taka í Icesave-málinu sem formaður fjárlaganefndar Alþingis. Þá var ljóst að vegsauki hans yrði mikill innan flokksins

Suðurgata verður einstefnugata

Suðurgata verður einstefnugata fyrir akandi umferð til suðurs frá Kirkjugarðsstíg að Skothúsvegi en tvístefnugata fyrir hjólandi umferð. Þetta var samþykkti í umhverfis- og samgönguráði í vikunni samkvæmt tilkynningu á vef Reykjavíkurborgar.

Ríkisráðsfundur á Bessastöðum - 20 mál sett á oddinn

Ríkisráðsfundur hófst á Bessastöðum klukkan hálftólf þar sem ný ráðherraskipan verður kynnt. Ögmundur Jónasson kemur að nýju inn í ríkisstjórn og Guðbjartur Hannesson kemur nýr inn. Þá verður Árni Páll Árnason ráðherra Efnahags- og viðskiptamála og utanþingsráðherrarnir Gylfi Magnússon og Ragna Árnadóttir hverfa á braut.

Nýr efnahagsráðgjafi ráðinn

Forsætisráðherra hefur ráðið Sigurð Snævarr, hagfræðing, í stöðu ráðgjafa á sviði efnahags- og atvinnumála og hefur hann störf í dag. Fimm umsóknir bárust um stöðuna samkvæmt fréttatilkynningu á heimasíðu forsætisráðuneytisins.

Tölvuhakkarar réðust á DV.is

Tölvuhakkarar réðust inn á auglýsingakerfi á vefnum DV.is og hefur hann legið niðri í morgun vegna þessa.

Ögmundur tekur við dóms- og samgöngumálum

Ögmundur Jónasson verður dóms- og samgöngumálaráðherra þegar ný ráðherraskipan tekur gildi. Álfheiður Ingadóttir heilbrigðisráðherra mun hverfa úr ríkisstjórninni en þetta eru einu breytingarnar sem gerðar verða á ráðherraliði VG að því er heimildir fréttastofu herma.

Þingflokksfundi VG lokið - Einhugur innan flokksins

Þingflokksfundi VG er lokið en þar voru tillögur um ráðherraskipti kynntar. Þingmenn vildu ekki tjá sig að fundi loknum en Steingrímur J. Sigfússon, formaður VG og fjármálaráðherra, sagði eftir fundinn að einhugur ríkti innan þingflokksins og að menn væru sáttur við breytingarnar.

Flokksstjórnarfundur: Fjölmiðlum bannaður aðgangur

Fulltrúar á flokksstjórnarfundi Samfylkingarinnar á Hótel Loftleiðum greiddu um það atkvæði hvort fjölmiðlum ætti að vera heimilaður aðgangur að fundinum. Allir fundarmenn, utan einn, voru á þeirri skoðun að banna fjölmiðlum aðgang og því hefur þeim verið vísað úr salnum.

Guðbjartur inn - Kristján út og Árni skiptir um stól

Guðbjartur Hannesson þingmaður Samfylkingarinnar, verður ráðherra í ríkisstjórn Íslands og Kristján L. Möller mun láta af embætti samgöngumálaráðherra. Þetta hefur fréttastofa eftir öruggum heimildum en nú stendur yfir flokksráðsfundur Samfylkingarinnar á Hótel Loftleiðum þar sem Jóhanna Sigurðardóttir formaður flokksins og forsætisráðherra kynnir tillögur að nýrri ráðherraskipan.

Ásmundur Einar: Ögmundur verður ekki þægur ráðherra

„Menn eru komnir í algjört öngstræti með þessa stjórnarandstöðu innanborðs. Nú á að kippa henni inn fyrir borðstokkinn," segir Pétur Blöndal, þingmaður Sjálfstæðisflokksins.„Þegar órólega deildin er tekin inn þá er það væntanlega til þess að hún verði róleg.

Þing kemur saman í dag

Alþingi kemur saman i dag að loknu sumarleyfi. Þingfundur hefst klukkan hálftvö með því að Benedikts Gröndals, fyrrverandi forsætisráðherra og þingmanns, verður minnst, en hann lést í sumar.

Nokkur vafasöm ummæli stjórnmálamanna

Þau vöktu athygli, orð Þórunnar Sveinbjarnardóttur, sem sagði við fréttamann Ríkisútvarpsins í gær að hann skyldi segja frænda sínum að hoppa upp í rassgatið á sér. Þótt mörgum finnist ummælin þess eðlis að vart sé hægt að hafa þau eftir, er þetta síður en svo í fyrsta sinn sem ummæli íslenskra stjórnmálamanna vekja eftirtekt. Vísir rifjaði upp nokkur ummæli sem hefðu ef til vill best verið látin ósögð. Og þó….

Umferðartafir á Glerárgötu vegna malbikunar

Umferðatafir verða á Glerárgötu á Akureyri vegna malbikunar í dag og á morgun.

Hundrað ára afmælis berklahælisins minnst

Berklahælið að Vífilsstöðum verður 100 ára á sunnudaginn, en hælið tók formlega til starfa 5. september árið 1910. Í tilefni tímamótanna verður dagskrá í aðalbyggingu hælisins á laugardaginn kemur, 4. september, með viðburðum fyrir alla fjölskylduna milli klukkan 13 og 16.

Þingflokkarnir funda

Þingflokkar Vinstri grænna og Samfylkingarinnar hittast klukkan níu til að ráða ráðum sínum um breytingar á ríkisstjórninni, og hundrað manna flokksstjórn Samfylkingarinnar hefur verið kölluð til fundar klukkan tíu.

Leiðbeiningar fyrir lögreglu í mansalsmálum birtar

Greiningadeild ríkislögreglustjóra hefur tekið saman upplýsingar og leiðbeiningar um verklag fyrir lögreglu í mansalsmálum. Leiðbeiningarnar eru að stórum hluta byggðar á handbók norsku lögreglunnar um mansal. Þetta var gert í samræmi við aðgerðaáætlun stjórnvalda gegn mansali.

Gíslatökumaður skotinn til bana

Lögregla í Maryland í Bandaríkjunum skaut í gær til bana mann sem hafði ráðist inn á starfsstöð Discovery sjónvarpsstöðvarinnar og tekið þrjá starfsmenn í gíslingu. Hann var vopnaður skammbyssu auk þess sem hann hafði spent á sig nokkrar áldósir sem lögregla óttaðist að væru sprengjur.

Mörg fordæmi fyrir því að dómsmálaráðherra sé ekki löglærður

Ögmundur Jónasson, þingmaður VG, mun, eftir því sem heimildir herma, taka við embætti dóms- og mannréttindamálaráðherra á ríkisráðsfundi sem boðaður hefur verið í hádeginu í dag.

Kveikt í rusli og mikið að gera í sjúkraflutningum

Eldur var kveiktur í rusli uppi á þaki í leikskóla í Grafarvogi um tíu leytið í gærkvöldi, en slökkviliðinu tókst að ráða niðurlögum eldsins áður en hann ylli teljandi tjóni. Þakið er slétt og klætt tjörupappa, þannig að eldhaf hefði orðið, ef ekki hefði verið slökkt í tæka tíð. Talið er að börn eða unglingar hafi verið þarna að verki.

Rafmagnstruflanir víða um land

Eldur kviknaði í raftengibúnaði álversins á Grundartanga í gærkvöldi og truflanir urðu líka í álverinu í Straumsvík og á Reyðarfirði, vegna rafmagnstruflana víða um land á tíunda tímanum í gærkvöld.

Óvíst hvern Jóhanna velur

Óvissa ríkti um það í gærkvöldi hver kæmi nýr inn í ríkisstjórn fyrir hönd Samfylkingarinnar. Ögmundur Jónasson verður nýr ráðherra Vinstri grænna en úr Samfylkingunni eru nöfn Guðbjarts Hannessonar og Oddnýjar G. Harðardóttur helst nefnd.

Breyttur miðbær er á umræðustigi

„Allt er þetta svolítið í höndum Strætós enn þá,“ segir Karl Sigurðsson, borgarfulltrúi Besta flokksins og formaður umhverfis- og samgönguráðs Reykjavíkur. Strætó bs. kynnti í gær hugmyndir sem miða að því að færa skipti- og endastöð vagna frá Hlemmi að BSÍ og breyta akstri um miðborg Reykjavíkur.

Stefnir í aðhaldsaðgerðir

Reykjanesbær freistar þess nú að selja eignir til að geta greitt upp 1,8 milljarða króna lán, og er undir smásjá stjórnvalda vegna fjárhagsvanda. Bæjarstjórinn segir að skýrast muni í september hvert framhaldið verði og hvort bærinn þurfi að ráðast í harkalegar aðhaldsaðgerðir.

Einoka aðgang að ljósleiðara

Upplýsingatækni Míla vinnur gegn markmiðum ríkisins um samkeppni á fjarskiptamarkaði með því að meina Vodafone um aðgang að ljósleiðarahringtengingu um landið. Þetta er mat Vodafone sem fengið hefur afhentan frá utanríkis­ráðuneytinu einn af átta ljósleiðaraþráðum í svokölluðum NATÓ-ljósleiðara sem Varnarmálastofnun hafði áður umráð yfir.

Yfirheyrslur enn í gangi

„Það eru yfirheyrslur í gangi og verða áfram,“ segir Friðrik Smári Björgvinsson, yfirlögregluþjónn á höfuðborgarsvæðinu, spurður um gang rannsóknar á morðinu sem framið var í Hafnarfirði í síðasta mánuði.

Niðurstöður þingmannanefndar fyrirferðarmestar

Tveggja vikna septemberþing verður sett í dag. Það er fyrst og fremst hugsað til að afgreiða mál sem ekki tókst að klára fyrr í ár. Fjölmiðlalög og lagabálkur um útlendinga og flóttamenn meðal þess sem ræða á.

Fjarskiptasjóður er að ljúka verki sínu

Lög um Fjarskiptasjóð gera að verkum að hann getur ekki styrkt verkefni á borð við ljósleiðaratengingu Öræfasveitar. Við jaðar útbreiðslusvæðis Fjarskiptafélags Öræfinga kunna hins vegar að vera staðir sem falla undir styrkhæfar aðgerðir sjóðsins.

Ljósleiðaratenging meiri bylting en hringvegurinn

Formleg opnun ljósleiðaranets fyrir um 50 sveitabæi í Öræfasveit fer fram á morgun, föstudaginn 3. september. „Haldin verður opnunarhátíð í Hólmgarði í Öræfasveit,“ segir Knútur Bruun, stjórnarformaður Fjarskiptafélags Öræfinga. „Bæjarstjórinn á Höfn telur þetta meiri framfarir en opnun hringvegarins. Enda getur maður nú setið í Öræfasveit og átt viðskipti við heiminn allan, auk möguleika í tengslum við fjarkennslu og annað slíkt. Þetta bætir öll búsetuskilyrði og heldur ungu fólki heima í sveitinni.“

Eldhús OR kostar 120 milljónir á ári

Eldhús í húsnæði Orkuveitu Reykjavíkur (OR) kostaði 61 milljón í uppsetningu. Eldhúsið var sett upp árið 2003 og þremur árum síðar var bætt við innréttingum fyrir 9 milljónir til viðbótar. Rekstrarkostnaður eldhússins árið 2009 var 119,7 milljónir króna.