Aukafjárveiting tryggir 135 ungmönnum tímabundin störf

Borgarráð samþykkti fundi sínum í morgun að veita 37,5 milljóna króna aukafjárveitingu til atvinnuskapandi verkefna fyrir 17 til 18 ára ungmenni í borginni í sumar. Auk þess var samþykkt tillaga Vinstri grænna um að veita Topp Starfi í Hinu húsinu 2,5 milljón króna til að skapa fjárhagslegt svigrúm til að ráða ungmenni með fötlun til starfa í sumar.

Lögmannsstofa keypti tónleika Baggalúts

Lögmannsstofa keypti tónleika Baggalúts sem haldnir voru í Nauthólsvík í gær á uppboði í þágu góðs málefnis, en Þórdís Elva Þorvaldsdóttir, rithöfundur, sem safnað hefur fé í baráttunni gegn kynbundnu ofbeldi fékk hljómsveitina í lið með sér.

Fleiri taka enskupróf eftir bankahrunið

Um 260 hafa tekið TOFEL enskupróf það sem af er ári en prófið er skilyrði fyrir inngöngu í margra erlenda skóla. Eftir bankahrunið meira en þrefaldaðist fjöldi þeirra sem tóku prófið.

Lögreglumenn vilja rafbyssur

Ofbeldi gagnvart lögreglumönnum fer vaxandi. Á síðasta ári hlutu 38 lögreglumenn varanlegan skaða vegna ofbeldis sem þeir urðu fyrir við skyldustörf en árinu á undan voru þeir 29. Formaður Landssambands lögreglumanna segir að tryggja verði öryggi lögreglumanna með rafbyssum.

Umboðsmaður krefur LÍN svara

Umboðsmaður Alþingis hefur sent Lánasjóði Íslenskra námsmanna fyrirspurn vegna innheimtuaðgerða sjóðsins. Sjóðurinn stefndi skuldara og ábyrgðarmanni hans, þrátt fyrir að maðurinn hefði fengið úrskurð um heimild til greiðsluaðlögunar.

Viðbótarlífeyrissparnaður skerðir ekki námslán

Í nýjum úthlutunarreglum Lánasjóðs íslenskra námsmanna fyrir skólaárið 2010-2011, sem taka gildi í dag, var sett inn ný regla vegna viðbótarlífeyrissparnaðar og gildir hún líka fyrir skólaárið 2009-2010. Reglan felur í sér að útborgun á viðbótarlífeyrissparnaði kemur ekki til skerðingar á námslánum.

Annar hluti rannsóknarskýrslu um vistheimili frestast

Eins og kunnugt er kannar vistheimilanefnd nú starfsemi vistheimilisins Silungapolls, vist­heimilisins Reykjahlíðar og heimavistarskólans Jaðars og er skýrsla nefndarinnar af því tilefni, áfangaskýrsla nr. 2, á lokastigi.

Umferðarstofa leggur línurnar fyrir eina mestu ferðahelgi sumarsins

Fyrsta helgi í júlí hefur um langt árabil verið ein mesta ferðahelgi sumarsins. Líklegt er að svo verði einnig í ár. Víða eru haldnar bæjarhátíðir sem draga að sér fjölda fólks auk þess sem fólk er að fara í sumarfrí sem hefur ferðalög í för með sér.

Bygging nýs fangelsis boðin út

Bygging nýs gæsluvarðhalds- og skammtímavistunarfangelsis verður boðin út fyrir lok september næstkomandi. Þá hefur dómsmála- og mannréttindaráðherra skipað nefnd sem ætlað er að gera tillögur að langtímaáætlun á sviði fullnustumála. Þetta kemur fram í tilkynningu frá ráðuneytinu.

Landspítalinn: Hulda ætlar ekki að snúa aftur

Hulda Gunnlaugsdóttir forstjóri Landspítalans, sem er í ársleyfi frá störfum sínum fram í október á þessu ári, ætlar ekki að snúa aftur á spítalann og hefur sagt upp. Þetta kemur fram á heimasíðu Landspítalans en þar sendir Hulda starfsfólki spítalans kveðju í tilefni af starfslokunum. Hulda var ráðin forstjóri spítalans um miðjan október 2008 en fór svo í ársleyfi í september 2009.

Talsmaður neytenda vill lögbann á gengislán

Talsmaður neytenda, Gísli Tryggvason, hefur óskað eftir heimild til þess að grípa til lögbanns til varnar neytendum. Gísli hefur þegar óskað eftir heimildinni hjá dómsmála- og mannréttindaráðherra.

Kortleggur aðstæður fátækra Reykvíkinga

Velferðarráð Reykjavíkur hefur samþykkt tillögu meirihlutaflokkanna um að kortleggja fjölda og aðstæður þeirra Reykvíkinga sem búa við fátækt. Hlutverk hópsins, sem verður undir formennsku séra Bjarna Karlssonar, er jafnframt að koma með tillögur um það hvernig borgin og aðrar velferðarstofnanir samfélagsins geta betur stutt þá íbúa Reykjavíkur sem búa við fátækt.

Vara við hvassviðri undir Eyjafjöllum

Mjög hvasst er nú undir Eyjafjöllum og ösku- eða sandfok á Skógasandi og Sólheimasandi, þrátt fyrir rigningu.

Samstarfssamningur gerður við Heimili og skóla

Mennta- og menningarmálaráðherra, Katrín Jakobsdóttir og formaður Heimilis og skóla, Sjöfn Þórðardóttir undirrituðu samstarfssamning í gær, þriðjudaginn 29. júní, vegna stuðnings samtakanna við foreldra skólabarna.

Sjálfstæðisflokkurinn bætir við sig

Sjálfstæðisflokkurinn er í sókn, samkvæmt nýrri skoðanakönnun, sem Miðlun gerði fyrir Morgunblaðið. Hann fengi 34,6 prósent atkvæða ef kosið yrði nú, sem er ellefu prósentustiga aukning frá kjörfylgi úr síðustu kosningum, og væri stærsti flokkurinn á Alþingi. Vinstri grænir halda nokkurn veginn kjörfylgi sínu og mælast með 21,5 prósenta fylgi.

Herjólfur óskemmdur

Vélarbilun varð í Vestmannaeyjaferjunni Herjólfi þegar skipið var að fara frá bryggju í Eyjum síðdegis í gær, og rak það stjórnlaust um stund.

Sýslumaður Hafnarfjarðar verður sýslumaður Reykjavíkur

Ragna Árnadóttir dómsmála- og mannréttindaráðherra hefur ákveðið að gera breytingar á skipan sýslumannsembætta m.a. með hliðsjón af nýsamþykktum breytingum á lögum um framkvæmdarvald ríkisins í héraði.

Fimmtíu milljarðar færast á neytendur

Eftirlitsstofnanir telja ófært að miða við samningsvexti þegar myntkörfulán verða endurreiknuð og mælast til að Seðlabankavextir verði viðmiðið. Samtök neytenda fordæma tilmælin og segja þau á skjön við lög um neytendavernd.

Sigraðist á sorginni í skóm látinnar móður

Guðrún Guðmundsdóttir heiðraði minningu látinnar móður sinnar með því að ganga í skóm hennar frá Reykjanestá að Fonti. Faðir Guðrúnar lést daginn fyrir upphaf eins áfangans. Fyrir hvatningu ferðafélaganna hélt hún þó sínu striki.

Fréttaskýring: Kostar 190 milljónir ef ráðherrar víkja

Verði tillaga flokksstjórnar Samfylkingarinnar samþykkt og ráðherrar víkja af þingi kostar það 190 milljónir króna árlega. Kostnaður minnkar ef ráðherrum fækkar. Þá þarf að gjörbreyta þingsalnum því þröngt er um þingmenn núna.

Nemendur koma vanbúnir í háskóla

Brottfall nemenda úr Háskóla Íslands (HÍ) er óviðunandi, segir Kristín Ingólfsdóttir, rektor skólans. Hún segir að svo virðist sem ein af ástæðunum fyrir brottfallinu sé að nemendur komi ekki nægilega vel undirbúnir úr framhaldsskólum.Hún segir ástæðu til að skoða námsframboð í skólunum.

Vladimir Ashkenazy: Skynsamleg ákvörðun

Þýska tímaritið Zeita birti viðtal við Vladimir Ashkenazy á þriðjudag, þar sem hann var spurður út í tónlistarhúsið Hörpu.

Walesverjar rannsaka gjósku

Rannsóknir á ösku frá Eyjafjallajökli eru nú stundaðar í Snowdon þjóðgarðinum í Wales sem dregur nafn sitt af hæsta fjalli landsins. Vísindamenn safna þar gras- og regnvatnssýnum í þeim tilgangi að meta umhverfisáhrif öskufallsins á svæðinu.

Búnaður sem nýtist öllum æskilegastur

Dómsmálaráðherra segir að huga þurfi að nauðsynlegum aðgerðum til að bæta öryggi lögreglumanna:

Glitnir kyrrsetur lúxusbíla Jóns Ásgeirs

Glitnir fékk fyrir sex vikum kyrrsetningu á eignir Jóns Ásgeirs Jóhannessonar hér á landi. Krafa Glitnis á hendur Jóni Ásgeiri er sex milljarðar króna en umræddar eignir eru metnar á samtals 197 milljónir króna.

Þingmenn Hreyfingarinnar fordæma Seðlabanka Íslands

Þingmenn Hreyfingarinnar, þau Margrét Tryggvadóttur, Birgitta Jónsdóttur og Þór Saari, fordæma viðbrögð Seðlabanka, Fjármálaeftirlitsins og ríkisstjórnarinnar við dómi Hæstaréttar um gengistryggð lán; helstu lögspekingar landsins hafi sagt niðurstöðu Hæstaréttar skýra og gengistryggingin sé ólögleg og upphaflegir samningsvextir hljóti að standa.

Breytingar innanfrá betri en kynjakvóti

Sjálfstæðisflokkurinn samþykkti jafnréttisstefnu á landsfundi sínum um helgina. Hart var tekist á um stefnuna á fundinum og tók hún ýmsum breytingum.