Jóhanna: Algjörlega óskiljanleg ákvörðun hjá SA

Forsætisráðherra ætlar að hitta forystu Samtaka atvinnulífsins (SA) klukkan eitt í dag. Þetta kom fram eftir ríkisstjórnarfund í morgun. Þar lýsti Jóhanna yfir vonbrigðum með þá ákvörðun SA að segja upp stöðugleikasáttmálanum vegna skötuselsmálsins.

Vilja banna auglýsingar á óáfengum samheitadrykkjum

Bannað verður að auglýsa óáfenga drykki sem bera sama nafn og áfengir drykkir samkvæmt frumvarpi sem nú hefur lagt fram á Alþingi. Flutningsmenn eru Ögmundur Jónasson og Þuríður Backman.

Jónmundur: Upphæðin gæti verið hærri

Samtals nema þeir styrkir til Sjálfstæðisflokksins þar sem nöfn styrkveitanda eru hulin leynd samtals 136 milljónum króna, en flokkurinn birti á heimasíðu sinni í gær yfirlit yfir beina styrki til flokksins frá fyrirtækjum og einstaklingum árin 2002-2006.

Dæmdur fyrir að stela rotþró og falsa kvittun

Tæplega fertugur karlmaður frá Selfossi var dæmdur í morgun í Héraðsdómi Suðurlands fyrir að stela rotþró frá sumarbústaði í Grímsnesi og falsa kvittun úr Byko.

Samtök atvinnulífsins boða til blaðamannafundar

Samtök atvinnulífsins boða til blaðamannafundar kl. 14 í dag á skrifstofu SA - Borgartúni 35 - 5. hæð í Húsi atvinnulífsins.

Vilja hleypa ferðamönnum að gosinu

„Það gengur vel, núna erum við að skoða aðgengi ferðmanna að svæðinu og hvernig má gera það betra,“ segir Víðir Reynisson, deildarstjóri almannavarna, en stefnt er að því að hleypa ferðamönnum nálægt gosinu til þess að skoða það. Ef öryggið verður tryggt þá er það mögulegt að sögn Víðis.

Sjúkraliðar mótmæla óþolandi vinnuálagi

Fjölmennur fundur sjúkraliða á Landspítala sem haldinn var í BSRB húsinu í gær mótmælti harðlega óþolandi vinnuálagi og undirmönnun á öllum deildum Landspítala háskólasjúkrahúss. Þetta kom fram í ályktun sem samþykkt var á fundinum. Þar segir ennfremur að álagið valdi starfsmönnum óbætanlegu heilsuleysi, kvíða og vaxandi óöryggi í starfi. Forstjóri LSH og landlæknir sátu fundinn.

Bruninn í Batteríinu - myndir

Ljósmyndari Fréttablaðsins Vilhelm Gunnarsson var á vettvangi í Hafnarstrætinu í morgun þegar slökkviliðsmenn börðust við eldsvoða á skemmtistaðnum Batterínu. Húsið er stórskemmt og sennilegast ónýtt eins og sjá má á meðfylgjandi myndum.

Tólf stútar teknir úr umferð

Tólf ökumenn voru teknir úr umferð á höfuðborgarsvæðinu um helgina fyrir að aka undir áhrifum áfengis eða fíkniefna.

Aftakaveður í nótt - 50 metrar á sekúndu

Aftakaveður var í Mýrdal í gærkvöldi og fram á nótt. Þakplötur fuku af húsum á þremur bæjum og var björgunarsveitin Víkverji kölluð út til aðstoðar við mjög erfiðar aðstæður.

Lítið sást af gosinu í nótt

Gosóróinn undir Fimmvörðuhálsi er hættur að aukast nema hvað af og til bætir aðeins í hann, en svo hjaðnar hann aftur. Einhverjar gufusprengingar urðu í gærkvöldi, líkt og í gærmorgun, og fór strókurinn þá upp í nokkurra kílómetra hæð.

Eldsvoði í miðbænum: Batteríið brann

Eldur kom upp í gömlu húsi í miðborg Reykjavíkur sem hýsir meðal annars skemmtistaðinn Batteríið í Hafnarstræti. Allt tiltækt lið slökkviliðsins var kallað á vettvang og er húsið mikið skemmt. Reykkafarar fóru inn í húsið og reyndist það mannlaust. Slökkviliðinu tókst að koma í veg fyrir að eldurinn læsti sig í nærliggjandi hús en mörg sögufræg hús eru á svæðinu á borð við Gauk á Stöng, Kaffi Reykjavík og Fálkahúsið.

Minnihluti vill slaka á umhverfiskröfum

Meirihluti þeirra sem afstöðu tóku í skoðanakönnun Fréttablaðsins er andsnúinn því að slaka á kröfum um umhverfisvernd til að greiða fyrir nýjum stóriðjuframkvæmdum.

Katla er ekki vöknuð þrátt fyrir lætin

Hraunrennsli jókst í eldgosinu í Eyjafjallajökli í gær og er skjálftavirkni meiri undir kvöld en áður. Gossprungan er um fimm hundruð metrar að lengd og hefur ekki stækkað. Upp úr henni standa nokkrir tæplega tvö hundruð metra háir gosstrókar. „Þótt þetta sé ekki stórgos þá hefur það færst í aukana og órói vaxið. Meira berst af kviku undan yfirborðinu,“ segir Magnús Tumi Guðmundsson, prófessor í jarðeðlisfræði við Háskóla Íslands.

Þótti millifærslur Hauks ólógískar

Báðir fyrrverandi bankastjórar Landsbankans báru vitni fyrir dóminum í gær. Halldór J. Kristjánsson gaf símaskýrslu frá Edmonton í Kanada og Sigurjón Þ. Árnason mætti á staðinn.

Sagði Elínu ekkert þrátt fyrir tvo fundi

Haukur Þór Haraldsson, fyrrverandi framkvæmdastjóri rekstrarsviðs Landsbankans, sem ákærður er fyrir fjárdrátt, segir ákæruna algjörlega tilefnislausa. Þetta kom fram við aðalmeðferð í málinu í gær.

Skar mann á háls með brotinni bjórkrús

Rúmlega tvítugur karlmaður hefur verið úrskurðaður í gæsluvarðhald til næstkomandi föstudags eftir að hann skar annan mann á háls með brotinni bjórkrús um helgina.

Hvorki vopn né hermenn fylgja starfseminni

Bjarni Benediktsson, formaður Sjálfstæðisflokksins, segir fulla ástæðu til að taka hugmyndum hollenska fyrirtækisins E.C.A. Program með jákvæðu hugarfari. E.C.A. er einkarekið hernaðar­fyrirtæki sem vill koma upp einkareknum flota vopnlausra orrustuþotna á Keflavíkurflugvelli.

Handtekur fólk ef það neitar að fara

Afar mikilvægt er að fólk hlýði fyrirmælum lögreglu um að yfirgefa hættusvæði, segir Sveinn K. Rúnarsson, yfirlögregluþjónn á Hvolsvelli. Komi til þess að bjarga þurfi fólki sem tekur óþarfa áhættu, hefur fólkið ekki bara sett sig og sína í hættu, heldur björgunarmennina líka. Lögreglan á Hvolsvelli handtekur fólk sem ekki hlýðir þessum fyrirmælum, enda eru mannslíf í húfi. Gossvæði flokkist vitanlega undir hættusvæði.

Dagsektir vegna hættu af brunahúsi

Borgarráð hefur samþykkt að gefa eiganda Baldursgötu 32 þrjátíu daga lokafrest til að fjarlægja húsið sem skemmdist í eldi á fyrri hluta árs 2008.

Bretar fylgjast grannt með gosinu í Eyjafjallajökli

Röskun varð ekki á farþegaflugi af völdum gossins í Eyjafjallajökli í gær ef frá eru taldar tafir í skamman tíma á millilandaflugi um morguninn. Aðeins er heimilt að fljúga í átta þúsund feta hæð yfir gossvæðinu og innan ákveðinna marka.

Gætu opnað kaffi-hús fyrir ferðamenn

Mikill straumur ferðamanna hefur verið inn Fljótshlíðina eftir að fréttir bárust af gosinu. Svo mikill að heimilisfólki á bæjunum er hætt að standa á sama.

Tækin í TF-SIF

TF-SIF, flugvél Landhelgisgæslunnar, hefur nýst jarðeðlisfræðingum sem öðrum vel við rannsóknir á gossvæðinu á Eyjafjallajökli.

Allir í viðbragðsstöðu

„Það eru allir í viðbragðsstöðu,“ sagði Agnar Már Agnarsson, bóndi í Hallgeirseyjarhjáleigu í Austur-Landeyjum, þegar Fréttablaðið spurði hann um búfjárhald nærri gosstöðvunum.

Einkenni flúoreitrunar í dýrum

Hætta á flúoreitrun er meiri af gosum úr Eyjafjallajökli en Kötlu. Í jöklinum er berg svipað og á Heklusvæðinu, sem er með þrefalt magn af flúor. Svo segir Sigurður Sigurðarson dýralæknir í samantekt um áhrif eldgosa á dýr. Hér á eftir fara fróðleikspunktar úr samantektinni.

Endurskapa vinnumarkað

Stefnt er að sameiningu Vinnueftirlits ríkisins og Vinnumálastofnunar undir merkjum Vinnumarkaðsstofnunar um áramót. Árni Páll Árnason, félags- og tryggingamálaráðherra, kynnti áformin í gærmorgun.

Bjarni Harðar í 2. sæti hjá VG í Árborg

Bjarni Harðarson, fyrrverandi þingmaður, skipar annað sætið á framboðslista Vinstri grænna í Árborg vegna bæjarstjórnarkosninganna í maí. Bjarni var kjörinn á þing fyrir Framsóknarflokkinn í kosningunum 2007 en hann sagði af sér þingmennsku haustið 2008 í kjölfar þess að tölvupóstur þar sem hann hjólaði í Valgerði Sverrisdóttur fór óvart á fjölmiðla. Í aðdraganda þingkosninganna 2009 stofnaði Bjarni nýtt framboð L-lista fullveldissina sem dró síðar framboð sitt til baka.

Hittir Benedikt páfa í vikunni

Pétur Bürcher Reykjavíkurbiskup hittir Benedikt páfa í Vatíkaninu í Róm síðar vikunni. Pétur mun eiga með honum fund þar sem gefur páfa skýrslu um starf kaþólsku kirkjunnar hér á landi. Slíkir fundir eru haldnir að jafnaði á fimm ára fresti, að sögn séra Patreks Breen. Sjö ár eru þó síðan að biskup kaþólikka hér landi hitti páfa. Vegna heilsuleysis Jóhannesar páfa þurfti að fresta fundi á sínum tíma.

„Ég elska þessa konu“

Jónína Benediktsdóttir og Gunnar Þorsteinsson, eða Gunnar í Krossinum eins og hann er oftast kallaður, giftu sig í gær í viðurvist barna sinna. Rætt var við hin nýbökuðu hjón í Íslandi í dag.

Lögreglumenn í Reykjavík krefjast breytinga

Á fjölmennum félagsfundi Lögreglufélags Reykjavíkur í kvöld var samþykkt ályktun vegna breytinga á vinnutíma og á rekstri lögreglustöðva á höfuðborgarsvæðinu.

Vilhjálmur: Stöðugleikasáttmálinn ekki í gildi

„Þetta hefur allt saman verið gert undir merkjum stöðugleikasáttmálans og nú þegar búið er að afgreiða málið með þessum hætti þá lítum við svo á að ríkisstjórnin sé að vísa okkur úr stöðugleikasáttmálanum,“ sagði Vilhjálmur Egilsson, framkvæmdastjóri Samtaka atvinnulífsins, í seinnifréttum Ríkissjónvarpsins. Sáttmálinn er að hans sögn brostinn eftir að Alþingi samþykkti í dag frumvarp um stjórn fiskveiða. Það heimilar sjávarútvegsráðherra að auka skötuselskvóta.

Þýðing Lissabonsáttmálans hefst innan skamms

Áætlanir utanríkisráðuneytisins gera ráð fyrir að þýðing stofnsáttmála Evrópusambandsins og Lissabonsáttmálans hefjist á næstu vikum og verði lokið síðar á árinu. Þetta kemur fram í svari Össurar Skarphéðinssonar, utanríkisráðherra, við fyrirspurn Vigdísar Hauksdóttur, þingmanns Framsóknarflokksins.

Gosið á Fimmvörðuhálsi í dag - myndskeið

Þrátt fyrir að vera lítið á mælikvarða íslenska hálendisins er hraungosið á Fimmvörðuhálsi mikið sjónarspil. Sigríður Mogensen, fréttamaður Stöðvar 2, og myndatökumaðurinn Egill Aðalsteinsson flugu yfir svæðið eftir hádegi í dag.

Túlkunaratriði hvort rannsóknarnefndin hafi brotið lög

Skýrslu rannsóknarnefndar Alþingis um aðdraganda og orsakir bankahrunsins hefur verið frestað enn einu sinni og verður hún birt hinn 12. apríl næstkomandi. Rannsóknarnefnd Alþingis hefur þegar brotið lög um sjálfa sig með því fresta birtingu skýrslunnar, en forseti Alþingis segir það túlkunaratriði.

Brýnt að eyða óvissu um framtíð sjávarútvegsins

Sjávarútvegur gegnir lykilhlutverki í íslensku atvinnulífi og þá sérstaklega á Vestfjörðum þar sem um helmingur tekna atvinnulífsins kemur frá sjávarútvegi, að mati atvinnumálanefndar Vesturbyggðar.

Krafturinn fer vaxandi

Gosið á Fimmvörðuhálsi hefur færst í aukana í dag. Hraunbreiðan á hálsinum hefur tvöfaldast frá því í gær. Þetta segir Magnús Tumi Guðmundsson, jarðeðlisfræðingur. Hann á von á því að gosið haldi áfram næstu daga.

Íbúar fá að snúa heim - rýmingu aflétt

Kjartan Þorkelsson, sýslumaður á Hvolsvelli, segir að rýmingu hafi verið aflétt og að íbúar sem þurftu að yfirgefa hús sín eftir að eldgos hófst á Fimmvörðuhálsi fái að snúa heim. Þetta var á ákveðið á fundi almannavarnarnefndar í dag. Eigendur sumarhúsa á svæðinu eru beðnir um að vera ekki í húsunum. „Við munum hins vegar auka löggæslueftirlit þannig að við verðum fljótir að bregðast við eitthvað kemur upp á.“

Kristján Möller: Höfum ekki efni á átökum á vinnumarkaði

Alþingi samþykkti í dag lögbann við verkfalli flugvirkja Icelandair. Millilandaflug Icelandair hefur legið niðri í allan dag vegna verkfallsins en áætlunarflug hófst að nýju nú skömmu fyrir fréttir. Samgönguráðherra segir að þjóðarbúið hafi ekki efni á átökum á vinnumarkaði.

Varað við óveðri á Suðurlandi

Vegagerðin varar við óveðri á Suðurlandi frá Vík í Mýrdal og vestur undir Markarfljót. Einnig er varað við óveðri á Vestfjörðum á Hálfdáni, Steingrímsfjarðarheiði og Þröskuldum - og á Suðausturlandi er óveður við Sandfell í Öræfum.

Bílum stolið á höfuðborgarsvæðinu

Tveimur bílum var stolið á höfuðborgarsvæðinu um helgina. Annar var tekinn í Kópavogi þar sem hann var skilinn eftir ólæstur og með bíllykilinn í kveikjulásnum. Hinn var tekinn í Reykjavík en báðir bílarnir eru nú komnir í leitirnar.

Karl á fimmtugsaldri skorinn í hálsinn

Átta líkamsárásir voru tilkynntar til lögreglunnar um helgina og voru þær flestar minniháttar. Sú alvarlegasta átti sér stað í heimahúsi í austurborginni á laugardagsmorgun en þar var maður stunginn og/eða skorinn í hálsinn, að fram kemur í tilkynningu frá lögreglunni.

Alþingi samþykkti lög á verkfall flugvirkja - Atli sat hjá

Alþingi samþykkti klukkan fimm í dag lög sem stöðva verkfall flugvirkja sem starfa hjá Icelandair og hófst í morgun. Frumvarp samgönguráðherra var samþykkt með 38 atkvæðum gegn tveimur. Atli Gíslason, þingmaður VG, sat hjá.

Landsbankinn styrkti mest - 150 lögaðilar nafnlausir

Landsbankinn styrkti Sjálfstæðisflokkinn um 44 milljónir króna á tímabilinu 2002 til 2006 samkvæmt yfirliti sem flokkurinn hefur gert opinbert á heimasíðu sinni.

Flugumferðarstjórar líkja þingmönnum við rakka

Félag íslenskra flugumferðarstjóra fordæmir inngrip ríkisstjórnar og Alþingis í kjaradeilu flugvirkja. Í yfirlýsingu frá þeim segir að ríkisstjórnin sýni einbeittan og ítrekaðan brotavilja þegar kemur að stjórnarskrárbundnum réttindum launþega í kjarabaráttu og alþingismenn koma hlaupandi eins og rakkar þegar kallið kemur til að stimpla gjörninginn.

Þinghlé framlengt vegna lögbanns á verkfall flugvirkja

Fundur er ekki hafinn á Alþingi en til stóð að greiða atkvæði upp úr klukkan hálf fjögur í dag um lögbann á verkfallsaðgerðir flugvirkja. Fundinum var frestað til fimmtán mínútur í fjögur en frumvarpið er nú rætt innan samgöngumálanefndar á Alþingi.