Þinghlé framlengt vegna lögbanns á verkfall flugvirkja

Fundur er ekki hafinn á Alþingi en til stóð að greiða atkvæði upp úr klukkan hálf fjögur í dag um lögbann á verkfallsaðgerðir flugvirkja. Fundinum var frestað til fimmtán mínútur í fjögur en frumvarpið er nú rætt innan samgöngumálanefndar á Alþingi.

Icelandair vonaðist til þess að geta hafið flug klukkan fjögur í dag en líklegt þykir að það tefjist þar til Alþingi hefur afgreitt frumvarpið. Hreyfingin leggst gegn frumvarpinu en Þorgerður Katrín Gunnarsdóttir, varaformaður Sjálfstæðisflokksins, sagði að flokkurinn myndi ekki standa í vegi fyrir því að ríkisstjórnin samþykkti frumvarpið.