Vonast enn eftir samkomulagi

Ríkisstjórnin vonast enn til þess að hægt verði að landa nýju Icesave samkomulagi fyrir þjóðaratkvæðagreiðslu sem fara á fram eftir átta daga. Samninganefnd Íslands fundaði með Bretum og Hollendingum í gær án árangurs. Nefndin kemur til landsins í dag.

Hringbrautarbrýr fengu Steinsteypuverðlaunin 2010

Göngubrýrnar yfir Hringbraut í Reykjavík fengu Steinsteypuverðlaunin 2010 fyrir að vera bæði frumlegt og vandað mannvirki. Þetta var tilkynnt á ársfundi Steinsteypufélagsins í liðinni viku. Brýnar eru því mannvirki ársins gert úr steinsteypu. Verðlaunin voru veitt verkkaupa, hönnuði og framkvæmdaaðila sem var Reykjavíkurborg.

Búið að opna veginn um Hafnarfjall

Búið er opna veginn undir Hafnarfjalli en þar er hálka og skafrenningur. Að sögn Vegagerðarinnar er einnig búið að opna Siglufjarðarveg og veginn um Reynisfjall.

Einar K. óskar eftir fundi í sjávarútvegsnefnd

Ísland mun þurfa að fella sig við æðsta vald Evrópusambandsins í sjávarútvegsmálum. Íslensk llög, sem takmarka fjárfestingar í sjávarútvegiog aðgang erlendra skipa að íslenskri lögsögu og þjónustu í höfnum, stangast á við lögsögu Evrópusambandsins, segir meðal annars í greiningarskýrslu framkvæmdastjórnar Evrópusambandsins. Þar er gerð grein fyrir þeim kröfum, sem Íslendingar verða að uppfylla , sem umsóknarríki að aðild að sambandinu.

Blindbylur undir Hafnarfjalli

Lögregla og Björgunarsveitamenn hafa þurft að aðstoða marga ökumenn í vandræðum undir Hafnarfjalli og norðan Borgarness en þar hefur verið stórhríð. Vegfarandi sem hafði samband segir að þar sé nú blindbylur og að ekki sjáist á milli stika. Hann segir alls ekkert ferðaveður vera á þessum slóðum og að um fimmtíu bílar séu fastir á veginum. Vegurinn undir fjallinu er nú lokaður.

Margir veðurtepptir í Borgarnesi í nótt

Fjöldi manns, þeirra á meðal hátt í hundrað unglingar úr Víðistaðaskóla í Hafnarfirði á leið í skíðaferðalag, þurftu að gista í Borgarnesi í nótt vegna illviðris, sem geysaði á Vesturlandi í gærkvöldi.

Stofnanir brjóta lög um opinber innkaup

Ekki er að finna agaviðurlög í lögum um opinber innkaup. Ríkisendurskoðun leggur til leiðir til úrbóta eftir könnun sem leitt hefur í ljós misbrest í vinnulagi. Könnunin nær til hluta stofnana ríkisins. Til greina kemur að kanna hinar síðar.

Flutt af Kleppi eftir áratugi

Deild 14 á Kleppi verður lokað á vordögum. Deildin er sérhæfð meðferðar- og endurhæfingargeðdeild fyrir fólk með langvinna geðsjúkdóma og alvarlega atferlistruflun. Tólf dvelja á deildinni og hafa sumir verið þar um áratuga bil.

Fær fingurkossa fyrir ljós á göngugrindinni

„Ég veit ekki hvað ég hef fengið mörg vink og marga fingurkossa frá kvenfólkinu sem keyrir bílana eftir að ég setti ljósin á göngugrindina,“ segir Helgi Pálmarsson, 76 ára göngugarpur í Reykjavík.

Fimm stúlkur tældar á Netinu

Lögreglan á höfuðborgarsvæðinu rannsakar nú mál fimmtu stúlkunnar sem karlmaður er grunaður um að hafa tælt í gegnum Facebook. Hún var þrettán ára þegar meint kynferðisbrot mannsins gegn henni átti sér stað.

Hugsanlegt að einhverjir fundir verði í Reykjavík

Ekki er útilokað að einhverjir fundir í væntanlegum viðræðum um aðild Íslands að Evrópusambandinu fari fram í Reykjavík. Venjan er að samningafundir um aðild ríkja fari fram í Brussel þar sem framkvæmdastjórnin hefur greiðan aðgang að stoðdeildum sínum.

Borga ekki vatnsveitu nema fá virkjun á aðalskipulagið

Samningar Flóahrepps um að fá vatn frá Árborg eru á lokastigi. Samið hefur verið við Landsvirkjun um að fyrirtækið greiði kostnað við aðveituna, en samkvæmt samningnum fæst ekkert greitt fyrr en virkjanir í neðri hluta Þjórsár eru komnar á staðfest aðalskipulag.

Níu þúsund miðar seldust

Vill frið um orkugeirann

Orkugeirinn er mikilvægari en svo að hann megi vera átakavettvangur áfram næstu árin, nóg er samt komið, sagði Katrín Júlíusdóttir iðnaðarráðherra á opnum fundi um orkustefnu fyrir Ísland sem haldinn var í náttúrufræðihúsi Háskóla Íslands í gær.

Ölvisholt kærir synjun ÁTVR

Brugghúsið Ölvisholt lagði á mánudaginn fram stjórnsýslukæru til fjármálaráðherra vegna þeirrar ákvörðunar Áfengis- og tóbaksverslunar ríkisins að hafna því að taka bjórinn Heilagan papa í sölu. Synjun ÁTVR byggðist á því að nafn og flöskumiði bjórsins, sem sýnir papa halda á krossi í greipum sér, væru til þess fallin að brjóta í bága við almennt velsæmi með skírskotun til trúarbragða.

Óvissan er óþolandi

Stjórnvöld þurfa þegar að móta verklag sem styðjast má við vegna gengistryggðra bílalána að mati Runólfs Ólafssonar, framkvæmdastjóra Félags íslenskra bifreiðaeigenda, FÍB. „Það er ekki hægt að bíða eftir dómi Hæstaréttar sem er ekki að vænta fyrr en eftir hálft ár eða jafnvel enn síðar,“ segir hann.

Icesave-nefndin tómhent heim

Fundi samninganefndar Íslands og fulltrúa Hollendinga og Breta í London í gær lauk án niðurstöðu. Bretar og Hollendingar segjast ekki geta teygt sig lengra til móts við Íslendinga en með tilboði sínu frá því í síðustu viku.

Fagna snjónum í Bláfjöllum

Færð var þung víða um land í gær, en verst var ástandið undir Hafnarfjalli og í Borgarfirði. Undir Hafnarfjalli lentu bílar í alvarlegum vandræðum í gærkvöld, enda var skyggni þar nánast ekkert.

Ísland lúti valdi ESB í sjávarútvegi

Íslendingar þurfa að fella sig við æðsta vald Evrópusambandsins í sjávarútvegsmálum. Íslensk lög, sem takmarka fjárfestingar í sjávarútvegi og aðgang erlendra skipa að íslenskri lögsögu og þjónustu í höfnum, stangast á við lögsögu ESB.

Fjölmargir veðurtepptir í Borgarnesi

Mjög slæmt veður er undir Hafnarfjalli og ekkert ferðaveður, að sögn varðstjóra lögreglunnar í Borgarnesi. Liðsmenn björgunarsveitarinnar Brákar frá bæjarfélaginu hafa aðstoðað ökumenn undir Hafnarfjalli í allan dag en þar hafa fjölmargir lent í erfiðleikum.

Valdimar Leó færður niður

Valdimar Leó Friðriksson, fyrrverandi þingmaður, sem hafnaði í öðru sæti í prófkjöri Samfylkingarinnar í Mosfellsbæ var færður niður í þriðja sæti framboðslista flokksins sem samþykktur var á félagsfundi í kvöld.

Sendinefndin gekk af fundinum í London

Íslenska sendinefndin gekk af fundi með Bretum og Hollendingum í London í dag. Þetta er haft eftir ónafngreindum starfsmanni breska fjármálaráðuneytisins á fréttavef Bloomberg í kvöld. Jafnframt er haft eftir honum að bresk og hollensk stjórnvöld séu vonsvikinn með þá ákvörðun Íslendinga að hafna tilboði þeirra frá því í síðustu viku.

Ábyrgð ASÍ mikil

„ASÍ hefur komist að því að óvissan um lyktir Icesave málsins hafi nú þegar seinkað efnahagsbatanum að minnsta kosti um hálft ár,“ segir Björn Valur Gíslason, þingmaður VG og varaformaður fjárlaganefndar. „Þessi staðreynd er reyndar flestum ljóst, jafnt þeim sem vilja leiða það mál til lykta sem og hinna staðið hafa í vegi fyrir lausn Icesave deilunnar,“ segir þingmaðurinn í pistli á heimasíðu sinni.

Ráðherrar hefðu ekki atkvæðarétt á Alþingi

Ráðherrar hefðu ekki atkvæðarétt á Alþingi og miðað við núverandi ríkisstjórn væru tíu nýir þingmenn á þingi, samkvæmt frumvarpi þingmanna þriggja flokka.

Dæmdar fjórar milljónir í bætur vegna loftmengunar

Konu var í dag dæmdar tæplega 4,2 milljónir króna í bætur í Hæstarétti vegna líkamstjóns sem hún varð fyrir vegna loftmengunar frá Áburðaverksmiðjunni í Gufunesi fyrir 12 árum. Héraðsdómur Reykjavíkur hafði áður gert verksmiðjunni að gerða konunni tæpar 200 þúsund krónur í bætur.

Fimm sveitabæir rýmdir í Mýrdal

Snjóflóð féll í Reynishverfi í Mýrdal í dag án þess valda skemmdum. Að sögn lögreglunnar á Hvolsvelli er mælst til þess að íbúar nokkurra sveitabæja yfirgefi hús sín og dvelji að heiman í nótt en mikið hefur snjóað á svæðinu í dag. Ekki er um skyldurýmingu að ræða, að sögn lögreglu. Íbúar að minnsti kosti fimm bæja ætla að yfirgefa hús sín.

Móðir Litháa í mansalsmálinu sannfærð um sakleysi sonar síns

Móðir eins af Litháunum sem setið hefur í gæsluvarðhaldi í fimm mánuði í tengslum við mansalsmálið er sannfærð um sakleysi sonar síns. Hún gangrýnir lögreglu og vonar að sannleikurinn sigri að lokum.

Víða ófært

Vegna veðurs verður reynt að halda leiðinni frá Borgarnesi að Hvalfjarðargöngum og á Akranes opinni til klukkan 21:30. Eftir það er ekki tali öruggt að vera á ferðin á þessum slóðum. Ófært er nú orðið á nokkrum stöðum á landinu. Meðal annars á Mýrdalssandi og Reynisfjalli við Vík í Mýrdal, einnig er ófært á Siglufjarðarvegi, um Þröskulda og í Reykjólasveit. Þetta kemur fram í tilkynningu frá Vegagerðinni.

Steingrímur: Enn greinir þjóðirnar töluvert á

Fundi Íslendinga með Bretum og Hollendingum um Icesave málið lauk í dag án niðurstöðu. Fulltrúar þjóðanna þriggja hafa átt fundi í Lundúnum að undanförnu.

Mikið um dekkjaþjófnað á höfuðborgarsvæðinu

Mikið hefur verið um dekkjaþjófnað á höfuðborgarsvæðinu á undanförnum mánuðum og dæmi um að dekkjum hafi verið stolið undan bíl fyrir framan heimili fólks á meðan það var í fastasvefni.

Icesave deilan hefur frestað efnahagsbatanum um hálft ár

Um 3.500 Íslendingar munu bætast í hóp atvinnulausra á næstu tólf mánuðum samkvæmt hagspá Alþýðusambandsins. Icesave deilan hefur frestað efnahagsbatanum um að minnsta kosti um hálft ár.

Formennirnir upplýstir um gang viðræðnanna

Samninganefnd Íslands í Icesave deilunni átti rúmlega tveggja klukkustundarfund með fulltrúum Bretlands og Hollands í Lundúnum í dag. Ekkert hefur verið látið uppi um efni fundarins, en samninganefndarmenn kynna ráðherrum og forystufólki stjórnarandstöðuflokkanna gang viðræðnanna nú í kvöld.

Einar óskar eftir fundi

Einar K. Guðfinnsson, þingmaður Sjálfstæðisflokks, óskaði í morgun á fundi sjávarútvegs og landbúnaðarnefndar eftir því að haldinn verði sérstakur fundur nefndarinnar í tilefni af áliti framkvæmdastjórnar Evrópusambandsins um aðildarumsókn Íslands.

Afklæddi sig og lagðist upp í rúm

Hæstiréttur sakfelldi í dag 24 ára gamlan mann fyrir kynferðisbrot. Maðurinn fór óboðinn inn í svefnherbergi konu þar sem hún lá sofandi, afklæddi sig úr öllu nema nærbuxum, lagðist upp í rúm til hennar, kyssti hana á hálsinn og káfaði á brjóstum hennar utanklæða. Atvikið átti sér stað heima hjá stúlkunni í byrjun september 2008.

Ríkið greiði mótmælanda bætur

Héraðsdómur Reykjavíkur dæmdi íslenskra ríkið í dag til að greiða mótmælandanum Hauki Hilmarssyni 150 þúsund krónur í bætur vegna aðgerða lögreglu þegar hann var handtekinn og færður á lögreglustöð í nóvember 2008. Héraðsdómur telur að handtakan hafi verið harkaleg og niðurlægjandi fyrir Hauk.

Íslenska ríkið sýknað af 1200 milljóna kröfu Impregilo

Hæstiréttur sýknaði í dag íslenska ríkið af 1,2 milljarða kröfu verktakafyrirtækisins Impregilo. Impregilo stefndi ríkinu vegna ofgreiddra staðgreiðslu skatta.

Fimm mánaða skilorð fyrir að ráðast á kærustuna

Hnefaleikakappinn Skúli Steinn Vilbergsson, sem stundum er kallaður Skúli Tyson, var dæmdur í fimm mánaða skilorðsbundið fangelsi í Héraðsdómi Reykjaness í dag fyrir að ráðast á þáverandi kærustu sína.

Samdrátturinn meiri vegna tafa á stóriðjuframkvæmdum

Útlit er fyrir að samdráttur verði meiri á árinu en gert var ráð fyrir í haust, samkvæmt endurskoðaðri spá hagdeildar ASÍ. Í spánni er gert ráð fyrir batinn í efnahagslífinu verði hægari en áður var talið.

Rösklega 60% andvígir spilavíti

Um 63,7% landsmanna eru frekar eða mjög andvígir því að rekstur spilavíta verði leyfður á Íslandi. Hins vegar er um 71% karla undir þrítugu fylgjandi því. Þetta sýna niðurstöður könnunar MMR.

Samþykktu frestun á nauðungarsölu

Alþingi samþykkti í dag breytingar á lögum um nauðungarsölu. þannig að ákvörðun um nauðungarsölu á íbúðarhúsnæði verður ekki tekin fyrr en eftir þrjá mánuði.

Eldur í bíl við Ásvallagötu

Eldur kom upp í bifreið á Ásvallagötu rétt fyrir klukkan þrjú. Slökkviliðsbifreið og sjúkrabifreið eru á leiðinni á staðinn, en ekki er vitað hversu umfangsmikill eldurinn er eða hvort einhver hafi hlotið meiðsl af.

Ríkisstjórnin úthlutar um 90 milljónum til dagskrárgerðar

Ríkisstjórnin hefur ákveðið að veita 88,5 milljónum króna til innlendrar dagskrárgerðar fyrir hljóðvarp og sjónvarp.

Fólk ferðist ekki að óþörfu á höfuðborgarsvæðinu í kvöld

Það mun bæta í vind og því má búast við skafrenningi á höfuðborgarsvæðinu þegar líður á daginn og fram á kvöld, segir Elísabet Margeirsdóttir, veðurfréttamaður á 365 miðlum.

Tafir á flugi frá landinu

Eins til tveggja tíma seinkun hefur orðið á flugi frá landinu á Keflavíkurflugvelli í morgun sökum veðurs. Að sögn Friðþórs Eydal upplýsingafulltrúa flugvallarins stafar seinkunin af töfum við afísingu flugvéla en mikið hefur snjóað á Suðurnesjum það sem af er degi.

Vill takmarka heimildir til að beita dráttarvöxtum

Illugi Gunnarsson, þingmaður Sjálfstæðisflokksins, vill að heimildir lánadrottna til að beita dráttarvöxtum séu takmarkaðar. Þetta sagði Illugi í atkvæðagreiðslu eftir aðra umræðu um frumvarp um frestun á nauðungarsölum íbúða.