Ramos skal verða framseldur

Héraðsdómur Reykjavíkur staðfesti í gær þá ákvörðun dómsmálaráðuneytisins þess efnis að orðið verði við beiðni brasilískra yfirvalda um að framselja brasilíska gæsluvarðhaldsfangann Hosmany Ramos. Að sögn Hilmars Ingimundarsonar hrl., lögmanns Ramosar, verður úrskurður héraðsdóms kærður til Hæstaréttar.

Varað við lúmskri hálku

Veðurstofan varar við hálku víða um land þar sem vegir eru víða blautir eftir rigningu og spáð er hratt kólnandi veðri. Hálkan sem myndast getur því verið lúmsk og mikil og eru vegfarendur beðnir um að sýna sérstaka aðgát.

Endurgreiddi arðgreiðslu

Ásbjörn Óttarsson, þingmaður Sjálfstæðisflokksins, hefur skilað 20 milljóna arðgreiðslu úr fyrirtæki sínu fyrir árið 2006, en þá var eiginfjárstaða fyrirtækisins neikvæð og því um ólöglegan gjörning að ræða.

Nýjar upplýsingar komu fram í mansalsmálinu í dag

Réttarhöldin í mansalsmálinu svokallaða tóku óvænta stefnu þegar fórnarlambið í málinu sagði frá því að hún hafi þurft að hafa samfarir við ákærðu eftir að hún kom til Íslands. Fórnarlambið hafði ekki sagt frá þessu við rannsókn málsins.

Rétt að fresta þjóðaratkvæðagreiðslu ef skýrslan berst ekki í tíma

Steingrímur J. Sigfússon, fjármálaráðherra, telur rétt að fresta þjóðaratkvæðagreiðslu um Icesave ef ekki verður búið að birta skýrslu rannsóknarnefndar Alþingis fyrir kjördag. Hann telur fullvíst að skýrslan varpi frekara ljósi á Icesave málið.

Hollvinir harma niðurskurð

Stjórn Hollvina Ríkisútvarpsins harmar þann gríðarlega niðurskurð sem nú hefur dunið á Ríkisútvarpinu, í þriðja sinn á skömmum tíma, vegna þeirrar ákvörðunar Alþingis að klípa tíunda hluta af útvarpsgsjaldi því sem er undirstaða tekna RÚV.

Ekki fallist á kröfu um að fulltrúi lögreglustjóra vitni í mansalsmáli

Hæstiréttur Íslands staðfesti í dag úrskurð Héraðsdóm Reykjaness í síðustu viku um að Alda Hrönn Jóhannsdóttir, fulltrúi hjá lögreglustjóranum á Suðurnesjum, skyldi ekki bera vitni í mansalsmálinu svokallaða.

Skautadrottningu komið undir læknishendur

Stúlka um tvítugt brenndist á hendi þegar yfir hana helltist heitt vatn í íbúð í Breiðholti í hádeginu í gær samkvæmt lögreglunni á höfuðborgarsvæðinu.

Tvö atriði standa eftir

Steingrímur J. Sigfússon, fjármálaráðherra, segir mikilvægt að stjórnvöld ljúki ákveðinni vinnu svo endurskoðun á efnahagsáætlun þeirra og Alþjóðagjaldeyrissjóðsins geti farið fram. Tvö atriði standi eftir.

Þefuðu uppi kannabisræktun

Lögreglan á höfuðborgarsvæðinu stöðvaði kannabisræktun í húsi í miðborginni í nótt.

Á annan tug flóttamanna frá Haítí hugsanlega á leiðinni til Íslands

Ragna Árnadóttir, dómsmála- og mannréttindaráðherra, lagði fram erindi á ríkisstjórnarfundi í morgun þar sem skoðað verður að beita áður óþekktu ákvæði í útlendingalögum til þess að rýmka fyrir komu flóttamanna frá Haítí hingað til lands.

Hjálmar Sveinsson: Tónlistarhúsið fjármagnað með Icesave

Tónlistar- og ráðstefnuhúsið við höfnina í Reykjavík er líkast til fjármagnað að hluta til með Icesave. Þetta segir útvarpsmaður Hjálmar Sveinsson sem gefur kost á sér í prófkjöri Samfylkingarinnar í Reykjavík. Húsið sé því að einhverju leyti í boði breskra líknarfélaga og bæjarfélaga.

Fólk hvatt til að láta vita um grunsamlegar mannaferðir

Lögreglan hvetur fólk til að láta vita um grunsamlegar mannaferðir, ekki síst í íbúðahverfum. Innbrot á heimili eiga sér oft stað að degi til og þá geta upplýsingar, til dæmis frá nágrönnum, ráðið miklu, að fram kemur í tilkynningu frá lögreglunni.

Bræður á sextugsaldri dæmdir til þess að greiða tæplega 130 milljónir

Bræður á sextugsaldri voru dæmdir í Héraðsdómi Reykjavíkur í morgun fyrir skattalagabrot en sá eldri er dæmdur til þess að greiða 120 milljónir í sekt. Þá er sá eldri einnig dæmdur í 14 mánaða fangelsi en afplánun refsingar fellur niður haldi hann almennt skilorð í 2 ár.

Þriðja húsleitin hjá LOGOS - einn með réttarstöðu grunaðs manns

Sérstakur saksóknari gerði húsleit hjá LOGOS í morgun en það er í þriðja skiptið á einu ári sem embættið sér ástæðu til þess að leita í húsakynnum lögfræðistofunnar.

Yfirheyrslur hafnar vegna rannsóknar sérstaks saksóknara

Embætti sérstaks saksóknara hefur með höndum rannsóknir og réttarbeiðnir sem tengjast Exista en vegna þeirra fóru fram húsleitir í dag á 8 stöðum á Íslandi og 4 stöðum í Englandi samkvæmt tilkynningu frá embætti sérstaks saksóknara.

Mikilvægt að Seðlabankinn lækki stýrivexti

Samtök atvinnulífsins telja mikilvægt að Seðlabankinn stuðli að efnahagsbata með því að lækka vexti sína verulega við næstu vaxtaákvörðun og brjótist út úr „vaxtasjálfheldunni.“

Flugumferð dróst saman milli ára

Í þriðja skiptið á jafnmörgum árum fór fjöldi flugvéla um íslenska flugstjórnarsvæðið, sem er 5,4 milljónir ferkílómetrar að stærð, yfir 100 þúsund markið. Heildarfjöldinn á síðasta ári var 101.504 þúsund flugvélar. Ef miðað er við árið 2008 þá dróst flugumferð saman um 8% en þá fóru 110.366 flugvélar um íslenska flugstjórnarsvæðið og höfðu aldrei orðið fleiri, að fram kemur í tilkynningu frá Flugstoðum.

Tíu gefa kost á sér í Ísafjarðarbæ

Tíu gefa kost á sér í prófkjöri Sjálfstæðisflokksins í Ísafjarðarbæ sem fram fer laugardaginn 13. febrúar. Í kosningunum 2006 fékk Sjálfstæðisflokkurinn fjóra bæjarfulltrúa af níu. Tveir þeirra, Halldór Halldórsson bæjarstjóri og Birna Lárusdóttir, gefa ekki kost á sér.

Gísli Marteinn sáttur við fimmta sætið

Gísli Marteinn Baldursson, borgarfulltrúi Sjálfstæðisflokks, segir að það sé alltaf leiðinlegt að ná ekki þeim árangri sem stefnt er að. Hann stefndi á annað sætið í prófkjöri sjálfstæðismanna í Reykjavík sem fór fram síðastliðinn laugardag en hafnaði í því fimmta.

Þorrablóti á Klörubar frestað í annað sinn

Þorrablóti sem hefur verið haldið árlega í nokkur ár á Íslendingabarnum Klörubar á Kanaríeyjum hefur verið frestað öðru sinni vegna kreppunnar.

Fullyrðir að leikskólar taki inn börn fram á haust

Engir sumarstarfsmenn verða ráðnir inn á leikskólana í sumar vegna niðurskurðar Reykjavíkurborgar og því verða færri börn tekin í aðlögun á leikskólana í vor eins og tíðkast hefur. Formaður leikskólaráðs borgarinnar fullyrðir hins vegar að leikskólarnir taki inn börn að óbreyttu fram á haust.

Sóknaráætlun á áætlun

Vinna við sóknaráætlun ríkisstjórnarinnar, 20/20 Sóknaráætlun, gengur samkvæmt áætlun, að fram kemur í tilkynningu frá forsætisráðuneytinu. Boðað hefur verið til ráðstefnu síðar í vikunni sem er opin öllum þar sem fjallað verður sóknarfæri og áherslur á komandi árum.

Varað við fölsuðu megrunarlyfi

Lyfja- og matvælastofnun Bandaríkjanna hefur sent frá sér viðvörun um að netverslanir hafi selt fölsuð megrunarlyfi sem heitir Alli. Lyfjastofnanir í Evrópu taka undir þessa viðvörun. Hylki með lyfjunum fékk markaðsleyfi á Íslandi í mars á síðasta ári en hafa ekki verið markaðssett, að fram kemur á vef Lyfjastofnunar.

Húsleitir hjá Logos, Deloitte og Bakkavör í London

Fulltrúar sérstaks saksóknara eru nú að framkvæma húsleitir í höfuðstöðvum lögmannstofunnar Logos í Reykjavík en Serious Fraud Office (SFO) leitar í Bakkavör í London.

Húsleitir hjá Existu og í London

Húsleitir standa yfir á vegum embættis sérstaks saksóknara. Ólafur Þór Hauksson, sérstakur saksóknari, staðfesti þetta í samtali við fréttastofu en gat ekki greint nánar frá málinu. Von væri á yfirlýsingu frá embættinu síðar í dag. Samkvæmt heimildum fréttastofu fer fram húsleit í höfuðstöðvum Exista í Ármúla

Verslað með notaðar skólabækur fyrir 32 milljónir

Framhalds- og háskólanemar hafa verslað með notaðar bækur að andvirði 32 milljóna króna í vetur í gegn um vefsíðuna Skiptibokamarkadur.is þar sem hægt er að selja bækur milliliða- og endurgjaldslaust.

Fimmtíu ferðamenn létust á Íslandi

Á árunum 1999 til 2008 létust 129 einstaklingar á Íslandi sem áttu lögheimili erlendis. Tæplega helmingur þeirra var erlendir ferðamenn, alls 50. Í loft- eða landhelgi dó 21. Auk þess létust 19 íslenskir ríkisborgarar sem áttu lögheimili erlendis á tímabilinu. Þetta kemur fram á vef Hagstofunnar.

Starfsmenn Keflavíkurflugvallar íhuga verkfall

Félagar flugmálastarfsmanna ríkisins (FFR), sem eru starfsmenn Keflavíkurflugvallar ohf., samþykktu í gær að vísa kjarasamningum við Samtök Atvinnulífsins til ríkissáttasemjara. Í tilkynningu frá félögunum lýsa þeir yfir undrun og vanþóknun á gangi mála við gerð kjarasamninga.

Flautað í mótmælaskyni

Ökumenn hafa boðað til mótmæla í dag við Íslandsbanka, Kirkjusandi klukkan 12:15 en þaðan mun bílalestin halda að höfuðstöðvum SP Fjármögnunar í Sigtúni. Þá verður farið að Tryggingamiðstöðinni í Síðmúla og svo að Lýsingu í Ármúla. Mótmælunum lýkur svo við Frjálsa Fjárfestingabankann í Lágmúla.

Sendiherra lést í bílslysi

Sendiherra Þýskalands, Dr. Karl-Ulrich Müller, fannst látinn í bifreið sinni í Norðurárdal í Skagafirði í gær.

Eiginkonurnar eru komnar til Vínar til að styðja sína menn

Sjö eiginkonur leikmanna íslenska handboltaliðsins voru komnar til Vínarborgar í gærkvöldi og von er á fleirum. Þær ætla að fylgjast með mönnum sínum í þeim leikjum sem eftir eru á Evrópumótinu.

Þjóðaratkvæðagreiðslunni verður hugsanlega frestað

Svo kann að fara að þjóðaratkvæðagreiðslunni um Icesave-lögin, sem fara á fram 6. mars, verði frestað.

Orkuskipti í umferðinni

Fjöldi fyrirtækja tekur vetnisrafbíla í notkun. Hér er stærsti floti slíkra bíla í Evrópu. Þekkingarklasi á að stuðla að orkuskiptum í samgöngum, segir ráðherra.

Tilnefna má í þrjá daga enn

Lesendur Fréttablaðsins hafa verið iðnir við að senda tilnefningar til Samfélagsverðlaunanna. Borist hafa á þriðja hundrað tilnefninga en tilnefningafrestur rennur út á fimmtudaginn næstkomandi, 28. janúar.

Þurfum að leita jafnvægis

Meiri aðgreining milli bankanna og fyrirtækja sem þeir þurfa að taka yfir eykur líkurnar á því að bankarnir setji fyrirtækin í þrot eða stutt söluferli í stað þess að taka þau yfir, segir Ásmundur Stefánsson, bankastjóri Landsbankans. Hvort tveggja sé ógnun við samkeppni.

Laxness-skjölin í ráðuneyti Hillary Clinton

Eftirstandandi leyniskjöl bandarískra stjórnvalda um Halldór Laxness eru nú komin í vörslu bandaríska utanríkisráðuneytisins.

Aukið svigrúm til að grípa inn í samruna

Samkeppniseftirlitið hefur rýmri heimildir en áður var talið til að grípa inn í samruna, og þar með meiri möguleika til að taka á samkeppnislegum vandamálum sem tengjast eignarhaldi bankanna á fyrirtækjum.

Grænt rafmagn knúði tölvu og ljós

Rafmagn hefur í fyrsta sinn verið framleitt úr gróðurhúsagasi hér á landi. Þannig framleitt rafmagn var síðasta föstudag notað hjá Nýsköpunarmiðstöð Íslands til að knýja ljósaperur og fartölvu. „Aðferðin boðar nýja orkubyltingu í endurnýtingu koltvísýrings,“ segir í tilkynningu.

Alvarlega slasaður eftir fall

Rúmlega þrítugur sjómaður sem slasaðist þegar hann féll í lest Kristrúnar II RE á sunnudag liggur enn þungt haldinn á gjörgæsludeild Landspítalans.

Styðja félög eins og kostur er

Skapist skilyrði til að koma á formlegu ættleiðingarsambandi við Haítí mun dómsmálaráðuneytið styðja við ættleiðingarfélögin eins og kostur er, segir Ragna Árnadóttir, dóms- og mannréttindaráðherra.

Fimm nýir í boði hjá Samfylkingu

Fimm nýir bjóða sig fram í prófkjöri Samfylkingarinnar fyrir borgarstjórnarkosningarnar í ár. Nokkrir þeirra hafa áður komið að starfi flokksins, en ekki boðið sig fram í prófkjöri, eða setið á lista, fyrir flokkinn. Netkosning í prófkjörinu hefst í dag og lýkur henni á kjördag, laugardag.

Banaslys í Norðurárdal

Banaslys varð í Skagafirði í Norðurárdal nyrðri þegar maður missti stjórn á bíl sínum og hafnaði út í Norðurá. Maðurinn, sem er útlendingur, fór úr höfuðborginni í gær áleiðis norður og þegar hann hafði ekki skilað sér var hafin leit að honum.

Grunaður um smygl á tugum kílóa af fíkniefnum

Umfangsmikið fíkniefnamál sem nú er til rannsóknar Í Portúgal á rætur sínar að rekja til Íslands. Portúgalskur karlmaður sem búið hefur á Íslandi undanfarin ár var handtekinn í landinu í síðasta mánuði með mikið magn fíkniefna í fórum sínum . Hann var á leið til Íslands þegar hann var handtekinn.

Stendur ekki til að yfirheyra Bjarna

Bjarni Benediktsson, formaður Sjálfstæðisflokks, hefur ekki verið yfirheyrður í tengslum við rannsókn embættis sérstaks saksóknara á málefnum Sjóvár og Milestone. Bjarni hafði milligöngu um að félagið Vafningur tæki tíu milljarða króna lán hjá Sjóvá. Lánið var aldrei greitt til baka.