Gæsluvarðhalds krafist yfir meintum brennuvörgum í Eyjum

Lögreglan í Vestmanneyjum hefur farið fram á að menn grunaðir um íkveikju í nótt verði hnepptir í gæsluvarðhald vegna rannsóknarhagsmuna. Mennirnir hafa verið yfirheyrðir í dag. Þá hafa vitni verið yfirheyrð og brunavettvangur rannsakaður af tæknideild LRH.

Líffæragjafar fá fjárhagsaðstoð

Alþingi samþykkti í kvöld frumvarp um réttindi líffæragjafa sem tryggir þeim tímabundna fjárhagsaðstoð þegar þeir geta hvorki stundað vinnu né nám vegna líffæragjafar. Samkvæmt frumvarpinu skal greiðsla til þeira nema rúmum 134 þúsund krónum á mánuði.

Gleðst yfir verðlækkun á lyfi fyrir MS sjúklinga

„Þessi lækkun er mjög jákvæð. Tysabri er alvöru lyfið," segir Sigurbjörg Arngrímsdóttir, formaður MS félagsins, um ákvörðun Lyfjagreiðslunefndar að lækka verð á Tysabri, lyfi fyrir MS sjúklinga, til samræmis við meðalverð á lyfinu í samanburðarlöndunum. Verðlækkunin er að raunvirði um 18,5%. Talsvert hefur verið fjallað um Tysabri undanfarið og aðgengi MS sjúklinga af því.

Lítil sprengja fannst á Hengilsvæðinu

Sprengjudeild Landhelgisgæslunnar var kölluð út eftir að Neyðarlínunni barst rétt eftir klukkan 18 ábending um torkennilegan hlut sem fannst á Hengilsvæðinu. Um var að ræða riffilhandsprengju frá seinni heimsstyrjöldinni.

Hagsmunasamtök heimilanna gleðjast

Hagsmunasamtök heimilanna fagna því að þeir flokkar og framboð sem bjóða fram í komandi þingkosningum taki undir með samtökunum að leiðrétta þurfi höfuðstól húsnæðislána. Samtökin benda á ályktanir frá landsfundum flokkanna og tillögur frá framboðunum máli sínu til stuðnings.

Olíuleit skapar störf norðaustanlands

Fjöldi starfa gæti skapast á norðausturhorni Íslands á næstu árum, verði ráðist í olíuleit á Drekasvæðinu. Bara þyrluþjónusta við olíuborpalla kallar á tugi starfsmanna.

Sjálfstæðismenn hræddir við þjóðina

Atli Gíslason, þingmaður Vinstri grænna, telur að sjálfstæðismenn séu hræddir við þjóðina og gráir fyrir járnum að formsástæðum þegar kemur að breytingum á stjórnarskránni. Ekki sé um efnislega ágreining að ræða í sérnefnd Alþingis um stjórnarskrárfrumvarp sem forystumenn allra flokka standa að fyrir utan Sjálfstæðisflokk. Atli og Birgir Ármannsson tókust á um stjórnarskrárbreytingar í Kastljósi í kvöld.

Framboðslisti samþykktur - Sturla í heiðurssæti

Framsboðslisti Sjálfstæðisflokksins í Norðvesturkjördæmi var samþykktur á kjördæmisþingi nýverið. Ásbjörn Óttarsson, útgerðarmaður frá Rifi, er nýr oddviti flokksins í kjördæminu. Heiðurssæti listans skipar Sturla Böðvarsson, fyrrverandi forseti Alþingis. Fimm konur eiga sæti á lista flokksins af 18.

Afgreitt í bullandi ágreiningi

Birgir Ármannsson, þingmaður Sjálfstæðisflokksins, segir að stjórnarskrárfrumvarp hafi nú í fyrsta sinn í 50 ár verið afgreitt úr nefnd í bullandi ágreiningi. Þingmenn Sjálfstæðisflokksins töldu ófært að standa að afgreiðslunni bæði vegna málsmeðferðar og efnisinnihalds frumvarpsins.

Fangalist á Litla-Hrauni

Listin blómstrar á bak við rimlana á Litla-Hrauni. Þar er brotamönnum gefinn kostur á að vinna að sköpun sinni og er litið á það sem hluta af mikilvægu endurhæfingaferli.

Katrín vill skýringar frá MK um barnaklámsmál

Menntamálaráðherrra ætlar að fá skýringar á því hjá skólameistara Menntaskólans í Kópavogi hvers vegna kennari sem tekinn var með barnaklám, hélt áfram kennslu. Ráðherra segir málið alvarlegt.

Kostnaður nýju ríkisbankanna minni en áætlað var

Kostnaður íslenska ríkisins vegna nýju ríkisbankanna þriggja verður minni en áætlað var. Endurskoðunarfyrirtækið Deloitte hefur skilað Fjármálaeftirlitinu frumskýrslu um verðmat bankanna.

Frestur runninn út

Umsóknarfrestur um embætti seðlabankastjóra og aðstoðarseðlabankastjóra rann út í gær. Forsætisráðuneytið gefur ekki upp að svo stöddu hversu margir sóttu um stöðurnar þar sem enn er beðið eftir umsóknum sem kunna að hafa verið póstlagðar, að sögn Kristjáns Kristjánssonar upplýsingarfulltrúa ráðuneytisins. Hinsvegar verður upplýst á morgun hvort og þá hverjir sóttu um stöðurnar.

Umtalað lyf fyrir MS sjúklinga lækkar um 18,5%

Lyfjagreiðslunefnd hefur endurskoðað verð á Tysabri, lyfi fyrir MS sjúklinga, til samræmis við meðalverð á lyfinu í samanburðarlöndunum Danmörku, Noregi, Svíþjóð og Finnlandi. Verðlækkunin er að raunvirði um 18,5%.

Davíð og Jón Ásgeir gera upp sakirnar

Sögulegt uppgjör verður í Háskólabíói í kvöld klukkan 21 þegar Davíð Oddsson og Jón Ásgeir Jóhannesson mætast og gera upp málin. Það er félagsskapur sem kallar sig Lýðræðislegu borgarahreyfinguna sem stendur fyrir fundinum. Fundarstjóri verður sjónvarpsmaðurinn Egill Helgason. Ókeypis aðgangur verður og fólki hleypt inn meðan húsrými leyfir. Nánar verður sagt frá fundinum í fréttum Stöðvar 2 í kvöld.

Engin ánægja með sérstök hvalaskoðunarsvæði

Ákvörðun Sjávarútvegsráðherra um að afmarka sérstök svæði fyrir hvalaskoðun vekur hörð viðbrögð á báða bóga, hjá hvalaskoðunarfyrirtækjum jafnt sem hrefnuveiðimönnum.

Opinn fundur hjá viðskiptanefnd á morgun

Viðskiptanefnd Alþingis heldur opinn fund á morgun fimmtudag, klukkan 9:30. Fundurinn verður haldinn í húsnæði nefndasviðs Alþingis að Austurstræti 8-10 og verður opinn fulltrúum fjölmiðla og almenningi meðan húsrúm leyfir.

Vill banna líkamlegar refsingar gagnvart börnum

Kolbrún Halldórsdóttir, þingmaður Vinstri hreyfingarinnar græns framboðs og umhverfisráðherra, vill að óheimilt og refsivert verði að beita börn líkamlegum og andlegum refsingum.

Bíll fór í Kópavogshöfn - ökumaðurinn heill á húfi

Karlmaður bjargaðist þegar bíll fór í sjóinn við smábátahöfnina í Kópavogi um tvöleytið. Að sögn sjúkraflutningamanna er maðurinn ekki í hættu en nokkuð kaldur.

Stjórnarskrárfrumvarp úr nefnd í andstöðu við minnihluta

Frumvarp um breytingar á stjórnarskránni sem tekist hefur verið á um í sérnefnd um stjórnarskrármál undanfarið, hefur verið afgreitt úr nefndinni. Björn Bjarnason þingmaður Sjálfstæðisflokksins kvaddi sér hljóðs á þingi í dag og sagði að ekki hafi verið fullreynt um að ná samkomulagi innan nefndarinnar.

Tölvuóværa lætur á sér kræla í dag

Þriðja afbrigðið af tölvuóværunni Conficker C, eða Downadup, vaknar til lífsins að hluta til í dag 1. apríl en hún lamar vírusvarnir og uppfærslur á vélum eftir sýkingu. Dæmi eru um að fyrirtæki hér á landi hafi lenti í vandræðum vegna Conficker óværunnar.

Opnaði sumarvef ÍTR

Hanna Birna Kristjánsdóttir borgarstjóri opnaði sumarvef ÍTR í Ráðhúsi Reykjavíkur í morgun.

Enn finnst kannabis - 220 plöntur í Hafnarfirði

Lögreglan á höfuðborgarsvæðinu stöðvaði umfangsmikla kannabisræktun í húsi í Hafnarfirði í nótt. Í tilkynningu segir að við húsleit hafi fundist um 220 kannabisplöntur á ýmsum stigum ræktunar.

Röskva boðar til setuverkfalls

„Það sem við leggjum til er að Háskólinn taki aftur upp sumarannir," segir Rösvkuliðinn og lögfræðineminn Sigurður Kári Árnason, sem hvetur nema til þess að' fjölmenna fyrir utan skrifstofu háskólarektors á morgun. Tilgangurinn er að fá uppteknar sumarannir í Háskóla Íslands þannig þeir tíu þúsund nemar sem eru í fullu námi og á námslánum geti iðkað nám sitt í stað þess að fara út á dauflegan atvinnumarkaðinn.

AGS gerir ekki athugasemdir við áherslubreytingar ríkisstjórnar

Alþjóðagjaldeyrissjóðurinn gerir ekki athugasemdir við áherslubreytingar nýrrar ríkisstjórnar, meðan hún heldur sig innan ramma samkomulags stjórnvalda við sjóðinn. Þetta sagði fjármálaráðherra á fundi fjárlaganefndar í morgun. Ingimar Karl Helgason.

Breyting á lögum um sérstakan saksóknara tekur gildi í dag

Breyting á lögum um embætti sérstaks saksóknara tekur gildi í dag, 1. apríl. Í tilkynningu frá forsætisráðuneytinu segir að með lögunum eru heimildir embættisins til þess að kalla eftir upplýsingum og gögnum gerðar ótvíræðar.

31 sagt upp hjá B&L og IH

Bílaumboðin B&L og Ingvar Helgason sögðu upp 31 starfsmanni hjá þeim í gær en uppsagnirnar koma í kjölfar flutnings umboðanna niður í Sævarhöfða þar sem sölurnar hafa nú aðsetur.

Steingrímur J. viðurkennir óheppilegt orðalag í Icesave málinu

Steingrímur J. Sigfússon segir engin áform um einkavæðingu bankanna. „Og alls ekki með sama hætti og árið 2002. Sú hörmungarsaga verður ekki endurtekin." Þetta sagði Steingrímur í svari við fyrirspurn sjálfstæðismanna á opnum fundi í fjárlaganefnd nú rétt í þessu. Steingrímur vék einnig að Icesave málinu og viðurkenndi óheppilegt orðalag þegar hann sagði von á glæsilegri niðurstöðu í málinu.

Ungmenni ákærð fyrir að ræna leigubílstjóra og skera mann

Tveir piltar hafa verið ákærðir fyrir að ræna leigubílstjóra í júlí á síðasta ári. Piltarnir eru sautján og átján ára gamir. Þeir slógu leigubílstjórann ítrekað í andlitið auk þess sem lögðu hníf að hálsi hans og hótuðu að drepa hann. Höfðu þeir þúsund krónur upp úr krafsinu auk farsíma leigubílstjórans.

Kynna nýjan bjór í Kringlunni í dag

Bjórframleiðandinn nIcebrew hefur samið við Bruggsmiðjuna, sem framleiðir hina sívinsælu bjórtegund Kalda, um að Bruggsmiðjan sjái um að markaðssetja á íslenskum markaði tvær bjórtegundir sem nIcebrew hefur

Vinnumálastofnun: Tæpir tveir milljarðar greiddir út í dag

Vinnumálastofnun greiðir út atvinnuleysistryggingar í dag 1. apríl, tæpa 2 milljarða króna, til um 15 þúsund einstaklinga.

Hópnauðgun kærð til lögreglunnar

Fjórir karlmenn af erlendu bergi brotnu hafa verið kærðir fyrir að nauðga tvítugri stúlku aðfaranótt laugardags. Fulltrúi kynferðisbrotadeildarinnar, Svanhvít Ingólfsdóttir staðfestir þetta í samtali við Vísi.

Óttast pólitískan leik með stjórnarskrána

Ragnhildur Helgadóttir, lagaprófessor við Háskólann í Reykjavík, segist telja að breið samstaða verði að vera um breytingar á stjórnarskránni eigi þær að ganga í gegn. Þetta kemur fram í umsögn sem Ragnhildur sendi sérnefnd um stjórnarskrármál vegna stjórnskipunarfrumvarpsins sem liggur fyrir nefndinni.

Slasaðist alvarlega í átökum

Karlmaður á sextugsaldri meiddist alvarlega í andliti í átökum í heimahúsi á Akureyri í gærkvöldi. Hann var þar ásamt manni á svipuðu reki og var vín haft um hönd. Þeim sinnaðist með þessum afleiðingum, en hinum slasaða tókst að hringja í lögreglu.

Gjaldeyrisfrumvarpið samþykkt um miðnætti í gær

Frumvarp til laga, sem miða að því að útflytjendur komist ekki hjá skilaskyldu á gjaldeyri, varð að lögum undir miðnætti í gærkvöldi. Það var samþykkt með 31 atkvæði Samfylkingar, Vinstri grænna, Frjálslyndra og Framsóknarflokks, en þingmenn Sjálfstæðisflokks sátu hjá við atkvæðagreiðsluna.

Kveiktu í hópferðabíl í Eyjum

Tveir ungir menn voru handteknir í Vestmannaeyjum undir morgun, grunaðir um að hafa kveikt í hópferðabíl, sem gjöreyðilagðist í eldinum, og var rétt kviknað í húsnæði Björgunarfélags Vestmannaeyja í leiðinni.

Björgunarsveitarmaður nær ekinn niður

Minnstu munaði að ekið yrði á björgunarsveitarmann frá Hveragerði, sem var að aðstoða ökumann í vanda á Hellisheiði síðdegis í gær. Í sunnlendingi.is er haft eftir félaga mannsins að hann hafi í raun verið mjög heppinn að verða ekki fyrir bíl, sem kom aðvífandi þegar bjrögunarmenn voru að koma öðrum bíl upp á veginn.

Fjögur umferðaróhöpp í gærkvöldi

Allir sluppu ómeiddir úr fjórum umferðaróhöppum sem urðu suðvestanlands í gærkvöldi þegar víða varð mjög hált í slyddu og krapa. Fjórir sluppu þegar bíll valt út af Biskupstungnabraut um kvöldmatarleytið.

Segja hótanir hafa stöðvað frumvarp

Þingmenn Sjálfstæðisflokks komu í gær í veg fyrir að frumvarp um stjórnarskrárbreytingar yrði afgreitt úr nefnd í gærkvöldi eins og til stóð. Þeir hótuðu að koma í veg fyrir að frumvarp sem ætlað var að stoppa í götin á gjaldeyrishöftunum yrði afgreitt úr þinginu fyrir morgun.

Sólkerfið í miðbænum

Sólarhrings-vefvarp, uppsetning líkans af sólkerfinu í miðbæ Reykjavíkur og stjörnuskoðunarkvöld er meðal þess sem stjörnuáhugafólk hefur um að velja í tengslum við verkefnið 100 stundir af stjörnufræði, sem stendur yfir frá 2. til 5. apríl næstkomandi.

Galdeyrishöftin hert

Hert gjaldeyrishöft voru samþykkt rétt fyrir miðnætti á Alþingi. Sjálfstæðismenn sátu hjá. Frumvarpinu var dreift í dag og fjallaði um að koma böndum á gjaldeyrisleka sem fjármálaráðherra taldi veikja krónuna.