Ekki til rýmingaráætlun vegna skotárása í skólum á Íslandi

Ekki er til sérstök rýmingaráætlun í skólum í Reykjavík ef til skotárásar kæmi þar. Fræðslustjóri menntasviðs Reykjavíkur segir athugandi að skólar hér á landi geri slíka áætlun.

Fimm bíla árekstur við Kringluna

Fimm bílar skullu saman um rétt við Kringluna um hálfsexleytið í dag. Að sögn lögreglu er um aftanákeyrslur að ræða. Ekki er vitað til þess að neinn hafi slasast í óhappinu.

Toys"R"Us innkallar hættulegar perlur

Verslunin Toys"R"Us hefur tilkynnt Neytendastofu um að hún hefur ákveðið að innkalla föndurperlur sem geta reynst lífshættulegar ef börn gleypa þær.

Nýr kafli í atvinnusögu þjóðarinnar

Össur Skarphéðinsson iðnaðarráðherra segir þá ákvörðun Landsvirkjunar að hefja viðræður um raforkusölu frá virkjunum, sem á að reisa í neðri Þjórsá, til fyrirtækja sem hafa áhuga á að reka netþjónabú eða verksmiðju til kísilhreinsunar hér á landi sýna að nýr kafli sé hafinn í atvinnusögu þjóðarinnar.

Flautaði á kyrrstæðan bíl og fékk hrákaslummu að launum

Mjög margir ökumenn eru til fyrirmyndar enda haga flestir akstri sínum með þeim hætti að sómi er að segir lögreglan þó eru alltaf einhverjir sem ekki falla í þann hóp og í tilkynningu frá lögreglunni eru tekin nokkur dæmi af þeim sem ekki hafa verið til fyrirmyndar undanfarið.

Magnús Oddsson hættir sem ferðamálastjóri

Magnús Oddsson hyggst láta af störfum sem ferðamálastjóri í lok ársins eftir 14 ár í starfi.

Skerðir möguleika á byggingu nýrra álvera

Landsvirkjun hefur ákveðið að hætta öllum viðræðum um sölu á raforku til nýrra álvera á suðvesturlandi og ræða þess í stað við netþjónafyrirtæki og fyrirtæki á sviði kísilhreinsunar fyrir sólarrafala. Ákvörðunin hefur afgerandi áhrif á möguleika byggingu nýrra álvera á suðvesturhorninu.

Tryggja verður stöðu íslenskunnar í stjórnarskrá

Íslensk málnefnd telur mjög brýnt að staða íslenskrar tungu verði tryggð í stjórnarskránni og telur mikilvægt að Íslendingar sofni ekki á verðinum gagnvart tungunni. Þetta kemur fram í ályktun nefndarinnar um stöðu tungunnar fyrir árið 2007.

Málefni REI rædd á eigendafundi OR eftir viku

Stjórn Orkuveitunnar ákvað á fundi sínum í dag að boða til eigendafundar Orkuveitunnar eftir viku þar sem ræða á áfram málefni REI, útrásararms Orkuveitunnar, og hvernig útrás fyrirtækisins verður fyrir komið.

Raforkan úr Þjórsá fer ekki til álvers

Landsvirkjun hefur tekið ákvörðun um að raforkan sem fæstu með virkjun í neðri hluta Þjórsár fari annað hvort til netþjónabúa eða til kísilhreinsunar. Landsvirkjun segir ljóst að eftirspurn sé langt umfram framboð og því sé ekki hægt að mæta óskum allra og því hafi verið ákveðið að hefja ekki viðræður við álframleiðendur.

Dæmd fyrir að smygla mjög hreinu kókaíni

Héraðsdómur Reykjaness dæmdi í dag karlmann í 20 mánaða fangelsi og tvær konur í eins árs fangelsi hvora fyrir að hafa reynt að smygla inn í landið nærri sjö hundruð grömmum af mjög hreinu kókaíni frá Hollandi í febrúar á þessu ári. Konurnar voru gripnar við tollaeftirlit á Keflavíkurflugvelli og reyndust efnin bæði innanklæða á þeim og innvortis.

Þulustarfið á Rúv: Karlar geta líka verið til skrauts

„Ef það á að vera skraut þá geta karlar alveg líka verið skraut,“ segir Gísli Hrafn Atlason talsmaður karlahóps Feministafélags Íslands um kynjahluttföllin hjá þulunum á Rúv.

Lagadeild HR fær 120 milljóna króna styrk

Lagadeild Háskólans í Reykjavík hefur hlotið 120 milljóna króna styrk úr rannsóknaráætlun Evrópusambandsins.

Vildu bæjarstjórann úr starfi vegna dóms

Minnihlutinn á Álftanesi krefst þess að bæjarstjórinn fái lausn frá störfum nú þegar vegna dóms Héraðsdóms Reykjaness um launadeilu bæjarstjórans við fyrrverandi starfsmann sinn.

Mótmæltu lækkun á niðurgreiðslu í dagforeldrakerfi

Óánægðir foreldrar afhentu í morgun bæjarstjóranum á Akureyri undirskriftalista með rúmlega eitt þúsundum nöfnum bæjarbúa.

Reykjanesbær getur ekki keypt meirihluta í HS

Heitar umræður urðu á opnum fundi um málefni Hitaveitu Suðurnesja í gærkvöldi. Forstjóri fyrirtækisins segir hugmyndir um að Reykjanesbær kaupi meirihluta í fyrirtækinu gangi ekki upp.

Sýknuð af því að sparka í punginn á Prófastinum

Kona var sýknuð af ákæru um líkamsárás í Héraðsdómi Suðurlands í dag. Hún var sökuð um að hafa í júlí 2005 sparkað í klof manns á skemmtistaðnum Prófastinum í Vestmannaeyjum. Í ákæru segir að sparkið hafi verið svo fast að maðurinn sem fyrir því varð hafi misst andann, hnigið niður í gólfið og „pissað blóðlituðu þvagi,“ eftir atlöguna.

Fundað um útrásarmál hjá stjórn OR

Stjórnarfundur hófst í Orkuveitunni núna klukkan 12. Vænta má að þar verði tekist á um útrásarmálin og samrunamálin sem mjög hafa verið í umræðunni.

Fjörutíu daga fangelsi fyrir bílstuld og ölvunarakstur

Karlmaður var í Héraðsdómi Suðurlands í morgun dæmdur í 40 daga fangelsi fyrir að hafa stolið bíl á Selfossi og ekið honum drukkinn og án ökuréttinda áleiðis til Reykjavíkur uns lögregla stöðvaði hann.

Björgólfur Guðmundsson styrkir RÚV

Björgólfur Guðmundsson athafnamaður hefur gert samning við Ríkisútvarpið um að styrkja félagið næstu þrjú ár til þess að stórefla íslenska dagskrárgerð í sjónvarpi.

Ástandið á Njarðargötu allt að því viðunandi

Þrjátíu og tveir ökumenn eiga von á sektum eftir að hraðakstur þeirra var myndaður á Njarðargötu til móts við höfuðstöðvar Íslenskrar erfðagreiningar í gær.

Fyrirtæki sýknað af ákæru um brot gegn hvíldartíma ökumanna

Héraðsdómur Suðurlands hefur sýknað flutningafyrirtæki af ákæru um að hafa brotið gegn lögum um hvíldartíma ökumanna á grundvelli óskýrrar refsiheimildar í lögum.

Sex árekstrar á fimmtíu mínútum

Sex árekstrar urðu á níunda tímanum í höfuðborginni í morgun og leiddu þeir til allnokkurra tafa í morgunumferðinni.

Fundu landaverksmiðju í Þorlákshöfn

Lögreglan á Selfossi handtók í gær karlmann af erlendum uppruna eftir að 140 lítrar af landa og 75 lítrar af gambra fundust heimili hans í Þorlákshöfn í gær.

Ölvaður, dópaður og réttindalaus undir stýri

Ölvaður ökumaður, sem líka var undir áhrifum fíkniefna, var tekinn úr umferð á Selfossi í nótt.

Gæslumenn sækja Puma-þyrlu

Flugáhöfn frá Landhelgisgæslunni er nú í Noregi að sækja Puma-þyrlu sem bætast mun í flugflota Gæslunnar um leið og veðurskilyrði verða til flugs yfir hafið.

Saksóknari gagnrýnir Kastljósið

Helgi Magnússon hjá efnhagsbrotadeild ríkislögreglustjóra hefur sent frá sér greinargerð vegna fréttaskýringar sem birtist í Kastljósinu á miðvikudagskvöld. Telur hann umfjöllunin einhliða og villandi.

Vilja alþjóðaflugvöll á Suðurlandi

Samgöngunefnd Sambands sunnlenskra sveitarfélaga hvetur til þess að hafinn verði undirbúningur að gerð alþjóðaflugvallar á Suðurlandi.

Þremur sleppt úr haldi eftir líkamsárás

Þremur mönnum á fertugsaldri var sleppt úr haldi lögreglunnar í Reykjanesbæ í gærkvöldi, að loknum yfirheyrslum vegna alvarlegrar líkamsárásar þar í bæ í fyrrinótt.

Stórsmyglarar áfram í gæslu

Gæsluvarðhald yfir þremur mönnum sem eru í haldi vegna Pólstjörnumálsins svokallaða var framlengt um sex vikur í gær. Þeir munu því sitja inni til 20. desember.

Smyglskútumenn í sex vikna gæsluvarðhald

Bjarni Hrafnkelsson, Einar Jökull Einarsson og Guðbjarni Traustason, sem allir eru grunaðir um aðild að smyglskútumálinu á Fáskrúðsfirði, voru í dag dæmdir í sex vikna gæsluvarðhald, fram til 20. desember.

Launadeilur á RÚV hafa engin áhrif á Edduna

„Hugsanlegar aðgerðir tæknimanna hjá RÚV myndi ekki hafa áhrif á útsendingu Edduverðlaunanna," segir Páll Guðmundsson trúnaðarmaður þeirra.

Fundað um málefni orkufyrirtækjanna

Sjálfstæðisfélögin í Reykjanesbæ héldu fjölmennan fund um málefni Hitaveitu Suðurnesja í Njarðvíkurskóla í kvöld. Frummælendur á fundinum voru Árni Sigfússon, bæjarstjóri Reykjanesbæjar og stjórnarformaður Hitaveitu Suðurnesja, Ásgeir Margeirsson, forstjóri Geysis Green Energy, og Júlíus Jónsson, forstjóri Hitaveitu Suðurnesja.

Dómsmálaráðherra hitti varaforseta framkvæmdastjórnar Evrópusambandsins

Björn Bjarnason, dóms- og kirkjumálaráðherra, sat ráðherrafund Schengen-ríkjanna í Brussel í dag.

Tólf ára gamall drengur slasaðist í árekstri við bíl

Tólf ára gamall drengur slasaðist þegar hann hjólaði harkalega á bifreið í Reykjanesbæ um klukkan tvö í dag. Drengurinn skall á bifreiðinni og mun hafa rotast en ekki skaðast að öðru leyti. Hann var ekki með reiðhjólahjálm.

Bifreið brann í Engjaseli

Bifreið brann til kaldra kola í Engjaseli rétt fyrir klukkan fimm í dag. Að sögn slökkviliðsins var bifreiðin mannlaus þegar eldurinn kom upp en eldsupptök eru ekki kunn.

Samgöngumiðstöð tilbúin eftir 18 mánuði

Verkefnisstjórn um samgöngumiðstöð á Reykjavíkurflugvelli stefnir að því að hún verði tilbúin til notkunar eftir átján mánuði.

Kárahnjúkavirkjun komin fram úr kostnaðaráætlun

Kárahnjúkavirkjun er komin fram úr kostnaðaráætlun og munar nokkrum milljörðum króna. Nákvæmari tölu gefur Landsvirkjun ekki upp.

Borgarráð vill samstarf við samkeppnisyfirvöld um lóðaúthlutanir

Leitað verður eftir samvinnu við Samkeppniseftirlitið og önnur yfirvöld samkeppnismála um hvernig standa skal vörð um samkeppnissjónarmið við skipulag og úthlutanir lóða, samkvæmt tillögu borgarstjóra, sem samþykkt var í borgarráði í dag.

Mannréttindi samþætt í utanríkisstefnuna

Mannréttindi eiga að vera samofin öllu atferli í utanríkisstefnu Íslendinga, sagði utanríkisráðherra þegar hann gaf Alþingi skýrslu um utanríkismál í dag. Formaður Vinstri grænna segir sömu hernaðarhyggjuna og áður ráða áherslum ríkisstjórnarinnar í varnarmálum.

Farbann vegna nauðgunarrannsóknar á Selfossi staðfest

Hæstiréttur staðfesti farbann yfir Pólverja sem grunaður er um nauðgun á Selfossi fyrir tæpum tveimur vikum.

Dómur yfir bílaþjófi mildaður

Hæstiréttur mildaði dóm yfir karlmanni sem sakfelldur var fyrir að stela bíl og keyra hann í klessu. Maðurinn var dæmdur í átta mánaða skilorðsbundið fangelsi í Hæstarétti eins og í héraðsdómi en í héraðsdómi voru þrír mánuðir af dómnum óskilorðsbundnir

Milljóna tjón af völdum hraðahindrana

Hraðahindrandir á götum höfuðborgarinnar valda skemmdum á strætisvögnum upp á margar milljónir króna á ári hverju. Verst er ástandið á leið 28 í Kópavogi en þar hafa þrír gírkassar eyðilagst það sem af er þessu ári. Hver viðgerð kostar um eina milljón. Strætó bs. og borgaryfirvöld funda um málið á næstunni.

Dómi vegna blygðunarbrots vísað heim í hérað

Hæstiréttur hefur ómerkt og sent heim í hérað dóm yfir karlmanni sem dæmdur var í sex mánaða skilorðsbundið fangelsi fyrir húsbrot, brot gegn blygðunarsemi og barnaverndarlögum.

Bruninn á Grettisgötu: Eigandinn vaktaði húsið

Sigurður Ólason eigandi Grettisgötu 61 sem kviknaði í í nótt segist sjálfur hafa vaktað húsið í vikunni. Hann sagði i leigjendum upp um mánaðarmótin og enginn hefur verið í húsinu síðan um helgina.