Hækkar og lækkar

Verð á hlutabréfum í Evrópu hefur hækkað nokkuð þrátt fyrir verðlækkanir á mörkuðum í Asíu í morgun, þriðja daginn í röð. Verð á hlutabréfum lækkuðu í Asíu og Evrópu í gær og fyrradag og mátti merkja áhrif lækkananna hér á Íslandi. Í morgun hækkaði þó úrvalsvísitalan íslenska um tæp 2% og hækkanir hafa einnig orðið víðar í Evrópu, þar á meðal í Frankfurt, Lundúnum og París.

Unnið framundir morgun við að breyta verðmerkingum

Víða í verslunum voru starfsmenn að vinna framundir morgun við að breyta verðmerkingum vegna lækkunar á virðisaukaskatti og vörugjöldum í dag. Matvöruverð lækkar í landinu en einnig nær verðlækkunin til veitingahúsa, fjölmiðla og gistihúsa svo eitthvað sé nefnt.

Kristján Már ráðinn varafréttastjóri

Kristján Már Unnarsson fréttamaður hefur verið ráðinn varafréttastjóri Stöðvar 2. Hann tekur við starfinu af Þóri Guðmundssyni sem hefur tekið við starfi ritstjóra fréttavefsins visir.is. Þórir verður áfram í ritstjórn Kompáss. Kristján Már hefur starfað sem fréttamaður á Stöð 2 frá 1988 en hann hóf fjölmiðlaferil sinn á Dagblaðinu 1980. Fréttastjóri Stöðvar 2 er eftir sem áður Sigmundur Ernir Rúnarsson.

Pétur Blöndal biðst afsökunar á ummælum

Pétur Blöndal, þingmaður Sjálfstæðisflokksins, líkti Þórarni Tyrfingssyni, yfirlækni SÁÁ, við Guðmund í Byrginu í umræðu um fjárhagsvanda SÁÁ á Alþingi í morgun. Forystumenn stjórnarandstöðunnar kröfðust þess að Pétur yrði víttur en hann sá að sér og baðst sjálfur afsökunar á ummælunum.

Dagur umhverfisins tileinkaður hreinni orku

Dagur umhverfisins í ár verður tileinkaður hreinni orku og loftlagsmálum. Haldið er upp á daginn 25. apríl ár hvert en á þeim degi fæddist Sveinn Pálsson, fyrsti náttúrufræðingur Íslands, árið 1762.

"Heimskautslöndin unaðslegu" opna í Kaupmannahöfn

Valgerður Sverrisdóttir utanríkisráðherra opnar í dag farandsýningu í Kaupmannahöfn um arfleifð Vilhjálms Stefánssonar heimskautafara. Sýningin verður á Norðurbryggju og ber heitið “Heimskautslöndin unaðslegu”. Bein vefsending verður frá opnuninni á vefslóðinni www.arcticportal.org um klukkan 15 í dag.

Framsóknarflokkurinn vill afnema stimpilgjöld

Framsóknarflokkurinn vill afnema stimpilgjöld og kanna kosti þess að taka upp einstaklingsmiðaða persónuafslætti. Þetta er meðal þess sem kemur fram í drögum að ályktunum sem lagðar verða fyrir flokksþing Framsóknarflokksins sem hefst á morgun.

Það er verra veður um helgar

Það vita allir að það rignir meira um helgar en á virkum dögum. Þetta hefur nú verið vísindalega staðfest. Slæmu fréttirnar er að þetta er okkur sjálfum að kenna. Tveir þýskir viðurfræðingar, við háskólann í Karlsruhe hafa skoðað veðurfar á tólf stöðum í Þýskalandi á árunum 1991 til 2005 og hafa komist að því að daglegt líf mannskepnunnar hefur ekki bara langtíma áhrif á veðrið, heldur einnig skammtíma áhrif.

Fallegur veturhiminn yfir Reykjavík í kvöld

Falleg ský sáust yfir höfuðborginni nú í kvöld. Þau voru marglit og alla vega í laginu og glöddu margan manninn. Vísir hafði samband við Sigurð Þ. Ragnarsson, veðurfræðing á Stöð tvö og bað hann að útskýra þessa fágætu sjón.

Rykbinding skilar árangri

Rykbinding gatna í Reykjavík, með því að úða þær, hefur skilað árangri. Þrátt fyrir kalt og þurrt veður í gær og í dag hefur svifryk ekki farið yfir heilsuverndarmörk.

Vill banna alla símanotkun í akstri

Doktor í sálfræði vill að ökumönnum verði bannað að tala í síma á akstri hvort sem þeir nota handfrjálsan búnað eða ekki. Síminn veldur miklu áreiti og getur skapað stórhættu í umferðinni.

Ekki tilefni til lögsóknar

Varaformaður Stéttarsambands lögreglumanna segir að ástæða þess að fá mál gegn lögreglu fari fyrir dómstóla sé einfaldlega sú að ekki sé tilefni til lögsóknar.

Vantar starfsfólk á Hrafnistu

Dýrmæt dvalar- og hjúkrunarrými eru ónotuð á meðan hundruð manna bíða eftir vistun, jafnvel bráðveikt fólk heima við sem getur eingöngu treyst á aðhlynningu ættingja. Ástæðan er að ekki tekst að manna umönnunarstöður og er lélegum launum kennt um. Ástandið hefur ekki verið verra í þrjátíu ár, segir forstöðumaður Hrafnistu.

Segir fráleitt að Landsvirkjun undirbúi Þjórsárvirkjanir

Steingrímur J. Sigfússon, formaður vinstri grænna, segir það stórkostlega ámælisvert og fráleitt að opinbert fyrirtæki eins og Landsvirkjun bjóði út hönnun virkjana við Þjórsá þegar fyrir liggi andstaða landeigenda. Fjármálaráðherra segir rangt að slík andstaða hafi komið fram.

Raforkuverð lækkaði hjá mun fleirum

Raforkuverð hækkaði, hjá fjórðungi íbúa landsbyggðarinnar, um allt að sextíu prósent vegna markaðsvæðingar raforkukerfisins. Verðið lækkaði hins vegar hjá þremur fjórðu hluta íbúanna. Þetta kom fram á Alþingi í dag.

Jón Baldvin ekki á lista Samfylkingarinnar

Jón Baldvin Hannibalsson, fyrrverandi formaður Alþýðuflokksins, verður ekki á framboðslista Samfylkingarinnar. Boð um að hann tæki heiðurssæti á lista flokksins í Reykjavík var, að sögn Jóns Baldvins, dregið til baka í samtali sem þau Ingibjörg Sólrún Gísladóttir áttu í kjölfar Silfurs Egils í síðasta mánuði.

Martin Ingi hlaut Nýsköpunarverðlaun forseta Íslands

Nýsköpunarverðlaun forseta Íslands voru afhent við hátíðlega athöfn á Bessastöðum klukkan fimm í dag. Sigur úr býtum bar Martin Ingi Sigurðsson fyrir verkefni sitt um áhrif aldurs á utangenamerki mannsins. Nýsköpunarverðlaun forseta Íslands voru fyrst veitt árið 1996. Markmið þeirra er að verðlauna námsmenn sem unnið hafa framúrskarandi starf við úrlausn verkefna sem styrkt eru af Nýsköpunarsjóði námsmanna.

Skora á alla að virða áfengislögin

,,Hvers konar auglýsingar á áfengi og einstökum áfengistegundum eru bannaðar. Enn fremur er bannað að sýna neyslu eða hvers konar aðra meðferð áfengis í auglýsingum eða upplýsingum um annars konar vöru eða þjónustu”. Svo segir í 20. grein áfengislaga og nú hafa sex hópar, embætti og félagasamtök tekið sig saman og skorað á alla að virða ákvæði laganna. Þetta eru SAMAN-hópurinn, NÁUM ÁTTUM, SAMFO, SÁÁ, Talsmaður neytenda og Umboðsmaður barna. Í áskorun þeirra segir meðal annars, að fjölmargar rannsóknir gefi til kynna að auglýsingar byggi upp jákvæð viðhorf til áfengis sem hafa áhrif á ákvarðanir um áfengisneyslu. Þær virki því neysluhvetjandi á ungt fólk. Bent er á skoðanakönnun frá sem Lýðheilsustöð gerði í fyrraþar sem kom í ljós að þrír af hverjum fjórum sögðust vera andvígir því að leyfilegt væri að auglýsa áfengi í fjölmiðlum sem börn og unglingar hafa aðgang að.

Úrvalsvísitalan lækkaði um nærri 1,5 prósent

Úrvalsvísitalan hafði lækkað um tæplega eitt og hálft prósent í dag þegar mörkuðum var lokað klukkan 16 en nokkuð flökt var á henni í dag. Hlutabréf fjölmargra fyrirtækja lækkuðu í dag, þar meðal Hf. Eimskipafélags Íslands um nærri níu prósent.

Stálu söfnunarbauk til styrktar bágstöddum börnum

Þrjú innbrot framin á höfuðborgarsvæðinu í gær. Fartölva var tekin úr húsi í Vogahverfinu, sumardekkjum stolið úr geymslu í Kópavogi og skjávarpi hvarf úr einum af grunnskólum borgarinnar. Þá stálu tveir piltar söfnunarbauk frá bensínstöð en verið var að safna peningum til styrktar bágstöddum börnum.

Slökkvilið fjarlægði fljótandi nikótín

Slökkvilið Ísafjarðarbæjar fjarlægði eiturefni úr húsi í Dýrafirði í gær. EFtir því sem segir á vef Bæjarins besta var eigandi hússins að taka til á háalofti þegar hann rakst á tvo brúsa sem innhéldu fljótandi nikótín.

Engin leynd yfir reikningum

Lokið var að yfirheyra Lindu Jóhannsdóttur, fyrrverandi fjármálastjóra Baugs, í Héraðsdómi Reykjavíkur um hádegisbil. Linda sagði enga sérstaka leynd hafa verið yfir reikningum sem bárust frá Nordica til Baugs. Tryggvi hefði yfirleitt samþykkt reikningana og hún vitað að þeir hafi verið í tengslum við Vöruhús Jóns Geralds Sullenberger.

Dótturfélag Icelandair Group gerir samning við Virgin

Lettneska flugfélagið LatCharter, dótturfyrirtæki Icelandair Group, hefur gert samning við flugfélagið Virgin Nigeria Airlines, dótturfyrirtæki Virgin Atlantic Airways, um daglegt flug á tveimur breiðþotum af gerðinni Boeing 767 milli Lundúna og Jóhannesarborgar með viðkomu í Lagos.

Neytendur fylgist með hvort matvælaverð lækki á morgun

Neytendasamtökin hvetja almenning til þess að fylgjast vel með því á morgun hvort matvælaverð lækki en þá taka gildi breytingar á lögum um virðisaukaskatt og vörugjöld á matvælum.

Kannast ekki við andstöðu við samningaviðræður við Landsvirkjun

Árni Mathiesen fjármálaráðherra sagði á Alþingi í dag að hann myndi ekki beita sér fyrir því að Landsvirkjun hætti virkjanaundirbúningi í neðri hluta Þjórsár og sagðist ekki kannast við að landeigendur væru andsnúnir samningaviðræðum við Landsvirkjun um bætur fyrir það land sem færi undir virkjanirnar þrjár í Þjórsá.

Vesturlandsvegur hættulegur segja nemar á barnaþingi

Sjöttu bekkingar í Klébergsskóla bentu í dag á hættuna sem þeim stafar af umferð um Vesturlandsveg, sem liggur norðan við skólann. Krakkarnir sögðu á Barnaþingi í morgun að þau börn sem byggju handan vegarins gætu hvorki farið fótgangandi né hjólandi í skólann, félagsmiðstöðina eða íþróttahúsið.

Segir ekki satt að tilgangslaust sé að kæra lögreglu vegna harðræðis

Embætti ríkislögreglustjóra hefur sent frá sér yfirlýsingu þar sem gerð er athugasemd við fréttaflutning Stöðvar 2 síðustu daga um meint harðræði lögreglu. Segir embættið ekki satt þar sem haft er eftir ónefndum lögmönnum að það þjóni ekki tilgangi að kæra lögreglu vegna harðræðis.

Segir ráðherra hafa lofað 400 milljörðum inn í framtíðina

Deilt var á ráðherra ríkisstjórnarinnar á Alþingi í dag fyrir að skrifa undir samninga við ýmsa aðila nú skömmu fyrir kosningar án þess að leita til Alþingis um fjárveitingar vegna þeirra. Benti fyrirspyrjandinn, Lúðvík Bergvinsson, Samfylkingunni, á að samkvæmt hans samantekt hefðu ráðherrar að undanförnu lofað um 400 milljörðum króna í fjárveitingar til ýmissa mála inn í framtíðina.

Vilja gera 108 hektara landfyllingu við Örfirisey

Fyrirtækin Björgun og Bygg vilja fá að gera 108 hektara landfyllingu vestan Ánanausta og Örfiriseyjar í Reykjavík og fá að byggja þar.

Eldur í nýbyggingu í Garðabæ í morgun

Slökkvilið höfuðborgarsvæðisins var kallað út í morgun vegna tilkynningar um eld í nýju húsi í Akrahverfi í Garðabæ. Um var að ræða hús í byggingu við Hallakur og logaði eldur í kassa á eldavél í íbúð á þriðju hæð hússins.

Vill láta flokka kaldastríðsskjöl úti á landi

Öll skjöl sem varða öryggismál Íslands á árunum 1945 til 1991 skulu afhent Þjóðskjalasafni Íslands, sem á að flokka þau og vista í sérstöku öryggismálasafni. Talið er að það muni taka um fjögur ár að flokka skjölin og gera þau aðgengileg fræðimönnum og almenningi og hefur menntamálaráðherra ákveðið að það skuli m.a. gert á Ísafirði og Húsavík.

Sagði Jón Ásgeir ekki hafa gefið fyrirmæli um færslu bókhalds

Linda Jóhannsdóttir, fyrrverandi fjármálastjóri Baugs, sagði í Héraðsdómi Reykjavíkur í morgun að Jón Ásgeir Jóhannesson, forstjóri fyrirtækisins, hefði aldrei gefið fyrirmæli um hvernig færa ætti bókhald Baugs en Jón Ásgeir er meðal annars ákærður fyrir bókhaldsbrot í endurákæru í Baugsmálinu.

Tvennt flutt á slysadeild eftir harðan árekstur

Tvennt var flutt á slysadeild Landspítalans nú á tólfta tímanum eftir harðan árekstur tveggja jepplinga á gatnamótum Háaleitisbrautar og Kringlumýrarbrautar. Að sögn slökkviliðs vankaðist annar mannanna nokkuð við áreksturinn en meiðsli þeirra voru ekki talin alvarleg.

Vilja lög til að tryggja stöðu Íbúðalánasjóðs fyrir þinglok

Félag fasteignasala skorar á stjórnvöld og alþingismenn að leggja fram frumvarp varðandi framtíð Íbúðalánasjóðs og afgreiða það fyrir þinglok með þeim hætti að rennt verði styrkum stoðum undir starfsemi hans.

Brunamálaskólinn fær formlega fast aðsetur

Brunamálaskólinn fær á morgun fast aðestur en þá mun Jónína Bjartmarz umhverfisráðherra taka formlega í notkun húsnæði á gamla varnarsvæðinu á Miðnesheiði undir starfsemina.

Telja að verk eftir Kjarval hækki í verði eftir söluna í gær

Málverkið Hvítasunnudagur eftir Kjarval var slegið 1,3 milljónir danskra króna í gær en kaupandinn er Íslendingur sem vill ekki láta nafns síns getið. Listmunasalar segja mál til komið að góð verk eftir Kjarval seljist almennt við hærra verði en verið hefur.

Rafmagn komið aftur á í Kópavogi

Rafmagn er aftur komið á Lindahverfi, Hagasmára og á Smáratorgi en það fór af þar um tíuleytið eftir eftir að háspennustrengur var grafinn í sundur.

Sérsveit kölluð til vegna hótana manns á sveitabæ

Lögreglan á Hvollsvelli fékk í morgun liðsauka frá Ríkislögregustjóra og Lögreglunni á Selfossi til þess að handtaka mann á sveitabæ í Rangárþingi ytra. Hann hafði haft í hótunum við fyrrverandi sambýliskonu sína sem óttaðist um sinn hag.

Reiknað með að svifryk verði undir heilsuverndarmörkum í dag

Svifryksmengun í Reykjavík reyndist rétt undir heilsuverndarmörkum í gær samkvæmt mælingum umhverfissviðs Reykjavíkurborgar og reiknað er með að svo verði einnig í dag þótt brugðið geti til beggja vona.

Rafmagnslaust í Lindahverfi og á Smáratorgi

Rafmagnslaust er nú í Lindahverfi, Hagasmára og á Smáratorgi eftir að háspennustrengur var grafinn í sundur um klukkan tíu. Þær upplýsingar fengust hjá Orkuveitu Reykjavíkur að verið væri að gera við strenginn og að rafmagn kæmist á innan skamms.

Þarf að greiða hálfa milljón vegna aksturs undir áhrifum fíkniefna

Maður sem tekinn var fyrir akstur undir áhrifum fíkniefna í umdæmi lögreglunnar á Akranesi þarf að reiða fram rúmlega hálfa milljón vegna athæfisins.

Tekinn á 155 kílómetra hraða

Tveir ökumenn voru teknir fyrir of hraðan akstur á Reykjanesbrautinni í kvöld. Var það á þeim kafla þar sem hún er tvöföld. Annars þeirra ók á 121 kílómetra hraða og má búast við sekt. Hann var einn á ferð. Annar var síðan tekinn á 155 kílómetra hraða og var með farþega í bílnum. Sá má búast við því að missa ökuleyfi í einhvern tíma og fá einnig sekt að sögn lögreglu Suðurnesja.

Þurftu samþykki Fjármálaeftirlitsins

Sú ákvörðun Sparisjóðs Svarfdæla að gefa Dalvíkurbyggð eitt stykki menningarhús er einstæð í sögu fjármálafyrirtækis. Leita þurfti samþykkis Fjármálaeftirlitsins áður en ákvörðunin var tekin.

Kílómetra á eftir tímaáætlun

Búið er að grafa tæpan fimmtung af Héðinsfjarðargöngum, milli Ólafsfjarðar og Siglufjarðar. Verkið er þegar þúsund metrum á eftir tímaáætlun en verktakar vona að þær tafir verði hægt að vinna upp.

Íslendingar og Danir funda öðru sinni um varnarmál

Íslenskir og danskir embættismenn áttu í dag öðru sinni fund um samstarf þjóðanna um öryggismál. Fundurinn var haldinn í Reykjavík og var áfram fjallað um mögulegar leiðir til að auka samstarf á sviði öryggismála og ákveðið að hefja vinnu við nánari útfærslu þess. Ennfremur var öryggissvæðið á Keflavíkurflugvelli heimsótt og aðstæður þar skoðaðar.