Framsóknarflokkurinn vill afnema stimpilgjöld

Framsóknarflokkurinn vill afnema stimpilgjöld og kanna kosti þess að taka upp einstaklingsmiðaða persónuafslætti. Þetta er meðal þess sem kemur fram í drögum að ályktunum sem lagðar verða fyrir flokksþing Framsóknarflokksins sem hefst á morgun.

Flokkurinn vill að ráðuneytin verði ekki fleiri en tíu og lögð verði áhersla á að skapa meiri nálægð milli kjörinna fulltrúa og kjósenda. Jafnframt að skipuð verði nefnd til að skoða hvernig hagkvæmast er að flytja heilbrigðisstofnanir, öldrunarþjónustu og málefni fatlaðra frá ríki til sveitarfélaga.