Holtavörðuheiði lokuð vegna vatnsflaums

Þjóðvegur eitt er lokaður milli Brúar í Hrútafirði og Dalsminnis við Bröttubrekkuafleggjarann en mikill vatnsflaumur er á veginum vegna rigninga. Lokað er því fyrir alla umferð á Holtavörðuheiðina. Umferð er beint um Bröttubrekku og Laxárdalsheiði en sú leið er mun lengri og ekki öll malbikuð.

Flutningaskipið snéri sér aðeins á kvöldflóðinu

Svo virðist sem að flutningaskipið Wilson Muugo, sem strandaði við Hvalsnes skammt frá Sandgerði snemma í morgun, hafi snúið sér um tíu til fimmtán gráður á kvöldflóðinu. Björgunarsveitarmenn vakta strandstaðinn í alla nótt en lítið sést til skipsins núna enda er myrkur og leiðinlegt veður á staðnum.

Vatnsflaumur hamlar umferð um Norðurárdal

Verið er að meta hvort að loka þurfi veginum um Norðurárdal en þar flæðir vatn yfir veginn á nokkrum stöðum eftir miklar rigningar. Lögreglan í Borgarnesi en vatnið hefur valdið nokkrum vandræðum fyrir ökumenn.

Sló mann með álstöng í höfuðið

Tuttugu og fimm ára karlmaður var í dag dæmdur í Hæstarétti Íslands í átta mánaða fangelsi, þar af sex mánuði skilorðsbundið, fyrir hættulega líkamsárás. Maðurinn sló annan mann með tveggja kílóa álstöng í höfuðið og tvisvar með krepptum hnefa í andlitið.

Ekki Birkis mál að vekja athygli á svartri skýrslu um Byrgið

Birkir Jón Jónsson, formaður fjárlaganefndar Alþingis segir það ekki hafa verið sitt hlutverk að vekja athygli nefndarinnar á svartri skýrslu um málefni Byrgisins. Slíkt sé hlutverk fagráðuneyta og Ríkisendurskoðunar.

Stórtjón í brjáluðu veðri á Akureyri

Stórtjón varð í brjáluðu veðri á Akureyri í nótt. Tré rifnuðu upp með rótum, bílar fuku og sumir vöknuðu upp við að hurðir vantaði á húsið.

Könnunarviðræður halda áfram

Könnunarviðræðum um varnarsamstarf Íslendinga við Dani og Norðmenn lauk í dag. Þeim verður fram haldið á næsta ári auk þess sem rætt verður við Breta og Kanadamenn. Utanríkisráðherra segir að byggt verði á eldra samstarfi við þessar fjórar þjóðir.

Á stærð við 15 knattspyrnuvelli

Breska stórfyrirtækið BT Group hefur gert samning við Data Íslandia um að gera hagkvæmnisathugun á byggingu allt að 100 þúsund fermetra gagnamiðstöðvar á Íslandi en það jafnast á við 15 knattspyrnuvelli. 200 ný störf gætu þá skapast. Framkvæmdastjóri Data Íslandia ætlar að bjóða fleiri alþjóðlegum fyrirtækjum samskonar þjónustu.

Hefur áhyggjur af flugstjórnarmálum

Sturla Böðvarsson samgönguráðherra hefur áhyggjur af stöðu flugumferðarstjórnar hér við land eftir að sextíu flugumferðarstjórar nýttu ekki lokafrest til að ráða sig hjá Flugstoðum sem tekur til starfa um áramót.

Sveitarfélögin ákveða útsvar

Hlutfall tekjuskatts lækkar á næsta ári um 1% og verður 22,75%. Meðalútsvar hjá sveitarfélögunum á árinu 2007 verður 12,97% sem er það sama og í ár. Af 79 sveitarfélagum ætla 61 þeirra að innheimta hámarksútsvar á næsta ári en 3 sveitarfélög verða með lágmarksútsvar.

Einn fórst og nítján bjargað eftir strand flutningaskips

Danskur strandgæslumaður fórst en nítján menn björguðust þegar flutningaskip strandaði við Hvalsnes skammt frá Sandgerði snemma í morgun. Átta sjóliðar af danska strandgæsluskipinu Triton lentu í sjávarháska þegar smábáti, sem þeir voru í, hvolfdi við björgunaraðgerðirnar.

Afeitrun Byrgisins var brot á lögum

Byrgið braut lög, með vitneskju yfirvalda, þegar þar var stunduð afeitrun árum saman. Skortur á eftirliti með meðferðarheimilum býður hættunni heim, segir þroskaþjálfi sem gerði úttekt á meðferðarmálum landsins. Stígamót segja alveg ljóst að rannsaka þurfi mál þeirra kvenna sem saka forstöðumann Byrgisins um að hafa misnotað sér sjúkleika þeirra.

Lögreglan í Vestmannaeyjum óskar eftir vitnum vegna brunans

Lögreglan í Vestmannaeyjum leitar nú að öllum þeim sem gætu veitt einhverjar upplýsingar um brunann í Fiskimjölsverksmiðju Ísfélagsins á laugardaginn.

Jón og Jónína leiða hjá Framsóknarflokknum

Jón Sigurðsson, iðnaðar- og viðskiptaráðherra, og Jónína Bjartmarz umhverfisráðherra munu leiða lista Framsóknarflokksins í Reykjavíkurkjördæmunum tveimur fyrir næstu Alþingiskosningar.

18 mánaða fangelsi fyrir kynferðisbrot gegn 13 ára stúlku

Karlmaður var í Héraðsdómi Suðurlands dæmdur í eins og hálfs árs fangelsi fyrir að hafa þröngvað 13 ára stúlku með ofbeldi til annarra kynferðismaka en samræðis og fyrir að gefa henni áfengi þrátt fyrir að vita að hún væri undir lögaldri. Þá var hann dæmdur til að greiða fórnarlambi sínu 900 þúsund krónur í skaðabætur.

Sýknaður af ákæru um fíkniefnabrot

Héraðsdómur Norðurlands eystra sýknaði í dag karlmann af ákæru um fíkniefnabrot sem átti að hafa átt sér stað um síðustu verslunarmannahelgi.

Spyr forsætisráðherra um misræmi í matarverðsútreikingum

Talsmaður neytenda hefur sent forsætisráðherra bréf vegna misræmis sem hann segir vera í upplýsingum um hve mikið matarverð lækki með aðgerðum ríkisstjórnarinnar. Þar vísar hann í fréttapóst Samtaka verslunar og þjónustu þar sem segir að matvælaverð muni með aðgerðunum lækka um 9-10 prósent en ekki 16 prósent eins og ríkisstjórnin haldi fram

Björgunarvesti látins sjóliða sagt hafa rifnað

Vesti danska sjóliðans af varðskipinu Triton, sem drukknaði í björgunaraðgerðum úti fyrir Sandgerði í morgun, rifnaði þegar björgunarbátnum hvolfdi. Frá þessu greinir Jótlandspósturinn. Þar segir einnig að tveir af félögum hans hafi reynt að halda honum á floti en að galli hans hafi smám saman fyllst af vatni og hann því orðið æ þyngri.

Slökkvilið kvatt að Engeynni við Reykjavíkurhöfn

Slökkvilið höfuðborgarsvæðisins var kvatt niður á Reykjavíkurhöfn nú á fjórða tímanum vegna gruns um eld í togaranum Engey sem liggjur við bryggju. Óttast var að glóð hefði komist á milli þilja í skipinu en sögn slökkviliðs virðist svo ekki hafa verið. Því reyndist ekki hætta á ferðum.

Gert ráð fyrir 300 milljóna króna afgangi hjá Akureyrarbæ

Akueyrarbær gerir ráð fyrir tæplega 300 milljóna króna rekstrarafgangi á næsta á samkvæmt fjárhagsáætlun bæjarins. Þetta kemur fram í tilkynningu frá bænum. Síðari umræða um fjárhagsáætluna verður á bæjarstjórnarfundi í dag og fram kemur í tilkynningu frá bænum að heildartekjur bæjarins verði tæpir 12,2 milljarðar króna en heildargjöld tæplega 11,9 milljarðar.

Sjötíu ára starfi St. Franciskussystra lýkur

Árni M. Mathiesen fjármálaráðherra og systir Belén Aldonando, fulltrúi St. Franciskusreglunnar, undirrituðu í dag samkomlag um að ríkið kaupi St. Franciskuspítalann í Stykkishólmi. Greiddar verða 140 milljónir fyrir hlut reglunnar í spítlanum en ríkið tekur auk þess að sér lífeyrisréttindi starfsmanna eftir því segir í fréttatilkynningu.

Búið að bjarga öllum skipverjum af Wilson Muuga

Búið er að bjarga öllum skipverjum af kýpverska flutningaskipinu Wilson Muuga sem strandaði úti fyrir Sandgerði í dag. Lent var með síðustu fjóra skipverjana, þar á meðal skipstjórann, og stýrimann frá Landhelgisgæslunni í Keflavík klukkan kortér í þrjú og er skipið því mannlaust nú.

Kanna möguleika á 100 þúsund fermetra gagnamiðstöð hér á landi

Breska stórfyrirtækið BT Group, sem áður hér British Telecom, hefur gert samning við Data Íslandia um að gera hagkvæmnisathugun á byggingu allt að 100.000 fermetra gagnamiðstöðvar á Íslandi. Þetta kemur fram í tilkynningu frá Data Íslandia.

Leggur til sæstreng til Írlands fyrir haustið 2008

Starfshópur um öruggt varasamband fjarskipta við umheiminn leggur til að lagningu nýs sæstrengs milli Íslands og meginlands Evrópu verði lokið haustið 2008. Hópurinn telur það hafa ákveðna kosti að leggja strenginn til Írlands þar sem það auki öryggi.

Ólíklegt að olíu verði dælt úr flutningaskipi í dag

Eitthvað af hráolíu hefur lekið frá flutningaskipinu Wilson Muuga sem strandaði úti fyrir Sandgerði í nótt og er útlit fyrir að ekki takist að dæla olíu úr skipinu í dag. Þetta kemur fram í tilkynningu frá lögreglunni í Keflavík. Þar segir að göt séu á skrokki skipsins og vinna fulltrúar frá Umhverfisstofnun og Olíudreifingu vinna að mengunarvörnum á slysstað.

Vilja tryggja rekstur Konukots til 1. maí

Fjármagn til reksturs Konukots og auknar niðurgreiðslur til dagforeldra og sjálfstætt rekinna leikskóla eru meðal breytinga sem meirihluti borgarstjórnar leggur til á frumvarpi að fjárhagsáætlun borgarinnar sem tekið verður til seinni umræðu í dag.

Háskóli Íslands missir netsambandið aftur

Háskóli Íslands er aftur orðinn sambandslaus við umheiminn. Starfsfólk og nemendur hafa þurft að glíma við afar slitrótta tengingu við Internetið vegna bilunar sem varð í CANTAT-3 strengnum um helgina.

Háskóli Íslands brýtur jafnréttislög í annað sinn á árinu

Kærunefnd jafnréttismála komst í gær að þeirri niðurstöðu að Háskóli Íslands hefði brotið gegn jafnréttislögum þegar hann réð karlmann í stöðu sérfræðings við stærðfræðistofu Raunvísindastofnunar HÍ. Þetta kemur fram í tilkynningu frá lögmanni konunnar.

Skipverjar fluttir með þyrlu - veður fer versnandi

Þyrla Landhelgisgæslunnar hefur nú flutt átta af tólf skipverjum á kýpverska flutningaskipinu Wilson Muuga í land og því eru aðeins fjórir skipverjar og stýrimaður frá Landhelgisgæslunni eftir í bátnum.

Varnarviðræður við Norðmenn í dag

Viðræður Norðmanna og Íslendinga um mögulegt varnarsamtarf þjóðanna hófust í utanríkisráðuneytinu í morgun og standa enn. Viðræðunefnd Norðmanna kom til landsins í gærkvöldi. Sendinefndin mun meðal annars skoða varnarsvæðið í Keflavík eftir hádegi.

Framsóknarmenn kynna framboðslista sína í Reykjavík

Kjördæmissambönd Framsóknarflokksins í Reykjavík norður og suður hafa boðað til blaðamannafundar klukkan hálfsex í dag í Framsóknarhúsinu að Hverfisgötu þar sem framboðslistar flokksins í kjördæmunum tveimur fyrir komandi þingkosningar verða kynntir.

Byrgið þarf að rannsaka

Guðrún Jónsdóttir hjá Stígamótum segir alveg ljóst að rannsaka þurfi mál þeirra kvenna sem saka forstöðumann Byrgisins um að hafa misnotað sér sjúkleika þeirra.

Dómara dæmd laun í samræmi við úrskurð Kjaradóms

Héraðsdómur Reykjavíkur komst í dag að þeirri niðurstöðu að íslenska ríkinu bæri að greiða Guðjóni St. Marteinssyni héraðsdómara rúmar sextíu þúsund krónur vegna þeirrar ákvörðunar alþingis að fella úr gildi ákvörðun Kjaradóms um hækkun launa æðstu embættismanna frá því seint á síðasta ári.

Fangi á Litla-Hrauni dæmdur fyrir vörslu fíkniefna

Héraðsdómur Suðurlands dæmdi dag fanga á Litla-Hrauni í eins mánaðar fangelsi fyrir fíkniefnabrot í fangelsinu fyrr á árinu. Hass og amfetamín fannst í munnholi og í klefa fangans í júlí í sumar og tæpum tveimur vikum síðar fannst einnig hass og tóbaksblandað kannabisefni við klefaleit.

Dæmdur fyrir vörslu nærri 260 barnaklámsmynda

Karlmaður var í Héraðsdómi Reykjavíkur í dag dæmdur í þriggja mánaða skilorðsbundið fangelsi fyrir kynferðisbrot með með því hafa haft nærri 260 ljósmyndir af barnaklámi í tölvu sinni sem margar hverjar voru mjög grófar.

Átta mánaða fangelsi fyrir fíkniefnabrot

Héraðsdómur Suðurlands dæmdi í morgun karlmann í átta mánaða fangelsi fyrir tvö fíkniefnabrot fyrr á þessu ári. Í fyrra tilvikinu var hann handtekinn eftir að tvær e-pillur og rúm tvö grömm af hassi fundust á honum en í síðara tilvikinu fundust nærri 15 grömm af amfetamíni og tæp 80 grömm af hassi.

Óskar vill rifta samningi við Faxaflóahafnir

Óskar Bergsson, varaborgarfulltrúi Framsóknarflokksins í Reykjavík, segir gagnrýni á verktakasamning hans við Faxaflóahafnir ómaklega og af pólitískum rótum sprottna. Hann vill að sátt ríki um verkefnið og biður því um að verktakasamningi hans við Faxaflóahafnir verði rift.

Ríkið kaupir St. Franciskusspítalann

Samningar hafa náðst um að ríkið kaupi St. Franciskusspítalann í Stykkishólmi. Þetta kemur fram í tilkynningu frá heilbrigðisráðuneytinu. Fjármálaráðherra og fulltrúi St. Franciskus-systrareglunnar undirrita samkomulag um kaupin ásamt heilbrigðis- og tryggingamálaráðherra í dag.

Atburðarás strandsins

Björgunar- og mengunarvarnaaðgerðir standa yfir á slysstað við Hvalsnes og nú er búið að flytja alla skipverja í land. Atburðarás strandsins og björgunaraðgerðanna er í grófum dráttum þessi:

Skilorðsbundið fangelsi og sekt fyrir ýmis brot

Karlmaður var í Héraðsdómi Suðurlands í dag dæmdur í fimm mánaða skilorðsbundið fangelsi og til greiðslu 300 þúsund króna í sekt fyrir þjófnað og umferðarlagabrot.

Vegagerðin varar við hálku á heiðum norðan og austan lands

Vegagerðin varar við flughálku er á Hólasandi, Mývatnsheiði, Vopnafjarðarheiði, Möðrudalsöræfum, Öxi og frá Kirkjubæjarklaustri að Lómagnúp.

Vildu gista í bílum sínum á Breiðdalsheiði

Björgunarsveitin Hérað var kölluð út fyrr í kvöld vegna tveggja bíla sem voru í vandræðum við Axarafleggjarann á Breiðdalsheiði. Björgunarsveitarmenn komu að bílnum um klukkan tíu. Fólkið í bílunum, sem var erlent, neitaði allri aðstoð og kvaðst ætla gista í bílunum í nótt. Björgunarsveitin hélt því aftur heim.

Maður fastur uppi í mastri hjá Fjarðaráli

Björgunarsveitarmenn vinna nú að því að ná niður manni sem fastur er uppi í mastri í lóð Fjarðaráls á Reyðarfirði. Björgunarsveitarmenn frá Héraði og Norðfirði aðstoða björgunarsveitina Ársól á Reyðarfirði við aðgerðirnar. Maðurinn er fastur í 20 til 30 metra hæð.

Lögreglan í Vík heimsækir skotvopnaeigendur

Lögreglan í Vík hefur síðustu vikur verið að heimsækja eigendur skotvopna um sýsluna sem eiga þrjú skotvopn eða fleiri.

Blysför á Þorláksmessu í tuttugasta og sjöunda sinn

Íslenskir friðarsinnar standa fyrir sinni árlegu blysför niður Laugarveginn á Þorláksmessu. Þetta er í tuttugasta og sjöunda sinn sem ganga er farin.