Fóstur heyra tal

Sex mánaða gömul fóstur geta heyrt tal. Þetta eru niðurstöður rannsóknar þar sem tólf hvítvoðungar, sem voru fæddir fyrir tímann, voru skoðaðir með heilaskanna. Hvítvoðungar sem höfðu einungis verið 28 vikur í móðurkviði gátu greint á milli orða eins og ga og ba og gátu líka greint á milli karlkyns og kvenkyns radda. Sérfræðingarnir að baki rannsókninni segja að þessi hæfileiki barnanna hafi að öllum líkindum verið áunnin í móðurkviði en ekki eftir að börnin fæddust. Niðurstöður rannsóknarinnar benda til þess að börn byrji að skilja tungumál strax í móðurkviði þegar þau heyra raddir foreldra sinna.

Sextán kynferðisbrot til rannsóknar á Suðurnesjum

Alls eru nú 16 kynferðisbrotamál til meðferðar við embætti lögreglustjórans á Suðurnesjum samkvæmt tilkynningu frá embættinu. Þrettán þeirra eru enn til rannsóknar en þrjú eru til afgreiðslu hjá lögfræðideild embættisins.

Flóðin enn ekki náð hámarki

Rennslið í Hvítá og Ölfusá er enn gríðarlegt og varar Veðurstofan við umferð á svæðinu.

Íslenskir karlar eru langlífastir í Evrópu

Íslenskir karlar voru langlífastir í Evrópu árið 2011. Lífslíkur íslenskra karla hafa batnað mjög á undanförnum árum.

Ungbarnadauði lægstur á Íslandi meðal Evrópuþjóða

Ungbarnadauði var lægstur á Íslandi meðal Evrópuþjóða árið 2011. Þá var ungbarnadauði á Íslandi 0,9 af 1.000 lifandi fæddum. Hvergi í Evrópu var ungbarnadauði jafn lágur og hér árið 2011.

Vantar alla stóru bitana á markað

Forstjóri Kauphallarinnar vill stóru bankana þrjá, Landsvirkjun og stór sjávarútvegsfyrirtæki á markað. Hann telur að íslenska ríkið gæti grætt tvöfalt á sölu Landsbankans en viðurkennir að höft auki hættu á bólumyndun.

Stingur upp á nýrri fjárfestingarleið

Erlend kvikmyndafyrirtæki hafa sýnt því áhuga að nýta sér fjárfestingarleið Seðlabankans til að fjárfesta í kvikmyndaverkefnum hér á landi. Leifur B. Dagfinnsson, framleiðandi hjá True North, segir binditímann sem leiðin felur í sér þó standa í fyrirtækjunum og talar fyrir sérsniðinni leið fyrir kvikmyndafjárfestingu.

Formaður Sjálfstæðisfélags Álftaness segir af sér

Sveinn Ingi Lýðsson hefur sagt af sér sem formaður stjórnar Sjálfstæðisfélags Álftaness. Þetta kemur fram á Eyjubloggi hans.

Nítján fórust þegar loftbelgur sprakk í Egyptalandi

Nítján manns fórust þegar loftbelgur sprakk þar sem hann sveif yfir Dal konunganna í Egyptalandi skammt frá Lúxor.

Varað við grjóthruni á Siglufjarðarvegi

Vegagerðin varar við grjóthruni á Siglufjarðarvegi, alveg frá Ketilási inn á Siglufjörð.

Skilin hafa skerpst í afstöðu til viðræðna

Að loknum landsfundum um helgina hafa þeir stjórnmálaflokkar sem notið hafa mests fylgis birt stefnu sína í Evrópumálum. Tveir vilja ljúka viðræðum um Evrópusambandsaðild og tveir stöðva þær. Línur virðast dregnar í stjórnarmyndun.

Seldu æðardún fyrir 508 milljónir

Verðmætaaukning íslensk æðardúns milli áranna 2011 og 2012 nemur 35,5% en árið 2012 var æðardúnn seldur fyrir tæplega 508 milljónir. Er það í fyrsta sinn sem útflutningsverðmæti hans nemur meira en hálfum milljarði króna.

Sala á IKEA kjötbollum stöðvuð í Danmörku og á Ítalíu

Kjötbolluhneysklið í IKEA breiðir sig nú út til fleiri landa því IKEA hefur ákveðið að stöðva alla sölu á kjötbollum sínum í Danmörku og á Ítalíu.

Flóð í ám víða á landinu

Allir vatnamælar Veðurstofunnar í ám á vestan- sunnan- og suðaustanverðu landi sýna nú rautt, sem þýðir mjög mikið rennsli.

Ölvaður ferðamaður í átökum við lögreglumenn

Ölvaður erlendur ferðamaður,sem var til ófriðar á veitingastað í miðborginni upp úr miðnætti, veittist að lögreglumönnum, sem kallaðir voru á vettvang, og hafði í alvarlegum hótunum við þá. Hann var yfirbugaður og vistaður í fangageymslu.

Eldflaug skotið frá Gaza á skotmark í Ísrael

Eldflaug var skotið frá Gaza svæðinu á skotmark í suðurhluta Ísraels í gærkvöldi.

Ferðalangarnir fimm allir komnir af sjúkrahúsi

Ferðalangarnir fimm, fjórir útlendingar og einn íslenskur fararstjóri og bílstjóri, sem var bjargað af þaki jeppa úti í miðri á í Landmannalaugum snemma í gærkvöldi og fluttir til Reykjavíkur, voru allir útskrifaðir af Landspítalanum í gærkvöldi, að aðhlynningu lokinni.

Óþarft er að örvænta þótt frostið bíti brátt í blöðin

Hlýindin undanfarna daga hafa gefið okkur sumum græna runna og blómstrandi garða. Þó er spáð frosti í lok vikunnar og segir garðyrkjufræðingur helsta áhyggjuefnið vera rætur sem gætu skaðast ef jörð er mjög blaut.

Kaffiverkfall hafið í Kólombíu

Heimsmarkaðsverð á kaffi fer hækkandi þessa stundina þar sem þúsundir landbúnaðarverkamanna á kaffiekrum í Kólombíu eru komnir í verkfall. Kólombía er fjórði stærsti útflytjandi á kaffi í heiminum.

Stórfelld eggjasvik til rannsóknar í Þýskalandi

Rannsókn hefur staðið yfir í Þýskalandi á meintum svikum hænsnabúa sem grunuð eru um að hafa selt egg sem lífrænt ræktuð þegar þau voru það ekki í raun.

Björgunarskip sótti veikan sjómann um borð í togara

Björgunarskip Landsbjargar í Grindavík var undir miðnætti sent til móts við íslenskan togara, en þar var veikur sjómaður um borð.

Stjórnarkreppa blasir við á Ítalíu

Stjórnarkreppa blasir við á Ítalíu í kjölfar þingkosninganna þar sem lauk í gærkvöldi.

Húsaleiga yrði allt að 43% lægri

Hægt yrði að leigja 100 fermetra íbúð á höfuðborgarsvæðinu á tæpar 88 þúsund krónur á mánuði ef hið opinbera byði upp á félagslegt leiguhúsnæði að danskri fyrirmynd. Þetta segir Alþýðusamband Íslands, sem kynnti í gær hugmyndir sínar um upptöku sambærilegs kerfis hér á landi.

Gjaldskrá sögð fela í sér grófa mismunun

Ný gjaldskrá fyrir almenningssamgöngur í Fjarðabyggð er orðin hitamál innan bæjarstjórnar. Ekki greiða allir íbúar lengur sama gjald eins og var heldur ræður búseta kostnaði. Mismunun, segir minnihlutinn en meirihlutinn hafnar gagnrýni.

Enn í eigu kaupanda þótt seljandi vilji rifta

Skíðaskálinn í Hveradölum er enn eign samnefnds einkahlutafélags sem keypti skálann í september síðastliðnum en er ekki kominn aftur í hendur seljandans eins og sagt var í Fréttablaðinu í síðustu viku.

Móðurmjólk getur skemmt tennur

Ráðlagt er að draga úr næturgjöfum barna við átta til tólf mánaða aldur, samkvæmt ráðleggingum Embættis tannlæknis um tannvernd. Árlega eru allt að 200 smábörn, fimm ára og yngri, svæfð vegna alvarlegra tannskemmda af völdum sætra og súrra drykkja að næturlagi.

Grínistinn Grillo í lykilstöðu

Bandalag vinstri- og miðjuflokka hlaut flest atkvæði í kosningum til neðri deildar Ítalíuþings. Þeir höfðu ríflega 30 prósent þegar búið var að telja um þrjá fjórðu atkvæða í gærkvöldi. Hægri flokkarnir, með hinn umdeilda Silvio Berlusconi í fararbroddi, voru þá með um 28,5 prósent.

Bjórinn betri en vatn eftir heimsókn í ræktina

Svo virðist sem að hóflega bjórdrykkja sé ákjósanleg leið til að bæta vökvatap sem á sér stað eftir erfiða líkamsþjálfun, það er, ef marka má niðurstöður rannsóknar á vegum Granada-háskólans á Spáni.

Frönsk fjölskylda í haldi hryðjuverkamanna

Herskáir íslamistar hafa tekið franska fjölskyldu gíslingu í Kamerún. Hópurinn birti í dag myndband á veraldarvefnum þar sem sjá má alla sjö meðlimi fjölskyldunnar í haldi uppreisnarmannanna.

Mengun valdur að minni kynfærum otra - vísindamenn vara karlmenn við

Rannsóknarniðurstöður breskra vísindamanna gefa til kynna að kynfæri otra hafi almennt séð minnkað á síðustu árum. Í niðurstöðum sínum vara líffræðingarnir við því að slíkt hið saman geti gerst hjá karlmönnum.

The Onion biðst afsökunar á ósmekklegum ummælum

Bandaríski platfréttamiðillinn The Onion hefur beðist afsökunar á umdeildri færslu á Twitter þegar Óskarsverðlaunahátíðin stóð sem hæst í gærkvöldi.

Strokið fjórum sinnum af geðdeild

Tuttugu og tveggja ára piltur sem var sviptur sjálfræði tímabundið vegna geðraskana og eiturlyfjaneyslu í byrjun janúar strauk í fjórða skipti af geðdeild landspítalans í gærkvöld. Ekki er vitað hvar hann er niðurkominn í dag. Móðir hans segist alls staðar koma að lokuðum dyrum og segir algjört úrræðaleysi í kerfinu gagnvart svona veikum einstaklingum.

Ferðafólki bjargað úr sjálfheldu

Þyrla Landhelgisgæslunnar bjargaði hópi fólks úr sjálfheldu eftir að bíll þeirra drap á sér í straumharðri á við Landmannalaugar síðdegis í dag.

Fjórar konur ákærðar fyrir að afklæða konu og raka af henni hárið

Ríkissaksóknari hefur gefið út ákærur gegn fjórum konum á þrítugsaldrinum fyrir hrottafengna líkamsárás í Mosfellsbæ í janúar á síðasta ári. Konunum er gefið að sök að hafa ráðist á unga konu á heimili hennar, þar sem hún var sofandi.

„Refsarinn“ klessir vísvitandi á bíla

Rússneskur rútubílstjóri ræðst gegn ökumönnum sem svína á honum.

Útgönguspár benda til að Berlusconi sé í vænlegri stöðu

Útgöngurspár á Ítalíu benda til þess að mið-vinstriflokkurinn, sem Pier Luigi Bersani veitir forystu, hafi hlotið flest atkvæði í neðri deild þingsins. Búist var við því að Bersani og félagar myndu fá 34,5% í efri deildinni og flokkur Silvios Berlusconis myndi fá 29%. En útgönguspár benda til þess að Berlusconi fái flest atkvæðin í efri deildinni. Kosningum á Ítalíu lauk klukkan þrjú í dag að íslenskum tíma en þær höfðu staðið yfir í tvo tíma.

Hæstiréttur staðfestir að Guðlaugur Þór og fleiri þurfa ekki að bera vitni

Hæstiréttur Íslands staðfesti úrskurð Héraðsdóms Reykjavíkur um að þau Guðlaugur Þór Þórðarson, eiginkona hans, Ágústa Johnson, Sigurjón Árnason, fyrrverandi bankastjóra Landsbankans, og Hauk Haraldsson til vitnis í dómsmálinu gegn Gunnari Þ. Andersen, fyrrverandi forstjóra Fjármálaeftirlitsins.

Réttindalaus reykspólaði rétt hjá lögreglustöðinni

Lögreglan á Suðurnesjum hafði um helgina afskipti af þremur ökumönnum sem allir voru réttindalausir.

Skoða undanþágur betur vegna hugmynda um fljótandi spilavíti

Fjármála- og efnahagsráðuneytið skoðar nú hvort tilefni sé til þess að til að skilyrði undanþágu á tollalögum verði skilgreind með skýrari hætti í tollalögum en nú er.

Aston Martin Shooting Brake í Genf

Er sérstaklega langur og óvenju hár að aftan svo vel fari um aftursætisfarþega. Er það óvenjulegt fyrir sportbíl.

Varað við flóði á Suðurlandi

Veðurstofan varar við flóði í Hvítá og Ölfusá. Vatnavextir eru á Vesturlandi, Suðurlandi og Suðausturlandi vegna mikilla rigninga og hlýinda undanfarna daga.

Lögreglan leitar að ræningjum

Lögreglan á höfuðborgarsvæðinu leitar nú tveggja manna sem frömdu rán í versluninni 10-11 í Þverbrekku í Kópvogi klukkan rúmlega ellefu síðastliðið föstudagskvöld, en tilkynning um málið barst lögreglu kl. 23.17.

Skiptar skoðanir á Óskarskynni

Gert lítið úr minnihlutahópum? Hæfilega fyrir neðan beltisstað? Spaugsemi aðalkynnis Óskarsverðlaunaafhendingarinnar, sem fram fór í gærkvöldi, er umdeild.

Rússar banna reykingar

Rússar hafa ákveðið að fylgja fordæmi annarra þjóða og bannað reykingar á almannafæri í landinu. Vladimir Pútín, forseti landsins, hefur skrifað undir lög þess efnis sem taka gildi í sumar.

Ingó hættur í meðferð við hvítblæði - Langar að taka myndir af Kötlugosi

"Það var dálítið "heavy“ að fá fréttirnar,“ segir ljósmyndarinn Ingólfur Júlíusson sem hefur barist við hvítblæði síðustu mánuði. Í síðustu viku tilkynnti Ingó, eins og hann er að jafnan kallaður, að ekki hefði tekist að lækna hvítblæðið og því hafi meðferð verið hætt. Ingólfur hefur því fengið úrskurð frá lækni um að hann eigi nokkra mánuði eftir ólifaða.