Eldri bílafloti – minna öryggi

Bílafloti landsins heldur áfram að eldast. Þetta sýna bæði tölur yfir nýskráða bíla og tölur yfir bíla sem skilað hefur verið til úrvinnslu. Á árunum fyrir hrun var í kringum átta þúsund bílum fargað á ári miðað við tæplega þrjú þúsund í fyrra samkvæmt tölum frá Úrvinnslusjóði.

Auðlindir skýr eign þjóðar og arður af þeim sýnilegur

Stjórnvöld eru hvött til að færa alla umsýslu með auðlindum þjóðarinnar á eina hönd. Þá ber að stofna auðlindasjóð til að tryggja að auðlindaarðurinn og meðferð hans verði sýnileg og auðlindareikning til að arðurinn sé aðskilinn frá öðrum fjármálum ríkisins.

Landlæknir skal eyða gögnum eftir eftirlit

Landlækni ber að fá allar þær upplýsingar úr heilbrigðiskerfinu sem hann óskar eftir til að sinna eftirliti sínu, en sumar má hann bara geyma í tiltekinn tíma. Heilbrigðisyfirvöld telja ótvírætt að læknum beri skylda til að afhenda landlækni þau gögn sem hann telur nauðsynleg og eru persónugreinanlegar upplýsingar þar með taldar. Þetta kemur fram í greinargerð frumvarps velferðarnefndar Alþingis um breytingu á lögum um landlækni og lýðheilsu.

Ísland vitundarvakning um mikilvægi jökla og íss

Íslenska verkefnið Vox Naturae var kynnt á ráðstefnu Sameinuðu þjóðanna um umhverfismál, sem haldin er í Brasilíu. Verkefninu er ætlað að bregða ljósi á mikilvægi jökla og íss og þau áhrif sem hlýnun jarðar hefur.

Dæmdur vegna hryðjuverka á Balí

Umar Patek, 45 ára meðlimur í Al-Kaída hryðjuverkasamtökunum var á fimmtudag dæmdur í 20 ára fangelsi fyrir að hafa smíðað bílsprengju sem notuð var til að sprengja skemmtistað á indónesísku eyjunni Balí árið 2002. Alls létust 202 í sprengingunni, þar á meðal 88 Ástralar og sjö Bandaríkjamenn.

Ólafur með forskot á Þóru

ForsetakjörÓlafur Ragnar Grímsson, forseti Íslands, hefur tæplega 8 prósentustiga forskot á Þóru Arnórsdóttur samkvæmt nýrri skoðanakönnun MMR á fylgi forsetaframbjóðenda. Af þeim sem tóku afstöðu sögðust 44,5% myndu kjósa Ólaf Ragnar og 36,9% Þóru Arnórsdóttur. Þá sögðust 10,1% myndu kjósa Ara Trausta Guðmundsson og 4,6% Herdísi Þorgeirsdóttur. Loks sögðust 2,0% myndu kjósa Andreu J. Ólafsdóttur og 1,9% Hannes Bjarnason.

Kosningar um sameiningu

Íbúum í Garðabæ og á Álftanesi gefst kostur á að kjósa um sameiningu sveitarfélaganna þann 20. október næstkomandi.

144% verðmunur á bossakremi

Það er dýrast að kaupa aðrar vörur en lyf í Apótekaranum á Akureyri. Skipholtsapótek fylgir fast á hæla Apótekarans og er með næstdýrustu vörurnar á landinu. Lægsta verðið var oftast í Lyfjum og heilsu á Selfossi. Þetta kemur fram í nýrri verðlagskönnun sem Alþýðusambands Íslands gerði fyrr í vikunni.

Elstu merki um notkun á mjólk

Efnafræðilegar rannsóknir á leifum af ílátum sem talin eru um 7.000 ára gamlar sýna að fólk í Norður-Afríku var byrjað að nýta sér mjólk úr nautgripum mun fyrr en áður hefur verið sýnt fram á, mögulega til að bregðast við þurrkum á svæðinu.

Framkvæmd í hendur Malava

Malaví Þáttaskil urðu á samstarfi Malaví og Þróunarsamvinnustofnunar Íslands (ÞSSÍ) með nýrri fjögurra ára samstarfsáætlun sem tekur gildi í byrjun júlí.

Krakkar hvattir til sumarlesturs

Í sumar efnir Borgarbókasafnið og Reykjavík Bókmenntaborg UNESCO til sumarlesturs fyrir börn á öllum aldri. Til að taka þátt þarf að koma við í einu af sex söfnum Borgarbókasafnsins þegar bók hefur verið lesin og skrifa nafn sitt, aldur, heiti bókar og símanúmer á blað í formi sólargeisla. Geislanum er svo komið fyrir á lestrarsólinni sem skáldfákurinn Sleipnir gætir í söfnunum.

Krafðist sýknu við lok réttarhaldanna

Tíu vikna réttarhöldum yfir hryðjuverkamanninum Anders Behring Breivik lauk fyrir rétti í Ósló í gær. Breivik hélt lokaávarpið í réttarhöldunum þar sem hann krafðist þess að vera látinn laus og hélt því fram að sagan myndi hreinsa hann af áburði. Fjölmargir áhorfendur í salnum yfirgáfu hann áður en Breivik hóf að tala.

Fundu fimmtíu beinagrindur

Fornleifafræðingar í Ástralíu fundu um fimmtíu beinagrindur af svokölluðum risavömbum í Queensland í gær. Beinin munu líklega gefa vísindamönnum betri skýringar á því hvers vegna tegundin dó út.

Gagnrýnir orð fólks á netinu

Egill Einarsson vill fá skýringar á því hvers vegna mál hans tók jafn langan tíma að fara í gegn um kerfið og raun bar vitni.

Selastofnarnir hafa minnkað verulega

Stofnar landsels og útsels eru mun minni en þeir voru árið 1980 þrátt fyrir takmarkaða veiði frá þeim tíma. Fækkunin hefur mest orðið í Breiðafirði, Faxaflóa, við Suðurströndina og Austfirði.

Mega ekki framselja vald sitt

Hæstiréttur í Arkansasríki í Bandaríkjunum hefur dæmt lög um dauðarefsingar þar ógild og segir þau ekki standast stjórnarskrá. Tíu fangar sem bíða þess að dauðadómi þeirra verði fullnægt höfðu áður gagnrýnt lögin.

224 milljónum hent í ruslið

Átta milljónir skilagjaldsskyldra áldósa lenda í almennu heimilissorpi landsmanna á ári hverju. Með þessum hætti verða Íslendingar af andvirði 112 milljóna króna árlega.

Sæti gæti færst af sjálfsdáðum

BL innkallar nú Nissan Navara (D40) og Nissan Pathfinder (D51). Ástæðan er galli í útbúnaði á bílstjórasæti sem gæti leitt til þess að stjórnborð fyrir sætisstillingar verði óvirkt. Í versta falli gæti bílstjórasætið tekið upp á því að færast af sjálfsdáðum.

Kröfur hertar um kælingu á fiskinum

Sjávarútvegs- og landbúnaðarráðuneytið hefur breytt reglugerð um hollustuhætti matvæla til að tryggja kælingu fiskjar. Reglugerðarbreytingin er sett að stærstum hluta vegna strandveiða.

Talibanar réðust á borgara

Vígbúnir talibanskir uppreisnarmenn réðust inn í hótel norður af Kabúl, höfuðborg Afganistans, og skutu á gesti í gær. Átján féllu, flestir þeirra óbreyttir borgarar.

Stjórnarskrá Washingtons seldist á hundruð milljóna

Eintak af bandarísku stjórnarskránni sem var í eigu George Washington seldist nýverið á 10 milljónir bandaríkjadala. Upphæðin nemur rétt tæplega 1300 milljónum íslenskra króna. Bókin var prentuð árið 1789, eða fyrsta árið sem George Washington sat í embætti. Fyrirfram var áætlað að bókin færi á einungis tvær til þrjár milljónir bandaríkjadala en niðurstaða uppboðsins varð allt önnur. Sagnfræðingar segja að það séu glósur sem Washington skrifar sjálfur í bókina sem geri hana svo verðmæta. Forsetinn hafi verið vel meðvitaður um það fordæmi sem hann myndi setja þeim forsetum sem fylgdu á eftir.

Kemur vampíruleikurinn út árið 2014?

Vísbendingar eru um að þriðji leikur CCP, World of Darkness, komi út árið 2014. Í frétt í Viðskiptablaðinu í gær er vitnað í ársskýrslu fyrirtækisins. Þar er farið yfir þróunaráætlun og gert ráð fyrir því að leikurinn verði tilbúinn til framleiðslu í ár og hann verði gefinn út árið 2014.

Ís-te úr sjálfsala fyrir að Twitta

Viðskiptavinir geta fengið ís-te úr sjálfsala með því einu að skrifa færslu á Twitter.

Gefur jöklunum rödd

Vox Naturae var gert að umræðuefni á ráðstefnu Sameinuðu þjóðanna Ríó + 20 sem haldin var í þessari viku. Vox Naturae er íslenskt verkefni sem felst í því að listamenn munu lýsa upp Svínafellsjökul um leið og frumsamin tónlist Bergljótar Arnalds mun ljá honum rödd.

Maður í farbanni stöðvaður í Leifsstöð

Erlendur karlmaður var í vikunni stöðvaður í Flugstöð Leifs Eiríkssonar þar sem hann gerði tilraun til að komast af landi brott með flugi.

Brýnt að styrkja línukerfið milli landshluta

Markaðsstjóri Landsvirkjunar telur brýnt að styrkja flutningskerfi raforku milli landshluta, - það myndi efla uppbyggingu iðnaðarsvæðis við Húsavík. Vegna fyrirhugaðra iðjuvera á Bakka er rætt um að reisa þurfi tvær virkjanir í Mývatnssveit. Landsvirkjunarmenn líta hins vegar ekki svo á að þeir séu að selja orku frá tilteknu orkuveri heldur úr raforkukerfi fyrirtækisins sem heild.

Útvega Skúla fógeta félagskap

Þriggja manna hönnunarteymi hefur tekið Fógetagarðinn í miðbænum í gegn og lífgað upp á torgið með tiltækum ráðum. Opnun á verkinu fer fram á morgun.

Kaldhæðnislegt ef femínistar myndu krefjast afsagnar Jóhönnu

Það væri afar kaldhæðnislegt ef Femínistafélag Íslands kallaði eftir afsögn fyrsta kvenkyns forsætisráðherra íslands þegar ráðherrar hafa brotið jafnréttislög á undan henni og komist upp með það án þess að þurfa að segja af sér. Þetta segir Steinunn Rögnvaldsdóttir, ráðskona feministafélagsins.

Umsóknarferli Íslands gengur óvenju hratt

Þrír kaflar til viðbótar voru í morgun opnaðir í viðræðum um aðild Íslands að Evrópusambandinu. Stefan Fulhe stækkunarstjóri segir að gangurinn í viðræðunum sé betri en hjá nokkru öðru landi frá árinu 2006.

Stakk fórnarlambið um þrjátíu sinnum

Hlífar Vatnar Stefánsson, sem hefur játað að hafa orðið Þóru Eyjalín Gísladóttur að bana, segir að hún hafi verið besti vinur sinn, og að hann hafi ekki ætlað að drepa hana. Sækjandi fer fram á minnst 16 ára fangelsisdóm. Rétt er að vara viðkvæma við lýsingum á atburðum í fréttinni.

Allar líkur á að Einar "Boom“ fái bætur

Brynjar Níelsson hæstaréttarlögmaður segir allar líkur á því að Einar „Boom" Marteinsson fái dæmdar skaðabætur frá ríkinu fyrir að hafa setið í gæsluvarðhaldi að ósekju ef hann á annað borð fer fram á bætur.

Hreystimenni hlaupa aftur og aftur upp Esjuna

Á morgun munu hátt í níutíu ofurhugar hlaupa upp og niður Esjuna, aftur og aftur allt að tíu sinnum. Hlaupið nefnist Mt.Esja Ultra og er það fyrsta sinnar tegundar á Íslandi hvað varðar erfiðleikastig, hækkun og vegalengd.

20 stigin aftur komin í veðurkortin

Tuttugu stiga hitamúrinn í lofthita var rofinn á landinu í dag, og raunar gott betur en það, því hitinn hefur hæst farið í 21,5 gráður á Egilsstöðum og í 21,4 gráður á Torfum í Eyjafirði. Fleiri veðurstöðvar norðaustanlands hafa farið yfir 20 gráðurnar, þar á meðal Hallormsstaður, með 20,5 gráður, og Reykir í Fnjóskadal, með 20,1 gráðu, samkvæmt tölum Veðurstofu. Þá hefur einnig verið hlýtt á hálendinu norðan Vatnajökuls. Þannig fór hitinn á Möðrudal í 19,3 gráður, á Jökuldal í 18,3 gráður og í Svartárkoti sunnan Mývatns mældust 18 gráður. Á Akureyri var 18 stiga hiti. Sunnanlands mældist 17,7 stiga hiti á Hjarðarlandi í Biskupstungum en í Reykjavík hefur hitinn mest farið í 15,6 stig. Veðurspá morgundagsins lofar einnig góðu, spáð er sól og blíðu um land. Búast má við um og yfir 20 stiga hita þar sem hlýjast verður inn til landsins.

Enginn missir bílpróf fyrir að hjóla fullur

Hjólreiðamenn geta fengið sektir fyrir að brjóta umferðarlög. Þeir geta aftur á móti ekki fengið refsipunkta í ökuferilskrá eða misst ökuleyfið fyrir það. Þetta segir Einar Magnús Magnússon, upplýsingafulltrúi hjá Umferðarstofu.

Móðir fundin sek um að myrða tvö börn sín

Hin breska Lianne Smith var fundin sek um að kæfa tvö börn sín

Engin ákvörðun tekin um áfrýjun

Ríkissaksóknari hefur ekki tekið ákvörðun um það hvort málinu gegn Einari "Boom“ Marteinssyni og félögum hans verður áfrýjað. Einar var sýknaður af ákæru um aðild að líkamsárás í Hafnarfirði skömmu fyrir síðustu jól, en dómur var kveðinn upp í málinu fyrr í vikunni. Fjórir fengu þunga dóma vegna árásarinnar. Þyngsta dóminn fékk Andrea Unnarsdóttir, eða fjögurra og hálfs árs fangelsi. Auk Einars var einn annar sýknaður af aðild að málinu.

Kona fær leyfi til að synda ber að ofan

Kona fær leyfi til að synda ber að ofan eftir að hafa farið í tvöfalt brjóstanám

Fundu fimm notaðar sprautunálar

Fimm notaðar sprautunálar fundust við hafnarvigtina í Keflavík í vikunni þegar lögreglan fór að gá. Það var vegfarandi sem kom við á lögreglustöðinni á Hringbraut í Reykjanesbæ til að gera viðvart um sprauturnar. Þess eru dæmi að sprautunálar finnist á víðavangi og beinir lögregla þeim tilmælum til fólks að láta tafarlaust vita ef það rekst á slíka hluti, því þeir geta reynst hættulegir lendi þeir í höndum barna.

Borgarráð styrkir tónleika Of Monsters and men

Borgarráð hefur samþykkt að styrkja tónleika hljómsveitarinnar Of Monsters and Men sem haldnir verða í Hljómskálagarðinum við Tjörnina í Reykjavík 7. júlí næstkomandi.

Hundruð lítra af olíu teknir ófrjálsri hendi

220 lítrum af olíu var stolið úr tanki sem var við húsnæði fyrirtækis í Reykjanesbæ. Ekki er vitað hvenær þjófnaðurinn átti sér stað, en talið er að það hafi verið á síðustu dögum. Þjófnaðurinn var tilkynntur lögreglunnar á Suðurnesjum og biður hún þá sem kunna að búa yfir upplýsingum um málið að hafa samband í síma 420-1800.

Ólympíufulltrúa Sýrlands meinaður aðgangur inn í Bretland

Ólympíufulltrúa Sýrlands, Mowaffak Joumaa hershöfðingi, hefur verið meinaður aðgangur inn í Bretland sem gerir honum ókleift að mæta á leikana

Breivik varar við því að skoðanabræður sínir geri árásir

Fjöldi fólks sem viðstaddur var réttarhöldin yfir Anders Behring Brevik, norska fjöldamorðingjanum, yfirgaf dómhúsið þegar Breivik var gefinn kostur á að tjá sig um réttarhöldin undir lok þeirra í dag. Salurinn hafði áður verið fullur af áhorfendum.

Ólafur enn með yfirhöndina

Tæplega 45% ætla að kjósa Ólaf Ragnar Grímsson í forsetakosningunum og 37% ætla að kjósa Þóru Arnórsdóttur, samkvæmt niðurstöðum skoðanakönnunar MMR. Þá voru 10,1% þeirra sem tóku afstöðu sem lýstu yfir stuðningi við Ara Trausta Guðmundsson, 4,6% vildu kjósa Herdísi Þorgeirsdótur, 2,0% Andreu J. Ólafsdóttur og tæp 2% Hannes Bjarnason. Könnunin var gerð dagana 13.-19. júní og voru þátttakendur á aldrinum 18-67 ára. 1816 manns svöruðu könnuninni á Netinu.

Samkynhneigðir verða enn fyrir fordómum á vinnustöðum

Rannsókn sem gerð hefur verið á lífi samkynhneigðra, tvíkynhneigðra og transfólks er að finna upplýsingar um fordóma á vinnustað

Hjólamennirnir koma til Reykjavíkur í dag

Áætlað er að sex manna hópur hjólreiðamanna, sem hjólað hefur hringinn í kringum landið á innan við viku, komi til Reykjavíkur í dag eftir að hafa lagt 1400 kílómetra að baki. Hringferðin er samstarfsverkefni Slökkviliðsins á höfuðborgarsvæðinu, Rauða kross Íslands, Tryggingamiðstöðvarinnar og Landspítalans og tilgangurinn með henni er að minna fólk á mikilvægi þess að nota reiðhjólahjálma. Hópurinn lagði af stað síðastliðinn laugardag og hefur því hjólað hringinn í kringum landið á tæpri viku. Ferðin hefur gengið mjög vel þó menn séu eðlilega orðnir lúnir því þeir skiptast ekkert á heldur hjóla allir heildarvegalengdina. Hópurinn lýkur ferðinni við slökkvistöðina við Tunguháls