Lýtalæknar neita enn að afhenda landlækni upplýsingar

Lýtalæknar neita enn að afhenda landlækni upplýsingar um sílíkonaðgerðir á brjóstum. Málið er nú á borði Persónuverndar. Landlæknisembættið ítrekaði í ársbyrjun beiðni sína um gögn frá lýtalæknum og er fresturinn útrunninn.

Austfirðingar segja Reykjavík afsala sér hlutverki höfuðborgar

Samband sveitarfélaga á Austurlandi segir í bréfi til forsætisráðherra ljóst að Reykjavíkurborg muni afsala sér hlutverki sínu sem höfuðborg allra landsmanna, verði af áformum borgarstjórnar að leggja af Reykjavíkurflugvöll og nauðsynlegt sé að hefjast þegar handa um breytingar á opinberri stjórnsýslu.

Hættustigi lýst yfir á Súðavíkurhlíð - veginum lokað

Varúðarstiginu á Súðavíkurhlíð hefur nú verið breytt í hættustig og hefur veginum á milli Súðavíkur og Ísafjarðar verið lokað. Nokkur lítil snjóflóð hafa þegar fallið á veginn. Víðar á Vestfjörðum er hætta talin á snjóflóðum og er ófært frá Ísafirði til Flateyrar og Suðureyrar.

Yrsu sárnaði gagnrýni Kolbrúnar og Páls Baldvins

"Allt sem þau sögðu um mig var svo hrikalega neikvætt að ég varð orðlaus. Þau efuðust meira að segja um söluna á bókinni og að sölulistarnir væru réttir. Hvað með öll hin árin sem þessir listar hafa verið birtir? Mér fannst þau ekki sanngjörn," segir Yrsa Sigurðardóttir en henni sárnaði gagnrýni Kolbrúnar Bergþórsdóttur og Páls Baldvins Baldvinssonar á nýjustu bók hennar Brakinu í Kiljunni fyrir jól.

Ólæsir drengir stærsta vannýtta auðlind þjóðarinnar

"Í þessum fjórðungi stráka sem ekki geta lesið sér til gagns liggur stærsta vannýtta auðlind þjóðarinnar - tækifærin eru svo mörg að þau fylla heilu bókasöfnin. Ef ekki er brugðist við af krafti blasir við að strákarnir okkar og þjóðin öll - falli niður í þriðju deild," segir Andri Snær Magnason, rithöfundur, í grein í Fréttablaðinu í dag.

Ný Vestmannaeyjaferja í síðasta lagi 2015

Gert er ráð fyrir því að ný ferja geti hafið siglingar í Landeyjahöfn í síðasta lagi árið 2015. Þetta kemur fram í tilkynningu frá innanríkisráðuneytinu en ráðuneytið kynnti áformin á fundi í dag. Ögmundur Jónasson innanríkisráðherra hefur ásamt Vestmannaeyjabæjar, Siglingastofnunar og Vegagerðarinnar farið yfir stöðuna varðandi siglingar í Landeyjahöfn og á þeim fundum hefur verið fjallað um smíði nýrrar ferju, fyrirkomulag siglinga þar til ný ferja verður komin í gagnið, líklega þróun sandburðar við Landeyjahöfn og rannsóknir sem framundan eru. "Við fjármögnun verður litið til verkefnisins í heild sinni, þ.e. smíði nýrrar ferju og aðgerða til aðlögunar Landeyjahafnar að breyttum náttúrulegum aðstæðum.“

Ný Xbox leikjatölva kynnt á næsta ári

Nýjasta leikjatölva Microsoft verður að öllum líkindum opinberuð haustið 2013. Talið er að grafík leikjatölvunnar verði 6 sinnum öflugri en núverandi geta Xbox 360 tölvunnar.

Snjóflóðahætta: Varúðarstigi lýst yfir á Súðavíkurhlíð

Vegagerðin hefur lýst yfir varúðarstigi á Súðavíkurhlíð vegna snjóflóðahættu. Geir Sigurðsson hjá Vegagerðinni á Ísafirði segir að veginum á milli Súðavíkur og Ísafjarðar hafi ekki verið lokað, en að mælst sé til þess að fólk fari ekki um hann nema brýnustu nauðsyn beri til.

Vetrarvertíðin gengur vel í hvalaskoðuninni

Vetrarvertíðin í hvalaskoðun hefur gengið sérlega vel í ár að sögn Rannveigar Grétarsdóttur hjá Eldingu. Hún segir að mikið kapp hafi verið lagt á það að undanförnu að kynna Ísland sem ferðamannastað allt árið en á síðasta ári hófst samstarf opinberra aðila, einkaaðila og sveitarstjórna undir verkefnisheitinu "Ísland - Allt árið". Átakið hefur það að markmiði að jafna árstíðarsveiflu í komu ferðamanna, skapa ný störf í ferðaþjónustu og auka arðsemi af greininni.

Egypska byltingin ársgömul

Eitt ár er liðið síðan bylting hófst í Egyptalandi. Af því tilefni hafa þúsundir Egypta safnast saman á Frelsistorginu í Kaíró.

Julian Assange framleiðir sjónvarpsþátt

Julian Assange, stofnandi Wikileaks, mun brátt hefja framleiðslu á viðtalsþætti fyrir sjónvarp. Í þættinum mun Assange tala við pólitíska leiðtoga, hugsuði og aðgerðarsinna.

Mál Baldurs tekið fyrir í Hæstarétti í dag

Málflutningur í máli ákæruvaldsins gegn Baldri Guðlaugssyni, fyrrverandi ráðuneytisstjóra í fjármálaráðuneytinu, hófst í Hæstarétti í morgun.

Starfsmenn Disney fá leyfi til að safna skeggi

Starfsmenn í skemmtigörðum Disney hafa nú loks fengið leyfi til að safna skeggi. Fyrirtækið mun einnig innleiða "afslappaða föstudaga“ en þá fá starfsmenn að klæðast póló-bolum og gallabuxum - kvenkyns starfsmenn fá þá að ganga sandölum.

Hefur safnað 40 milljónum: "Ótrúlega þakklátur fyrir stuðninginn"

"Ég fór út í þetta með það markmið að ég myndi ekki hætta fyrr en þetta myndi takast, en ég vissi ekki hversu langan tíma þetta tæki," segir Guðmundur Felix Grétarsson, sem hóf að safna fyrir handaágræðslu í september síðastliðnum en aðgerðin mun fara fram í Frakklandi.

Navy Seals björguðu pari úr höndum sjóræningja

Hermenn úr Navy Seals sérsveit bandaríska flotans björguðu dönskum manni og bandarískri konu úr höndum sjóræningja í Sómalíu í nótt.

Íslenski hesturinn á toppnum

Hestaleigan Íslenski hesturinn er í þriðja sæti ferðavefsíðunnar Tripadvisor yfir hluti sem mælt er með að gera í allri Evrópu. Leigan er eina hestaleigan í Reykjavík og er þjónustan lofuð í hástert af fyrrum viðskiptavinum.

Eldsvoði á Ísafirði

Nokkurt tjón varð þegar eldur kviknaði í háfi yfir eldavél á veitingastað í verslanamiðstöðinni Neistanum á ísafirði um sex leitið í gærkvöldi þannig að eldur og reykur stóðu upp úr húsinu.

Varað við snjóflóðahættu á Vestfjörðum

Búast má við snjóflóðahættu víða á vegum á norðanverðum Vestfjörðum í dag miðað við veðurspá.

Vonar að línur skýrist bráðlega

Línur eru ekki enn farnar að skýrast að ráði í bæjarstjórnarmálum í Kópavogi, en viðræður um meirihlutamyndun hafa nú staðið í rúma viku án árangurs.

Ögmundur boðar til blaðamannafundar

Ögmundur Jónasson innanríkisráðherra hefur boðað til blaðamannafundar fyrir hádegi og er fundarefnið siglingar milli Landeyjahafnar og Eyja.

Obama boðar aukna skatta á hátekjufólk

Barack Obama Bandaríkjaforseti flutti stefnuræðu sína í Washington í gærkvöldi og fylgdust tugmilljónir manna með henni í beinni útsendingu.

Klámmyndaleikarar skyldaðir til að nota smokka

Borgaryfirvöld í Los Angels hafa samþykkt nýja reglugerð sem skyldar klámmyndaleikara í borginni til að nota smokka við vinnu sína.

Ölvaður ökumaður ók á tvo ljósastaura

Ölvaður ökumaður var handtekinn á hlaupum í vesturborginni eftir að hafa ekið á tvo ljósastaura og hafnað á einskonar handriði við Landakotsspítala, þar sem bíllinn festist

Gingrich mælist með meira fylgi en Romney á landsvísu

Í fyrsta sinn síðan að prófkjör Repúblikanaflokksins hófust mælist Newt Gingrich með meira fylgi á landsvísu en Mitt Romney.

Kraftaverk að 40 leikskólabörn sluppu ómeidd úr rútuslysi

Það þykir ganga kraftaverki næst að 40 leikskólabörn sluppu meir og minna ósködduð úr alvarlegu rútuslysi sem var á norðanverðu Sjálandi síðdegis í gær.

Reynt að koma húsinu í rétt horf

Töluverðar skemmdir urðu á veitingastaðnum Sjávargrillinu á Skólavörðustíg þegar eldur kom upp í þvottahúsi í kjallara staðarins aðfaranótt þriðjudags. Talið er að eldurinn hafi kviknað út frá rafmagnstæki, hugsanlega þvottavél.

Sjö helgar kosta 13,5 milljónir

Stjórn skíðasvæða höfuðborgarsvæðisins áætlar að það kosti 13,5 milljónir að reka skíðasvæðið í Skálafelli í sjö helgar í vetur. Nýtt belti á snjótroðara kostar 5 milljónir að sögn Diljár Ámundadóttur, formanns stjórnar.

Dönsk fegurðardrottning vann dómmál sitt gegn Sandefjord

Danska fegurðardrottningin, Line Kruuse Nielsen, vann dómsmál sitt gegn norska bænum Sandefjord vegna skaða sem hún hlaut þar í desember árið 2008 þegar hún féll á svelli við torg bæjarins er hún var á leið á líkamsræktarstöð.

Romney borgar meira til Mormónakirkjunnar en í skatta

Milljarðamæringurinn Mitt Romney borgar meira til Mormónakirkjunnar í Bandaríkjunum en hann borgar í skatta þar í landi.

Lögreglan stöðvaði mannrán á Ártúnshöfða

Karl og kona eru í haldi lögreglunnar á höfuðborgarsvæðinu eftir að þau voru stöðvuð á bíl á Ártúnshöfða á ellefta tímanum í gærkvöldi og leikur grunur á að farþegi sem var með þeim í bílnum, hafi verið þar nauðugur, enda skelkaður en ómeiddur.

Töluvert tjón í eldsvoða á Bifröst

Engan sakaði er töluvert tjón varð þegar eldur kviknaði í mannlausri íbúð í nemendagarði með tíu íbúðum að Bifröst upp úr miðnætti.

Dregur úr flutningum þó fleiri fari en komi

Enn flytja fleiri frá landinu en til þess, þrátt fyrir að heldur hafi dregið úr brottflutningi. Tölur frá Hagstofu Íslands sýna að árið 2011 fluttu 6.982 frá landinu, en 5.578 til landsins. Árið 2010 fluttu 7.759 frá Íslandi en 5.625 til landsins.

Andlát fórnarlambs flækir réttarhaldið

Þrír menn neituðu því staðfastlega fyrir dómi í gær að hafa ráðist með hrottalegum hætti á grískan ferðamann í Bankastræti fyrir nærri tveimur árum. Frásagnir þeirra af atburðum næturinnar stangast hins vegar á í veigamiklum atriðum.

Hafa minni áhuga á lestri

Norræn ungmenni hafa minni áhuga á lestri en áður. Þetta á sérstaklega við um drengi.

80% ferða um Þorlákshöfn

Herjólfur hefur farið 34 ferðir til Landeyjahafnar síðan í byrjun nóvember og 135 til Þorlákshafnar. Áttatíu prósent ferðanna hafa verið til Þorlákshafnar.

Arion lokar líka á stofnun reikninga á netinu

Arion banki breytti í gær netbanka sínum svo ekki er lengur hægt að stofna nýja reikninga í netbankanum.

Strandsiglingar hefjist næsta ár

Tilraunastrandsiglingar gætu hafist í byrjun næsta árs ef áætlanir innanríkisráðuneytisins ganga eftir.

Nauðgun enn til rannsóknar hjá lögreglu

Ein nauðgun sem kærð var á Þjóðhátíð í Vestmannaeyjum í fyrra er enn til rannsóknar hjá lögreglu.

Frumvarp er í þingflokkunum

Frumvarp innanríkisráðherra um forvirkar rannsóknarheimildir hefur verið kynnt í ríkisstjórn og er nú til umfjöllunar í þingflokkum stjórnarflokkanna. Ögmundur Jónasson sagði á þingi í gær að hann mundi leggja áherslu á að flýta framlagningu þess á þingi.

Segir embættismenn hafa ánetjast ESB

Ögmundur Jónasson innanríkisráðherra hefur áhyggjur af því að stofnanaveldið, eins og hann orðaði það, hafi ánetjast Evrópusambandinu. Hann lýsti þeirri skoðun sinni undir glymjandi bjölluhljómi forseta Alþingis í gær, en ráðherra var kominn þó nokkuð fram yfir tímamörk sín.

Ökumaður lést – börnin sluppu

Fullorðinn maður lést og þrjú leikskólabörn slösuðust þegar rúta og fólksbíll rákust saman í nágrenni Kaupmannahafnar síðdegis í gær.

Þjarkað áfram um skuldir Grikklands

Á mánudagskvöld höfnuðu fjármálaráðherrar Evrópusambandsins hugmyndum bankanna um niðurfellingu helmings skulda gríska ríkisins gegn lengri lánum, sem eigi að bera fjögur prósent vexti.

Segir samsæri gegn Sýrlandi

Utanríkisráðherra Sýrlands segir „hálfan heiminn" vera viðriðinn samsæri gegn landinu. Arababandalagið dró eftirlitsnefnd sína til baka frá landinu í gær vegna þess að stjórnvöld í Sýrlandi hafa ekki hætt að beita borgara sína ofbeldi.

Vara forseta við að skrifa undir

Tyrkir vöruðu Nicolas Sarkozy Frakklandsforseta í gær við því að skrifa undir lög sem gera það glæpsamlegt að afneita þjóðarmorði Tyrkja á Armenum fyrir tæpri öld. Efri deild franska þingsins samþykkti lögin á mánudagskvöld.

Gæti fengið einkasjúkrahús

Svo gæti farið að sérstakt eins manns geðsjúkrahús verði byggt innan múra Ila-fangelsisins í Bærum til að hýsa fjöldamorðingjann Anders Behring Breivik, verði hann úrskurðaður ósakhæfur.