Fleiri fréttir

Ung lögga fékk heiðurverðlaun

„Þetta kom skemmtilega á óvart. Það er nú ekki svo oft sem okkur er hrósað og sjálfur lít ég á aðstoð lögreglunnar við borgarana sem sjálfsagðan hlut,“ segir lögreglumaðurinn Jóhann Birkir Guðmundsson sem í fyrradag hlaut heiðursverðlaun Stúdentaráðs.

Buðu Íslandi aðeins 6,5% makrílkvótans

Sameiginleg tillaga Evrópusambandsins (ESB) og Noregs, sem lögð var fram á fundi strandríkjanna í Clonakilty á Írlandi í síðustu viku, gerði aðeins ráð fyrir 6,5% hlutdeild Íslands í sameiginlegum makrílkvóta frá og með næsta ári, samkvæmt heimildum Fréttablaðsins.

Eyddu hálfum milljarði á hátíðinni

Erlendir ferðamenn sem sóttu Iceland Airwaves-hátíðina heim eyddu 450 milljónum króna meðan á hátíðinni stóð. Þetta kemur fram í könnun á hagrænum áhrifum komu gesta hátíðarinnar hingað til lands, sem unnin er á vegum Útflutningsstofu íslenskrar tónlistar. Iceland Airwaves stóð yfir dagana 31. október til 4. nóvember.

Óvíst með hvít jól í Reykjavík

Óvíst er hvort jólin verði hvít í höfuðborginni. Næsta vika verður umhleypingasamari í veðri en undanfarið, þá sér í lagi sunnanlands.

Sjálfstæði Palestínu viðurkennt á Íslandi

„Þetta er mjög mikilvægt því þetta auðveldar öðrum ríkjum að fylgja í kjölfarið,“ sagði Riad Malki, utanríkisráðherra Palestínu, þegar hann tók við viðurkenningu Íslands á sjálfstæði Palestínuríkis í gær.

Glassúr og púðursykur reyndust of létt

Nettóþyngd Kötlu púðursykurs og glassúrs frá Kötlu eru undir leyfilegum mörkum sé miðað við merkingar á vörunum. Glassúrinn er að meðaltali um 30 prósentum undir nettóþyngd, vegur að meðaltali um 103 grömm, en samkvæmt pakkningu á varan að vega 150 grömm. Þetta eru niðurstöður nýrrar könnunar Neytendastofu á þyngd sex vörutegunda sem notaðar eru í bakstur.

Par með hundruð gramma kókaíns

Par sem var að koma frá Spáni í byrjun vikunnar reyndist vera með kókaín falið innvortis. Parið var úrskurðað í gæsluvarðhald fram á mánudag, en jafnvel er gert ráð fyrir að fólkið verði látið laust í dag þar sem rannsókn málsins hefur miðað mjög vel.

Ekki niðurlæging að fá mat í poka

Við viljum helst sjá bros á þeim sem fara frá okkur og reynum að miða við það,“ segir Ragnhildur G. Guðmundsdóttir, formaður Mæðrastyrksnefndar í Reykjavík. Jólin eru annasamasti tíminn hjá hjálparsamtökum eins og Mæðrastyrksnefnd, og jólaúthlutunin er í undirbúningi allt árið um kring.

Togari knúinn áfram með orku úr dýrafitu

Björgúlfur EA 312, ísfiskstogari Samherja, kom til heimahafnar á Dalvík í gær en í veiðiferðinni var nýttur innlendur orkugjafi, lífdísill, framleiddur hjá nýsköpunarfyrirtækinu Orkey á Akureyri. Þetta mun vera einsdæmi í heiminum að úrgangi sé breytt í orku sem nýtt er til að keyra fiskiskip.

Meirihlutinn vill leyfa staðgöngumæðrun

Meirihluti velferðarnefndar Alþingis hefur lagt til að þingsályktunartillaga um að heimila skuli staðgöngumæðrun verði samþykkt. Tveimur minnihlutaálitum var skilað þar sem lagst var gegn því að tillagan yrði samþykkt nú.

Jacques Chirac fær tveggja ára dóm

Jacques Chirac, fyrrverandi Frakklandsforseti, hlaut í gær tveggja ára skilorðsbundinn fangelsisdóm fyrir fjárdrátt til að fjármagna starfsemi stjórnmálaflokks hans, PRP. Chirac, sem er 79 ára og heilsuveill, var formaður flokksins frá 1977 til 1995, en þá var hann jafnframt borgarstjóri í París.

Helmingur árása innan sambands

Fimmtungur bandarískra kvenna hefur orðið fyrir kynferðisofbeldi, samkvæmt nýrri rannsókn bandarísku sóttvarnastofnunarinnar CDC. Helmingur árásanna átti sér stað meðal sambúðarfólks eða kærustupara.

Áttu að beita öllum ráðum

Liðhlaupar úr sýrlenska hernum skýra frá því að yfirmenn þeirra hafi gefið þeim skipanir um að brjóta öll mótmæli á bak aftur með öllum tiltækum ráðum. Þeir segjast hafa skilið þetta sem svo að þeim væri frjálst að skjóta og drepa að vild til þess að stöðva mótmælin gegn Basher al-Assad forseta og öðrum stjórnvöldum.

Þingmenn Samfylkingarinnar verða ekki meðflutningsmenn tillögunnar

Enginn úr Samfylkingunni verður meðflutningsmaður þingsályktunartillögu, sem gengur út á að skora á saksóknara að draga ákæru gegn Geir H. Haarde, fyrrverandi forsætisráðherra, til baka. Þetta staðfestir Oddný G. Harðardóttir, þingflokksformaður Samfylkingarinnar í samtali við Vísi.

Lagt til að Mehdi fái ríkisborgararétt

Íranski hælisleitandinn Mehdi Kavyanpoor er meðal tuttugu og fögurra einstaklinga sem allsherjar- og menntamálanefnd Alþingis leggur til að fái íslenskan ríkisborgararétt. Kavyanpoor sótti fyrst um hæli hér á landi fyrir sex árum.

Vill sérmerkja barnaefni sem inniheldur auglýsingar

Talsmaður neytenda vill að sérstakar merkingar séu á mynddiskum fyrir börn sem innihalda auglýsingar. Framleiðendur barnaefnis segja algengt að auglýsingar séu inn í sjálfu efninu, án þess sé ekki hægt að framleiða slíkt efni.

Vilja draga ákæru gegn Geir til baka

Þingsályktunartillaga um að skorað verði á saksóknara alþingis að láta málið gegn Geir H. Haarde, fyrir landsdómi, niður falla, verður lögð fram. Enn ríkir óvissa um hversu margir mæli fyrir tillögunni en þingmenn hafa rætt málið sín á milli í dag.

Golden Globe tilnefningar kynntar

Tilnefningar til Golden Globe verðlaunanna í Bandaríkjunum voru tilkynntar í dag. Kvikmyndin The Artist var í miklu uppáhaldi hjá dómnefndinni. Að vanda fékk George Clooney nokkrar tilnefningar.

Neftóbakið hækkar um þrjátíu prósent

Samþykkt var á Alþingi í dag að hækka tóbaksgjald á neftóbak um 75 prósent. Hækkunin gerir það að verkum að útsöluverð neftóbaks mun hækka um 30 prósent. Álfheiður Ingadóttir þingmaður VG og fyrrverandi heilbrigðisráðherra sagði við atkvæðagreiðsluna að hækkunin væri skref í rétta átt.

Borgin bjargar skóginum í Öskjuhlíð

Kröfu Isavia, sem rekur meðal annars Reykjavíkurflugvöll, um að fella stóran hluta elsta skógarins í Öskjuhlíð var hafnað í umhverfis- og samgönguráði í dag. „Það náðist samstaða um það að verða ekki við ósk þeirra um að fella þessi tré - meðal annars eftir að við lásum umsögn Skógræktarfélags Reykjavíkur," segir Gísli Marteinn Baldursson, annar fulltrúa Sjálfstæðisflokksins í nefndinni, í samtali við Vísi.

Banksy afhjúpar nýtt verk

Nýtt verk eftir götulistamanninn Banksy er nú til sýnis í gallerýi í Liverpool. Verkið er brjóstmynd af óþekktum kardinála. Andlit hans hefur verið afmáð og í staðinn eru auðar skífur í mismunandi litum.

Herbalife kom mér í kvikmyndabransann

Fyrir tuttugu árum fluttu Margrét Hrafnsdóttir og Jón Óttar Ragnarsson til Los Angeles og settust á skólabekk í kvikmyndagerð. En það er fyrst núna að þau eru að láta drauminn rætast.

Lagt til að sonur Hannesar Þórs Helgasonar fái ríkisborgararétt

Allsherjar- og menntamálanefnd hefur lagt fram frumvarp á Alþingi þess efnis að 24 einstaklingar skuli hljóta íslenskan ríkisborgararétt. Á meðal þeirra sem lagt er til að fái ríkisborgararétt er Siim Vitsut, rúmlega tveggja ára gamall drengur fæddur í Eistlandi.

Kínverjar sjósetja flugmóðurskip

Bandarískt fjarskiptafyrirtæki hefur náð myndum af fyrsta flugmóðurskipi Kínverja. Skipið nefnist Varyag og hefur smíði þess staðið yfir í áraraðir.

Sakar stjórnarþingmann um ósæmandi hagsmunagæslu

Ráðherra vegamála segir að ekki séu til fjármunir til að ráðast í jarðgöng á næstu árum og gagnrýnir þingmann Samfylkingarinnar fyrir ósæmandi hagsmunagæslu fyrir Norðfjarðargöng. Jónína Rós Guðmundsdóttir, þingmaður Samfylkingarinnar í Norðausturkjördæmi, spurði Ögmund Jónasson innanríkisráðherra á Alþingi fyrir hádegi hversvegna Norðfjarðargöngum hefði verið frestað og hvaða jarðgöng hann teldi eðlilegast að farið yrði í næst.

Segir hleranir sérstaks brjóta í bága við lög

Formaður Lögmannafélags Íslands telur hleranir embættis sérstaks saksóknara brjóta í bága við lög og gagnrýnir dómstóla að heimila slíkar hleranir. Þrátt fyrir bankahrun, kalli almannahagsmunir ekki á hleranir.

Níræður nasisti hefur afplánun

Níræður maður í Hollandi hefur nú hafið afplánun eftir að hann hlaut lífstíðardóm. Dómurinn var kveðinn upp í fyrra en maðurinn var fundinn sekur um að hafa að myrt þrjár manneskjur í Hollandi árið 1944 þegar hann var meðlimur SS-hersveitar nasista.

NASA þróar geim-skutulbyssu

Verkfræðingar hjá Geimferðastofnun Bandaríkjanna hafa þróað skutulbyssu sem verður notuð til að taka sýni úr halastjörnum. Tilraunir hafa verið framkvæmdar á frumgerð byssunnar og hefur verkfræðingum tekist að skjóta endastykkinu tæpa tvo kílómetra.

Tía, Jósebína, Bertram og Trú samþykkt

Mannanafnanefnd hefur samþykkt eiginnöfnin Tía, Jósebína, Bertram og Trú og hafa öll nöfnin verið færð á mannanafnaskrá. Í úrskurðum nefndarinnar sem birtur var í morgun kemur fram að nöfnin taka öll íslenskri beygingu í eignarfalli. Þá hafa millinöfnin Krossdal og Aðaldal einnig verið samþykkt.

Sjá næstu 50 fréttir

Mest lesið