Öll olíufélögin lækkuðu verð á bensíni og díselolíu

Öll olíufélögin lækkuðu verð á bensíni og dísilolíu um tvær krónur á lítrann í gær, vegna lækkunar á heimsmarkaðsverði, að sögn félaganna. Það lækkaði meðal annars vegna fregna af birgðastöðu í Bandaríkjunum.

Hópur háhyrninga vekur mikla athygli í Danmörku

Hópur háhyrninga sem sést hefur undan ströndum Danmerkur hefur vakið mikla athygli meðal Dana og eru fréttir um málið í öllum fjölmiðlum landsins.

Snarpir jarðskjálftar við Geirfuglasker

Þrír snarpir jarðskjálftar urðu á Reykjaneshrygg í grennd við Geirfuglasker, um það bil 20 kílómetra frá landi, upp úr klukkan átta í gærkvöldi.

Verkið margfaldaðist frá útboði

Sævar Eiríksson, eigandi Vélgröfunnar, er ósáttur við ummæli forsvarsmanna Vegagerðarinnar um ástæður tafa við veglagningu í Laugardal, milli Laugarvatns og Geysis. Hann segir verkið hafa margfaldast frá útboði og því ekki nema von að tafir hafi orðið á verkinu.

Banaslys í Landssveit

Banaslys varð síðdegis í gær á heimreið að sumarhúsi í Landssveit í Rangárþingi ytra, þegar barn á sjötta ári varð undir afturhjóli bíls.

Bíða gagna frá Sjálfstæðisflokknum

Lögregla bíður nú gagna frá Sjálfstæðisflokknum áður en saksóknari tekur afstöðu til kæru sem flokkurinn lagði fram vegna meints fjárdráttar sem kom upp hjá Norðurlandaráði í vor, segir Guðmundur Guðjónsson yfirlögregluþjónn hjá embætti ríkislögreglustjóra.

Snýst ekki um geymslu á föngum

„Það er alveg með ólíkindum á hvaða plan þessi umræða er komin,“ segir Páll E. Winkel, forstjóri Fangelsismálastofnunar ríkisins, um þau tíðindi að ríkisstjórnin sé með þann möguleika uppi á borðinu að nýta eldra húsnæði í eigu ríkisins undir nýtt gæsluvarðhalds- og móttökufangelsi.

Vilja auka hlut sveitarfélaga í almenningssamgöngum

Samgönguyfirvöld stefna að því að yfirumsjón með almenningssamgöngum á landi verði komin á hendur sveitarfélaga fyrir lok næsta árs. Þegar hefur verið undirritað sjö ára samkomulag við Samband sunnlenskra sveitarfélaga, sem fær 80 milljónir króna á ári í þeim tilgangi. Formaður Samtaka íslenskra sveitarfélaga segir hagræði geta falist í þessum breytingum en ríkið verði að standa við sitt.

Bíða eftir bænapresti

Söfnuðurinn í Menningarsetri múslima á Íslandi bíður eftir Taha Sidique, bænapresti sínum, eða imam, en hann hefur ekki fengið dvalarleyfi þó að umsóknin hafi verið til afgreiðslu í rúma þrjá mánuði.

Skuldar 44 milljónir á Íslandi

Norski listmálarinn Odd Nerdrum skuldar um 44 milljónir króna í opinber gjöld hér á landi, en hann hefur verið ákærður fyrir stórfelld skattsvik í Noregi.

Leyfa farsíma og fasteignakaup

Frá og með næstu áramótum geta Kúbverjar keypt fasteignir en þó aðeins eitt íbúðarhús hver.

Allir fangelsiskostir enn til athugunar

Engin ákvörðun hefur verið tekin um hvernig staðið verður að því að auka við fangelsisrými. Innanríkisráðuneytið vinnur nú úttekt á kostnaði og hagkvæmni þess að breyta ýmsum húsum ríkisins í fangelsi. Engir kostir hafa verið útilokaðir.

Reyndi að kljúfa atóm í eldhúsinu

Rúmlega þrítugur Svíi, Richard Handl, getur átt yfir höfði sér allt að tveggja ára fangelsi eftir að hann var handtekinn í síðasta mánuði fyrir að reyna að kljúfa atóm í eldhúsinu sínu.

Helgi Magnús skipaður vararíkissaksóknari

Ögmundur Jónasson innanríkisráðherra hefur skipað Helga Magnús Gunnarsson í embætti vararíkissaksóknara.

Múbarak lýsir yfir sakleysi sínu

Hosní Múbarak, fyrrum forseti Egyptalands, kom fyrir rétt í gær þar sem hann lýsti sig saklausan af ákærum um spillingu og fyrir að hafa fyrirskipað dráp á mótmælendum í uppreisninni í landinu í febrúar. Um 850 borgarar létu lífið í árásum öryggissveita til að kæfa niður friðsamleg mótmæli.

Kaldasti júlímánuður í fimm ár, sá fjórtándi hlýjasti frá 1871

Meðalhiti í Reykjavík var 12,2 stig í nýliðnum mánuði og er hann kaldasti júlímánuður í fimm ár, samkvæmt mælingum Veðurstofunnar. Þrátt fyrir það var meðalhitinn á landinu yfir meðallagi júlímánaða á nokkrum síðustu áratugum síðustu aldar eða frá árinu 1961 til 1990.

Tryggja að nemendur Kvikmyndaskólans nái að útskrifast

Menntamálaráðuneytið hefur lagt fram tillögur til Kvikmyndaskóla Íslands um lausn á fjárhagsmálum skólans. Tryggt verður að núverandi nemendur skólans fái að ljúka sínu námi komi til þess að skólinn verði lagður niður.

Víðines ekki álitlegur kostur - Enn óvíst hvar nýtt fangelsi rís

Ögmundur Jónasson, innanríkisráðherra, segir bráðvanta gæsluvarðhalds- og öryggisfangelsi á Íslandi. Hann segir Víðines ekki vera álitlegan kost, enda eigi ekki að reisa bráðabirgðafangelsi.

Segir gjaldeyristekjur 100 verkamanna jafngilda 800 í sauðfjárbúskap

Fimmtíu til hundrað verkamenn í álverum hér á landi skapa jafn miklar gjaldeyristekjur fyrir þjóðarbúið og um átta hundruð starfsmenn í sauðfjárbúskap, segir prófessor í hagfræði. Hann segir íslenska skattgreiðendur niðurgreiða útflutning á kindakjöti.

Á þriðja tug bílaverkstæða segja upp samningum við tryggingafélög

Á þriðja tug bílaverkstæða hafa óskað eftir uppsögn á samningi sínum við tryggingafélögin. Þau segjast ekki geta fullnægt öryggiskröfum bílframleiðanda ef tryggingafélögin auka ekki greiðslur. Öryggið eigi alltaf að vera aðalatriðið.

Staða Íslands í makríldeilu verr tryggð innan ESB

Staða Íslands í makríldeilunni við ESB og Noreg væri mun verri innan ESB heldur en utan, segir sérfræðingur lagastofnunar Háskóla Íslands. Þá segir hann að ef hótanir sjávarútvegsstjóra ESB um innflutningsbann á sjávarafurðum verði að veruleika sé það brot á EES-samningnum.

Ætlað tap Seðlabankans á sölu FÍH nemur heildarútgjöldum til vegamála

Seðlabanki Íslands gæti tapað um tuttugu og tveimur milljörðum króna á hruni hlutabréfa í danska skartgripafyrirtækinu Pandóru í kauphöllinni í Kaupmannahöfn. Það jafngildir heildarútgjöldum ríkissjóðs til vegamála á síðasta ári.

Laun embættismanna hækkuð

Kjararáð hefur ákveðið að hækka laun embættismanna ríkisins um tæp fimm prósent. Hækkunin tók gildi fyrsta júní síðastliðinn og gildir meðal annars um alþingismenn og ráðherra en laun þeirra hafa ekki verið hækkuð síðan ákveðin var almenn launalækkun árið 2009. Ákvörðun kjararáðs hefur verið birt á heimasíðu ráðsins og er sögð vera til samræmis við launaþróun í landinu að undanförnu.

Vegfarendur geta keyrt áhyggjulausir um Oddskarðsgöng

Vegagerðin telur að öryggi vegfarenda í Oddsskarðsgöngum sé ekki sérstaklega ógnað vegna hugsanlegs grjóthruns. Þetta kemur fram í fréttatilkynningu sem Vegagerðin sendi frá sér í dag, en matið byggir á ástandi bergsins og reynslu fyrri ára.

Stærsti kókaínfundur í sögu Bretlands

Breska lögreglan og tollayfirvöld hafa lagt hald á 1,2 tonn af kókaíni sem smygla átti til Southampton í Bretlandi. Verðmæti fíkniefnanna nam 57 milljörðum króna. Magnið er um þriðjungur af því sem talið er að breskir kókaínneytendur noti á hverju ári. Þetta er mesta magn af kókaíni sem hefur nokkrum sinni fundist á Bretlandi.

Bensínstöðvar lækka verð um 2 krónur

Skeljungur hefur lækkað verð á bensíni og diesel á bensínstöðvum Orkunnar og Shell um 2 krónur. Atlantsolía og N1 eru einnig búin að lækka verð hjá sér. Olís hefur ekki lækkað verð.

Ellen ekki á landinu heldur þýskur tvífari

„Ég trúi þessu varla, við erum bara búin að hlæja og hlæja af þessu," segir Caroline Koch, þýskur ferðamaður sem er í fríi hér á landi í nokkra daga hjá íslenskum vinum sínum.

Villtur í tæpan sólarhring

Þýskur ferðamaður er kominn í leitirnar eftir að hann villtist í svartaþoku síðdegis í gær í nágrenni Námaskarðs í Mývatnssveit.

Ögmundur áminnir sex sveitarfélög

Sex sveitarfélög, af 76 starfandi sveitarfélögum á landinu, eiga eftir að skila inn þriggja ára fjárhagsáætlun til innanríkisráðuneytisins. Þau hafa nú öll fengið áminningu frá ráðuneytinu þar sem hótað er dagsektum og stöðvun greiðsla úr jöfnunarsjóði sveitarfélaga ef slíkar áætlanir verði ekki birt.

Sífellt fleiri vinna heima

Sífellt fleiri félagsmenn VR vinna fjarvinnu, samkvæmt niðurstöðum launakönnunar VR 2001. Niðurstöður könnunarinnar benda til þess að 41,8% félagsmanna vinni hluta vinnutíma síns í fjarvinnu. Að meðaltali er um að ræða 10,4 klukkustunda vinnu á viku.

Stúlkan frjáls - búið að losa sprengjuna af hálsinum

Sprengjusérfræðingar í Sydney í Ástralíu hafa losað sprengjuna sem fest var um háls átján ára gamallar stúlku þar í morgun.

Sala á ferðatryggingum stórjókst eftir eldgos í Eyjafjallajökli

Sala á ferðatryggingum í Bandaríkjunum hefur aukist um 10% eftir gosið í Eyjafjallajökli í fyrravor. Þetta er fullyrt á fréttavef ABC fréttastöðvarinnar. Eins og flestir muna lömuðust flugsamgöngur til Evrópu og um Evrópu vegna öskuskýsins frá Eyjafjallajökli og var í mörgum tilfellum óljóst hver sæti uppi með skaðann.

Sláturfélagið segir nóg til af lambakjöti

Sláturfélag Suðurlands hefur sent frá sér tilkynningu þar sem það er áréttað að enginn skortur sé á lambakjöti hjá félaginu og að verslanir geti pantað allar þær vörur sem Sláturfélagið er með á boðstólnum. Tilefni tilkynningarinnar er umræða undanfarna daga og vikur um að lambakjöt skorti á innanlandsmarkaði og að neytendur geti ekki keypt kjöt þar sem það sé ekki á boðstólnum í verslunum. Samkvæmt birgðaskýrslum Sláturfélagsins voru í byrjun ágúst til tæp 600 tonn af lambakjöti í landinu en áætluð sala í ágúst er 500 til 550 tonn.

Katrín Middleton fær þjálfun hjá sérsveitamönnum

Katrín Middleton, hertogaynja af Cambridge, hefur verið í þjálfun hjá sérsveitamönnum að undanförnu. Tilgangur þjálfunarinnar er að verjast mannræningjum. Í þjálfuninni lærir Katrín sjálfsvörn, hvernig eigi að hegða sér í samskiptum við mannræningja ef henni yrði rænt. Hún lærir líka hvernig hún á að aka undir álagi og hvernig hún á að senda dulkóðuð skilaboð, eftir því sem slúðurblaðið Sun greinir frá.

Yfir 40 milljónir í að hreinsa graffiti

Orkuveita Reykjavíkur hefur á síðustu þremur árum eytt á fimmta tug milljóna í að fjarlægja veggjakrot af mannvirkjum fyrirtækisins. Fyrirtækið segir tjón þess þó enn meira vegna skemmdarverkanna.

Segir að svarta hagkerfið blómstri í bílaviðgerðum

Framkvæmdastjóri Bílgreinasambandsins segir að svarta hagkerfið blómstri þegar komi að bílaviðgerðum. Eftir þrjár auglýsingar barst aðeins ein umsókn um stöðu bífvélavirkja hjá Heklu og sá hætti við þótt um hundrað bifvélavirkjar séu skráðir atvinnulausir.

Heiðmerkurmorðinginn ósakhæfur

Sakborningurinn í Heiðmerkurmálinu svokallaða er að öllum líkindum ósakhæfur. Það er niðurstaða geðlækna sem framkvæmt hafa mat á manninum sem varð barnsmóður sinni að bana í Heiðmörk í maí. Málið verður þingfest í næstu viku.

Mubarak svarar til saka

Hosni Mubarak, fyrrverandi forseti Egyptalands, var í morgun fluttur fyrir dómara þar sem ákærur gegn honum um spillingu og samsæri voru þingfestar.

Talaði um nýja stjórnarskrá í jarðarför Sævars

"Ég fullyrði að texti frumvarpsins að nýrri stjórnarskrá sé stórmerkur að inntaki og markmiði," sagði séra Örn Bárður Jónsson, sóknarprestur Neskirkju, í minningarorðum um Sævar Cieselski sem hann jarðsetti í gær. Athöfnin fór fram frá Dómkirkjunni og gerði séra Örn Bárður frumvarp að nýrri stjörnarskrá að umtalsefni og las fjórum sinnum upp úr frumvarpinu. Sjálfur sat séra Örn Bárður í stjórnlagaráði og kom þannig að gerð frumvarpsins, sem var afhent forseta Alþingis í síðustu viku. Séra Örn Bárður sagði að í kaflanum um dómsvald í frumvarpinu sé ætlað að tryggja sjálfstæði dómstóla og koma í veg fyrir að aðrir en hæfustu menn séu skipaðir dómarar. Sem kunnugt er fékk Sævar þyngsta dóminn í Guðmundar- og Geirfinnsmálinu svonefnda. Hann játaði brot sitt eftir ofbeldisfullar yfirheyrslur í Síðumúlafangelsinu en dró játninguna síðar til baka og krafðist endurupptöku málsins. Hæstiréttur hafnaði því. "Ég skora á ykkur sem hér eruð saman komið að kynna ykkur frumvarpstextann og taka honum fagnandi. Ísland þarf nýjar leikreglur fyrir upprisuna sem nú er í vændum og ég skora á allt gott fólk að tala máli nýrrar stjórnarskrá og leggjast á árarnar með okkur sem rituðum textann og sigla honum í vör með taktföstum áratökum," sagði séra Örn Bárður við útför Sævars í gær. Þá las hann upp úr mannréttindakafla frumvarpsins fyrir kirkjugesti, og sagðist sannfærður um að Sævar myndi kunna vel að meta nýja stjórnarskrá. "Hún geymir mörg merkileg ákvæði sem hefðu glatt Sævar," sagði hann við athöfnina. Það var árið 1986 sem Hæstiréttur hafnaði beiðni Sævars um endurupptöku á máli hans. Sævar gafst þó ekki upp og hélt því alltaf fram að sannleikurinn yrði að koma í ljós. Séra Örn Bárður tók þar undir með Sævari í minningarorðunum með vísan í frumvarp að nýrri stjórnarskrá. "Í frumvarpinu eru einnig ákvæði um að stjórnvöld veiti upplýsingar og opni aðgang að skjölum. Þær greinar ættu að verða ykkur til hjálpar sem viljið fá sannleikann fram í máli Sævars og annarra sakborninga," sagði hann. Séra Örn Bárður rifjaði upp orð sem Sævar lét falla á árum áður þegar hann virtist sannfærður um að á Íslandi myndi allt hrynja fyrr en síðar. "Þegar Ísland hrynur, þá ætla ég ekki að verða undir brakinu," eru meðal þekktustu orða Sævars. Í máli séra Arnar Bárðar kom fram að Sævar hefði staðið við þessi orð enda bjó hann í Danmörku hin síðari ár þegar ástand mála á Íslandi var í sögulegri lægð. "Nú er hann kominn aftur heim. Hann varð ekki undir brakinu. Hann er kominn heim á tímum uppbyggingar þegar flest horfir til betri vegar. Hann var kistulagður á föstudaginn var, sama dag og frumvarp að nýrri stjórnarskrá var afhent Alþingi." Minningarorð séra Arnar Bárðar má lesa í heild sinni með því að smella hér. http://ornbardur.annall.is/2011-08-02/saevar-marino-ciesielski-1955-2011/#more-3349

Nýtt Skaftárhlaup gæti náð hámarki í byggð á föstudag

Ef aur heldur áfram að aukast mikið í Skaftá við Sveinstind er búist við að Skaftárhlaup nái hámarki í byggð á föstudag. Nú hafa fyrstu merki hafa komið fram á mælum Veðurstofunnar að hlaup geti verið að hefjast úr Eystri-Skaftárkatli. Órói hefur mælst á jarðskjálftamælum í kringum Vestanverðan Vatnajökul frá því fljótlega eftir miðnætti í nótt.

Ellen myndi gleðja mörg hjörtu ef hún yrði viðstödd gönguna

„Hún er ekki á okkar vegum," segir Eva María Þórarinsdóttir Lange, sem situr í stjórn Hinseigin daga sem hefjast á fimmtudaginn næstkomandi.

Stórstjarnan Ellen Degeneres í Smáralind

Þáttastjórnandinn og grínistinn Ellen Degeneres er í heimsókn á Íslandi, mögulega í tengslum við Gay Pride-hátíðina sem er að hefjast. Ellen er sjálf lesbía og hefur barist ötullega fyrir réttindum samkynhneigðra.

Auðmannsdóttir með sprengju um hálsinn

Lögreglan í Sidney í Ástralíu reynir nú að losa sprengju sem er áföst við háls 18 ára gamallar stúlku í einu af auðmannshverfum borgarinnar.

Húsnæðisskortur ríkir á Tálknafirði

Eftir tuttugu ára samdráttarskeið á Tálknafirði er nú svo komið að mikil eftirspurn er eftir húsnæði í bænum. Höskuldur Steinarsson, framkvæmdastjóri Fjarðarlax sem rekur ört vaxandi laxeldi á staðnum, hefur til að mynda lýst yfir áhyggjum sínum af því að ekki verði til leiguhúsnæði fyrir starfsfólk á staðnum í nánustu framtíð.

Iceland Express á áætlun í 40% tilvika

Icelandair fór í loftið á réttum tíma í 78% tilvika í júlímánuði, en Iceland Express í 38% tilvika. Þetta sýna tölur sem vefsíðan turisti.is hefur tekið saman. Meðalseinkun brottfara hjá Icelandair var 8 mínútur en 34 mínútur hjá Iceland Express. Túristi.is segir að frammistaða Iceland Express hafi batnað mikið síðan í síðustu mælingu þegar innan við fimmta hver flugvél fór í loftið á réttum tíma.