Birgitta vill ekki blanda ESB saman við stjórnlagaþingskosningu

Birgitta Jónsdóttir, þingmaður Hreyfingarinnar, er hætt við að vera meðflutningsmaður tillögu sem lögð hefur verið fram á Alþingi um að kosið verði um að hætta aðildarviðræðum við Evrópusambandið samhliða því sem kosið verði til stjórnlagaþings.

Nafn mannsins sem lést í Lettlandi

Maðurinn sem lést í Lettlandi í fyrradag hét Árni Freyr Guðmundsson. Hann var fæddur árið 1981. Eins og greint var frá í kvöldfréttum Stöðvar 2 í gær varð slysið snemma morguns þegar Íslendingurinn fór inn í spennistöð í gamla bænum í Riga. Lögreglan rannsakar nú hvers vegna dyrnar að spennustöðinni voru opnar.

Breytingar á strætóferðum vegna kvennafrídagsins

Breytingar verða gerðar á akstri Strætó á morgun þegar að kvennafrídagurinn verður haldinn hátíðlegur. Búist er við að talsverður fjöldi fólks sæki hátíðahöldin og götum verður lokað í miðbæ Reykjavíkur vegna þeirra.

Gagnrýndi mannréttindaráð Reykjavíkurborgar harðlega

Karl Sigurbjörnsson, biskup Íslands, gagnrýnir harðlega tillögu mannréttindaráðs Reykjavíkur um að meina fulltrúum þjóðkirkjunnar samskipti við grunnskólabörn á skólatíma. Karl sagði í predikun í Hallgrímskirkju í morgun að kerfisbundið væri unnið að því að fela þá staðreynd að íslensk þjóðmenning væri byggð á kristindómnum.

Forsætisráðherra óskaði fimleikakonum til hamingju

Jóhanna Sigurðardóttir, forsætisráðherra, hefur sent kvennaliði Gerplu í hópfimleikum hamingjuóskir með framúrskarandi og einstæðan árangur á Evrópumótinu í hópfimleikum. Á mótinu, sem fram fór í Malmö í Svíþjóð um helgina, vann kvennalandslið Íslands til gullverðlauna.

Vilja uppboðsmarkað með eignir bankanna

Opinberum uppboðsmarkaði með eignir sem fjármálastofnanir hafa leyst til sín verður komið á fót, ef Alþingi samþykkir þingsályktunartillögu sem lögð var fram í vikunni.

Steingrímur er burðarásinn

Steingrímur J. Sigfússon fjármálaráðherra er burðarás ríkisstjórnarinnar en situr uppi með flokk sem er alltaf að reyna að gera honum erfitt fyrir. Þetta sagði Jón Baldvin Hannibalsson, fyrrverandi formaður Alþýðuflokksins, í Sprengisandi á Bylgunni í morgun.

Breskur hermaður skaut átta ára stelpu

Breskur hermaður skaut átta ára gamla íraska stelpu til bana þegar að hún var að leika sér við vinkonur sínar, segir Phil Shiner mannréttindalögfræðingur.

Kólera á Haítí

Að minnsta kosti fimm tilvik af kóleru hafa verið greind í Port au Prince á Haíti. Þetta veldur þarlendum yfirvöldum miklum áhyggjum enda tilhugsunin um kólerufarald skelfileg. Kólera veldur niðurgangi og upppköstum sem leiða til mikils vökvataps sem aftur getur dregið sjúkling til dauða á skömmum tíma fái hann ekki aðstoð.

Þrír væntanlega ákærðir á Suðurnesjum

Margt var um manninn í miðbæ Keflavíkur í nótt og var töluvert um pústra á milli manna að sögn lögreglunnar á Suðurnesjum. Þrir menn gistu fangageymslur í bænum í nótt. Þeir mega allir búast við ákærum, tveir þeirra fyrir líkamsárásir en sá þriðji fyrir að hlýða ekki fyrirmælum lögreglunnar.

Musso valt við Krossa

Musso bifreið valt á Ólafsfjarðarvegi gegnt bænum Krossar um fimmleytið í gær. Ökumaður bifreiðarinnar slasaðist ekki alvarlega en var fluttur á slysadeild til skoðunar. Vegagerðin segir að á Vestfjörðum, Norðurlandi, Austurlandi og á Suð-Austurlandi sé víða nokkur hálka, hálkublettir og snjóþekja, einnig éljar norðanlands. Það er því betra að fara að öllu með gát.

Báru logandi sófa út úr íbúð

Eldur kviknaði i sófa í íbúðarhúsnæði í Hafnarfirði um tvöleytið í nótt. Þegar slökkviliðsmenn komu á staðinn voru húsráðendur búnir að bera logandi sófann út úr íbúðinni. Eldurinn læsti sig líka í veggklæðningu og var hann slökktur með duftslökkvitæki. Slökkviliðið reykræsti svo íbúðina. Þrír menn voru í íbúðinni þegar að eldurinn kom upp og voru þeir allir skoðaðir til að fyrirbyggja að þeir fengu reykeitrun.

Vilja endurskoða notkun kódeins

Sérfræðingar í Bretlandi vilja endurskoða notkun kódeins í lyfjum og hugsanlega banna það alfarið vegna þess hve hættulegt það er. Þeir segja að mörg verkjalyf og hóstasaft sem notuð eru geti verið hættuleg og ávanabindandi. Í mörgum tilfellum ættu börn alls ekki að nota þau.

Fjölmörg mál þögguð niður

Sigrún Pálína Ingvarsdóttir, sem hlaut í gær jafnréttisviðurkenningu Stígamóta fyrir árið 2010, segir að alger viðhorfsbreyting hafi orðið gagnvart sér á Íslandi. Sigrún Pálína hefur búið í Danmörku undanfarin misseri. Hún segir að á tímabili hafi hún talið að hún gæti aldrei komið

Bifreið stolið frá bílaleigu

Lögreglan á Suðurnesjum lýsir eftir bifreiðinni RF-232, sem er ljósgrá Toyota Yaris árgerð 2007. Bifreiðin hvarf frá byggingu við Valhallarbraut að Ásbrú í Reykjanesbæ á tímabilinu 05.-12. október. Bifreiðin tilheyrir CC bílaleigunni.

Eru Bandaríkin reiðubúin fyrir samkynhneigðan forseta?

Bandaríski borgarfulltrúinn Joel Burns vakti heimsathygli fyrr í mánuðinum þegar hann flutti tilfinningaþrungna ræðu á borgarstjórnarfundi í heimabæ sínum, Fort Worth í Texas. Ræðan fjallaði um þá öldu sjálfsmorða ungra samkynhneigðra pilta og fórnarlamba eineltis sem riðið hefur yfir landið undanfarnar vikur.

Þingeyringar ætla að faðma heilsugæsluna

Kvenfélagið á Þingeyri ætlar að faðma heilsugæslustöðina á Þingeyri á mánudaginn kemur. Ásta Kristinsdóttir, ein af kvenfélagskonunum, segir í samtali við Vísi að kvenfélagskonur hafi miklar áhyggjur af niðurskurði í heilbrigðismálum á Vestfjörðum. Þingeyringar megi til dæmis alls ekki við meiri niðurskurði.

Deilt um umsóknarferlið að ESB

Málefnaþingi Vinstri hreyfingarinnar - Græns framboðs um utanríkismál lauk síðdegis í dag. Þar var tekist á um stefnu flokksins varðandi umsókn Íslands að Evrópusambandinu og hvernig umsóknarferlið hefði þróast.

Fjórhjól valt við Hafravatn

Sjúkraflutningamenn voru kallaðir að Hafravatni á fjórða tímanum í dag. Þar valt fjórhjól. Samkvæmt upplýsingum sem Vísir hefur frá sjúkraflutningamönnum virðist fjórhjólamaðurinn ekki vera alvarlega slasaður.

Grunar aðstandendur Wikileaks um samsæri gegn sér

Birting á leyniskjölum úr Íraksstríðinu er pólitískt samsæri gegn ríkjandi stjórnvöldum í landinu, segir forsætisráðherra landsins, Nouri al-Maliki. Eins og greint hefur verið frá í dag birti Wikileaks í gær hundruð þúsunda leyniskjala úr Íraksstríðinu.

Skólavörðustígurinn iðar af lífi

Skólavörðustígurinn iðar af lífi í dag, fyrsta degi vetrar. Súpudagurinn er haldinn hátíðlegur og hafa langar biðraðir myndast fyrir utan gamla fangelsið á Skólavörðustíg. Þar býður Úlfar Eysteinsson kokkur vegfarendum upp á súpu til að ylja sér með.

Sigrún Pálína fékk Jafnréttisviðurkenningu Stígamóta

Sigrún Pálína Ingvarsdóttir hefur fengið veitta Jafnréttisviðurkenningu Stígamóta fyrir árið 2010. Í rökstuðningi með viðurkenningunni segir að Sigrún Pálína hafi sýnt ótrúlega þrautseigju og hugrekki með því að segja sögu sína, þrátt fyrir ítrekaðar og öflugar þöggunartilraunir.

Vill að ríkið hætti gæluverkefnum

Það mætti draga úr högginu á heilbrigðisþjónustu landsbyggðarinnar með því að skera niður gæluverkefni í stefnulausu fjárlagafrumvarpi, að mati Kristján Þórs Júlíussonar þingmanns Sjálfstæðisflokksins. Hann telur til dæmis einboðið að fresta stofnun Byggingarstofnunar, Fjölmiðlastofu og draga úr íslenskri friðargæslu í þessu árferði.

Finnst staða kvenna hafa versnað

Staða kvenna á Íslandi hefur versnað undanfarin ár, segir Þórhildur Þorleifsdóttir, fyrrverandi þingmaður Kvennalistans. Steinunn Stefánsdóttir, aðstoðarritstjóri Fréttablaðsins, tók Þórhildi tali í tilefni af kvennafrídeginum sem er á mánudag.

Á sjöunda hundrað starfsmanna horfnir á braut

Starfsmenn á Landspítala eru nú 627 færri en voru í janúar 2009 og rúmum hefur fækkað um 90. Landspítalinn þarf að skera niður um 850 milljónir á næsta ári og verða helstu tillögur að niðurskurði kynntar eftir 2-3 vikur, segir Björn Zoëga, forstjóri Landspítalans, í pistli á vef Landspítalans.

Fordæma birtingu upplýsinganna

Stjórn Baracks Obama, forseta Bandaríkjanna, gagnrýnir harðlega birtingu leyniskjala um Íraksstríðið á vefsíðunni Wikileaks í morgun.

Gríðarlegar uppljóstranir um Íraksstríðið

Hundruð þúsunda af leyniskjölum um Íraksstríðið hafa verið birt á vefsíðunni Wikileaks. Breska Sky fréttastöðin segir að aldrei áður hafi eins mikið af hergögnum verið lekið til almennings.

Brutu rúðu á lögreglustöðinni með slökkvitæki

Rúða var brotin í húsnæði lögreglunnar á Grindavik um eittleytið í nótt.

Eldur í íbúðarhúsi á Ísafirði

Betur fór en á horfðist þegar eldur kom upp í risi í íbúðarhúsnæði á Ísafirði um klukkan hálftíu í gærkvöld. Slökkviliðinu tókst að ráða niðurlögum eldsins á skömmum tíma en töluvert tjón hefði getað hlotist af.

Sést henda hnífnum í sjóinn

Myndband sem sýnir Gunnar Rúnar Sigurþórsson henda hnífi í smábátahöfnina í Hafnarfirði er meðal rannsóknargagna vegna manndrápsins í Hafnarfirði í ágúst. Hann mun þá hafa verið að koma beint af heimili Hannesar Þórs Helgasonar eftir að hafa orðið honum að bana. Myndbandið er úr eftirlitsmyndavél við höfnina.

Áverkar á höfði eftir átök á 800 bar

Karlmaður var fluttur með áverka á höfði til skoðunar á slysadeild eftir átök á 800 bar á Selfossi í nótt. Ágreiningur á milli tveggja manna endaði með því að annar sparkaði í höfuð hins og þótti ráðlegast að flytja hann með sjúkrabifreið til Reykjavíkur þar sem hægt væri að skoða hann.

Skotárásir í Malmö vekja óhug meðal innflytjenda

Undanfarið ár hefur óþekktur byssumaður skotið á allt að fimmtán manns í Malmö. Síðast í fyrrakvöld var skotið á tvær konur inn um glugga í heimahúsi.

Grunaðir um framleiðslu á marijúana og amfetamíni

Karlmennirnir fjórir, sem handteknir voru í fyrradag vegna rannsóknar lögreglu á framleiðslu fíkniefna, eru grunaðir um að hafa bæði framleitt amfetamín og marijúana.

Við samningslok liggja kostirnir skýrt fyrir

Samstaða var um að ljúka aðildar­viðræðum við Evrópusambandið (ESB) og að þingmenn kysu um niðurstöðuna, í pallborði og hjá frummælendum á nýafstaðinni morgunráðstefnu samtakanna Sterkara Ísland.

EES-samningurinn var versti kostur Finna

Juhana Aunesluoma, sem stýrir Evrópufræðastofnun Háskólans í Helsinki, reifaði afstöðu Finna til Evrópusambandsins í gegnum árin. Finnar hefðu, ólíkt Svíum, verið hrifnir af yfirþjóðlegum þætti ESB og fljótir til að finna sinn sess í Brussel.

Óttast glæpi en ekki stóra tölvuárás

Íslenskum tölvunotendum stafar mun meiri hætta af skipulagðri glæpastarfsemi á netinu en skipulagðri árás sem hefði það að markmiði að setja íslensk fjarskipti á hliðina, að mati sérfræðinga í tölvuöryggismálum.

Mannréttindi og öryggi skert

Persónuvernd leggst gegn áformum heilbrigðisráðuneytisins um að leggja að mestu af aðkomu stofnunarinnar að leyfisveitingum til aðgangs að sjúkraskrám.

Hefur fætt barn í bíl og flugvél

„Við náðum ekki á spítalann, það er ekki flóknara en það,“ segir Þórunn Hrund Óladóttir, sem fæddi dreng fyrir utan sjúkrahúsið í Neskaupstað snemma á fimmtudagsmorgun.

Byggi stúku eða spili leiki utanbæjar

Bæjarfulltrúar í Snæfellsbæ telja að Knattspyrnusamband Íslands hafi stillt bæjarfélaginu upp við vegg þannig að ekki sé umflúið að bærinn styrki byggingu 350 manna stúku í Ólafsvík um sjö milljónir króna.

Hópur vildi draga aftur ESB-umsókn

Málefnaþing Vinstri Grænna um utanríkismál hófst í gær þar sem mál tengd umsókn Íslands í Evrópusambandið voru meðal þess sem brann á fólki.

Bærinn boðar lokun Borgar

Bæjaryfir­völd í Kópavogi ætla að loka Steypustöðinni Borg á Kársnesi með valdi næsta föstudag.

Hætt að bjóða börnum í sund

Hætt verður að bjóða börnum að fara ókeypis í sund á Akureyri og gjaldskrá í Hlíðarfjalli verður hækkuð á næstunni.

Elsta vetrarbrautin mynduð

„Þetta er fjarlægasta fyrirbæri sem sést hefur í alheiminum hingað til. Ljósið frá þessari vetrarbraut lagði af stað fyrir rúmlega þrettán milljörðum ára, nánar tiltekið aðeins um 600 milljón árum eftir Miklahvell. Það er um átta milljörðum ára áður en jörðin var til," segir Sævar Helgi Bragason, ritstjóri Stjörnufræðivefsins og tengiliður ESO á Íslandi, um nýjustu uppgötvun stjarnvísindanna.

15% aukning á sölu nautakjöts

Sala á nautakjöti jókst um 15,3 prósent í nýliðnum september samanborið við sama mánuð í fyrra, samkvæmt samantekt Bændasamtaka Íslands.

Fagfólk skóla virðist vanmeta eineltið

Börn sem eiga erlenda foreldra eru helmingi líklegri til að upplifa einelti en þau sem eiga íslenska foreldra. Þetta kemur fram í rannsókn Þórodds Bjarnasonar, prófessors í félagsfræði við Háskólann á Akureyri.